أبو ساندرا صورتك ال .... ما راحت امشى وين من ام ساندرا

صورة(عثمان)على يمين مع زميل يمنى فى حصادة فى البادية السورية

المهندس على يسار الصورة مع الزميل عماد حمور
البادية السورية

عفيت منك يا هندسة ، يادوبك إتورطتا وفعلآ حتروح من أم ساندرا وين ؟ وين؟ يوم بكري نزل الصغييييرة ديك ، حسبتها علي ، وقامت رسيدة بت المغيرة غارت وتلفون ما فيهو أي سلام ( إنت يا أبو وش ، فرحان بي وشك ده ، والله إنت جريء ، عايز تروج نفسك وإنت ما عاف بي غباك كشفت نفسك ، يللا خليهم يقبضوك يا شين )
يعني يا هندسة بت المغيرة غارت من الصغيرة تقوم تجيب الكبيرة ! يللا شيل شيلتك ، شيل شيلتك ، بقيت للأنف ، وإحتمال تلبد ليك في حدايق القصر مزودة بأسلحة الدمار الشامل ، غايتو حا تفوتنا شكلة الزراف
وشكرآ على مساهمتك في الحملة الترويجية

يا هندسة ، ما تجيب (طبق الحلو) الفي بوست أبونور عشان تكتمل البهجة ، وترضى عنك أم ساندرا
لعيون ناس هناك قولة سلام تبقالم روح !

لكن بت المغيره خطييييييره....


ههههههه

أنا قلت دا أبو ساندرا وللا أبو حمزة المصري؟؟؟

والله احي المغيرات صبحا كلهن
قلت غارت ؟
لكن انا معاها انت جري
في ناس كدا اتحداهم عديل لو ينزلوا صورتهم

وليد وراق مثلا ياجندر

1- تماضر
خطيرة ، ساكت! (بت المغيرة ) دي ، أخطر منها إلا هي
2-ياسر الشريف
الدقن كانت للتقية أيام الملاحقات بها إتقيتهم وسمحت لي مع تريبات أخر بالحركة المحدودة أيام شغلنا الكيبل الأرضي ، لكنها كانت نغمة أول ما تخارجت في مطار القاهرة أوقفوني وقرروا إرجاعي في إطار حرب كانت مشتعلة تلك الآيام ديل يرجعوا وديك يرجعوا ، المصريين عزلوني انا وقالو هذا صيد سمين ، وأخوك ما قصر قلت ليهم وين أرجع ؟! هذا حكم بالإعدام حا أحملكم مسؤليته ، إما تسمحوا لي بالدخول أو بطلب حق اللجوء السياسي ، ودخلوا معاي في مساومة إنتهت بعد ما طلبت منهم الإتصال بالإستاذ فاروق أبوعيسى ، أخذوا جوازي وسمحوا لي بالدخول على ان أستلم جوازي غدآ من لازوغلي مقر جهاز أمن الدولة ، والدقن جرت لي كثير من المشاكل حتى حلقتها
3-الجندرية
بت المغيرة دي عندها مغيرات كده بتعرفها براها ، آخر (غارة) شنتها علينا الأسبوع الماضي عملت تلفون رفعت ماهيتاب وونسة طويلة ثم ساندرا ، ولمن جات فرصتها قلت لها محا أقدر اتكلم معاك رصيدي خلص ، والغارة جات ، خلص ، خلص عليي انا من قبيل ترغي مع السجمانات ديل ، انت بتحبهن أكتر مني ، يللا أقفل انا ذ1تي ما عايزة إتكلم معاك ، وكرب التلفون قفل
(بت المغيرة ) بتغير علي حتى من بناتها ، ولمن تشوف واحدة منهن راقدة معاي ، تدخل وتمرق ، تدخل وتمرق ، وتطنطن ، ثم يتفتق عقلها المتآمر عن حيلة ، فتنجر ليها أي تكليف أو مهمة للبنت ، يا فلانة قومي أعملي لي أبوك شاي ، وطبعآ الحبيبات طالما الشاي لبابا ، هوب المسكينة تقوم ، وتوش تحل بت المغيرة مكانها ، والبنية لما تجي راجهة وتلقاها ، تكورك ، ماما بالغتي ، أنت ما تقولي لي قومي بس بدون ما تعبيني بالشاي ، شفتي كيف ياأبو الجند!
4- أمين السيد
لا ياخونا وليد وراق وسيم وقيافة مش مع الجماعة القصدتهم الجندرية ، وليد لو دخل المنبر وجاب صورتوا حا تظهر بت مغيرة أخرى وإمكن كمان رقية تتضارى