بتحسوا بالاحساس ده??????????!!!!!!!!!!!

بتحسوا بالاحساس ده
وقصدى عند القعاد فى الكمبيوتر للقراءة والكتابة فى البورد الاحساس الجارف انو فى حاجة ناقصة وهى انو ماقاعد تقابل الناس البتقرا ليهم او بترد عليهم
وماشايف تعابير وجههم وخلجاته ما سامع الصوت
الهو مؤثر جدا فى مسالة الارسال والتلقى انوماشايف الناس دى حواليك يعطون رائحة للمكان وينسجون الزمن بنول خاص مالاقيهم عشان تنبض معاهم باحساس اللحظة
وبرضو الناس المختلف معاها والخصومة زائدة تكون عايزهم عشان تقول ليهم انا عملت ليكم شنو
فى ناس منزلة صورها فى البروفايل وبي كده بكون شكلهم معروف لكن الغالبية شكلهم كيف اعمارهم قدر كيف
الكمبيوتر اله صماء وفيماعدا البال تالك والكلام فى المسنجر تلقى اله صماء تكتب احرف تعبر هى عنك كلمات قد لاتفى لوحدها لايصال المعنى لهذا التماس المصاحب لاى لحظة حوار حى
ومؤسف وبالذات لينا بورداب امريكا ان علاقاتك الاجتماعية تكون الية تنتقل بالاشارات الفضائية
هو نقول الحمدلله الانترنت بقى يربط بين الناس ولكن ان يكون الوسيلة الوحيدة للتفاكر والاجتماعيات وتبادل الاراء
الشكر طبعا لبكرى لانو استضافنا فى حوش العامر وخلانا ننطط ونسرح فيهو وهو مشي عشان مشغولياتو
ويالماشفناكم انتو عاملين كيف ?????

زمراوي
واكتر من كده
لكن أحيانا الخيال يشتغل لا شعورياً حيث يوضع صورة لكل شخص بل حتى طريقة كلامه اسلوبه حركاته المميزة،،، لو يوم فتحت بوست عن هذا الموضوع حتلاقي اني كونت امبراطورية صورية كاملة اسمها امبراطورية البورد.
صباح الخير صحيح

بت قضيم
جميل ان نسمع منك
صحى القلتيهو وقايل لى حكاية التصور دى الواحد بدون مايحس يشوف الافكار المكتوبة بتشبه منو من الناس البعرفهم مباشرة ويقوم يخت صورتو فى حتت الزول الكتب
وجدا نفتح بوست بتصورنا لاشكال الناس الفى بورد
ونشوف امبراطوريتك البوردية

أتريد أن تجيب لي الهوا يا زمراوي؟؟؟
الا تعلم ان خيالي راكب فيل والفيل زاتو راكب البحر؟؟؟
براي حوصة دايرني انعور كمان؟؟!!

هاهاهاهاهاهاهاه
لا لو كده معليش
عشان ماتنسفى الناس نسف

لا شوفتن تبل الشوق ولا ردا يطمن

اريتك تبقي طيب ,,,, وأنا البي

كــــلو هين...!!!

واكتر من كده...

وودالعجمى لمن نزل صورتو لقيتها ما ياها؟؟
وابوساندرا بالغ؟؟؟

وخالد العبيد؟؟ ما متوقعه منه؟؟

وغايتو الله يلزمنا الصبر

تماضر

يا بت الناس . مالك صاعقة ما ياها ما ياها


اشول يعنى ؟؟

ولا عشان انتى دخلتى بيوتنا من زمن الفرهيد وتم الريد ؟

دا كلو منك يا هالة قوتة جبتى لينا الكلام

وخصوصا من زول كلمتو فى البورد ليها وزنها ونحن لينا الله وعيشة السوق

الصورة شلناها عشان خاطرك يا تماضر . يلا بطلى شيل حال الله لا يسيئك

ود العجمى...كركركركركر على

انا ما شفت الا السمح...صورتك قيافه..وبتشبهك والا شى...

لكن بتكلم عن خيالنا الما خصيب..البخلينا نرسم صور تانيه..وتجى الصوره الحقيقيه "ما تجى"

بس وحاتك الصوره ما فيها اى عيب وحاشاك العيب...وعلى بالطلاق..ترجعها...

ما كر كر عليك ياتماضر ولاحاجه
علي بالطلاق كمان ما يرجعه احسن لينا صورة الولد ابوفنله ده
ياكمان المنقه ده


ياسر ..
سلامات
في ناس كتار جدا كنت متوقع عنهم حاجات طلعت ابعد من خيالي شكليا .. بس اتفقنا انو بيحملو معاهم كامل الانسانية جواهم
بورداب الرياض .. اكبر دليل علي كلامي ده

يخرب بيت المسرح

انا باقدر عليك ؟

ابييييت

وطلاقك دا الا تبليهو بى موية وتشربى

عموما فى صورة (جدو)

امشى شوفى البت الاسمها هالة مصيبة دى بتلقيها خاتاها

بس اوعى تقولى ما زى انطباعك هى كمان

تعرف اقول ليك حاجة غريبة يا زمراوي
انا احتمال اكون اكتر واحد شاف بورداب في الواقع
كل بورداب جدة وجزء كبير من بورداب الرياض
وايضا من بقية بورداب السعودية
وبعض بورداب الخليج
ومعظم بورداب الخرطوم
وجزء من بورداب اوربا وامريكا
اقول لك الاتي
هناك من يكونون اصدقائك في العالم الاثيري الي درجة كبيرة وهناك من تعرفهم فقط ولكن بعد الواقع يتغير الحال نوعا ما فتجد نفسك قد تالفت اكثر مع شخصا لم تكن لك به علاقة وثيقة وفترت علاقتك نوعا ما بشخص كان من اعز اصدقائك الاثيرين بعد ان التقيت به واقعا
سوي انه سرعان ما تتلاشي المفاجاة برؤية الشخص وتتعامل معه علي اساس انه الشخص الذي اممك وتحتل صورته الشخصية مكان المتخيلة مغيرة معها انطباعات كثيرة عن الشخص قبل الرؤية في زهنك
سبب اخر وهو الحديث المباشر مع الشخص فمن خلال رؤيتك المتخيلة له من بوستاته او كتاباته او حتي الحديث مع خلال الماسنجر يجعلك تضع له شخصية معينة ولكن بعد اللقيا والحديث المباشر تجد ان افكار الشخص لا تطابق حتي الصورة المرسومة له اي الشخصية المرسومة فكثير من الاشخاص من خلال كتاباتهم تظنهم من الجادين ولكن في اول جلسة معهم تجدهم مرحين جدا واصحاب نكتة وايضا العكس فمثلا هناك من يكتب المضحك فقط واذا جلست معهم تجدهم من النوع السكوت مثلا وهذ ما حدث مثلا مع ابو حراز الذي رسم لنا شخصية تخيلنا اننا نقرا للفاضل سعيد مثلا ولكن بعد لقائه كان ان وجدناه رجلا سكوتا كلامه همسا واقرب كثيرا لانسان جادي في حياته وهكذا ...

ياسر يا ود الحلة سلام وشوق كتييييييير
أها عن التخيل والنيت كويس إنك حصرتها في البورد هنا .
معقولة الناس البتكتب هنا لي حد الخلاف تكون بتكتب بي صورتا الحقيقية ؟ ما قصدي الشكل العام .
يا زول من البورد عرفتك وكنت حقيقة رغم إننا إفتراض ساي , بس دي ما عموم , يعني ممكن ألاقي بكرة زمراوي تاني معاير وببني شخصية ما حقيقة .
كتيرين هنا ما كانوا زي ما إتخيلت ليهم من كتاباتهم , بس في ناس بصمة الكتابة فيهم وصف لي كل التفاصيل البتحتاجا للتعامل في حدود البورد .
موضوع شيق
وكعادتك يا شيق

أبنوسي

ابراهيم الجريفاوى
صدقت لاشوفة تبل الشوق لاردا يطمنى
العزيزة تماضر

ود العجمى صورتو ماياها
وابوساندرا كان حسب توقعاتى ليه حتى الدقن رغم انو ماركسي بكون مقتدى بماركس
الغريبة خالد العبيد جا حسب توقعاتى ليهو شعر كتير
وسبيبي وقلت ليهو الكلام ده فى المسنجر وبفتش ممكن نكون اتلاقينا فى حته
العزيز تمبس انت سعيد لانك قابلت البعض وعرفت
اشكالهم وفى انتظار انو نتلاقى فى الخرطوم ونشوفم
اساسي
محظوظ انت قابلت اغلب البورداب وحقيقة ده الاتوقعتو انو فى ناس بتكتب فى البورد عكس طبيعتا
امير ياجودة
وييييييييييينك انت ماباين اختفيت اختفاءة طويلة
خلىك دايما باين
وانشاء الله تلقانى عند حسن ظنك
وصدقت فى ناس كتابتها بصمة لحدود التعامل فى البورد