مفهوم الشيوعيه عند السودانييين

السلام على من اتبع الهدي
بدايه بعترف انو الدافع لي كلامي ده اخونا سجيمان لانو اثار موضوع
اصلا في بالي من زمن في مقالته شيوعيه بنت كلب
السؤال البفرض نفسو على من زمن ماقصير وهو جد مفهوم الشيوعيه عند السودانيين تحديدا شنو هل هو مفهوم سياسي بحت ولا ديني ودي تبقى كارثه لانو انا بؤمن بي انو الشيوعيين من الناحيه دي بيؤمنو بي انو لا اله والحياة ماده
لانو في السودان انا لمن كنته في الثانوي العالي كانو بيقولو على شيوعيه ده كلو عشان رفضته اكون مع الاتحاد ساعتها استغربته وزعلته وهجته وكلمته الناظره كيييييف يقولوا على ملحدا لانو على حسب فهمي انو الشيوعيين ملحدين بعد شويه الحكايه اطورت بقت مربوطه بالحكومه اي زول يقول بغم في الحكومه معناهو شيوعي ابن كلب زي (ابن عوف ياودقاسم)
وحسه اتضح كمان من كلام سجيمان انو حتى الزول المتفلسف او حتى عامل فيها فاهم بيطلعوا انو شيوعي
فالمعيار حقهم البقيسو بيهو وبيعرفوا بيهو الشيوعي من الماشيوعي شنو ولا هي كده والسلام؟
وهل لفظ شيوعي اصبح مفخره ولا عار؟
وهل ليهو علاقه بالدين ولابالسياسه ولا بالاتنين ولا هو اصلا ماداخل في الدين؟
اسئله كتير دايره من ماقالو في المدرسه اني شيوعيه وزعلته وهجته واشتكيت للناظره.........
لكم كل التحايا
نوف

مفخره

العزيز ود أمي
دى جرجره ســــــــــــــــــاكت
ده مفهوم خاطه أبتدعته الجبهة اللأسلامية منذ الستينات

يعني مفهوم الشيوعيه مفهوم خاطئ ما ليهو اساس من الصحه او حتى الوجود
ودمتم
نوف

نوف
تحياتي وكل عام وانتم بخير
ببساطة بامكان المرء في هذا الايام ان يجد طريقه ببساطة للقراءة عن الفكر الفلسفي سواء كان شيوعي اورأسمالي عبر مواقع عديدة في الانترنت. بالمقدوران تعمل داون لود لكل كتب ماركس وهيغل وغيرها
لماا لا تجد اجابات لهذه التساؤلات بالقراءة عن الشيوعية في مظانها.

لن تجد من يجيبك بصراحة حتى من معتنقي الشيوعية لانه ما عادت عقيدة كما كانت في الماضي ... ولم تكن حل لمشكلات الحاضر...

ابوساره

اخي ابو ساره
بداية اشكرك على الرد
تانيا انا ما بسال عن الشيوعيه عموما كمبدا او عقيده او حتى فكره
انا سؤالي عند السودانيين تحديدا لانهم خالطين الحابل بالنايل لمن غيرو المفهوم الاصلي
ولو قالو بسم الله ح يلقوا انو الشيوعيه في بلدا انتهت وهم لسه معلقين
لك كل التحايا وعام سعيد ان شاء الله
لك التحايا
نوف

مافي زول ناوي يفهمنــــــــــــــــــــى
نوف

Quote: تانيا انا ما بسال عن الشيوعيه عموما كمبدا او عقيده او حتى فكره انا سؤالي عند السودانيين تحديدا لانهم خالطين الحابل بالنايل لمن غيرو المفهوم الاصلي ولو قالو بسم الله ح يلقوا انو الشيوعيه في بلدا انتهت وهم لسه معلقين

إزيك يا نوف..
إنتي دايرة تفهمي شنو ماهو إنتي عارفة الحاصل ؟؟؟
الزول البيسأل بيكون ما خاتي حقائق قطعية يعني بالعربي بيسأل عشان يعرف
إنتي بتسألي ليه ما دام عارفها؟؟

ياهو هو الشي كدي وبس ؟؟؟؟؟؟؟؟؟؟؟؟
كنت حاسباهو اكتر بكتييييييييييييييييييييييير
نوف

Quote: السؤال البفرض نفسو على من زمن ماقصير وهو جد مفهوم الشيوعيه عند السودانيين تحديدا شنو هل هو مفهوم سياسي بحت ولا ديني ودي تبقى كارثه لانو انا بؤمن بي انو الشيوعيين من الناحيه دي بيؤمنو بي انو لا اله والحياة ماده

نوف
تجد الأجابه لسؤالك فيما كتبه الشهيد عبدالخالق محجوب

Quote: الشهيد عبد الخالق محجوب ... كيف اصبحت شيوعيا هل صحيح أن الفكرة الشيوعية فى السودان تدعو لاسقاط الدين الاسلامى ؟ كلا ان هذا مجرد كذب سخيف.ان فكرتى التى اؤمن بها تدعوا الى توحيد صفوف السودانيين المسلمين منهم والمسيحين والوثنيين واللادينيين ضد عدوا واحد هو الاستعمار الاجنبى ، وبهدف واحد هو استقلال السودان وقيام حكم يسعد الشعب ويحقق امانيه.وان القوى التى تقف حائلا دون اسعاد وحرية السودانى المسلم او المسيحى لايمكن ان تكون الاسلام لاننا لم نسمع او نقرا فى التاريخ ان الجيش الذى غزا بلادنا عام 1898 هو القرآن أو السنة ولم نسمع فى يوم من الايام ان المؤسسات الاحتكارية البريطانية التى تفقر شعبنا جاءت على اساس الدين الاسلامى او المسيحى .ان الفكر الشيوعى ليس امامه من عدو حقيقى فى البلاد سوى الاستعمار الاجنبى ومن يلفون لفه. اين هذا الهدف من محاربة الدين الاسلامى؟ ان الفكرة الشيوعية تدعو فى نهايتها للاشتراكية حيث يمحى استغلال الانسان لاخيه الانسان .اين هذاالهدف من محاربة الدين الاسلامى ؟ ان الفكرة الشيوعية تدعو الى اخضاع العلم والمعرفه لحاجيات البشرية من بحوث علمية وطبية وادبية وتشذيب الانسان من الخوف والحاجة بانهاء الظروف الاقتصادية والفكرية التى تنشر الخوف من المستقبل وتدفع الانسان تحت ضغط الحاجة الى درك لايليق بالبشر من سرقة ودعارة واحتيال وكذب .أين هذا الهدف من محاربة الدين الاسلامى؟؟ بقى ان اقول للدوائر التى اصدرت هذا المنشور ان الرجل الشريف يصرع الفكرة السياسية بالفكرة السياسية ويعارض فكرة معينة بالحجة والمنطق.ان محاولة تزييف افكار اعدائكم ـ او من تتوهمون أنهم أعداؤكم ـ بهذه الطريقة الصغيرة لاتليق, فوق أنها عيب فاضح.اما اساليب الدس فهى من شيم الصغار ـ الصغار جدا حتى ولو كبرت اجسامهم وتوهموا فى نفسهم علو المقام... اليسار السودانى فى عشرة سنوات