كانتونا ... والغائبون الحاضرون .. كل عام وأنت بخير

أحبابي بالمنبر
كل عام وأنتم بخير.،
عيد إستقلال مجيد.،،
إفتقدت بشدة في الأونة الأخيرة الأخ الحبيب كباشي الصافي كانتونا.. ذلكم الرجل صاحب الأمثال السودانية الرائعة..
أين أنت يا كانتونا
عد إلى المنبر وسط أحبابك وإخوانك
فإنهم يحبونك مثلما أنت تحبهم...

هناك أيضاً أخوة أعزاء غائبون عن المنبر، حاضرون في الوجدان، إبتعدوا عن المنبر.. لهم جميعاً أقول كل عام وأنتم بخير..

ولكل قراء المنبر من هم ليس بأعضاء
أقول....
كل عام وأنتم بخير...
نسأل الله أن يكون هذا العام... عام سلام ورخاء لأمتنا السودانية المجيدة...
ويا جماعة العفو والعافية في الدنيا والأخرة.

"هوي ترى ألمي حار ولا لعب قعونج"

الأخ اسماعيل وراق
كل عام وانت والاسرة بألف خير
والعفو والعافية
فليكن بداية هذا العام لم شمل جميع الغائبون على مستوى المنبر
والسلام والديمقراطية والتنمية فى ربوع وطننا الحبيب

العزيز الشريف
كل عام وأنتم بخير
نسأل الله بأن يحقق أماني الجميع في أن يجعل عامنا هذا عام خير ونماء
عام سلام وديموقراطية

العزيز ود وراق

يا ود أهل الذكر والكتابه
تلحقني وتفزعني يابه
أنا ما وقع في الما عامل حسابه
أكتبي حجاب لي نفسى الخرابه

+++++

كل عام والسودان أجمعين بخير
شماله وجنوبه ويمينه ويساره

فعلاً اليوم قبل 48 سنة رفعنا راية استقلالنا ولكن سلمنا لمرضى النفوس أحقاباً وأحقابا
تخلصنا من المرض الخارجي فعانينا من المغص واللواية المن بطونا.

أتمنى ومن كل قلبي أن يكون العام 2004 عام خير على كل ذرة تراب بالمليون ميل مربع
كل نملة تدب على أرضنا الطيبة
كل حي وكل نبات وكل حجر
الخير والسلام والوئام
يعم على الجميع وبالمناسبة دي هاكم قصيدة حميد

سوقني معاك يالحمام

سوقني معاك يالحمام
شعر : محمد الحسن حسن سالم (حميد)
ألحان وآداء الفنان : عادل عثمان الطيب
سوقني معاك يالحمام
سوقني محل ما الحبيبة
قريبة تراعي الغرام
غريبة الأشواق حبيبة
يجيبه منام في منام
... ...
سوقني محل ما المحنة
وأيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيراب النرميهو قام
... ...
إرادة القمره النتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام
... ...
درب من دم ماب يودي
حرِب سُبّه ..
حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام
إذا الإنسان ما ليهُ قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
النخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...

بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطه أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام
... ...
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...

فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام
حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام

العزيز إسماعيل

كل عام وجميع أفراد الأسرة الكريمة بخير
وسوداننا الحبيب ينعم بالسلام والخير والتمنية
وزي ما قال إبن عمي صلاح والله إسماعيل دا زول ما ساهل
ود قبائل وشهم وصاحب مروة
ربنا يديك الصحة والعافية ودمت زخراً للوطن

العزيز الشايقي
كيف حالك يا زول يا رائع

يا أخي والله أديتني أكبر من حجمي
تصدق أنا عازي أقع من الكرسي عديل كده
شكراً خالص خالص زي ما بقول الهنود على قصيدة حميد الرايعة دي


أخوي معتصم دفع الله
إزيك يا رائع...
وأنت كذلك أصيل وصاحب أدب جم
تحياتي للأخ صلاح إبن عمك
فهو بحق رجل رائع
وما أدهشني فيه
متابعته الدقيقة لكل ما يكتب بالمنبر
له ولك التحية والتقدير.،