Post: #1
Title: خضر العيون ـ ما رأيك فى هذا النص يا فاضلابى
Author: siddieg derar
Date: 12-29-2003, 01:52 AM
Parent: #0
الأخوين فاضلابى وبشرى سليمان
مع تحياتى قد تأخرت فى الرد عليكم المرة السابقة
لكن يا أخ فاضلابى يا تشكيلى يارائع وجدت القصائدـ الترجمة الجميلة البديعة التى انزلتها فى البورد، فجميل منك ذلك ومزيد من
ويا بشرى لما لا تأتى بما يُغنى . واصل إبداعك . صديق
خضر العيون
ـــــــــــ
شعر : صديق ضرار
خضر العيون
سحرن فؤادى
رشوا فى دربه الهوى
شبكوه بى رعشة نواظر
لا بخلوا . . لا نبضه ارتوى
* *
خضر العيون : سعف النخيل
بعثر ظلاله وانهدل
حضن الربيع ،
لى عطره ساجد . . مبتهل
مهما أقول
ما قلت قول
فى حاجبه . . فى طرفه الكحيل
الحرف فى وصفك مقيد
. . ما بميل
لكن بخيل
مهما عملت المستحيل
الحرف يا قدرى الجميل
أدهشته . . أصبح منبهل
* *
لما العيون
تسرح تخاطب فى العيون
. . وتقول غزل
ترحل تذوب فى بحرتين
هدأن خجل
تفضل تسوح فى نجمتين
ضوّن أمل
وتعود تعانق الرمش ،
فى واحاته تهنا ، وتستريح
تدفن جروح
بالله ما تعيد لى جراح
ودعتهن ، والماضى راح
* *
الزنبق اتفتّح فى خدك
والعبير انداح عطور
والليالى الطيبة عادت فى عينيك
تهدى السرور
مرات عينيك تصفو وتحن
مرات تجور
مرات بنلمح فى ظلامها
بقايا نور
مرات تهدهد بى حنو
تعطف علينا
مرات تضاحك فى عينينا
* *
وعلى الجبين رقصت شمس
نشوانة فى فرحة عرس
شرفات مغيب طلن علىْ
شرفات
جدايل من دهب
وانا فى جدايلك ـ ياملاك ـ شفت العجب
فى وجنتيك أنا قلبى حارْ
شبه النضارْ ،
ليه التعبْ
ليه نستكين
والشوق بينضح فى العيون
يغفو ، ويبين
وكتين نشيل الحب ، نجيك
واشواقنا تتضرع إليك
نسعد لديك
وانت اخضرار واحات عمرنا
أملنا فيك
وما بنرضى إنه جزاء وفانا يكون نوى
ما بنرضى . . يا آخر هوى
* * * 1968 م
|
Post: #2
Title: Re: خضر العيون ـ ما رأيك فى هذا النص يا فاضلابى
Author: Elmosley
Date: 12-29-2003, 04:38 PM
وصفيه رائعه ياصديق
حدثني احد الاخوه بالبورد بانك
انزلت قصيده اخري في بوست مهداه لي فبحثت ولم اجدها
|
Post: #3
Title: Re: خضر العيون ـ ما رأيك فى هذا النص يا فاضلابى
Author: siddieg derar
Date: 12-29-2003, 10:46 PM
أخى الموصلى
لك سلامى ومن معك
هذه القصيدة نفسها . وقد دخلت الأرشيف
لكنها خرجت مرحبة بالرائع النبيل ـ الموصلى
لك أجمل الود
صديق
|
Post: #4
Title: Re: خضر العيون ـ ما رأيك فى هذا النص يا فاضلابى
Author: siddieg derar
Date: 12-30-2003, 11:34 PM
أخى الموصلى هذا هو النص
نورده UP UP
لك الود
|
Post: #5
Title: Re: خضر العيون ـ ما رأيك فى هذا النص يا فاضلابى
Author: siddieg derar
Date: 02-04-2004, 10:33 AM
الحبيب فاضلابى
كل عام وأنت بخير
النص دا منتظرك ليه زمن و~إنت غايب
الآن رفع مخصوص لك تحت عنوان ـ بعد غيبة ـ
|
Post: #6
Title: Re: خضر العيون ـ ما رأيك فى هذا النص يا فاضلابى
Author: mohammed alfadla
Date: 02-27-2004, 00:05 AM
أول حاجة شكرا لسؤالي عن رأيي
تانيا شكرا لثقتك في رأيي
لي قدام يا زول
والشعر ده مرض صعب خلاص الله يقدرنا ونستحمله أنا و أنت والمبتلين بيهو كلم
الجرس جميل ,بحرالكامل ده أنا برتاح ليهو
والقصيدة ملانة ريدة الظاهر عليك حبيب
شكرا ليك تاني
|
Post: #7
Title: Re: خضر العيون ـ ما رأيك فى هذا النص يا فاضلابى
Author: siddieg derar
Date: 02-27-2004, 10:26 PM
فاضلابى سلامات
وينك إنت سألنا عنك سؤال العافية
وأنا فعلا بعد القصائد المترجمة ثم الفصوص الإسكندنافية أنت ولا أذكر من
والتى فيها من الروع والشىء الجديد الفكرى وبدون فلسفة بل بعفوية
سهلة ممتنعة وهذا شىء جديد حقو الواحد يدرس هذه الحالة
شكرا لإطلالتك ودمت أخ وصديق
|
Post: #8
Title: Re: خضر العيون ـ ما رأيك فى هذا النص يا فاضلابى
Author: siddieg derar
Date: 02-29-2004, 09:44 PM
فووووق
|
|