إجــتــماع بــورداب بريــطــانــيــا....وبــالــصور كــمــان

بجمد الله تم إجتماع أعضاء سودانيز اونلاين ببريطانيا اليوم في لندن و كان الحضور متميزآ... و قد شرفنا في إجتماعنا ضيفناالأخ خالد الحاج من هولندا
حضر الإجتماع و العشاء المتميز حسب أسبقية الحضور:
من الأعضاء
أحمد أمين
عبدالرحيم ابايزيد
معاوية الوكيل
امين السيد
عادل اسحق
خالد الحاج(ابا)
حنينة
الخاتم عدلان
فردة

من الضيوفو المتابعين من غير الأعضاء
محمد نقد
سارة يوسف
هند يوسف
اماني يوسف
اوردسي الزبير

أتصل بنا من البورداب

ابوجهينة..من الرياض

هالة قوتة..الولايات المتحدة

مهاجر..جدة

وقد قوبلت المكالمات بالإستحسان و الشكر الجزيل

حنين ..
وين الصور


بطلوا غشش

هوبفل
الصور جاية..صبرك بس معانا
خالد الحاج حينزلها
لكن تصدق..خليناه ماشي حفلة تانية والله اعلم يرجع منها متين
ضيوف آخر زمن

نوقشت في الإجتماع المواضيع الآتية:
مهرجان سودانيز اونلاين
1-تمت الموافقة علي دفع المساهمات بحد ادني 20جنيه استرليني أو ما يساوي 30 دولار و حدد نهاية يناير كحد زمني للدفع وتفضل عبدالرحيم ابايزيد مشكورآ بالموافقة علي الإستلام من الاعضاء و الزائرين

2-تم تكوين لجنة تكون متابعة للترتيبات للمهرجان بعضوية كل من:
احمد امين
عبدالرحيم ابايزيد
أمين السيد
حنينة
مع ترك الباب مفتوحآ لمن أراد المشاركة و الإستفادة من خبرات الأعضاء المتنوعة

3-موافقة بالإجماع علي ان يقوم بإفتتاح المهرجان شخصية قومية ..أدبية أو ثقافية و لها إسهاماتها في الوطن علي الا تكون مصبوغة بأي صبغة سياسية مع الإحتفاظ بحق الجميع في المشاركة بمختلف إتجاهاتهم و توجيه الدعوات لهم

4-يجب ان يعتمد المهرجان جوهريآ علي التغطيةالإعلامية..الصحف،الإذاعةوالتلفزيون كعامل هام في نجاحه و يحبذ أن يكون المهرجان فكرة سنوية و ببداية متواضعة..المهرجان الأول أو التدشيني

5-الإعداد يجب أن يكون جيدآ و قبل وقت كافي و يجب أن نبدأ من الآن وفي نفس الوقت يجب الإعتراف بأن التجربة في بدايتها حتي نكون واقعيين في توقعاتنا و لا نصاب بالإحباط

6-نوقشت إمكانية مساهمات الاعضاء في المجالات المختلفة بالوطن من تعليم و صحة و غيره

نوقشت تجربة علاج أخونا عاصم كمثال لتجاوب الأعضاء و هي من الأشياء التي خلقت إلفة بيننا و الإستجابة المذهلة و الكبيرة فاقت حد التصور كنموذج لأصالتنا رغم المحن و الخطوب
و تكفل الجميع بالمساهمة


كان العشاء فاخرا و استمتعنا بالزغني و الأنجيرا علي نغمات أخوانا الأريتريين ..كانت ليلة لا تنسي

شكرآ لكل من ساهم بحضوره و كل من هاتفنا


و ترقبوا الصور

سلام للجميع..وتحايا عطرة..
وللصور بقية....

غايتو يا خال الواحد الا يبقي " الساحر " عشان يعرف الناس الباقيين....

غايتو عرفتك و عرفت الخاتم ...

ملاسى

ملاسي
جملة مفيدة.....أخـــــــيـــــرآ
تستاهل الضبيحة
التانين ديل لازم تحاول تعرفهم و أهو عندك اللستة
إستعمل خيالك

Quote: كان العشاء فاخرا و استمتعنا بالزغني و الأنجيرا علي نغمات أخوانا الأريتريين ..كانت ليلة لا تنسي

آه يا برجوازيين
حنينة
والجميع
التحية لكم وأنتم تجتمعون بمثل هذه الروعة
إلى الإمام

بس ما قلت لي وين صورتك
وبالله عليك ورينا أسماء الجماعة اللي في الصور
وبدون مسابقات كمان وجوائز


خالد الحاج
أتمنى لك إقامة سعيدة في عاصمة الضباب

اسماعيل وراق

Quote: سلام للجميع..وتحايا عطرة.. وللصور بقية....

لسة بس أرجي البقية...انا فيها
اها مافي إجابات لازم نسوي سواتكم وتتعرفوا علينا براكم من كتاباتنا
بعدين نوريكم

لك كل التحية

حميمية ومجهود رائع أحييكم .. ومع ذلك أقول اجندتكم ناقصة .. ده رأيى طبعا وانا مابعرف أخبى شئ فى الوقت الذى يجب أن يقال فيه الكلام.

مارد
الناقص شنو عشان نتمه

كل التحايا

حنينة تحياتى

الناقص انا قلته من المرة الفاتت !! شوفى شعارك ده

مارد
انا فاهمة
بالمناسبة حنكون هناك بكرة
شفت كيف؟؟

انا عرفت اتنين
نقد ابو قميص جيينز و "اشنا" زول فى الصور و"عمو" معاويه الوكيل

اها يا جماعة نحل المسابقة
اديناكم وقت كفاية
الصورة الاولي من اليمين للشمال
خال الحاج
عبدالرحيم ابايزيد
محمد نقد(ضيف)

الصورة التانيةوالتالتة
الخاتم عدلان
محمد نقد
فردة_حافظ خير
احمد امين

الرابعة
معاوية الوكيل

الخامسة
عبدالرحيم ابايزيد

السادسة
احمد امين

السابعة
امين السيد

اي اسفسارات اخري
الرجاء معاودة الاتصال لاحقآ


والباقي جاي قريبآ
في انتظار خالد

حلوين
عيني بارده
ما شاء الله
اختي حنينه نتمني لكم دوام التواصل

حمزاوي
يا سلام ..امال لو كنت معانا علي الطبيعة كنت قلت شنو؟؟؟

دايمامتواصلين بإذن الله

الزغني سامع بيهو......علا الانجرا دي شنو؟

ما بتعرف الانجيرا يا سجيمان؟؟؟؟!!!

الــكــســرة الحبشية المعتبرة

حنينة ، تحية طيبة..
هنِيَّالكُم ، كل سنة وانتم طيبون جميعاً ..
ارجو ان تمدِّينى برقم هاتف الأخ معاوية الوكيل على الماسنجر ان امكن ذلك.
ولكِ تحيتى وتقديرى

الأخ لؤي
هنيالنا جميعآ..وانت طيب انشاء الله
حاحصل علي هاتف معاوية من احد الأخوان وتوقعه في ميسينجرك قريبآ

كل التحايا

ناس لندن البرجوازززين علي قول اسماعيل وراق التحيه ليكم ولي ضيفنا خالد الحاج وارجو انكم تكونو استمتعتو بقفشات خالد الحاج.وبخصوص ماترتب في اجتماعكم فمعكم وبمالمناسبه ده ارقام الحسابات قبل ما الفلسه تحصل.تاني تحياتي لبورداب لندن والضيوف
احمد

الأخ oudenoord-احمد
تحياتنا ووين ما ظهرت ومافي اخبار منك؟؟
والله البرجزة ما جينا بجنبها ساكت
استمتعنا فعلآ وجميل أن يلتقي الأخوان علي الطبيعة
راجع ميسينجرك للتفاصيل..ويلا قوام قبل الفلسة

ملحوظة
الطفلة الحليووونة دي منو؟؟

لك الود

الحنينه
تسلمي يا الملكه وانشاءالله دائما مجتمعين بالاخوان والاخوات.
الصورة ياعزيزتي لبنت خالي حرمنا المصون بعد كم طاشر سنه حسب تمنيات حماتي العزيزة عليك الله قصرت معاي واللذيذ شرطها اقعد بدون عرس للوقت دااااك.
ودي واحترامي

سلام العزيزه حنينه

ماشاء الله عليكم وعينى باردة
وتحياتى للجميع وعقبال ما نتقابل فى السودان

الاخ سجيمان
لك التحايا0000
الانجيرا هى كسرة الحبش يا اخوى لكن السواها ليهم فى لندن منو؟
حنينة جاوبى على السؤال وورينا الناس الفى الصور الله يرضى عليك.
ولازم نشوف صورتك منورة 0000000

امال
ام وضاح

حافظ محمد خير دة معاكم ولا متضهب

اسمو لا مع الاعضاء و لا مع الضيوف

essam&amal
ام وضاح
تحياتي
بنتقابل إنشاء الله في السودان
الصور لسة حتنزل...ما زال الكثير الكثير في الطريق
بس مستنين خالد الحاج

اما عن اصحاب الصور..فحاولوا معانا للتعرف
لو غلبكم بنديكم خيارات

خدر
صاحبك حافظ ياهو زاته
لا متضهب ولا شي
عرفته؟!

بورداب لندن
سلام عليكم
حلوة لمتكم ، بس نقلتوها من ناس الرياض ، وناس الرياض هم الأصل ، وبعدين يكون السبب في اللمة جية خالد الحاج ، الله يجعل فيهو البركة ويكتر خيرو ،
الخاتم عدلان لندن ما فيها صبغة شعر وللا شنو ، أصبغ يا أخي مش تبقى زي ودقاسم
لكم التحية والود الجميل

ودقاسم
دي مااسمها نقلناها منكم
اسمها استفدنا من خبراتكم


واللمة من زمان فكرة قوية و التقي بعضنا من قبل لما جات تماضر قبل 6 شهور
اها النقل من التاني منو؟

تسلم

Haneena &Boradab Uk
I will be abck in arabic
juast waiting for the pictures

هالة
مستنية الصور؟!
مساكين الظهروا و ما شايفاهم

قال مستنية الصور قال

haneena
الخيانات دى شنو
ومابتكلمونا ليه
خالد ابا بى جلالة قدروا فى البلد وانا ماعارف
طيب هسع الزول يتصل بيكم كيف
انا فى الشمال وللاسف هسع مابقدر اقابلكم
لكن ادونى نمره تلفون نتكلم مع خالد
لكل بورداب لندن التحايا

الحقيقه لى اكثر من اسبوع اقطعته عن البورد



عبدالغفار

عبدالغفار سعيد
انا نزلت بوست بزيارة خالد ودعوت لاجتماعنا
البوست ليه اكتر من 10 ايام..امبارح نزلت بوست بدري جدا عن اجتماعنا وتشريف خالد له
خليك علي اتصال معانا علي الاقل بالميسينجر
ارقام التيفونات بالبوست التاني بجيب ليك الوصلة هنا بعد شوية
تليفون خالد بالمنزل:02073888437

لك الود

زعلانه ومحنبكه... وزعلانه ومحنبكه... وزعلانه ومحنبكه
اولا عشان نحنا ما معكم وتاني عشان قعدت افتى لي هلوله وقلت ليها اللمه كانت امبارح لما قالت حتتصل بيكم
ما كنت اتصلت بيكم انا برضو لكن غلطه غبيه في تقدير المواعيد
معليش خيرها في غيرها
وراجعه بعد اكتمال الصور للمسابقه
طبعا كلامكم كلام انجليز وما بترجعوا فيهو زي ناس.....

راوية
ما تزعلي وتحنبكي...ما تزعلي وتحنبكي...ما تزعلي وتحنبكي

خيرها بغيرها

وكلمتنا واااااحدة...عينك تشوف

اها في انتظارك

انتظرت الصور صراحه بهدف التعرف علي الاخ معاويه الوكيل و ماذا فعلت به السنين. للاسف لم اتعرف عليه. اعملوا معروف دلونا عليه.

الخاتم عدلان
عبد الرحيم ابا يذيذ ابو نضارات(الولد الصغيروني الحليوة) دة القاعد بين ابا و الزول ابو قميص جينز
حافظ محمد خير القاعد جنب الزول ابو قميص جينز
الزول ابو قميص جينز انا بعرفو لكن هنا سمن شديد
ابا شايل وردة
البت السمحة الورا دي اظنها الحبشية ست المطعم

خدر
غير الخاتم عدلان الباقي كله
كــضــبآ كــاضــب
والاخت البهناك دي من المتفرجين
يلا اجتهد اكتر

خلاص يا حنينة
دة اجتماع الحزب الشيوعي الافغاني
صااااااااااااااااااااااااااااح ؟؟؟

صاااااح يا خدر

عمر 54 تحياتي

معاوية الوكيل في الجماعة الفوق ديل مافي..
اسالني انا ...


ملاسى

باسم بورداب القاهرة....
يديكم العافية و ملمومين دايما في ساعات خير..

مانديلا
شكرآ ليك
وانشاء الله نشوفكم بالصور قريب
سلامنا لعاصم

So Guys those are some of the Photos and you have to guess who is who till I find an Arabic Keyboard and for my part it was unbelievable and I am having the time of my life thanks to all these nice Guys on the Photos

Aba

هنا يادوووووب معاوية الوكيل ظهر ....

سلمت لي عليهو يا خال و لا نسيت

ملاسى

Salam Haneena and London SOL
Wishing you in London the best now you are celebrating with Khalid, unfortunately Scotland is a long way from you.
I am going to make a simple suggestion: I believe what is more urgent and important is to help Bakri with the cost of running this board. Instead of using the end of January for the festival, I suggest that the end of January should be used to collect a minimum of $500 (i.e. £350 including transfer costs) as a share from UK members for the running costs and then deal with the festival later. You are in contact with many in UK so you may know the number of those who are prepared to participate in this collection. Let us find out who is willing and then decide on individual share.
If you want to discuss this further then please use my e-mail ([email protected]). Regards

يا ملاسي
ما تشفف الناس غلط

لووول

عمر54
زولك وصل
عاين لا فوق

لووول

Zaki
salam
thanks for your suggestions. we will take it into consideration
why not get in contact with some of us
i will send you in the messenger aba yazid's account no.so you will be able to contribute.
i will also send you the phone numbers of ahmed amin and abayazid
keep in touch and all the best

ده كلو كوم.. انتي وينك يا حنينة..؟
خالد شايفاك غطست في "الزغني" ونسيت التياب والهير كوندشنر والبسكوتات..
حبي لكم جميعا،،
رجاء،،

Quote: ده كلو كوم.. انتي وينك يا حنينة..؟[QUOTE/] رجاء إبحث عن فضولي لووول

---

Post: #46 Title: Re: إجــتــماع بــورداب بريــطــانــيــا....وبــالــصور كــمــان Author: 3mk-Tango Date: 12-28-2003, 06:10 PM Parent: #1 حنينة ... خالد الحاج ..وبقية العقد الفريد هنيئا لكم تجمعكم الجميل .. ومن خلال الصور تظهر هذه الالفة الرائعة والمودة بين الاخوه تحياتي لكم وانتم تشيدون جسر للتواصل تنقو

---

Post: #47 Title: Re: السبت 20 ديسمبر نقاش مفتوح مع الاستاذ الخاتم عدلان في المنبر الحر Author: Abdel Aati Date: 12-28-2003, 06:38 PM Parent: #46 سلام يا بورداب لندن شغلكم تمام ؛ وفاتنا الزغني خالد الحاج انت من النوع البغير هدومو في الحفلة مرتين ؟؟ big looool adil

---

Post: #48 Title: Re: السبت 20 ديسمبر نقاش مفتوح مع الاستاذ الخاتم عدلان في المنبر الحر Author: Rawia Date: 12-28-2003, 06:51 PM Parent: #47 لوووووووووول يا عادل عبد العاطي اها النكمل ليك الشمار خالد بعمل( شوبنق) ليه زي اسبوعين كدا وطبعا ما بلبس الا ماركات والمدام تعبت جدا معاه عشان الاختيارات وكونو ظهر هنا بي كم طقم كدا دا تواضع جم منه( ويا خالد ليك وحشه وقاطع بي راسي قطعه)

---

Post: #70 Title: Re: السبت 20 ديسمبر نقاش مفتوح مع الاستاذ الخاتم عدلان في المنبر الحر Author: haneena Date: 12-29-2003, 06:34 AM Parent: #47 عادل لك تحياتنا ايضآ والزغني والانجيرا تمام

---

Post: #73 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 06:47 AM Parent: #46 عم تنقو ما بتقصر وعقبال عندكم

---

Post: #49 Title: Re: إجــتــماع بــورداب بريــطــانــيــا....وبــالــصور كــمــان Author: الجندرية Date: 12-28-2003, 07:07 PM Parent: #1 حصوة في عين اللي ما يصلي / تصلي على النبي

---

Post: #51 Title: Re: إجــتــماع بــورداب بريــطــانــيــا....وبــالــصور كــمــان Author: KOSTA Date: 12-28-2003, 07:33 PM Parent: #49 حنينة و بقية الاخوة بورداب بريطانيا لكم التحايا اولآ ، و التهانئ ثانيآ بمناسبة اللمة الحلوة و بمناسبة هذا البشر الظاهر على الوجوه النيره و المستنيره و ما تم تناوله من مواضيع ينم عن وعى متقدم .. نتمنى ان يتواصل الجهد لبلوغ المرام. بأسم بورداب الشرقية بالسعودية نرسل لكم عاطر الود و التبريكات بتشكيل الكيان اللاهث نحو المجد . خالد الحاج " ابا " . لا شك ان لندن و ضواحيها قد ازدانت بمقدمكم الميمون و يا بخت بورداب بريطانيا بتواجدك بين ظهرانيهم .... ما تزورنا مرة يا خالد فى شرقية السعودية ، ستسعد و سنسعد معك .... و كما يقال فى نشرات الاخبار اعتقد انك قبلت الدعوة على ان تحدد مواعيد الزيارة لاحقآ طبت و طابوا

---

Post: #53 Title: Re: إجــتــماع بــورداب بريــطــانــيــا....وبــالــصور كــمــان Author: رقية وراق Date: 12-28-2003, 08:21 PM Parent: #51 التحايا والأشواق يا بورداب لندن وأصحابهم ، ولأهلنا الاريترييين أهل محمد مدني والمكان حنين وحميم الآن و لما كان ( مروي ) برضو ، شفتو أنا حاضرة معاكم الاجتماع كيف ؟ البوست خفيف الروح وخلاني في مزاج المزاح والمؤانسة منذ اطلعت عليه ، التقدير الكبير للمواضيع الهامة التي نوقشت ، كل سنة وانتوا طيبين ورايعين .

---

Post: #61 Title: Re: إجــتــماع بــورداب بريــطــانــيــا....وبــالــصور كــمــان Author: أحمد أمين Date: 12-29-2003, 00:51 AM Parent: #53 رقية كيفك هسع إنت عرفتي منو من الناس الكتار ديل؟

---

Post: #77 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 11:09 AM Parent: #61 رقية وراق خطيرة والله--spot on ما قلتي لي الاداك البخرة منو؟؟ يبدو انك مررت بلندن وتعرفين اماكنها جيدآ لك التحايا

---

Post: #78 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 11:12 AM Parent: #51 كوستا لك التحايا ولكل بورداب الشرقية عبرك لمتنا كانت جميلة و النقاش هادئ وهادف عقبال الجميع

---

Post: #76 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 11:06 AM Parent: #49 جندرية الحبيبة عليك بالبخور و الدعوات نشوفك تشاركينا المرة الجاية

---

Post: #52 Title: Re: إجــتــماع بــورداب بريــطــانــيــا....وبــالــصور كــمــان Author: Raja Date: 12-28-2003, 08:01 PM Parent: #1 عادل،، امشي شوف حنينة كتبت شنو فوق.. قالت خالد ماشي حفلة تانية.. يعني القيافة التانية وجبت.. لوووووول انت وراوية حاسدين ولا بغرانييين..؟ انا غايتو بعاين ساااااكت بي عيوني،، رجاء،،

---

Post: #55 Title: Re: إجــتــماع بــورداب بريــطــانــيــا....وبــالــصور كــمــان Author: Adil Osman Date: 12-28-2003, 09:33 PM Parent: #1 تحياتى يا حنينة للجميع وكل عام وانتم بخير ونيابة عن الملكة اليزابيث ارحب بخالد الحاج فى ربوع بريطانيا العظمى ...

---

Post: #58 Title: Re: إجــتــماع بــورداب بريــطــانــيــا....وبــالــصور كــمــان Author: خالد الحاج Date: 12-29-2003, 00:34 AM Parent: #55 العزيز ملاسي.. قلت لي إلا تبقي (الساحر) إنت يا حسين السواطة العليك شنو إسماعيل وراق..صدقني الحكاية بالجد روعة ..كل سنة وإنت طيب يا زول يا منقة علي قول فاضلابي.. مارد العزيز..كانت الأجندة مكتملة يا صديقي العزيز..وسوف أرسل لك التفاصيل لك تحيات الأعزاء..عبد الرحيم أبا يذيد،أحمد أمين, ونقد...وطبعا كعادتك مستعجل وسعيد أنا لإهتمامك الرائع وأخوك صاحي... خدر..عندي ليك صور حلوة لي زول حلو ...ويوم بتكتل ليك زول بي شلاقتك دي عبد الغفار..أشكر لك إتصالك وللأسف أخوك ضارب الحوامة والبهجة ويا ريت ترسل لي تلفونك هالة قوتة ما لقيت لون مريم اللون التركوازي ينفع رجاء.. الكريم قالوا بيظعط الشعر وأنا قلت أكتفي بالبسكويت راوية...تصدقي ما فضيت للهديمات لكن خشيت (بالي ومسرح وسنما) شن قولك ما مثقف عادل عبد العاطي..الصورة الأخيرة في البيت وتصدق الزول الرائع المعاي دي جاي سايق ساعتين عشان يكرمني بي زيارة ..والهدوم يا صديقي ساهلة لكن باكر ناوي أعمل إستشوار تحياتي لكل بورداب لندن الناس الرائعة ... وتحية خاصة لحنينة الإنسانة..

---

Post: #59 Title: Re: إجــتــماع بــورداب بريــطــانــيــا....وبــالــصور كــمــان Author: مارد Date: 12-29-2003, 00:43 AM Parent: #58 الأخ خالد تسلم ياأمير ، وتحياتى لهؤلاء الاخوة .. والله ماكان فى اى استعجال من جانبى !! راجع أجندة الأخت حنينة النشرتها هنا .. لو لقيت أى إشارة إذن فأنا مُلام ملام .. ولكم جميعاً العتبى ووافر المحبة

---

Post: #72 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 06:41 AM Parent: #55 عادل عثمان لك كل التحية مالك ما ظهرت؟؟؟

---

Post: #56 Title: Re: إجــتــماع بــورداب بريــطــانــيــا....وبــالــصور كــمــان Author: نصار Date: 12-29-2003, 00:09 AM Parent: #1 شى مفرح و طبعا لندن دايما فى الخاطر و سبق لى الدعوة لعقد حاجة كدة زى مهرجان السودان فى لندن لكن الناس ابدوا حماسهم و البوست راح فى مجاهل البورد,,,غايتو لو فى حماس للموضوع ممكنطرحه تانى و ان شء الله دايما جمعكم زايد

---

Post: #57 Title: Re: إجــتــماع بــورداب بريــطــانــيــا....وبــالــصور كــمــان Author: مارد Date: 12-29-2003, 00:25 AM Parent: #56 الأخ نصار انا معاك وزيارة لندن واجبة على كل حال لك الود

---

Post: #60 Title: Re: إجــتــماع بــورداب بريــطــانــيــا....وبــالــصور كــمــان Author: أحمد أمين Date: 12-29-2003, 00:49 AM Parent: #57 أزيكم يا شباب شكر يا حنينة وخالد علي هذا التوثيق الخطير بعدين ياخالد التصوير عندك أمس كان قايلنو هظار طلع جد جد ونبقي علي أتصال بكرة

---

Post: #64 Title: Re: إجــتــماع بــورداب بريــطــانــيــا....وبــالــصور كــمــان Author: خالد الحاج Date: 12-29-2003, 01:16 AM Parent: #60 الأعزاء خالد تنقو كوستا خدر جندرية لكم مودتي وتقديري وشكرا لكلامكم الطيب ويا خدر صاحبك حافظ زول حبوب..بالجد حبوب..وحريف في الشطرنج أحمد أمين...باكر نتقابل..أضرب لي الصباح أنا تلفوني نسيتو في عربية عبد الرحيم أبا يذيد

---

Post: #65 Title: Re: إجــتــماع بــورداب بريــطــانــيــا....وبــالــصور كــمــان Author: عبد المنعم سيد احمد Date: 12-29-2003, 01:24 AM Parent: #64 اعضاء سودانيزاونلاين بالمملكة لكم التحايا والود ولضيفكم خالد عاطر التحايا اسعدنا جدا هذا اللقاء هكذا يتبدى جمال السودان وتشكرى حنينة الحنينة..لهذا البوست الذى يؤكد ان السودان جميلا بابناءه دوما لكم المحبة

---

Post: #66 Title: Re: إجــتــماع بــورداب بريــطــانــيــا....وبــالــصور كــمــان Author: abdelrahim abayazid Date: 12-29-2003, 02:06 AM Parent: #65 مرحبا بكم جميعا ولكم كل ياسمين اسامة الخاتم والشكر للاخ بكري ابوبكر الذي جعل هذا ممكنا لان نلتقي بانسانة رائعة كالاخت حنينة لتصبح دينمو محرك لاى عمل وما طلعت به من زيارة خالد ان المهرجان قائم ولو بعد حين ولقاء الامس كان احدي فعاليته وشكرا بكري ومراحب خالد الحاج.

---

Post: #67 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 05:56 AM Parent: #66 يا جماعة خبر عاجل حسب مصادرنا الموثوق بها خالد الحاج طلع بعد الحفلة و مشي لنادي اثيوبي وحسب ناس بيتهم جاء داخل الساعة 6 صباحآ صرح خالد الحاج بانها حفلة ما بتتعوض ومحتفظ بصور رهيبة خاص لشنتير و يازول يازول وما علي رسول إلا البلاغ بجيكم راجعة اكمل الردود

---

Post: #74 Title: Re: إجــتــماع بــورداب بريــطــانــيــا....وبــالــصور كــمــان Author: Outcast Date: 12-29-2003, 07:59 AM Parent: #67 يا خوانـا أين الصـور .. اين الصـور .. وواللـه كان كنا عارفين الحكايه ح تكون فيها اجتمـاعات كنا اكيد تلـفنا... معليش .. نحن اصحاب العيال ديل حركتنا تقيله وفهمنا ذاتو تقل ...

---

Post: #81 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 11:26 AM Parent: #66 عبدالرحيم التحية للجميع علي تفاعلهم والرغبة في المشاركة و اسعدنا جدآ وجود الضيوف وهم من المواظبين علي تصفح سودانيز اونلاين وكلهم يرغبون في المساهمة للمهرجان عبدالرحيم ممكن تضع تفاصيل حسابك هنا؟؟ حتي يستطيع زوار المنبر من الراغبين في المساهمة ولكم الود

---

Post: #80 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 11:20 AM Parent: #65 عبدالمنعم سيد احمد السودان جميل و سيظل جميلآ بابنائه نتمني انه الكل يكثف اللقاءات و نشوفكم في مهرجان الخرطوم التحية عبرك لكل بورداب كندا

---

Post: #79 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 11:16 AM Parent: #60 اهلآ احمد امين نلتقي انشاء الله

---

Post: #75 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 11:04 AM Parent: #56 نصار لك التحايا فكرتك جميلة اطرح الموضوع تاني و انشاء الله نحاول تحقيقه

---

Post: #82 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-29-2003, 05:34 PM Parent: #75 آوت كاست الصور قاعدة من امبارح الا بكري قش الحوش الليلة الصباح وقش الصور في سكته ارجعي الصفحة الاولي خالد نزلهم تاني و حينزل الباقين بعد تصغيرهم الجايات اكتر من الرايحات تلفني لينا في راس السنة بنرسل ليك التليفون في الميسينجر تسلمي و عيالك

---

Post: #87 Title: Re: إجــتــماع بــورداب بريــطــانــيــا....وبــالــصور كــمــان Author: Isam Widaa Date: 12-29-2003, 11:26 PM Parent: #56 الاخت حنينة لك التحية و لبورداب بريطانيا جميل جدا سعي جميع الاعضاء لانجاح المهرجان و ما لفت نظري الفكرة الوقعية جدا بان التجربة في بداياتها وعلينا ان نكون واقعيين حتي لا نصاب بالاحباط نتمني لكم و للجميع التوفبق

---

Post: #107 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 01:09 AM Parent: #87 عصام وداعة لك الشكر و كل سنة و انت طيب ونتمني ان يدوم تواصلنا جميعآ والنجاح للمهرجان

---

Post: #88 Title: Re: إجــتــماع بــورداب بريــطــانــيــا....وبــالــصور كــمــان Author: MUNA OBIED Date: 12-30-2003, 03:41 AM Parent: #56 حنينة الرائعة تحياتنا ليكم يا بورداب لندن ومبروك اللمة اها يا حنينة انا عرفتك انتي وعادل اسحق بالازرق.. الجايزة سريع

---

Post: #108 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 01:12 AM مني عبيد لك السلام هو فعلآ د.عادل اسحق اما انا فما ظاهرة في الصور دي الا بنزل بتاعةراس السنة فترقبيها....و ما تقولي لزول لووووول

---

Post: #93 Title: Re: إجــتــماع بــورداب بريــطــانــيــا....وبــالــصور كــمــان Author: نزار محمد عثمان Date: 12-30-2003, 10:53 AM Parent: #56 الأخت حنينة الأخ خالد الأعزاء بورداب لندن سرنا اجتماعكم، وسعدنا بالتعرف على بعضكم عبر الصور، وأشكركم أن أتحتم لنا فرصة رؤية الأخ محمد نقد(ابن الدناقلةجنوب ـ بحري) حيث ولدنا ونشأنا، رأيته من بعد عشرين سنة أو تزيد، ورغم الصلعة فإن ملامحه واضحة، أرجو أن توصلوا له تحيتي الحارة وللجميع مثلها ويدكم العافية.

---

Post: #95 Title: Re: إجــتــماع بــورداب بريــطــانــيــا....وبــالــصور كــمــان Author: معاويه الوكيل Date: 12-30-2003, 02:59 PM Parent: #93 الاخ نزار لان لست عضوا بعد سوف اتواصل معكم مستعملا عضوية معاويه الوكيل ارجو ان لايكون ذلك مخالفاللوائح شكرا نزار لم ترأني منذ 20 سنه لم اراك منذ 20 سنه هل انت انت!!؟؟ و هل انا انا !!!؟؟؟ سوف ازور السودان قريبا و سوف نلتقي حنين جارف هو ما احسه حيالكم سلامي للاسرة و الاصدقاء محمد نقد

---

Post: #96 Title: Re: إجــتــماع بــورداب بريــطــانــيــا....وبــالــصور كــمــان Author: رقية وراق Date: 12-30-2003, 03:24 PM Parent: #95 كل سنة وانت طيب يا نقد والتحايا لكم جميعا ، وهو بالله فردة هو حافظ خير ، ولمعاوية الوكيل وكلكم أجمل الأمنيات في العام الجديد ، ويا أحمد أمين أنا عرفت الناس كلهم وانت كان حقو تديني البخرة القالتا حنينة بدل عايز تعمل لي ملحق الكلام دا صاح منو يا خالد الحاج ؟ أحسن استنجد بالضيوف ، عامرين .

---

Post: #109 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 01:16 AM Parent: #93 الأخ نزار لك التحية و بركة الشفت ود حلتك بعد كل هذه السنين واكيد شكرآ لبكري اللي اعطانا فرصة اعادة الوصل بعد انقطاعه التقينا امس مرة اخري والاخ نقد كان يحكي عنك بالله انت اخو طارق؟؟ دنبا ضيقة يا جماعة آسفة لردي المتأخر و لك الود

---

Post: #98 Title: Re: إجــتــماع بــورداب بريــطــانــيــا....وبــالــصور كــمــان Author: الصادق خليفة Date: 12-30-2003, 07:22 PM Parent: #56 الاخت حنينة يا بورداب لندن لكم التحية و انتم تجتمعون و تحملون الوطن في حدقات عيونكم اخوكم بوردابي مضهب ، عندكم قبول عضوية بالمراسلة. بقرنا من لمتكم دي وزي ما قلت استفتوا من خبرات ناس الرياض ، لكم التحية،،وكل عام و الجميع بخير ,,,,

---

Post: #117 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:07 AM Parent: #98 الصادق خليفة لك التحية خلاص قبلنا عضويتك بالتضهب لووول

---

Post: #83 Title: Re: إجــتــماع بــورداب بريــطــانــيــا....وبــالــصور كــمــان Author: hala guta Date: 12-29-2003, 05:41 PM Parent: #1 بورداب لندن حنينة الحنينة وخالد الحاج الضيف الحوام كل سنة والجميع بخير بغرااااااااااااااانة منك وكنت اتمنى اكون معاكم سعدت بسماع اصواتكم/ن لكن فاتنى الزغنى خالد الحاج يا زول اى لون منك مقبول بس ما تزوغ بسبب اللون لكن انت شكلك كدة من حفلة لحفلة ما متزكرنى انا ورجاء اختى خالص راجين باقى الصور يا حنينة والجوااااااااااااايز ولا بقيتو زى الجماعة

---

Post: #84 Title: Re: إجــتــماع بــورداب بريــطــانــيــا....وبــالــصور كــمــان Author: Raja Date: 12-29-2003, 05:56 PM Parent: #83 الحبيبة هلولة،، اولا ننتهز هذا البوست "السلك" ونقول ليك واحشاااانا انتي ويمنى.. شكلنا كده مع الحفلات، والزغني، و"الجزم الكلارك" ما حنشوف حتى طرحة.. لأنو القريشات شكلهم كده طااارو.. غايتو يا خالد الرسالة الكموني بتاعي ولون زينب بتاع هالة في ذمتك.. ويا حنينة طبعا نتوقع هدايا وجوايز.. انا عرفت ناس الصور كلهم "حتى فضولي".. لووووول ولسة قاعدة اعاين بس ولكم حبي،،

---

Post: #89 Title: Re: إجــتــماع بــورداب بريــطــانــيــا....وبــالــصور كــمــان Author: hala guta Date: 12-30-2003, 06:12 AM Parent: #84 رجاء ما تشوفى وحش وهاقد عدنا قواعدنا سالمين لم اتمكن من دخول البورد طوال الاسبوع الماضى لظروف السفر ولكن عشان خالد ما يقول نسيت ضربت تلفون لندن مخصوص ما عندك طريقة يا خالد

---

Post: #119 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:16 AM Parent: #84 رجوية حنوريك اصحاب الصور ارجعي للصفحة الاولي

---

Post: #85 Title: Re: إجــتــماع بــورداب بريــطــانــيــا....وبــالــصور كــمــان Author: MaxaB Date: 12-29-2003, 07:22 PM Parent: #1 حنينة الحنينة .. بورداب لندن الكرام .. و ضيفهم الحبوب خالد من أمس فاتح خشمي راجي باقي الصور .. عشان أعلق بمزاج .. لكن شكلو خالد ما فاضي لينا .. من الجميل أن نرى علاقات البورد تثمر كل هذا الروعة والتآلف .. لمتكم جميلة .. و صوركم أجمل .. بس حقيقي أنا حاحتاج لي عراف .. عشان أعرف الشخصيات الفي صور .. طبعا عدا الظاهر منها .. منتظرين نتعرف عليكم أكتر .. و ربنا يجمعنا بيكم قريب في البلد . كل الود و التحايا

---

Post: #120 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:32 AM Parent: #85 MaxaB سلام والله الصور خالد حينزلها وبالذيادة مع صور راس السنة و ارجع الصفحة الاولي للتعرف علي الشخصيات

---

Post: #86 Title: Re: إجــتــماع بــورداب بريــطــانــيــا....وبــالــصور كــمــان Author: ملكة سبأ Date: 12-29-2003, 11:07 PM Parent: #1 سلاااااااااااام زرزور المدين ومرقوا الـ صور دى كلهاقوام برانا زهجانين (هههه) خالد ابا الوصية فى الذمة

---

Post: #90 Title: Re: إجــتــماع بــورداب بريــطــانــيــا....وبــالــصور كــمــان Author: NEWSUDANI Date: 12-30-2003, 06:49 AM Parent: #1 أنشاء اللــــه متجمعين دائما.ياريت باقي البورداب في العالم يعملوا زيكم

---

Post: #121 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:36 AM Parent: #90 NEWSUDANI امين عقبالكم

---

Post: #91 Title: Re: إجــتــماع بــورداب بريــطــانــيــا....وبــالــصور كــمــان Author: Omer54 Date: 12-30-2003, 08:36 AM Parent: #1 الاخت حنينه الشكر الجزيل. صدقيني لم اعرفه حتي الان. لكني اشك في الشخص اللابس قميص رصاصي و ظاهر في لوحده و ينظر في غير اتجاه الكاميرا. هذا الشخص فيه 1% من معاويه الوكيل الذي اعرفه. اعتقد ان العيون هي عيون معاويه الوكيل. الزمن طال اخر مره شفت فيها معاويه الوكيل عام 1980. دمتي و دامت افراحكم

---

Post: #118 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:11 AM Parent: #91 عمر54 ان جيت للحق كلامك صاح فعلا هو معاوية الوكيل الذي يبحلق في الفراغ حننزل له صور اخري واضحة من حفل راس السنة لك الود

---

Post: #92 Title: Re: إجــتــماع بــورداب بريــطــانــيــا....وبــالــصور كــمــان Author: elsharief Date: 12-30-2003, 10:26 AM Parent: #1 الأخت حنينه مبروك لبورداب بريطانيا الأجتماع ومناقشة القضايا المهمه والتحية للعضو النشط خالد الحاج

---

Post: #122 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:38 AM Parent: #92 الشريف والتحايا ليك ايضآ

---

Post: #94 Title: Re: إجــتــماع بــورداب بريــطــانــيــا....وبــالــصور كــمــان Author: Mayada Date: 12-30-2003, 11:08 AM Parent: #1 يا ناس لندن مالكم مغبشين كدي، ياكان في البللا ماعندكن كريمات تتمسحو بيها ولا دة الضباب مغبش كاميراتكم...لكن حتى ولو لمتنا احلى بمراااااااااحل... طبعا انا اصللللللو لا حاسدة ولا بغرانة

---

Post: #97 Title: Re: إجــتــماع بــورداب بريــطــانــيــا....وبــالــصور كــمــان Author: خالد عويس Date: 12-30-2003, 04:12 PM Parent: #94 بورداب لندن ... تهانينا على اللمة الجميلة وربنا (يلمنا) معاكم في القريب . ذكرتونا أيام لندن وروعة لندن

---

Post: #99 Title: Re: إجــتــماع بــورداب بريــطــانــيــا....وبــالــصور كــمــان Author: Hussein Mallasi Date: 12-30-2003, 07:41 PM Parent: #97 يا اخوانا محمد نقد دا اخو الصادق نقد محمد نقد ... اظن كدا تحياتي غايتو لمحمد و الصادق اينما كان .... ملاسى

---

Post: #110 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 02:45 AM Parent: #99 ملاسي وصل

---

Post: #116 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:04 AM Parent: #97 خالد عويس الله يلمك بينا نتوقعك؟؟

---

Post: #123 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 03:46 AM Parent: #94 ميادة الغباش من كاميرة خالد مخصوص عشان نكفي العين..لوول والله في الحقيقة كان ما سميتي ما تقدري تعايني لينا لمتنا ما بتتوصف وانتظري باقي الصور عشان تآمنوا لوووول

---

Post: #124 Title: Re: إجــتــماع بــورداب بريــطــانــيــا....وبــالــصور كــمــان Author: hala guta Date: 01-02-2004, 03:52 AM Parent: #123 حنينة الحنينة وزى ما قالت الجندرية حصوة فى العين الما تصلى / يصلى على النبى الحالة الكاميرا مغبشة والحالة الناس ما شافت الصور الما نزلتوهاوالنحن شفناها لووووووووول الله احفظ وبارك

---

Post: #100 Title: Re: إجــتــماع بــورداب بريــطــانــيــا....وبــالــصور كــمــان Author: abdelgafar.saeed Date: 12-31-2003, 02:07 AM Parent: #1 ياخالد الحاج انته قصتك شنو كل مااتلفن ليك يقولوا لى مرق تعرف هسع انته بتكون بتعرف لندن احسن مننا نحنا ناس الاقاليم البريطانيه استمتع بى وكتك يازول عبدالغفار

---

Post: #101 Title: Re: إجــتــماع بــورداب بريــطــانــيــا....وبــالــصور كــمــان Author: يحي ابن عوف Date: 12-31-2003, 02:25 AM Parent: #100 الاخت حنينة لك التحية و لبورداب بريطانيا والتحية إلى العزيز خالد وعقبال ما نتقابل فى السودان الجديد

---

Post: #102 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-31-2003, 07:14 AM Parent: #101 الأعزاء كلكم معليش اتاخرت عليكم في الردود..مشغولين مع ودالحاج بجيكم بمهلة ارد عليكم كلكم ترقبوا باقي الصور..مضافآ اليها حفلة راس السنة تحياتي

---

Post: #103 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 12-31-2003, 02:22 PM Parent: #102 التحية لكم جميعا اشكر المتداخلين...معليش للتاخير بعض المشغوليات حارد عليكم بمهلة...اعذروني فانا احب الرد بالاسهاب ناتيكم غدا بعد احتفالنا الليلة بعيد الاستقلال و راس السنة كل سنة وانتم ونحن و كل السودان بخير ربنا يحقق الاماني

---

Post: #104 Title: Re: إجــتــماع بــورداب بريــطــانــيــا....وبــالــصور كــمــان Author: ملكة سبأ Date: 01-01-2004, 00:09 AM Parent: #103 خالد وحنينة كل سنة وانتو أجمل

---

Post: #113 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 02:51 AM Parent: #104 ملكة سبأ وانت أجمل وأجمل وأجمل

---

Post: #112 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 02:50 AM Parent: #101 يحي ابنعوف ولك التحية ايضآ..ونشوف تواصلكم انتو برضو

---

Post: #111 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 02:47 AM Parent: #100 عبدالغفار سعيد خالد حفظ لندن ركن ركن والله هو راجع بكرة غايتو الحقه

---

Post: #105 Title: Re: إجــتــماع بــورداب بريــطــانــيــا....وبــالــصور كــمــان Author: Rawia Date: 01-01-2004, 00:24 AM Parent: #1 بورداب لندن هنيالكم ولينا بي حالكم

---

Post: #114 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 02:53 AM Parent: #105 راوية الله يهنيك ياختي

---

Post: #106 Title: Re: إجــتــماع بــورداب بريــطــانــيــا....وبــالــصور كــمــان Author: nada ali Date: 01-01-2004, 01:45 PM Parent: #1 الاعزاء حنينة و خالد ابا و الجميع كل عام وانتم/ن بخير والبرنامج الرائع وزيارة ابا فاتونى. وبا ين كل افراد العصابة كنوا هناك وانشاء الله معاوية الوكيل يكون غنى ليكم. ندي

---

Post: #115 Title: Re: إجــتــماع بــورداب بريــطــانــيــا....وبــالــصور كــمــان Author: haneena Date: 01-02-2004, 02:59 AM Parent: #106 ندوية فقدناك والله فاتتك لمة جميلة الجايات اكتر من الرايحات كل سنة وانت طيبة