اول مهنة فى امريكا سواق بيتزا

وصلت الاراضى الامريكة فى بعثة دراسية ممولة من قبل البنك الدولى لمعهد الاحصاء العالمى... التابع لوزارة التجارة الامريكة.. يوم 28 ديسمبر 1989.. والجليد يغطى كل الساحات نزلت فى فندق
هوى ديز ان فى مريلاند.. قبلت زميلى فى الكورس كومو من الكمرون.. ونسبة للاجازة بمناسبة اعياد راس السنة.. مكثت الى الاسبوع الاول من يناير....... ورحلنا سويا الى شقة ومعنا مبعوث عمانى اسمه حمد... بدأنا الدراسة..اول ويك اند قررت ان اسجل زيارة لمدينة برنسس آن التى بها بعض من زملائى من وزارعة الزراعة قسم الارشاد محمد ونعمات وهدى.. رجعت يوم الاثنين لقيت مذكرة من مدير المعهد يطلب مقابلتى لامر.. هام...... مشيت المكتب.. قال وصل تلكس من السودان بايقاف البعثة وفصلى من الخدمة.. مسكين محتار ما عارف يقول شنو جاب الادارة كلها وهيئة التدريس ما قادرين يفهموا الحاصل شنو.. المهم بلكنتى حاولت اشرح انو فى البلد الاسمو سودان اى حاجة جائزة.... وتم بكل كرم تخييرى بان اواصل على نفقة المعهد.. او ان اقرر.. قام المدير الاتصال بالمنظمات الانسانية من للدعم.. ... وتم تكوين لجنة متخصصة للمساعدتى......

المهم كان فى جيبى 400 دولار... باقى النثريات..... وانا محتار فى امرى.. اتجول فى المول اذا بى التقى باسرة سودانية... بحدسى شميت رحيت اهلى المحس.. وما ارترددت.. قدمت نفسى.. ولقيت اهل.. خمونى معاهم.. فى العربية... انسان فاضل اسمو محمد على..كان يسكن فى نفس الحى... وهنالك حكيت الماساة ..قال ولا يهمك طلع الرخصة.. وبكرة تنزل معاى شغل.....


ب 400 اشتريت عربية تايوتا طبعا سودانى عاشق يابانى.. وبجاى وبجاى طلعت الرخصة... ومشيت مع محمد على.. للشغل.. وجاب الطلب ومليتو... وقال من بكره انزل تدريب مع محمد... واها... يومين وانا راكب مع محمد نوزع فى البيتزه.... واليوم الثالث خلاص ختونى فى الجدول وادونى اللبس بتاع دمينوز بتزا... الكاب والفنلة والبنطلون .. بديت القصة.. كنت ساكن مع حمد العمانى .. ومايك الكمرونى هم الصباح يمشوا المعهد وانا امشى الاستور.....


والقصة جرن.. اوخوكم .. فى صراع يومى .. اتساذ جامعى شايل البتزا فى اسوء حى فى واشنطون زز من بيت لى بيت.. وما مصدق ... من قاعة المحاضرات الى قاعة الخدمة فتحت حساب وكل يوم من الصباح امشى اورد دخلى من اليوم السابق.. بقيت سواق اساسى فى الاستور خاصة فى وردية الصباح.. افتح الاستور.. واترجى التبس.. ومرت الايام.. بقيت سواق مهم ودخلت فى نقاش مع مدير الاستور.. وهو ياقط ثانوى... وكل يوم عوض احساسى بانو احكى ليه عن انى كنت استاذ فى جامعة وعندى من الشهادات... واحاول اشبع غرورى....
يوم اتأخرت.. وصحبى المدير... بعد خدمة الغداء.. قال لى امشى انظف الحمامات وامسح الواجهة الامامية للمحل وانظف موقف العربات.. حسيت انو ده عقاب.... قام قال اعمل بنش اوت.. وتعال .. ادانى محاضرة.. قال
بالعربى يا اخوى شهاداتك وماضيك تاريخ البهمنى انك توصل الطلب فى اقل من نصف ساعة وبس

يعنى كل فلهمتى وشهاداتى.. طلعوا فشوش.. فى حوار صعب مع نفسى كان اول درس فى المجتمع الرأسمالى


وختيت الكاب بالقلبه... والعن البنك الدولى ولن يحكمنا الاستعمار

يا ريت يا شرنوبي

لان تجربتك تجربة ثرة

ومؤكد سيستفيد منها الشباب

ان تكتب

مذكرات شرنوبي

من حلفا الى بفلو

وممكن ان تكون على غرار قصة ديما

قرجه
عندى الفكرة مختمرة واهو كلما لقيت فرقة حاضيف لكن ما تجربة

ومعانه خليها فى سرك

ووانقه

الاخ شرنب
السلام عليكم ورحمة الله وبركاته

ياخى انا كنت فاهم قصتك بطريقة تانية وهى انو انت كنت مبعوث قبل ثورة الانقاذ المجيدة ولما جات الثورة وقفت المنحة منك
لكن يا شرنب الانقاذ هى التى منحتك البعثة وبعد سفرك مباشرة قطعت البعثة ياخى دى حاجة تحير ماعرفت السبب شنو يمكن يكون واحد حاقد عليك او خائف ترجع من البعثة بشهادة اعلى منو وتاخذ منصب اعلى منو او احتمال اسمك فى كشوف الصالح العام يا زول رب ضارة نافعة وربنا يرفع عنك

استاذى شرنوبى لك كل الود والاحترام
الاخ ابوالزفت
لا اعتقد ان المنحه بهذه البساطه يعنى محتاجه لزمن
ولا اعتقد ان ان ثورة الانقاذ المجيده كما تدعى ستفكر فى التعليم
من اول سته اشهر فى السلطه ولو فرضنا جدلا انها هى التى اعطت المنحه للاستاذ شرنوبى فهذا يعنىى انها ومنذاول تولهاالسلطه
فهى لاتدرى الصواب من الخطا فكيف تعطى استاذ جامعى منحنه
وتاتى فى اقل من اسبوع بسحب المنحه ولكنى اثق تماما انا
الثوره ليست لها علاقه بهذه المنحه الا انها لغتها فقط
ولك ودى

لا اجراءات البعثة والتقديم تمت فى ظل الحكومة الديموقراطية ولما سافرت لسه الجماعة كانوا فى اولويات وانا سافرت فى اجازتى السنوية للقاهرة شهر اكتوبر بعد انهاء اجراءات البعثة منذ شهر يونيو وانت بتعرف القصة طويلة........
الجماعة ما ادونى فرصة
يا ابو الزفت البعثة بدأت من شهر يناير 1989

والله يا شرنوبى إنت محظوظ وجدت مسكن ومأكل وشغل كمان من أول وهلة !!! فى ناس نامت فى مقاعد المطار ولما يطردهم البوليس يناموا على مقاعد محطات القطار وأيضا يطردهم البوليس !!! فى ناس عانت معاناة ماعادية لكن فى الأخر هى تجارب ثرة رغم مرراتها تجعل الشخص يشعر بمدى النعمة الكان فيها من قبل
ظلم كبير طبعا تعرضت له ربما تكون وشاية من شخص حاسد أو لا يرغب فى عودتك ولكن فى النهاية ظلم وظالم من قرر بقطع المنحة رغم تلقيها من البنك الدولى !!! لكن لماذا لم تشتغل فى المساء وتدرس بالصباح كبعض الإخوة الذين إعتمدوا على أنفسهم ؟!! ربما رائحة البيتزا أغرتك بإحصاء الدولارات عن إحصاء البعثة !! التب طبعا {البقشيش} كان مغرى حوالى 100 دولار فى اليوم وكأستاذ جامعى بغض النظر عن الوجاهة والأبهة لن ينال هذة الدولارات فى شهر كامل فى جامعات السودان ذلك الحين 1989
وناهيك عن التمتع بمشاهد شاطئ فلوريدا الجميلة وشمسها المشرقة ومياهها الدافئة ومشاهد أخرى تعلمها ونعلمها تجعل المدمن لها يدمن الإغتسال فى المحيط
يأخى أنت فى نعمة يحسدك عليها كل أستاذ جامعى عمشت عينيه من رؤية طلابه الغبش وتعفر وجهه ولياقة قميصه بغبار السودان المتعب

اكسورت7

عايز اصلح معلومة بسيطة ليك
انا بعينى ده ما شفت فلوردا
لى 14 سنة فى امريكا منها سبعة فى واشنطون دى سى وسبعة فى بفلو
واتخيل بفلو اكثر واحدة متعرية لابسة غفطان.. وكانت شفت العيون تقول نحن فى السعودية... والله لا يجيب فى البلد الاسمها بفلو....

ولو بتصدق وانا اعيش فى ولاية نيويورك نييويورك المدينة ما شفتها الا مرة وانا موصل واحد لمطار ـ كندى العالمى
ولمن قدمت الدعوة لناس كان مشروع تحدى لقناعة داخلية بانه الجنس فى راسك ما فى التعرى......




وبعدين انت عشت فى البلاد دى ما فى شغل بدون اذن عمل.. وما فى اذن عمل.. بدون وضع قانونى.. والبيتزا كانت الحاجة الوحيدة المتاحة.. بس يكون عندك عربية.....

بس حبيت اصلح ليك معلوماتك لانى بحس انك طوالى رابط فلوردا معاى

شرنوبى

والله أردت فقط مداعبتك بفلوريدا وضحكت جدا لتعليقك
وما تزعل كدا طوالى وأعرف أن فى قلبك متسع للمزاح
والله من وراء القصد
سلام

يا اخي ديل شالو وزير دولة اثناء مهمة رسمية خارج البلد..ما يشيلوك انته


خال العيال

مستغرب
يا خال العيال
مع انى متعود على الشيل

لانو الوزير تعين سياسى ودى ما وظيفةثابته
لكن انا كنت مبعثوث وزول شغال كاونتربارت مع البنك الدولى وعملى كان اشتشارى فنى بحت يتعلق بعلاقات الانتاج كيف تحسب رسوم الموية والارض.. ومتابعة الموسوم الزراعى.. فى الموسسات.. اتخل اقول ليك كلام.. المعادلة بتاعت حساب الموية والارض هى من حر افكارى... بشهادة د. خضر استاذ المحاسبة فى جامعة الجزيرة.. والسيد عثمان بليل مدير شركة سكر كنانة ذاك الحين.... وبحكم وظيفتى فكنت مقرر لجنة تحديد رسوم الارض والماء لكل الموسسات الزراعية
برضو ما استغرب

طبعا ما مستغرب
دى ما حكومة الجبهه
لكن نحن ما بنتكلم فى الرفد بتكلم فى ذكريات ما بعد الرفت....

العزيز عمو صلاح ..

التجارب السخيفة زي دي بتكون مؤلمة في وكتها ..
لكن فيما بعد بتصبح ذكريات الواحد بيفتخر انو صمد في وجهها ..
انت أخدت قرار انك تهزم القرار .. و هزمتو
عاين للجانب ده .. انت المنتصر علي كل الزيف المغطي العالم من القطب للقطب ...
مبروك
مـــــــــودك

العـــم شرنوبي
ارجو منك تكملة القصـــة

دريمر سودان
حاضر
بس ما تسكونى
لانى عجوز ونفسى بقوم
بموت ليكم
وذى جد ابوحراز فى الحج بتلتلكم
معاى

العافيه درجات بس برضو صحي عليك الله يا عمو صلاح كمل لينا القصه

وانا راجع للشقة
حمد ومايك راجعين من الدراسة

اتفقنا
نقسم العمل
انا للمطبخ
حمد للنظافةالشقة
مايك للغسيل


وكنا مجموعة من بقاع العالم
سعوديين ونجرين

اتذكر حمد الحارث
انسان متواضع
ماس السفارة رسلو ليه عربية وجرايد عربية
امتعض

وبديت حوار معاه عرفت انو رئيس قطاع التخطيط فى مجلس الوزراء العمانى وانه انسان ما عادى


كنا فى شقة بغرفتين

انا ومايك فى غرفة والثرى حمد فى عرفة


بعد اسبوع حمد جاب عربية


وانا فى غمرة العمل اليومى بين البيتزا وعمل المطبخ

بقيت متخصص


اتذكر يوم حمد قال نمشى نجيب خروف من المزرعة

ومشينا وجبنا خروف
قال عازم زملاء من افريقيا


وقعدت كالشيف اعمل من الخروف اشكال

وهو يعملل هوفر والصالة تلمع

وذى بيت العرس منتظرين الضيفان
ويدق جرس الباب

وذى جرس الطابور اتلملنا
نحن ثلاثة عربى
واتنين افارقة



واخوكم طباخ ماهر

اهلا اهلا بكل اللغات
مايك بجيد الفرنساوى
وحمد البلوشى يجبد لغات اخرى
وانا الطباخ


ثلاث بنات
من نجيريا

ونحن ثلاث

وحده سمينة
والتانية قصيرة
والثالثة سوداء

الله الله

ونحن ثلاث حمد العربى قصير وملتحى
وانا ما معروف الجته
ومايك اسود نحيف

وكيف القسمة
كان الخاطر

وانتهت مراسيم الاستقبال

وبدينا الغداء

كان فى السفرة مقعد وصوفه

والكل متكبكب

والقسمة فيها باقى اوضتين وصالة
لو اتلمينا اتنين اتنين

والكل متخيل بعد العضة عضة



النجيريات الفلاته بعد ما شبعن
روحن


ونحن ثلاثة
والحسرة الرابعة


اتخيلوا اليوم التانى حمد بنضف
والريحة الضاربة الاركان

قررنا نجدع كراسى السفرة والجلوس


والهوفر شغال


نجيريا قال
على قول ابو بحراز

الاستكب

صاحبكم استمرا شغل البيتزا

وفرحان كل يوم بورد 100 دولار صافى من التب-البكشيش-
خلاف الاجر الشهرى

ملعون ابوك قراية من اول لو جيتك يا امريكا كنت بقيت زول تانى


المهم شايل طلب لى بناية فى se الجزء الجنوبى الشرقى وعشان انسى الغم خاتى شرائط سودانية فى العربية واسمع وانا فى سباق مع الزمن

وصلت العمارة ودست على زر الشقة
ما فى رد
رجعت العربية وانا شايل الطلب

وداير ادور وارجع وبفكر فى الرحلة الخاسرة.. ولحظة داير الف طفل .. يظهر وهو اقصر من باب العربية يمد مسدس
give me the pizza or i will shot you
اها.. فيها موت الشافه ما عارف شايل مسدس مويه ولا مسدس جد جد.. وانا الحلفاوى الرعديد شلت البيتزا وانا ارجف سلمتو
take it please
ودور اسرع اقطع كل اشارات المرور ولو حمراء وصلت الاستور.. وانا برجف
جدعت الشنطنة.. وخشيت للمدبر
وانا متلعثم.. وحكيت الحصل وعملت sign off وسلام وحتى ما حاسبت وللشقة طويل


فيها موت كمان


حلفاو ى جبان
والخواف ربه عيالوا

اها اسوى شنو اموت جوع ولا اموت مكتول.. وانا راجع اسب والعن..
تانى يوم يرن التلفون والمدير يطلب بحضورى فورا.. لبست اليونى فورم
ومشيت وكانه ما حصل حاجة


اها ومرة شلت الطلب مشيت لللضقة جانى اسود عريان ووب يا
خجلتك الزول فتح الباب
متعشم فى تب
جانى سيادتة ذيما ولدته امه... مديت الطلب ومنتظر حق الطلب قفل الباب

ورجعت ما عارف اقول شنو للمدير مستقرب
اتذكرت قصة الجنوبى الدخل المطعم عريان وطلب واكل جاهو الجرسون قال الحساب .. من فين وانا ما عندى جيب


بقى الاندهاش لحظى وتمر الايام.. واهو نعمل شنو المعايش جباره

...

الاستاذ شرنوبي تحية واحتراما طبعا حكومه الكيزان ما عندها قوانين ياما فعلوا فعائل وعملوا عمايل الشيطان يخجل منها ولا هم طردوا الشيطان وحلوا محله . ولا ما كدي يااكسورسيست 7؟؟؟!

حاجة دومه

خلاص كديتى كل الدوم وقبلتى لى ، والكيزان ديل بقوا ليك زى البعاتى كل مرة طارياهم بالشر
غايتو الله يكون فى عونك والله يجيب الكيزان الصالحين الصادقين ويذهب بالشياطين منهم


كيفما تكونوا يولى عليكم

وبعدين بعدما قدمت للجوء وانا حزين وتجربة جديدة وصراع نفسى استمر لشهرين بين التردد .. كيف تقدم وخليتو سر دفين وكانى اقدم لعمل مشين...



وصل اذن العمل.. وكانت الحرب الخليجية فى عام 1990 بدات وتم طلب كل الاحتياطى من الجنود الامريكان.. واصبح هنالك فراغ.. فى السوق المحلى.. لبعض من الوظائف.. وكانت تقطن فى الطابق السفلى امراة امريكية سمراء فى ملامح السودانية.. كنت كل يوم وهى تخرج للعمل تمام السابعة اتلصص من شباك الشقة واتذكر فلانة وفلانة متن البلد.. وكان مايك الكمرونى هو المسئول من الغسيل... وكان يلتقى بها فى حجرة الغسيل.. وكان يحكى لى عنها.. يوم وانا الفاضى قلت انزل بدال الكمورونى .. واتكلم مع الامريكية.. وفعلا شلت الغسيل ونزلت لللغرفة.. ومتمحرك .. واتمنى ان لا تنهى عملية الغسيل ابداب.... وفجأة ظهرت بروب ابيض حيث ان شقتها ملاصقة لغرفة الغسيل

يا عبد اتشجع دى اول مرة تتكلم مع امريكية وحسب المعلومات والتصور التارخى انو امريكية بلد متحررة وذيما كنا بنشوف فى االفلام ما فى مشكلة انك تخلق علاقة....
اها كيف ابدأ ولغة التخاطب فى تلتله..
فجاة اتذكرت الشمالية وزمن الطفولة ثلاث صبيان فى البتدائى يا دوب فكوا الخط.. وكانت فى الحلة بت جميلة اسمها ذنب تكبرهم سنا ولكن هؤلاء الفتية يوميا فى صرع مع بعض كل ييحلم بها.. وبعد لاى قرروا ان يبعثوا برسالة اليها ويتركوا لها الخيار
نوبيين ما بعرفوا العربى دخلوا الكتاب وعرفوا الواو الضكر.. اها عقدوا اجتماع لصياغة الخطاب.. وبامكانياتهم المحدودة لغويا وفهما قرروا ان يصغوا جواب بهذا الشكل

يا سينب(ذينب)

هل تهبى-تحبى-
كامل
هل تهبى فيصل
هل تهبى ابراهيم

كان هذا هو الخطاب بعد عقد اجتماعات ومشاورات..
بقى منو اليودى الجواب...
يوم الاربعاء سليمان حميدة بجيب البوسطة قرروا ان يظرفوا الجواب ويشوفوا طابعة قدبمة.. ويسلموا الجواب لريا ام ذينب امسية الربعاء.. وتم تنفيذ الخطة وقالوا لريا انو سليمان جاب جواب وما لقلكم.. ريا المسكينة كاى ام متظرة جواب من زوجها والحوالة.. ريا فرحانة ومنتظرة ذينب بفارق الصبر عشان تقرا الجواب
اها جات ذينب وريا منتظره ونادت ابنتها لكى تقرا الخبر... بعفوية فتحت الخطاب وبقت تقرا هل.. وهل.. ولم تستوعب الامر الا قبل السطر الاخير وتعال شوف المشكلة ومجالس التاديب...
اها قلت يا ربى استخدم نفس الاسلوب اكتب لى جواب
اسألها
هل تحب حمد
هل تحب مايك
هل تحب صلاح
وانا افكر انفجرت ضاحكا.. واذا بها تنفجر غاضبة
what' wrong
اخوكم بلع الضحكة وما عرف يقول شنو.. وبقت بداية لكلام.. المهمت توطدت العلاقة بين الشقتتين

وعلمت مابى من ماساة فقررت ان تساعدنى وكانت تعمل سكرتيرة فى وزارة الدفاع.. تقود عربة جديدة... اها نصحتنى ان اقدم لوظيفة security officer
ضابط امن وانا نخلينى اهاجر الوطن شنو غير كلاب الامن؟؟؟؟؟
المهم مشكورة وصلتنى للمكتب وتقدمت بطلب..

عشان ابقى خفير
وتم تعيينى
فى الوردية من 12 بالليل الى 8 صباحا فى عمارة بها 17 طابق.. ولوحدى

.اول يوم لوحدى حارس عمارة من 17 طابق كل ساعة لازم امر طابق طابق وهنالك جهاز معى لكى اوثق مرورى.ز جات الساعة السابعة اخر مرور.. اطول ليلة فى حياتى... مشيت المكتب متظر البديل الساعة 7 و45 دقيقة وانا جالس على الكرسى شالتنى نومة وذى القدر يدخل المدير قمت مخلوع.. قال انت نايم .. نكرت تب.. قلت ليه كنت بصلى وهذه هى الطريقة التى نصلى بها.... .. يا مصيبة اول يوم اتغفش.. المهم

نواصل
.

أتاريها ما حاجة حلوة انو الزول يكون شغال بتاع سيكيوريتي ..
أنا قلت ليهم هنا ..
أول ما أصل أمريكا السنة الجاية للجامعة ..
و بما اني زول ليلي المعيشة ...
بنوم لماما ..
قلت ليهم .. حأشتغل بتاع سيكيوريتي ..
و قلت اني أنتهز وكت الليل في اني أذاكر حق الجامعة .. و أكتب الشعر
لكن دي اول مره أعرف انو المسألة فيها جهاز تأكيد حضور ..
يعني أنا لو مشيت و اشتغلت في عمارة زي عمارتك دي ..
و بي حساب بسيط ..
أنا عمري 17 سنة ...
و العماره فيها 17 طابق ..
يعني كل طابق بي سنة من حياتي ..
كان كده أخير لي أعمل شهادة تسنين أبقي عمري سنتين
عشان أحرس لي فيلا ..
loooooooool
غايتو ربنا يعيني .. هسعدي الطرق كلها مقفلة في وشي .. شكلي ما حأقرا الجامعة ذاتو

كل الحب

مـــودك

الى العزيز
مدوك


شغل الخفر احسن وظيفة للقراية....

مواصلة

مرت الايام وبقى شغل الليل ونوم النهار... عادة واياك تخلى التلفون فاتح ما يومك ازرق... وانا بحاول ان انتقلم.. ويوم الساعة ثلاثة صباحا كنت فى اللوبى
وانا اعاين واعد فى العربات المارة فى الشارع عبر الزجاج المصفح..اذا بامراة بيضاء تاتى وتجلس امام البوابة.. وهى تتحدث مع نفسها وتقوم بحركات.. غريبة وتجى تقيف قدام الباب.. اخوكم نوبى خواف... اها الليلة اعمل شنو... جد خفت ورجفت وجرى للمكتب و911 ب وكتابة تقرير.. لحظة مافى العمارة حصروها المطافئ والاسعاف والبوليس... وانا برجف .. جو اتكلمو معاها.. وبعدين فهمونى انها تعانى من حالة نفسية وهى تريد ان تراجع طبيها الذى يدير عيادة فى العمارة.. اها يعنى مكشكة وما تقولى من بدرى... يالله لقيت موضوع جريت الكرسى.. وجيت جنب الباب .. واسمع فى الحكاوى... اتخلوا الدتور بقى الساعة عشر.. جايه الساعة ثلاثة صباحا.. وعملتها ونسة..
ومرت الايام واستعرت حرب الخليج... استدعوا كل الاحتياطى وبقى فى نقص فى الخفراء المسلحيين الذين يحرسون البنايات الحكومية.. والاسواق.. والشركة قامت بطلب خاص لمنح رخص استخدام الاسلحة لبعض من عامليها لسد النقص.. لانى لا امتلك اقامة دائمة وفق القوانيين لا يسمح لى بامتلاك سلاح.ز لكن الظرف.ز تم اختيارى لحضور كورس لاستخدام السلاح ونيل الرخصة.... التحقت بالمعهد وفيه تلقيت الجانب النظرى.. طبعا مويه.. ومريت بدرجة عالية.. وتم تحديد يوم للجانب العملى والامتحان للنيشان.. اها... انا اشيل مسدس... وانا حياتى ما استخدمت سلاح ولا اجرو ان اذبح دجاجة ولم يحصل فى حياتى ان
ىذيت حيوان.. وعندى موقف اخلاقى.. ودى وحده من الاسباب الخلتنى ما افكر ادرس طب ولا حاجة.. اتذكر وانا فى الثانوى ابن خالى طلبنى بمناسبة ختان ابنه.. وقال تعال عشان اساعد مساعد الحكيم فى مسك الطفل .. ومشيت وسيادتوه طلع ادوات الختان من مقصات.. اها وانا ماسك الولد لم بدأ عملية الختان وشفت الدم دخت خلى الولد فى نص العملية وقبلو على... ابن خالى قال ونحن دايرنك تطلع دتور.. دكتور قال..
اها مشيت يوم السبت فى الموقع.. وتعال شوف الرجفة .. امسك المسدس انشن اضغط الكباس .. الطلقة تطير وانا قبل الطلقة القى نفسى فى الارض.. القى الطلقة اصابة السقف ثلاث مرات فشلت فى مرور الامتحان فى النهاية... جبت واحدة فى الدائرة الخارجية الامدرب شفق على وادانى الشهادة... ومشيت المكتب... عشان استلم السلاح... على حسن حظى انتهت الحرب.. وريحونى من شيل المصيبة دى.. وانا اقول فى نفسى انت عامل فيها ماشى تنضم للقوات فى الشرق عشان تحارب مع التجمع... اتخيلت انو اسمع صوت الطلقة اكون جاارى من جبل ابو قمل الى اسمرة....

العــزيز شرنوبي ...
و الله يا ريت ألقي فرصة مع تزاحم عدم الفرص اللي ملأ العالم ده ..
غايتو أنا لو أدوني مسدس .. ما عندي أي مشكلة ..
طبعا أنا ضد الدم و بكره العنف .. لكن لو قدرنا نخلي المسدسات في يدنا نحن من أبناء الجيل الجديد الانسانين فقط .. صدقني مافي زول حيموت ..
لأنو حنضرب بيها الظلم .. فقط
لكن خليني اسألك سؤال خاص شوية ...
لما فكرت تمشي الشرق فكرت تنضم لي أي قوات ؟
في قوات محددة لو كانت هي اللي انت كنت راغب تنضم ليها .. حأحكي ليك قصة بي شكل خاص براك ..

كل الود ..

مــودك

شرنوبي سلام

بس عشان القصه عاجباني شديد

UP

الأخ شــرنوبى،
فى نقطـة فايتا على..
فأنت تقـول:
"وصلت الاراضى الامريكة فى بعثة دراسية ممولة من قبل البنك الدولى لمعهد الاحصاء العالمى... التابع لوزارة التجارة الامريكة.. يوم 28 ديسمبر 1989.. "

حسب الكلام الفوق دا، الحكومـة الســودانيـة الدخلهـا شنــو؟
القـروش من أوريكا، والمعهـد اللى كنت شغـال فيـه تابع لوزارة التجارة الأمريكيـة.

يعـدين ما أظن مناسب أننا نقـول نكات عن الجنوبيين.. إلا إذا ما عنـدك مشكلـة إنو الناس تنكت وتضحـك على المحس والحلفاويين.. (والنكات حولهـم كتيـرة)
ولك الشكـر.
no hardfeeling

ابو الريش
كل سنة وانت طيب
العلاقة انو البنك الدولى يتعامل مع الحكومات فقط والمعهد مو سسة حكومية
وضحت
منو النكت على الجنوبيات اوعه كلامى عن زميلات الدراسة النيجيريات
اخاف ان تكون من هؤلاء الذين عندهم كلما هو ليس بعربى جنوبى

Quote: اتذكرت قصة الجنوبى الدخل المطعم عريان وطلب واكل جاهو الجرسون قال الحساب .. من فين وانا ما عندى جيب

Quote: منو النكت على الجنوبيات اوعه كلامى عن زميلات الدراسة النيجيريات اخاف ان تكون من هؤلاء الذين عندهم كلما هو ليس بعربى جنوبى

اظن ابو الريش بقصد انك ذكرت نكتة الجنوبى .....

"العلاقة انو البنك الدولى يتعامل مع الحكومات فقط والمعهد مو سسة حكومية
وضحت"

دى وضحت لكن المعهـد مؤسســة حكوميـة أمريكيـة حسب ما ذكرت أنت، وليس مؤسســة حكوميـة سـودانيـة.. ما تفهمنى غلط أنا متأكـد إنك جيت من الحكومـة بس الواحـد داير يفهـم..
بعدين حكايـة النكتـة زى ما برضو شـرحا ليك الأخ أحمـد هنا، لكن لا تهتم ما دام النقاط وضحت.. والعتـرة تصلح المشى.
بعـدين بالمناسبـة، نحن زملاء فى الدومينـوز، وكنا نوزع لكل الزباين، اللابسين هدوم واللابسين بدون.
واحدين يجـوك لابسين هـدوم....... واحدين يجوك نايـرين جســوم
واحدين بدلا ما بعــرفـوا خطــاب.
لكن فى عمـومهـا كانت تجـربـة كويســة

sorry Abureesh, i was confused, long time a go since i post it, so never mind it is my mistake
ابوالريش يمكن حاصل لى زغللة الموضوع ليه سنه تشابه على البقر عفوا

أبو صلاح
لك كل التحية
كيف العراق ياخ ما تحاول تظهر علينا بي جاي
في الامارات

ابلغك تحيات كافة السكود اللي في الامارات
وسلام مربع

اكتشفت أنو في علاقة و ثيقة بين البيتزا و الاستذه الجامعيه
(PHD)

P H D
= pizzah Home Delivery

و لا رايك شنو يا محسي يا عجوز.....
لك الود

UP

العزيز سارى الليل
اشعر ببعض من الذنب لا تلومنى فان لك مكانة تجعلنى اعشم لغفران منك فتوقع سيل من دفئ التواصل ياصديقى الشاب

تسلم يا ابو صلاح

I like ur style of writing. However the story is so usual and I don't think it's unique. Most of educated new comers did these jobs me included because here you pay for ur college tuition and everything and no one just employs you with non american certificates. Look at this website http://lebom.com/ it's for Lebo the famous south african musician and composer, this guy was starving in the streets of Los Angeles (he begged on street corners) for years and he was a famous artist back in his country. I think what happened to you in the US is kind of normal to all foriegners. I'm just speaking about the experience here and not what drove u to stay.

?UP