Post: #1
Title: انحنا بقينا ناس جرسة سآآآآي
Author: ghariba
Date: 12-24-2003, 08:05 PM
Parent: #0
وصلت ام احمد من الخرطوم بعد غيبة دامت اكثر من شهر لحضور مناسبات اجتماعية وافراح كان من المفترض ذهاب احدنا للمشاركة فيها ، وخلال هذاالشهر توصلت الى الكثير من النتائج .
باننا بدون نسواننا ناس جرسة ساي ....
وتوبة تاني
واذكر انني في احد الليالي حردت العشاء وجلست على السرير في وضع نسيت فيه نفسي وعشت في تخيلات ، ولم يقطعها الا صوتي ابنتي الصغيرة ( ايلاف ) وهي تجلس جنبي وتقول لي : بابا خلاص ماما قربت تجي .
وفي تلك اللحظة لم اتمالك نفسي وحضنتهاو خفت من الصغيرة ان ترى دمعة انحدرت على خدي فادرت راسي حت لا تراها .
ولكنها بحدسها الداخلي شعرت بها ، وهذا ما عرفته عندما حكت لامها هذا المشهد وقالت لها ابوي لما انتي سافرتي ابي العشاء وقرب يبكي .
اخي ود قاسم
مش خلاص كبرنا وشيبنا وبقينا ناس معيشة وايام حنان
و مش فاضيين لناس ود قاسم ونقتهم الكتيرة و ناس بن بن و السودان الحديث وتركانهو كله ليهم ولامثال احمد صلاح وايلاف ونحن نقعد ناس مشورة بس .
واذكر اننا وفي نقاش محتد بيني وبين بعض الاخوة من الاردن و مصر ، وتوصل الجميع الى ان الزوج السوداني والزوجة السودانية اخلص الاثنين لبعضهم ولا يفترقا ابدا ( في العموم ) .
و زدت بقولي : وان مجتمع الغربة جعل هذا الالتصاق والتلاحم اكثر وأعمق بحكم عوامل الغربة والبعد عن الاسر المحيطة و الاسر الممتدة .
|
Post: #2
Title: Re: انحنا بقينا ناس جرسة سآآآآي
Author: ASAAD IBRAHIM
Date: 12-24-2003, 08:22 PM
Parent: #1
الاخ غريبة
تحايا
والله يا اخي ما براك، اذكر انه في احد الاجازات سافرت ام العيال وعيالها السودان في اجازة تستغرق شهرين، ما تتخيل الحصل اصبحت لا اطيق البيت بقيت امرق الصباح للشغل ما ارجع الا في الليل وبعد انتهاء دوام عملي بساعات يعني ارجع عشان انوم بس. وما تتخيل فرحتي عند رجوعهم مشيت المطار من الدغش .
اصلا من يتعود علي الحياة الزوجية والاطفال والمناكفات لا يقدر ان يعيش بدونها، بس تعرف لو عرفوا الكلام دة حنصل الي منطقة قام يتعزز الليمون وكدة.
وحمد لله علي سلامة رجوع جماعتك وربنا ما يفرقكم تاني
مع الشكر
|
Post: #3
Title: Re: انحنا بقينا ناس جرسة سآآآآي
Author: bunbun
Date: 12-24-2003, 08:24 PM
Parent: #1
LoOoOoOoOoOoL
أخ صلاح
حمدلله على سلامة الجماعة ،
بس ما تقل العشا.. 
|
Post: #4
Title: Re: انحنا بقينا ناس جرسة سآآآآي
Author: ghariba
Date: 12-25-2003, 11:35 AM
Parent: #1
اخي بن بن
الله يسلمك
والعشاء حيكون ........
اتصل بالهاتف احسن
|
Post: #5
Title: Re: انحنا بقينا ناس جرسة سآآآآي
Author: ali othman
Date: 12-25-2003, 12:46 PM
Parent: #1
لكن ماقلت لي فاتورة التلفونات جاتك كم ...
ياخوي كلنا في الهم جرررررسة
أشرت للأولاد سنة حصلتهم بعد 15 يوم وقعدت شهر ورجعتهم بعدي ب 15 يوم ( علي بالحرام تجوا ولا .... )
|
Post: #6
Title: Re: انحنا بقينا ناس جرسة سآآآآي
Author: Hussein Mallasi
Date: 12-25-2003, 12:53 PM
Parent: #5
يا اخوانا الفوق ....
انتو بصحكم !!!!!
ملاسى
|
Post: #7
Title: Re: انحنا بقينا ناس جرسة سآآآآي
Author: ghariba
Date: 12-25-2003, 01:23 PM
Parent: #1
اخوي ملاسي
بصحنا و ما بندسوا على واحد
في ناس داسنوا عديل
ويقول ما صاح الجرسة ولكن ؟
علىالعموم جرب وحتشوف الحاصل
وطبعا ماتنسى انك وهي والاولاد قاعدين في حفرة واحدة اقصد شقة واحدة وبوزكم قصاد بعض
========== الحفرة كناية عن الحفرة المشهورة هذه الايام ===========
ياخي يا حسين
لو كنت قاعد في سجن المدة دي كلها اكيد حتشتاق للمسجون المعاك لمن يفكوه مش كدة
========== عذرا للمثال ولكن =============================
قال جرسة قال
|
Post: #8
Title: Re: انحنا بقينا ناس جرسة سآآآآي
Author: Hussein Mallasi
Date: 12-26-2003, 03:30 PM
Parent: #7
تعرف يا غريبة خليني بالمناسبة دي اهدي ليك اغنية عبد الرحمن عبدالله يا ضابط السجن
بتاعت فضلك نظرة واااااحدة ...
ملاسى
|
Post: #9
Title: Re: انحنا بقينا ناس جرسة سآآآآي
Author: ابو جهينة
Date: 12-27-2003, 12:19 PM
غريبة
حمد لله على سلامة أم حمد
كلام الجرسة دة ذكرني واحد أخونا هنا
مرتو سافرت ، و إتجرس جرسة صاح ، أها لما جات إتلمو العيال عليها و أخونا دمعاتو كابة مطر ، قام قلدها و بقى يبكي ، ولدو سألو: مالك يابوى في شنو ؟
قال : أنا يتيم و هي يتيمة ، خلونا نبكي الماتو
يا زول تاني أم أحمد دي ( الحجل بالرجل )
بس يا صلاح أوع تكون لخبطت الجرد و إنت بتتجرس في غياب أم العيال ؟
|
|