Post: #1
Title: بص ... وشوف .... وكلمنى
Author: دورنقاس
Date: 12-23-2003, 07:23 AM
هل يا ترى دا سوق الموردة ؟ ولا انا غلطان
|
Post: #2
Title: Re: بص ... وشوف .... وكلمنى
Author: ali othman
Date: 12-23-2003, 08:18 AM
Parent: #1
كل سنة وانت طيب
باقي لي يااخوي دي ابوروف
|
Post: #3
Title: Re: بص ... وشوف .... وكلمنى
Author: دورنقاس
Date: 12-23-2003, 10:42 AM
Parent: #2
اخوى على
وانت اجمل وانضر
بالله عليك الله شوف قبل كم سنة ونحن عندنا كروت بريدية
فى الوقت داك بعض الدول كانت بتعتمد على الحمام الزاجل
بالنسبة للسوق لسة منتظرين ناس ام در يورونا
|
Post: #4
Title: Re: بص ... وشوف .... وكلمنى
Author: مصطفى بابكر حامد
Date: 12-23-2003, 11:03 AM
Parent: #3
تحياتي
بالرغم من قدم الصورة اضوح انها صورة لسوق الشجرة بحي أبوروف بام درمان او سواق المراكب موجود الى الآن :
اما سوق الموردة فهو موجود الى الآن في مكانه ولم يتزحزح لأنه في جانبي البحر كانت هناك كافتيريات منذ القدم بدأ من المجلس الوطني حتى الريفيرا وحى المسرح القومي
اما السوق فهو في ابور وف والله اعلم والاقدم مني اعرف مني
انا امدرمان انا الطابية المقابلة النيل
|
Post: #5
Title: Re: بص ... وشوف .... وكلمنى
Author: دورنقاس
Date: 12-23-2003, 02:22 PM
Parent: #4
اخوى مصطفى بابكر حامد
نحنا ناس زراعة وحات الله اهلنا الكبار كان ما اخاف الكضب عندهم مركب مقرشة هناك .. اهلك نا س الحلفايا كان سوقم امدرمان وتحديدا سوق المراكب فى الموردة و ابوروف.. زى ما حدثونا الكبار ,,, شنو قولك الموردة ولا ابوروف
بس المهم حكاية الكروت البريدية دى.. من قبل سنة 1909 والبريد بين السودان ومصر شغال ... ياربى هسى شغال
تسلم
|
Post: #7
Title: Re: بص ... وشوف .... وكلمنى
Author: Omer54
Date: 12-23-2003, 03:30 PM
Parent: #5
دور نقاس
تحياتي
اظن انه سوق ابوروف . شاهدت هذا النوع من المراكب الكبيره في ابوروف. وهي مراكب تستعمل في السفر الي مناطق بعيده اظن انها الجنوب و النيل الازرق.
علي كل حال ... كل سنه و انت طيب
|
Post: #6
Title: Re: بص ... وشوف .... وكلمنى
Author: ودقاسم
Date: 12-23-2003, 03:03 PM
Parent: #1
دور نقاس
كيف حالك
من وين جبت الحاجة دي ؟
السوق هو سوق أبوروف بجوار المراكب ، وهو لا يمكن ان يكون سوق الشجرة لأن سوق الشجرة يقع داخل الحي وليس على الشاطئ ، وناس أبو روف يطلقون على هذا السوق ( سوق أم سويقو ) نظرا لصغره ، وهو ما يزال موجودا بالرغم من أن ورش الحدادة تحاصره ، والآن لا تجد فيه معروضات أو خضار أو لحوم ، بل هو سوق للحطب والخشب المراكب وصناعتها ، وستات الشاي ، وبعض المطاعم ، وورش الحدادة وبه ورشة للسيارات وحلاق ومكتب اتصالات ، ومجموعة من العمال الذين يعملون في غسيل السيارات ، وهو يمثل آخر محطة لمواصلات أبوروف ام درمان ،
|
Post: #9
Title: Re: بص ... وشوف .... وكلمنى
Author: دورنقاس
Date: 12-24-2003, 01:49 AM
Parent: #6
الاخ ودقاسم
الرشيق .. الانيق
صاحب الكلام الما خمج
طلتك ابهجتنى
فعلا دا ما سوق الشجرة ... بس زى ما انت عارف اسم حى الموردة جا من المكان الكانت بترد فيهو البضاعة بالمراكب .. ودا الخلا نا س نادى الموردة يكون شعار ناديهم الهلب .
|
Post: #8
Title: Re: بص ... وشوف .... وكلمنى
Author: ali othman
Date: 12-23-2003, 04:50 PM
Parent: #1
أها يادور نقاس طلع كلامي صاح وحالتي من ناس بحري ولسه صغير وجاهل وما حضرت الذمن داك او القريب منو .
|
Post: #10
Title: Re: بص ... وشوف .... وكلمنى
Author: دورنقاس
Date: 12-24-2003, 01:54 AM
Parent: #8
اخوى على
انتو ناس بحرى ما شداد
بس طلعت .......................
طل وبل الشوق
|
Post: #11
Title: Re: بص ... وشوف .... وكلمنى
Author: ali othman
Date: 12-24-2003, 08:25 AM
Parent: #1
لكن ماقلت لي نقطك دي قاصد بيها شنو ( من حلة حمد )
ولا صغير وجاهل
|
Post: #12
Title: Re: بص ... وشوف .... وكلمنى
Author: دورنقاس
Date: 12-24-2003, 09:15 AM
Parent: #11
يا الحبيب
اكيد من حلة حمد
قارض الناس قرض
انت حاشاك الجهل
كبير قدر وكبير فهم
تسلم
|
Post: #13
Title: Re: بص ... وشوف .... وكلمنى
Author: ali othman
Date: 12-24-2003, 09:32 AM
Parent: #1
شكرا على المجاملة .. حلة حمد مابنكرها كاتلانا كتل وياريت لو سكنتهااو كنت منها
|
Post: #14
Title: Re: بص ... وشوف .... وكلمنى
Author: ابو جهينة
Date: 12-24-2003, 09:40 AM
Parent: #13
دور نقاس
تحياتي
و الله أنها درر ثمينة و مجموعة نادرة.
الخطاب أعلاه مكتوب عام 1909م
يعني في ذلكم الوقت كان البريد يعمل بالسودان بشكل نشط و متقن تماما كالسكة حديد و الترماى .
حليل أيام زمان.
لك الشكر أخي الكريم على هذه الوقفة التاريخية الجميلة و نطمع في المزيد.
|
Post: #15
Title: Re: بص ... وشوف .... وكلمنى
Author: دورنقاس
Date: 12-24-2003, 12:34 PM
Parent: #14
الاخ ابوجهينة
حليل ايام زمااااااااااااااان
البريد كان يعمل بصورة ممتازة فى داخل السودان
وخارجه فى تلك الفترة وقبلها بكثير
ملاحظة
قيمة ارسال البريد من السودان لمصر
كانت اربعة مليمات كما هو واضح من
الطوابع البريدية
شنو نرجع حركة ورا؟
|
Post: #16
Title: Re: بص ... وشوف .... وكلمنى
Author: دورنقاس
Date: 12-24-2003, 02:33 PM
Parent: #15
Quote: البريد كان يعمل بصورة ممتازة فى داخل السودان
وخارجه فى تلك الفترة وقبلها بكثير
|
أول طابع بريد سودانى صدر فى 1898
|
Post: #17
Title: Re: بص ... وشوف .... وكلمنى
Author: haleem
Date: 12-24-2003, 02:43 PM
Parent: #16
دور نقاس
شئ مدهش..من أين لك هذا؟ مصدر خاص أم هناك موقع؟
|
Post: #18
Title: Re: بص ... وشوف .... وكلمنى
Author: Al-Shaygi
Date: 12-24-2003, 03:13 PM
Parent: #1
الحبيب درونقاس
جننتنا جن عديل،،،
القرش ده ياما عمل عمايل وياما صال جال في جيوبنا المامكن نسمح ليها بالقده وإلا راح القرش وبته التعريفه.
غايتو أنا ما حضرت الطوابع أم مليم ولكن أم 5 مليمات شفتها حيه مش أثرية.
وبالمناسبة فكرة أول طابع بريد إن لم تخني الذاكرة نبعت لدى كتشنر عندما كان رأي جمل البريد قادما من سواكن فأمر رسام الحملة أن يرسمه ويكون شعاراً للبريد ووضع على أول طابع بريد والذي تكرمت بوضعه أعلاه.
وما البريد براه الوالد حكي لي أنه في العام 1944م قطع تذكرة سفر من محطة الباخرة بالقرير إلى محطة أبوقير بمصر على البحر المتوسط (تذكرة واحدة تلك الكرتونية المستطيلة وخط السير:
بالباخرة من القرير إلى كريمة
بالقطار من كريمة إلى أبو حمد لينتظر قطار حلفا القادم من الخرطوم
بالقطار من أبو حمد إلى حلفا القديمة
بالباخرة من حلفا إلى الشلال بمصر
ثم القطار المصري إلى القاهرة
ثم من القاهرة بالقطار أيضاً إلى الاسكندرية
ومن الاسكندرية بقطار محلي إلى أبوقير حيث كان عمه (جدي) يعمل بحرس السواحل بقلعة أبوقير الساحلية.
كله بتذكرة واحدة فقط يقوم الكمساري في كل مرحلة بخرمها بالخرامة الشهيرة التي رأها كل من ركب القطار،
زمن كان الزمن زين
وإلى المزيد يا حبيب وأعدكم ببعض ما لدي من صور قديمة.
....
|
Post: #19
Title: Re: بص ... وشوف .... وكلمنى
Author: دورنقاس
Date: 12-25-2003, 12:41 PM
Parent: #18
اخى حليم
سلامى وبعدو كلام
مشكور على الطلة البهية
طل و افرحنى
|
Post: #20
Title: Re: بص ... وشوف .... وكلمنى
Author: دورنقاس
Date: 12-25-2003, 01:08 PM
Parent: #18
الاخ الشايقى
سلامى وبعدو كلامى
Quote: القرش وبته التعريفه.
|
وعمها الفرينى ( ابقرشين المقدود)
| Quote: وأعدكم ببعض ما لدي من صور قديمة |
نحنا منتظرين نعاين
مشكور ويسلمن خطاويك من كل اشر
|
Post: #21
Title: Re: بص ... وشوف .... وكلمنى
Author: Al-Shaygi
Date: 12-26-2003, 09:43 PM
Parent: #20
والله يا درونقاس ورطت أنه لقيت ليك الشغلة عامل ليها باك أب من زمان في كمية من السيديهات وعاوزه تفتيش شديد ، بس أنا وراها لغاية ما القاها ودي من طرف الهارد درايف مع أنها ما على قدر كده، بس أنا على وعدي وأديني شوية وقت بس أفضي نفسي وأجيك.
معليش الصورة الثانية ما كانت ظاهرة وهاهي الآن:
|
Post: #22
Title: Re: بص ... وشوف .... وكلمنى
Author: دورنقاس
Date: 12-27-2003, 07:49 AM
Parent: #21
الاخ الشايقى
الصورة قديمة ورائعة
الظاهر انى وقعت لى فى كنز
هل من مزيد ؟
يطول عمرك
|
Post: #23
Title: Re: بص ... وشوف .... وكلمنى
Author: دورنقاس
Date: 12-27-2003, 09:01 AM
Parent: #22
الاخ الشايقى
عشان الصورة الفوق
هاك دى
|
Post: #24
Title: Re: بص ... وشوف .... وكلمنى
Author: Al-Shaygi
Date: 12-27-2003, 10:47 AM
Parent: #1
درونقاس
تحياتي
قروش نميري عشان الصورة
طيب بقن صورتين وفيهن الزبير باشا، راح تديني شنو، بالمناسبة ما عندك طرادة زمان الحمرا ست الاسم!!!
|
Post: #25
Title: Re: بص ... وشوف .... وكلمنى
Author: دورنقاس
Date: 12-27-2003, 03:24 PM
Parent: #24
الاخ الشايقى
هاك الطرادة واخوانها
|
Post: #26
Title: Re: بص ... وشوف .... وكلمنى
Author: دورنقاس
Date: 12-27-2003, 03:46 PM
Parent: #25
الاخ الشايقى
دى عشان صورة الزبير باشا
طابع بريدى بمناسبة مرور خمسين سنة على اغتيال غردون باشا
صدر فى 1935
|
Post: #27
Title: Re: بص ... وشوف .... وكلمنى
Author: Al-Shaygi
Date: 12-27-2003, 09:02 PM
Parent: #1
|
Post: #28
Title: Re: بص ... وشوف .... وكلمنى
Author: Al-Shaygi
Date: 12-29-2003, 02:33 PM
Parent: #1
وين يا درونقاس ،،،، يا أخوي غيبتك طلت....
يا ربي يكون المخزون عندك كمل؟؟؟؟
فتش في الجاب بتلقى ،،،
في إنتظارك
|
Post: #29
Title: Re: بص ... وشوف .... وكلمنى
Author: دورنقاس
Date: 12-29-2003, 03:46 PM
Parent: #28
اخوى الشايقى
سلام يجر سلام
والله الجراب مليان ... بس قلت نخلى اى واحد من البورداب الاخرين
ممكن يشارك عشان يعطرنا بعبق الماضى ...
وكانت لنا ايام
وهل من عودة تانى
وسوف اكون فى الموعد
وفى رجاك ربنا يغطيك وينجيك من كل شر
|
Post: #30
Title: Re: بص ... وشوف .... وكلمنى
Author: Al-Shaygi
Date: 12-30-2003, 10:31 AM
Parent: #1
درونقاس سلام
والله يا أخوي يظهر ناس البورد ما دايرين يشاركوا خايفين يقولوا عليهم كبار!!!
وباقي لي راح نبقى العجائر الوحيدين في البورد لأنه الباقيين كلهم صبيان وصبايا ولا متصابين!!!
كدي أتحفنا بما لديك من عبق الماضي وسيبك من الوليدات الصغار....
...
|
Post: #31
Title: Re: بص ... وشوف .... وكلمنى
Author: دورنقاس
Date: 12-30-2003, 11:27 AM
Parent: #30
الشايقى اخوى
قديمك نديمك لو الجديد اغناك
برضو عشمنا فيهم كتير
وهاك مع اطيب الامانى
|
Post: #32
Title: Re: بص ... وشوف .... وكلمنى
Author: Al-Shaygi
Date: 12-31-2003, 07:14 AM
Parent: #1
سلام الحبيب درونقاس
من بف نفسك يا القطار ...
حليل أمجاد السكة حديد وعصرها الذهبي
حليل زمن كان تضبط ساعتك على وصول القطار
حليل زمن مكرفون البوسطه البعلن مواعيد القطارات والطائرات أيام الكوميت 4 سي وبناتا ناس الداكوتا والتوين أوترز.
والله عندي ليك صور حيه للقطار بس عاوزه وقت لأني لازم أمشي لي عماً لينا وأشيل اللآب توب والسكانر وأعمل ليها Scan لأنه ما بديني ليها ومنها صورة صورها بنفسه للقطار في محطة الكاسنجر ظهر الثامن من أغسطس 1958م، إنشاء الله أجمع هذا التراث العريق وتبص... وتشوف...وتكلمني.
|
|
