الرجال اللذين يصبغون شعرهم !!

و شواربهم؛

يعني شنباتهم .......

كدت اكتبها :

الرجال اللذين يصبغون شعورهم !!


و لربما استقام المعنى .....

الاستاذ حسين ملاسى،

لابد ان المشغوليات قد حالت دون مطالعتك لهذا البوست والذى تقدمت فيه بدعوه متواضعه للحوار مع شخصكم الكريم.

عوده الى اقتراح الاخ ابو آمنه القديم بالحوار:

لاشك لدى بأن الحوار المنظم معك حول محاور بعينها تهم الوطن سيكون ممتعا ومفيد، لشخصى و للقراء ن اذ انه سيتيح الفرصه للتعرف على فكركم الثاقب فى قضايا الوطن من قرب.

كما اقترحت ، يمكن تحديد المحاور من كلانا، ويمكنك ان تقترح مديرا للحوار اذا لم توافق على اقتراحى الذى بادرت به.

المحاور التى اود ان احاورك حول هى قضايا الوطن فى جلها ن والتى صبغة الشعر والشوارب للرجال ليس من ضمنها، لا اود ان ابدا فى تحديد المحاور ، انما اترك امر المبادره لك، وسأقوم بالاضافه اليها، ثم نتفق على موضوعات بعينها.

فالقضايا الوطنيه كما تعرف كثيره.

وفى انتظار ردكم الكريم.

ياناس رودا انحنا ما قلنا ليكم جاهزين ومنتظرين

يعني انتو مصرين علي ملاسي بالتحديد لشنو؟؟؟ الكلام دا طبعا بعد دراسة وتمحيص

تكونوا قاعدين ليكم فوق راي ... بس اشمعنا ملاسي من دون ناس البورد دا؟؟؟

وليه تفرضوا عليه انكم تحاوروه ... نحنسكم عشان تجونا يا ناس رودا ؟؟

ما انحنا جاهزين وكدا ...

انتو ما جاهزين ؟؟؟

سلامات يا اساسي؛

Quote: ... بس اشمعنا ملاسي من دون ناس البورد دا؟؟؟

منو القال من دون ناس البورد؛

فهنالك المرحوم ود الشيخ - طيب الله ثراه - و صباح و ياسر الشريف ....

Quote: والتى صبغة الشعر والشوارب للرجال ليس من ضمنها،

سلامات يا رودا؛

حيث ان هذا البوست مخصص - فقط - للوارد اعلاه؛

لذا ستجدين ردي على دعوتكم الكريمة للحوار؛

في البوست المخصص لذلك.

يا اساسى من أجابتك دى نفهم انه (ملاسى) فى فك التسجيلات الأخيره

وقع (للمريخ)؟؟؟؟؟

امس يا تاج السر و عقب انتهاء مباراة الاهلي و الزمالك؛

سألني شقيقي الاصغر:

- انت مباراة الاهلي و الزمالك متين !!

قلت ليهو انتهت قبال شوية؛

- اها انتهت كم كم ؟

قلت ليهو؛ الاهلي غالب 3 صفر ....

فهتف: و الله ما شاء الله .....



تصدق طلع اهلاوي و انا ما عارف !!

Quote: ياناس رودا انحنا ما قلنا ليكم جاهزين ومنتظرين

أساسي يا حبيب :
يبدو أن الانسة رودا أصبحت بت الجردقو لذا دع توقيعك الجديد :
"يا ناس رودا نكورك ليكم ما تجو !! نجيكم تكوركو ؟؟؟"

الأخ حسين ملاسى

صباحك بنكهة الجمال

يحضرنى اسم الفليم الجميل " اننى لا أكذب ولكننى أتجمل"

ولكن الاكثر أثرا على نفسى بيت شعر لابى الطيب المتنبىء يقول فيه

ومـن هَـوَى الصِّـدْق في قَولي وعَادتِه رَغِبْـتُ عـن شَـعَرٍ في الرأْسِ مَكذُوبِ



ومع كل ذلك فارى جل الرجال اخى يصبغون شواربهم الطويلة وشعور رأسهم فيصبحوا اكثر شبابا..

ترى هل يصح ذلك اخلاقيا ام لا ؟؟؟

سلامات يا قرشو؛

تعرف؛ مرة في جدة؛ و قبال "الازمة"*؛
ذهبت لحلاقة شعري عند حلاق هندي**؛ و انا قاعد؛
حضر زبون يماني*** و قعد في الكرسي التاني؛
و طلب من الحلاق ان يحلق له الشعر الابيض.

كنت متضجراً؛ و مغلق عيني نصف اغلاقة؛
اذ دائماً ما يضجرني الجلوس للحلاق؛
فلم التفت للجالس بجواري.

بعد شوية الشمطة قامت؛ و الهندي يردد:

- يا عمي؛ هادا ما يجي ....

فيقاطعة اليماني:

_ يجي .... يجي ... كلو حلاق في سوي كدا.

و اخيرا انتبهت؛ الى ان اليمني يريد من الحلاق؛
حلاقة الشعر الابيض دون الاسود!!

_______

* تعبير يمني يراد به التداعيات
التي اعقبت اجتياح العراق للكويت.

** لان الحلاق كان هندياً - من كيرلا - و ليس لاي سبب آخر.

*** لان الزبون كان يمانيً؛ و ليس لاي سبب آخر.

...... و تركتهم يتفاصلون في سعر الصبغة !!

حذرني كل من عمي و ابن عمتي؛

اللذان سبقاني بالدراسة في مصر بنحو 15 سنة؛

من الفتلة و اشياء اخرى يضيق المجال عن ذكرها.

لذا؛ فقد كفاني الله شرها.

الحبيب ملاسى


الحلاقين عندهم العجب

سمعت بى قص الحواجب للرجال ؟؟


المهم انت صبغت ولا لا ؟؟؟؟؟

أدينا المفيد المختصر

يا قرشو اخونا ملاسى محتاج 10 سنة عشان يعمل كدا
لكن يبدو انه ما عنده لا هم لا غم ومشاكلو محلولة و بيعمل فى الخطة العشرية
حقتو... عشان يطلع فتوة ويشوف استطلاعات الرأى وكدا..عشان خطتو تجى 100%
مع العلم انه هوايتو المشى للحلاق مع انه بيدعى انه بيكون زهجان ومغمت

عيونو نص عين.

بعدين انا افتكرت انه بيتكلم عن حاجة مختلفة لانه دائما بيتكلم فى حاجة مختلفة
لما يتكلم عن حاجة مختلفة

حاجة عن حلاقة الشعور بمعنى (feelings)
ولا كيف يا حسين؟

العزيزة دكتورتنا بيان

الحمد لله على السلامة والبركة الجابك البوست ده

يعنى لى فترة ما شايفك رغم الكماج الحاصل فى البورد

ما علينا

والله انا كنت قايل اخونا ملاسى دفعة وكده لكن انتى عرفتيه لينا كويس

لكن بينى وبينك الزمن ده حتى الاولاد الصغار بقوا يحتاجوا يصبغوا

من ناحية اخرى

ارىانه فعلا قاصد موضوع ثانى وبنصب شراكه لشىء فى نفس ملاسى

كده خلانى اغرد خارج السرب ..

الله يسامحك يا حسين

وبطل حكاية الاغراق برضو

Quote: يعنى لى فترة ما شايفك رغم الكماج الحاصل فى البورد

سلام قرشو العزيز
انت ما سمعتا يا زول بانه اى زول ما بيجى حيوقفو اشتراكو؟
خوفنا ندى الادارة عذر وكدا...( بسايد)عندى غاغة مدورة فى حتة تانية...وشكرا ليك على السؤال...

Quote: ارىانه فعلا قاصد موضوع ثانى وبنصب شراكه لشىء فى نفس ملاسى كده خلانى اغرد خارج السرب ..

لالالالا ملاسى دا كلامو حمال اوجه... لكن انت فى السرب..
يبدو انه انا البغرد خارج السرب...
ربما من آخر مرة شوفتو لما كان عمرو 7 سنة ما كان بيحتاج يصبغ....

سلامات يا قرشو؛

سلامات يا بيان؛


لسه في باقي كلام ما خلصعن الموضوع دا؛

اها نحاول نخلصوا في اليومين ديل.

Quote: و شواربهم؛ يعني شنباتهم .......

هلا حلقوها فأراحوا واستراحوا

تعرف يا زول ساكت؛

اكبر مشكلة للصبغة هي لونهاحالك السواد؛

يعني طوالي الزول الصابغ بيكون ظاهر عليهو؛

و لحدي اسه ما لقيت زول بيصبغ صبغة قريبة

من لون الشعر الطبيعي المغبش.

و المشكلة الاكبر من كدا؛

بتكون في صبغة المناطق التي ضربها الجفاف و التصحر؛

يعني يتلقى المنطقة المتصحرة الجرداء فيها بعض بقع سوداء؛

و بالذات في الايام التي تلي الصبغ مباشرة.

اما الشنب المصبوغ؛

فبيكون المنظر الاكثر غرابة؛ عندما يبدأ في النمو؛

عندها يكون الجزء الامامي حالك السواد؛

و الجزء الخلفي ناصع البياض.

و طبعاً في ناس فنانيين جداً؛

الواحد يصبغ الشعر كلو؛

و يخلي الاطراف بيضاء - شمال شرق الاذنين -

قصة على هامش الموضوع:

في اول عهدي بمصر ايام الدراسة؛

ذهبت للحلاق مع زميلي عباس؛

و كل واحد فيناعامل ظريف؛ و بيقدم التاني؛

المهم في النهاية انا كنت اظرف؛ فتقدم عباس و جلس؛

و بدأ الحلاق في الشغل.

بعد شوية الحلاق سأل عباس:

- اسشورهولك !؟

فرد عباس و هو محرج لعدم معرفته بالسؤال:

- سشورهولي.

حينها بدأ الحلاق في استعمال الاستشوار؛

و فرشة حديدية غريبة الشكل .....

و بعد دقائق تحول شعر عباس الخشن؛ لشعر آخر غريب؛

لم اجد له وصفاً حتى الان.

و عندما حان دوري؛ ابتدرت الحلاق:

- عليك الله ما تسشورهوليش.

و ما زلنا كلما اردنا ان نتهكم على عباس؛

نقول ليهو : اسشورهولك.

وكلامهم كمان
وين انت يا زول ولعتها وذغت اقصد زغت؟؟

Quote: اها نحاول نخلصوا في اليومين ديل

ليه اليومين ديل بالتحديد... نويت تبيع كمبويترك يا ود الخالة و لا شنو؟

Quote: - عليك الله ما تسشورهوليش.

Quote: ليه اليومين ديل بالتحديد...

لانو ناوي اتكلم عن الصلع يا بيان؛

الموضوع دا فتح؛ و الله اعلم ينقفل متين.

Quote: الموضوع دا فتح؛ و الله اعلم ينقفل متين.

اوكى

قبل يقفل.. فى حتة انه الواحد يصبغ شنبو يقوم يقوم تبقى الجزور ببيضاء
فى حاجة اسمها( ماسكرا) تشترى نوع جيد الما بيذوب بالموية..

كل يوم الصباح "تمسكر" الشنب...
اما الصلع دى "شعران" ما عندنا ليهو قفا

صفحة اولى تجيب الجلا ....

صباح؛

سيف؛

بيان؛

دعوني احدثكم قليلاً عن الصلع؛ و كيفية التحايل عليها؛

و على بداياتها و نهاياتها؛ و ذلك قبل ان اعود للذين

يصبغون شعرهم - او مشاعرهم -

في البداية و كمدخل للخروج؛

اقصد مخرج للدخول؛

لا بل اقصد مدخل للدخول .....

خلوني احكي ليكم الحكاية دي عن الصلع الاختيارية:


سنة 1983 تقريباً؛ و في احدى ليالي شتاء الاسكندرية؛

اتفق كل من - اصدقائي - احمد الغالي؛ فلاح ؛ الرشيد؛

عمر محمد عبدالله و معتصم الفحل؛ على ان يقوموا بحلاقة رؤسهم

على الزيرو.

و قاموا بتنفيذ اتفاقهم دون ادنى اعتبار لعواقبه؛

ما عدا الفحل و الذي يبدو انه قد فكر في العواقب قبل التنفيذ.

و بهذا اصبح لكل منهم اسماً يليق بجلال الصلعة؛

فاحمد الغالي اصبح البرق؛

و فلاح اصبح غاندي؛

و الرشيد اصبح النسر الشرير؛

اما عمر فامسى كمال حسن علي.

اما الاسباب فربما تكون دبرسة؛ رغبة في التغيير؛ فلس او نحو ذلك.

الا ان جميع من شاهدهم تاني يوم؛ كاد ان يجزم ان السبب القمل؛

و قطعاً لم يكن كذلك.

Quote: يصبغون شعرهم - او مشاعرهم

منتظرين على احر من جمر هاباه رياح امشير.. بمناسبة يوم المرأة
عشان ترسم لينا خارطة الطريق لمعرفة هذا النوع(الذى يصبغ مشاعره ) و نتجنبه...

فعلاً كل عمر يحمل همومه

تعرف يا حسين ملاسي
لو بقيت من الجماعة أبان عيوناً حمر ما حاتتخيل النكتة الباقية علي

تعرف الشيب بدأ يتطاير في رأسي زي الهماد

لكن حكاية الرأس يصبح أبيض صوف خروف

وحكاية الصبغة دي عمك ما داخلة في دماغو

عندي صاحبي مما عرفتوا شعرو أسود فاحم سبيبي بسرحو ويموجو

المهم رجعت البلد بعد كمين سنة
ألقا ليك الراجل شعرو أبيض لبن ، باربرة بوش بس

انشغل كتير وهميت
وبقيت أقول ليه ياخي الحصل بيك شنو
مالك الدنيا دقتك كدة
زوجته لاحظت تأثري الشديد
قالت لي شيشك شيشك
صاحبك ما عندو أية عوجة
بالك للشيب
صاحبك ده كان بصبغ شعروا وانقطعت علينا الصبغة، منعوها من الدخول للبلد

Quote: فعلاً كل عمر يحمل همومه

________

Quote: عشان ترسم لينا خارطة الطريق لمعرفة هذا النوع(الذى يصبغ مشاعره ) و نتجنبه...

الا تعيشي في برج "عاجي" يا بيان

هوبفول ??وين سودانى عجوز يااخوى

ودالديم

تلاتة سنين ببوس ايده

احلف واحلف واحلفوووووووووو

انو يرضى بس يصبغ شنبو خليهو شعرو وهو حالف برأس ابوه ابدا !!

يااخوانا والله راجلى صغيرونى لكنها الجينات الوراثية بت الهرمة

اسوى شنو ياملاسى؟

خالص التحايا..
ملاسى حسين
العزيز..

عموما بالنسبه لشخصى صبغته شعرى مرتين مره فى السودان واللن ماظبت
والتانيه بره قبل سنه كده
عملتو اصفر
طبعا مافى شيب لكن قلت النجرب للدنيا والزمان ....
لكن شنبات دى لسه ما جربنها وربك تعلم نجربها...

*اما حكاية الصلعه دى فكانت مرتيت فى حياتى مره (جعلنه ) ساى فى المتوسطه صاحبى قام حلق صلعه مشت طوالى حلقت زيو
والمرة التانيه فى السجن .....


مدخل لندويه ..
تعرفى بى قصك دى زكرتينى الوالده ربك يديها العافيه ...

الوالد لمن حصل ال 40 سنه ربى يزيد فى عمرو كمان وكمان وكل اهلك ياندويه والاحباب هنا..
اها لمن حصل ال 40 سنه قمت قلت ليها (وبكاوى فيها) راجلك ده خلاص كبر وعجز وجلكن فهى عايزه تتطمن نفسها وقامت قالت لى ...
(هى انت ماعارف ولا شنو ال 40 سنه دى عز الشباب)...
فبهت الذى كفر....

Quote: المهم في النهاية انا كنت اظرف؛ فتقدم عباس و جلس؛

سلامات يا نادية؛

Quote: تلاتة سنين ببوس ايده احلف واحلف واحلفوووووووووو انو يرضى بس يصبغ شنبو خليهو شعرو وهو حالف برأس ابوه ابدا !! يااخوانا والله راجلى صغيرونى لكنها الجينات الوراثية بت الهرمة اسوى شنو ياملاسى؟

اوعك يوافق؛

لكيلا يكون مادة لتهكم - و تندر - اصدقائه حينما لا يكون بينهم.

Quote: دعوني احدثكم قليلاً عن الصلع؛ و كيفية التحايل عليها؛

اها ما راجين نحن وكدة



ادينا الموزة

تعرف يا المسافر؛ يوم داك؛

كان اخونا سعد الدين – في قناة النيل الازرق –

مستضيف تلاتة ضيوف و معاهم مغني؛

و الحمد لله كان الضيوف كلهم صابغين شعرهم؛

اما الفنان فكان لابس عمة؛

الا انو لحسن الحظ كان صابغ شنبو.