الفاهم حاجة ...... يفهمنا معاهو

اعتدت ان ارفع الصور على هذا المنتدى بواسطة

عدة مواقع لتحميل الصور على المنتديات؛

و بعض هذه المواقع بقى يعمل في حركات الايام الاخيرة؛

و بعضها الاخر؛ يكون عمر الصورة المحملة بواسطته اقل

من يومين؛ يومين و نص بالكتير.

لذا فكرت ان استخدم خاصية تحميل الصور الموجودة بالمنتدى؛

الا انني لم افلح رغم تكرار المحاولات.

و قدر ما حاولتا افهم المقصود بالمثال المكتوب كشرح؛ ازدادت حيرتي.

و عليه ارجو ممن له باع في محاولات فك الطلاسم؛

ان يساعدني في تفكيك العبارات - الجمل - التالية:

Quote: Success The following files were successfully uploaded : nnnn7.jpg ضع اسم ملفك فى العنوان ادناه لمشاهدة ملفك http://www.sudanhosting.com/cgi-bin/bandwidth.pl?type=pic&name =اسم ملفك مثال بعد اتمام العملية بنجاح يعطيك البرنامج اسم الملف الذى اخترته ... فمثلا اذا كان اسم الملف الذى اخترته هو bakri.gif يكون الكود img src="http://www.sudanhosting.com/cgi-bin/bandwidth.pl?type= pic&name=bakri.gif" ما تنسى اغلاق الكود مستعملا <>

و شكراً يا جماعة/ات من قبل و من بعد.

يا حسين

بعد ما ترفع الصورة تسميها اسم لطيف
(مثلا: جم جم اقيف، أو حم حم امش)

وتقوم بعد ما تفتح البوست بتاعك
تفتح قوس بالانجليزي ( <> )
داخل الأقواس تنقل الرابط المكتوب ده كلو،
أكيد بتكون ناقلوا في ورقة ( يعني بخرة)

وفي النهاية بعد علامة يساوي (=) وانا عارفها هي الودرتك)

تخط الإسم الظريف طبعا قبل ما تقفل القوس الأخير

هذا الحديث كلو نظرية

نحن ناس نضم

شوف ناس مارسو العملية

وانشاء الله تنجح

علامة النجاح 10 من 100

تصدق يا المسافر؛

الحركات دي كلها انا عملتها؛

و غير رجعتا خطوتين لوراء؛ ما استفدتا اي حاجة.

لا شكر علي واجب يا حسين

اهـــا وصلت وين ؟؟

حبيبا المعتمر تمبس؛

انا في الاول وصلتا الموقف؛

و بعدين رجعتا البيت.

خلي بالك تعليمات السيد بكري دي؛

اظنو قاصد انو ما اي زول يفهما بالساهل.

ااي والله

بس انت حسع وين من .. فندق الحديقة

موضوع بكري ده نرجع ليهو بعد شوية نشوف ( مويتو ) شنو؟

ملاسي يا أخوي نحن في التنزل صورنا هسي
لأنو الجماعة خشوا الخرتوم و لاهاي عِدِل

سلامات يا علاء؛

هنالك تساؤل - سؤال يعني - بيطرح نفسو؛

ما هي الصور التي اود انزالها!!

طبعاً الاجابة القريبة للذهن هي:

صور شخصية او اعادة انزال صور الازيار - الملحوسة -

او انزال باقي صور الازيار.

الا ان تلك اجابة ناقصة؛

فالغرض الاساسي؛ هو رغبتي في انزال عدد من:

ال:

ALKRAMBAS

أها يا اخوانا / تنا؛

ماذا نحن فاعلون ؟؟؟

Quote: بس انت حسع وين من .. فندق الحديقة

بتبالغ يا تمبس؛

انا اسع ماشي على الجهة ديك؛

ماشي لناس عثمان " ابو وضاح للحلاقة الممتازة "

يازول انتا بعد العمرة انكشف عنك الحجاب و لا شنو !!!!

طيب اقول ليك حاجه يا حسين

علي بالطلاق ما تدفع .. عليك الله بعد ما تحلق اضرب لي معاك ( كوز ) ليمون من الضيعوك ولي جوه كده في امكانيات شغل ( مزيرات ) خطير جدا حاول ( اتعمق )

Quote: يازول انتا بعد العمرة انكشف عنك الحجاب و لا شنو

دي شكوى جاهزة غايتو .. خليها علي الجمب


انا عايز اديك موقع كويس ملح برضو .. ممكن ترفع فيهو ازيار الدنيا كلها مافي زول بيقول ليك عينك في راسك

عايز ارسل ليك الرابط بتاعو بس ...



ياااااااااه
الماسينجر ما شغال

الحاج تمبس؛

Quote: ولي جوه كده في امكانيات شغل ( مزيرات ) خطير جدا حاول ( اتعمق )

يا زول انت قايلني جنيت؛ دايرني اصور ازيار الموردة !!!!

تعرف امس كانت الجولة على ازيار الهاشماب؛

المهم و انا منهمك في تصوير احد الاسبلة؛

شافني سيد البيت الفيهو السبيل؛ فاتى منزعجاً؛

الا انه اطمأن قليلاً بعد ان اقترب – قريبي و لم يعرفني من بعيد –

و قال لي:

انا قلتا الزول البيصور في بيتنا دا داير يبيعو و لا شنو !!




اها؛ انتا كدا ارجع بالسلامة؛

و خلينا نتعمق سوا مع ازيار الموردة دي.

العزيز حسين

بحثت عن زيرك السالم عشان أشرب موية و أشتت .. لم أجده و قلت ربما لم يعد سالما

دخلت هنا عساى أن أكون فاهم حاجة .. لكن أكتشفت أننى محتاج لفهّـامة

و الأهم من كل ذلك .. أود أن أقول ألفين سلام و تلاتة آلاف شوق

حبيبنا – الخفي - الحلاوي؛

وين الحي بيك ياخي؛ لينا سنين ما شايفنك؛

Quote: بحثت عن زيرك السالم عشان أشرب موية و أشتت .. لم أجده و قلت ربما لم يعد سالما

كونه غير موجود و غير سالم؛ دا بالضبط سبب كتابة هذا البوست؛

ياخي تعبتا تعب الجن في رفع الازيار بواسطة موقع اسمو الطايف اون لاين؛

قعدت اقل من يومين و راحت في ستين داهية؛

الغريبة الطايف دا انا اخترتو بين عدة مواقع و اتوسمتا فيهو الخير؛


و بالمناسبةيا حلاوي؛ لو كنتا ياخي في قبرص التركية؛

اقري السلام على الشيخ ناظم.

و تقبل اسلم السلامات

الأخ ملاسي:
ٍالت وقلت ماذا نحن فاعلون ؟؟؟؟:
إتبع الخطوات الأتية :
1- إشتري ليك غبار ضب مسافر ..أو
2- فتش ليك سحلية عزبا ..أو
3- نملة مطلقة ...
لخبطهم كلللللللللهم مع بعض في نار هادئة وياحبذا لو تضيف ليهم يانسون أو مستكة وبي العدم حرجل ..
إتمسح بيهم قبل النوم تلاتة مرات وصباح الرحمن أمشي علي البورد وقول نويت أن أعمل UpLoad وإنشاء الله بتشتغل ...

تخريمة :
وإنت ماشي علي ناس أبو وضاح للحلاقة شوف لينا معاك الليلة الحفلة بي منو في (دار حزب الأمة) بيت الثقافة ..ولو لقيتا بي هاجر كباشي أدينا خبر وبي العدم كده مس كول وذلك أضعف الأيمان ..

عمر الله يجازيك ضحكتني
كنت عايز أقول ليك No comment
لكن باقي لي بقول ليك :
إنت زول لذييييييييذ و رهيب ولوووووووووووووووووووول "باللام الغليدة"

علاء الدين :

Quote: عمر الله يجازيك ضحكتني

Quote: إنت زول لذييييييييذ و رهيب

Quote: لوووووووووووووووووووول

والله يا علاء الدين ما خيالا فيك الحنكشة !!!!!!!!!!!!!!1
إنت عايز تعمل فيها جندري ؟؟؟؟؟؟؟؟؟؟؟ لووووووووووووووووووووول

ياخ خليك مع ناس الطيب مصطفي قال ودارفور فعلت وسيوفنا فوق رقابكم
مالك ومال جنس الكلام ده ....
إنت ما سمعت المثل الشعبي القالوا إبراهيم بقال الكاتب الصحفي المشهور والمشارك في أكتر من صحيفة ؟؟؟؟ قال الكلام ده :
" إذا تفلسف الحمار رفث ..."
رفثووووووووووووووووك ولا جوك جوووووووووووووووك ...

هذه هي الطريقة
أها قصرت فيك؟؟؟

((- ))


في مكان
kd11

تضع اسم الصورة

لكن الحقيقة انه الباندويدث لا يرفع الصور
وأغلب الصور الجماعة معلقنها من مواقع أخرى

إليك هذه المواقع
صورها بتطول

http://www.nomadgal.com/Images/barkedjey.gif


http://www.nga.gov/image/a0000d/a0000d6a.jpg

img src="http://www.sudanhosting.com/cgi-bin/ba...me=kd11.JPG"


ضع المكتوب أعلاه في قوسين بعد ما تحول للإنجليزي

< >
وبعد ما تكون حملت صورتك بإسم ضع اسمها بدل الحروف kd11

http://www.sudanhosting.com/cgi-bin/bandwidth.pl?type=اسم الصورة.gif

كيفك يا عمر الفاروق؛

Quote: ٍالت وقلت ماذا نحن فاعلون ؟؟؟؟: إتبع الخطوات الأتية : 1- إشتري ليك غبار ضب مسافر ..أو 2- فتش ليك سحلية عزبا ..أو 3- نملة مطلقة ...

يا زول اخير لا نفعل و لا نترك؛

خلينا كدا احسن من نقعد نفتش على الجماعة الفوق ديل.

Quote: وإنت ماشي علي ناس أبو وضاح للحلاقة شوف لينا معاك الليلة الحفلة بي منو في (دار حزب الأمة) بيت الثقافة

و بعدين ياخي؛ برامج دار الامة

بتكون يوم الاربعاء؛ مش السبت

انت قايل الحكاية فوضى و للا ايه !!

ملاسى المتفائل..يا اخوى والله كلام بكرى وتمبس لو جبت د.التجانى

الماحى ما يفك ليك طاسموا ..دحين ازيارك دى يا ارسمها، يا

بلها واشرب مويتها.وبعدين ما يغشك بالماسنجر انا سكنت معاهو

عديل حتى اتعلمت اعمل كوت.ديل شفع مساخيت ساكت، نحن متخيلين

ازيارك ما كفاية؟؟؟؟

Quote: الفاهم حاجة ...... يفهمنا معاهو

يافرده
نحن الكرومبا مافيمنها لمن نبقى على شغل بكرى وعمايلو...

علي الجزيمه مافاهم حاجه
لكن بحاول اجرب الوصفه بتاعة عمر الفاروق
عسى ولعل

المسافر و زادك الخيال؛

محاولاتك - الصادقة - لشرح عملية تحميل الصور؛

بواسطة سودانيز اون لاين؛ زادتني حيرة.

اشعر بأن تمبس يمكنه ان يشرح لي - لنا - الموضوع؛

الا انه يمارس دغالته المعهودة.

Quote: علاء الدين : Quote: عمر الله يجازيك ضحكتني Quote: إنت زول لذييييييييذ و رهيب Quote: لوووووووووووووووووووول والله يا علاء الدين ما خيالا فيك الحنكشة !!!!!!!!!!!!!!1 إنت عايز تعمل فيها جندري ؟؟؟؟؟؟؟؟؟؟؟ لووووووووووووووووووووول ياخ خليك مع ناس الطيب مصطفي قال ودارفور فعلت وسيوفنا فوق رقابكم مالك ومال جنس الكلام ده .... إنت ما سمعت المثل الشعبي القالوا إبراهيم بقال الكاتب الصحفي المشهور والمشارك في أكتر من صحيفة ؟؟؟؟ قال الكلام ده : " إذا تفلسف الحمار رفث ..." رفثووووووووووووووووك ولا جوك جوووووووووووووووك ...

والله يا عمر صحي
الخيل تجقلب و الشكر لمنووووووووووووو

علمناهم الشحاتة و سبؤونا عالأبواب

أعلمه الرماية كل يوم فلما اشتد ساعده رماني

أسمع من هنا و قدام بحاسبك بالراس
ملاسي دة بي 500 ، معتز شيلو مجان و معاهو ناذر ، و تمبس كمان

الموج

تروتسكي

الزول الما ساكت

المرحوم - طيب الذكر - علاء الدين

تحياتي و سلاماتي

و ابشركم بانني قد عرفتها براااااااي.

و دعوني اودعك من خلالكم كل برامج رفع الصور التي

اذاقتني الامرين طوال سني حياتي المنبرية؛

و اخيراً بقينا بي مِلكنا .....

و شكراً يا سيد بكري لاختبارك ذكائي طوال الاعوام السابقة.

و الشكر موصول للمسافر لمحاولاتة الفاشلة لافهامي؛

و التي لو اتبعتها - بعد نجاحي المشهود - لفشلت مرة اخرى.

Quote: اشعر بأن تمبس يمكنه ان يشرح لي - لنا - الموضوع؛ الا انه يمارس دغالته المعهودة.

الابن ملاسي ..
اول حاجه بركة الامور ظبطت معاك غاية ما كنت اخشاه من بين كل المحاولات الفاشلة ان تأتيني بعبارات على شاكلت ( ترى ذبحتنا* ) أو ( عجل* ) بكسر الجيم .. حيث ان خاصية تحميل الصور كانت معطله ومن ناحية اخرى كنت استمتع بمحاولات المسافر .. وفي بالي ( منحك ) فرصة لتجميع المزيد من الكرمبات..

-------------
* عبارات محلية موغله في الغباء صنعت خصيصا من اجل غيظي

عشان ترفع الصور في سودانيزأونلاين ساعد الأبلود شوية بعمل التالي:

أثناء تحميل الصورة أرفع الماوس من الماوسباد بإتجاه رأسي (للأعلى) مع خمة نفس تقيلة وشد بطنك وخلى عضلاتك تبش. وما تنسى تصر وشك للشاشة شديد (لزوم الإرهاب يعني)

كرر المحاولة عدة مرات. خاصة بعد الوجبات والعصير.

إذا ما نجحت معناها صورتك مش ولا بد.

Quote: عبارات محلية موغله في الغباء صنعت خصيصا من اجل غيظي

اكيد نسيت "عايدي" يا تمبس؛

فعايدي بالنسبة لي هو كارمبا الكرمبات.

تعرف يا تمبس؛ بس ادوني سنتين تلاتة؛ كان ما عرفتا ليكم

طريقة تنزيل الاغاني ما ابقا انا.

اشمنا يا حسين ظبطت معاك وانا لا ؟
غايتو امشي ابيع العسل واجي امكن افهم

سلامات يا جندرية؛

راجعني كلام العوض اعلاه - ادناه - ففيه تفسير

منطقي لمألآت الاشياء.

Quote: إذا ما نجحت معناها صورتك مش ولا بد.

شكراً يا ابو عويض ياخي.

تعرفي يا جندرية؛

السر كلو في الاتي:

Quote: ما تنسى اغلاق الكود مستعملا <>

هل تصدقي ان ليس من <> و لا من يحزنون.

و هي دي كل المشكلة؛ او كل الحل بالأحرى.

تيمبوسي

ياخي نقول ليك ادينا أخت الصورة تمشى تختها لنفسك

خلاس بنرجى أختها الصغيرة يا خي

انت دكانك في ايتو ناحية من السوق

بجي اشرب معاك الشاي عشان أشوف زباينك ديل

كتب خدر - ملك الميديا

يوم 27 ابريل الاتي:

Quote: هميمه اضيفيني علي الاس ام ان( مسينجر هوتميل ) و حا اشرح ليك تحمل الصور كيف [email protected]

و عليه؛ فان هنالك احتمالان لا ثالث لهما:

الاول هو ان لا يكون خدر قد اطلع على هذا البوست.

و الثاني هو ان يكون خدر قد تعلم تحميل الصور
بعد ان تعلمها العبد لله.

لانه من غير الوارد ان يكون خدر قد
فاق تمبس في الغتاتة.

يا حسين

خدر ..
مولود بي ضروسو وبيعرف حاجات كتيرة