عتاب للاستاذ الاديب عثمان محمد صالح

الاستاذ عثمان؛

السلام عليكم و رحمة الله و بركاته؛

دعنى اعتب عليك يا استاذ؛

ففي كل مرة اخاطبك بما يليق بمقامك؛

بدأت بمخاطبتك بالاخ الفاضل؛ حتى نبهني الاخ اسامة الخواض

لذلك؛ فقمت من فوري بمخاطبتك بالاستاذ الاديب.

بينما تخاطبني انت بالمدعو حسين ملاسي.

قرأت بوستك الذي تخاطبني فيه بالمدعو؛ فلم افهم المقصود.

عزيزي عثمان؛ ان كانت لديك حجة واضحة فأرجو ان تعلنها للملأ.

انا كنت قد افردت لك بوستين و فيهم تساؤلات واضحة محددة؛

و توقعت منك اجابة واضحة محددة عليها.

الا انك بدلاً من ذلك تخاطبني بالمدعو !!

لا اعتقد ان اللغة او البلاغة يقصرا عن ايصال ما تريد قوله؛

لذا لا تراوغ؛ و اكتب هنا في كلمات بينات كل ما تريده؛

و لتبدأ بالاجابة عن تساؤلاتي.

كلانا يا عثمان ممن يعول عليهم كثيراً في امر

الارتقاء بالمنبر و الادب.

لذا؛ اعتقد ان استخدام كلمات مثل المدعو قد لا تساعد

على الارتقاء بالمنبر و الاداب بشكل عام.

و عليه؛ و لكي لا ينحدر حوارنا لمثل ما انحدرت اليه حوارات

من نعول عليهم في الارتقاء بالمنبر و الاداب؛ ارجو ان لا تدعوني بالمدعو.

ربما كان من الانسب يا استاذ عثمان؛

ان يكون ردي هذا في بوستك بتاع المدعو؛

و لكن و لخشيتي من ان اطرد - باللغة الانجليزية - لو دخلت اي من بوستاتك؛

كما ذكرت لك ذلك في السابق؛ فضلت ان افرد بوستاً للامر.

و اقل لك بالبلدي كدا:

تلقاها عند الغافل يا استاذ عثمان؛

فلست ممن يستدرجون؛ ليطردوا باللغة الانجليزية.

المدعـو حسين ملاسي ماذا تريد ؟!

و ستجد تساؤلاتي هنا:

رسالة - اخرى - لعثمان محمد صالح

و هنا:

رسالة للاخ عثمان محمد صالح

و ها انذا قد التقطت القفاز.

و الشرط الوحيد هو ان يكون الاحترام بيننا متبادلاً.

ياخى والله انت غلطان اديب واستاذ وغيرها وقعت فى موقع بعيد كل البعد

سلامات يا وليد؛

و شكراً للمرور و التعقيب.

و وجهة نظرك - يا وليد - برضو محل تقدير و احترام.

هيا يا استاذ عثمان؛

دعنا نبدأ نقاشنا هنا؛ لنفرغ منه.

و لننصرف - كلانا - للابداع؛

فالمنبر - و القراء - ينتظرون منا الكثير.

و ان الان بصدد كتابة بوست فخم عن موضوعٍ فخم؛

الا ان الذي بيني و بينك يصرفني عنه.

هيا يا استاذ عثمان هيا؛ فلا حاجة لنا بالانتظار.

سأمر على هذا المكان مراتٍ و مرات؛

و اتمنى ان اجدك - يا استاذ عثمان - في احداها.

كما لا يفوتني ان اطمأنك؛ بانك لو اتيت الى هنا؛

فسوف تجد منى كل الترحيب و سوف لن اطردك ابداً؛

سواء كان ذلك بالعربية او بالانجليزية.

لكل من يشكك في بعد نظري؛

عليه قراءة هذه الفقرة مرة اخرى:

Quote: و لكن و لخشيتي من ان اطرد - باللغة الانجليزية - لو دخلت اي من بوستاتك؛ كما ذكرت لك ذلك في السابق؛ فضلت ان افرد بوستاً للامر. و اقول لك بالبلدي كدا: تلقاها عند الغافل يا استاذ عثمان؛ فلست ممن يستدرجون؛ ليطردوا باللغة الانجليزية.

و يبدو واضحاًان الاخ الاستاذ الاديب الفنان خدر؛

لا يتمتع بما اتمتع به - انا - من بعد نظر؛

اذ تم استدارجه؛ و بكل طيبة و براءة وقع فيما

تفاديته انا بثاقب بصيرتي.

ليس زهوا بالذات؛ و لا هي انا متضخمة؛

و لكن عندما اتحدث عن ثاقب بصيرتي انما احق حقاً اولى ان يحق.

الاستاذ الاديب عثمان محمد صالح؛

هيا يا عزيزي؛ التقط قفازك فانا - و جمهور النظارة - في الانتظار.

تجدون في الرابط ادناه؛

ما حلّ بالاستاذ الفنان الاخ خدر.

Re: قــفــاز أخير

والله يا ملاسي لو يجيك ويقول لك....

out


تبقى حكاية.........تضحك الغنماية


الغنماية دي يا ربي بي تدخلني في مشاكل؟

طالما الموضوع جاب سيرة الغنماية

أقترح تحويله لمحكمة العدل الدولية في لاهاي

فمن كانت لديه جنسية امريكية فليبرزها

كيفك يا سجيمان؛

لو جا - و ما اظنو يجي - و قال لي OUT

بعمل نفسي ما بعرف انجليزي و بطنش؛

بس لو جا و قال لي: العب بعيد؛

حينها بقوم جاري؛ و غنمايتك دي ذاتا ما بتحصلني.

يا خاين





فكره بوست منفصل خوف الطرد
دي ما خطرت علي بالي






عموما
انا حا اشارك هنا بوصفي متدسي وراك
و سأعتبر البوست بوستي لزوم التنسيق و كده
بأعتبارنا مصدر قلق للاستاذ عثمان محمد صالح

ياخونه..
فى لسته جايه ربك يستر لمحكمة لاهاى ماسمعتوا بيهاشكلى جايكم فى فوج بقيادة ملاسى ياخدر . .


القمر بوبا عليك تقيل. .

بمناسبة الجواز المريكي

سوعال ؟

لو واحد ولدو ليهو شافع في حرم احد السفارات الغربية.... هل يحق للمولود حمل جواز هذه الدولة ذات الحظ العظيم؟

المواطن\ سجيمان

قرية عَد الغنم....وبعد ما تعدهم اقسمهم على تلاتة......ولخبطوهم تاني...وكل زول يشيل شيلتو

ريفي شنب البعوضة

Quote: طالما الموضوع جاب سيرة الغنماية أقترح تحويله لمحكمة العدل الدولية في لاهاي فمن كانت لديه جنسية امريكية فليبرزها

يبَرِّز منو يالمسافر ..... الغنماية !!!

ياهو بس دا الفضل.

عايز تدقس الامريكان?

..
.
مساء الورد والتطنيش
مساءك يا مطنشنى
بسرعة لو تبينى اعيش
رسالة منك تنعشى

دى ياملاسي جاتنى من واحدة قريبة كاظم الساهر
قلت العبها ليك اسكرو مادام الأديب طنشك..

أنسي وعيش

خدر ملك الميديا؛

لم يشفع لك يا عزيزي جيشك العرمرم

من المستشاريين الاعلاميين؛ و لا آلتك الاعلامية الجبارة؛

و لا حتى الحسان من مذيعات قناتك - تلك - و لا حتي كبيرة

المذيعات التي اتت و هي متهندمة بالحذاء الكموش؛

و خرجت حافية لا تلوي على شيئ - لا تلوي و ليس تولول -

يا عزيزي؛ من ابسط قواعد المعارك الاعلامية؛ و انت المالك

لاعتى المؤسسات الاعلامية؛ من ابسط القواعد ان لا تنساق للفخاخ

المنصوبة؛ و ان تحدد بنفسك اين تكون مباراة الرد؛ اذ لا يمكن

ان تكون كل المباريات في استاد واحد؛ تتعرض فيه صباح مساء

للحصب و الهمهمة العدائية؛ بل و تطرد قبل بداية المباراة.

و عليه يا خدر يا خوي؛ لا يسعني الا ان اردد - و انا انظر

لمملكتك الاعلامية - كريم ادى غشيم.

و انا لو منك؛ اقوم ارفد كل المستشاريين الاعلاميين؛

و قطعاً سأبدأ بكبيرة المذيعين / ات.

السلام عليكو و رحمة الله تعالي ونعماتو...

اما بعد...

ياخي انا الاديب عثمان برضو شات لي كلام ...لييف ايميدياتلي و موف و اشياء من هذا القبيل..احرجني ياخي .. دخلني في كستبانه.. من الخلعه نسيت سفنجتي و بقايا احتيار و حبة غيظ من الراجل عديم المنطق الاسمو فيصل دا...

بلله تصدق و تأمن بلله الراجل دا هاج فيني هيجه سبب بلا سبب... الاشوفو حارق رزو كدا... اقول انا عرسته ابوهو .. قطع شك تشابه عليه البقر و الحابل بقه ذي النابل.. سولت له نفسه تلك - العنجهيه- ان له الحق انو اكرشني من نقطه في بحر عالم افتراضي قاعد علي كفة باند ودث... يا سبحان الله.. من سيد الحق اكلتها في حناني لكن منو ولولا الطرده كن مشيت قلبتها معاو... لكن البركه فيك ياشيال التقيله اديتني فرقه....

اما بعدين.. تنويه للاديب وصديقه عديم المنطق..
بمجرد ما الموضوع اطلع من درج مكتبك في البيت ويدخل في السايبر سبيس يصبح سبيل وحق للعامه, الارجرجه , الدهماء و من طابت لهم/ن نفسك و عندمايصبح حق للعامه القصه بعد داك ما بتحتاج ليها لي بطاقه زمالةاطباء عشان تخش...
فيا اخي لو داير الموضوع اكون خاص اكتب في العنوان
الي فيصل منو ما عارف كدا و كل من هم في قوائمكم نقط نقط الناس ييبسون- يوردان راديجكوف...
او راسلهم علي ايميلاتهم الخاصه ... بي كدا تكون امنته نفسك و اصحابك مني و كل من علي شاكلتي..
حاجه اخيره.. كتاباتك و مجهودك في الترجمه يستحق الاشاده.. الضغط و السكري هو ما لا تستحقه ... فهون علي نفسك و سف عليها تنجلي...

و شكرا..

السيد ابو لمعه معليش داهمته ليك البوست لكن الكلام كن قاعد في طرف نخرتي.... شكرا





حسي دا كلووو هييين البلمني في سفنجتي شنو؟؟

OUT

قلنا ننظف المكان بعد داك نقول سلام!!!!

يا جماعة؛

و على الرغم من انو الموضوع انتهى؛

و انو خلاص كلام بله الزول حيعمل بيهو؛

الا انو هنالك بعض المتعلقات في هذا البوست؛

لابد من الفراغ منها قبل المغادرة النهائية؛

و هذه المتعلقات لا علاقة لها من قريب - او من قريب -

بالاستاذ الاديب عثمان محمد صالح؛ بل هي مواضيع كدا.....

كيفك يا تبدلينا؛ الشوق مطر ياخي؛

كيف تقول لي مطنش ياخي !!!

هو انتا في الابيض و للا بي جاي؛

اها باللاهي شدً لي تلفون على 85338404

و خلينا نعرف الحاصل.

كيفك يا منقا - محمد ع. بكري -

الامريكان ديل مافي زول بيقدر يدقسهم غير الامريكان.

عزيزتي شابنق استار؛

عمت مساءاً؛

Quote: الي فيصل منو ما عارف كدا و كل من هم في قوائمكم نقط نقط الناس ييبسون- يوردان راديجكوف

فيصل طه....... اسمو السيد فيصل طه؛

و كونه يعبر عن افكاره باللغة الانجليزية؛

ليس مبرراً لان تسميه "فيصل منو ما عارف كدا" ......

لذا و من هذا المنطلق؛ فانني احيي السيد فيصل طه؛

و اتمنى ان يحوز على كيبورد عربي باعجل ما تيسر.

عزيزتي كبيرة المذيعات و نعمائنا المشرقة؛

Quote: بمجرد ما الموضوع اطلع من درج مكتبك في البيت ويدخل في السايبر سبيس يصبح سبيل وحق للعامه, الارجرجه , الدهماء

ما من شيئ اعادني لهذا البوست اكثر من كلمة "سبيل" اعلاه؛

فنقطة ضعفي الكبرى هي هذه السبل؛ لله درها تلك التي تعطي

دون انتظار لمقابل.

عاشت سبلنا و عاش صمودها و نضالها.

عزيزي ٍShao Dorsheed

كيف احوالك يا رجل؛

فبعد ان خرجت بناءاً على "اوتك" عدت مجدداً

بعد ان تذكرت ان البوست بوستي و ان حق "التأويت" حقي.

و لان الطبع يغلب التطبع؛ فأن "اوتك" اخرجتني رغم احقيتي

في ان "اؤوت" الاخرين.

اها يا اخوانا؛

نشوفكم في ساعة خير ان شاء الله.

السيد الاديب الفنان ابو لمعه....

بدايه:
تتساوى الأشياء عندما تصبح الحياة دائرة ضيّقة جدّاً لا تستوعب أيّ جديد...

تعقيبك علي العين و الراس و السفنجه (و السفنجه دي عزيزه علي لذا اضفتها و دا لي معزتك عندي)..
اما بعد....
السيد الاديب متحدث الانجليذيه - الركيكه- فيصل قطر دا...
انا لا بعرفو ولا دايره اعرفو. فقد امتلئت كل خانات المعارف الافتراضيه عندي...

قيل ان رجل دخل علي طبيبه مولولا "( الأبواب تخونني يا دكتور، تعبث بي عبثاً سخيفاً لا يطاق، أفتح باب مكتبي فأدخل حماماً عمومياً أو نادياً للبولينج. أفتح باب منزلي فأدخل مصنعاً أو مسجداً أو شقة وضيعة. لم تعد الأبواب تفضي إلا إلى مزيد من الحيرة والطرق الخاطئة. حتى باب عيادتك يا دكتور لم يكن سوى باب بريء لمنزل أحد الأصدقاء. أما وقد وجدت نفسي أمامك، فمن الأسلم أن أروي الآن كل شيء. قد لا تتكرر الفرصة كما ترى!"

.. فيا سيدي البورد دا ابواب .. سلسله طويله من الابواب.. و زولك المشار اليه اعلاه فتح الباب الغلط معاي.. و قال كلام ركيك متهافت لا ينم عن منطقية قائله.. بلعربي كدا زولك دا كن بقه دكين ما بقبل عليه.. و بصراحه انا جني و جن ناس تحميش النيران و ذيادت الطين بله...

اخيرا اختلاف الرأي لا يفسد للمريسه قضيه.. انت شايف انو السيد فيصل طه انا شايفه انو فيصل منو ما عارف كدا... وسيظل هكذا لانو لايهمني امرو .. ولو جا ماري بي هنا او ضرب ليك تلفون قول ليهو ما افور دمو ولا يتعب احساساتو و لو عندو كلمه كلمتين فليوفرهم لي الاديب عثمان محمد صالح فهو اولا بهم...

لي قدام و عفوا لي رفع بوست ما مفروض اترفع حسب تلميحات سيادتكم و تعليمات السيد بله ...

مخرج...
كل شيئ الى الزوال مآله حتى الظلم ويبقى الحق حتى وان زال الزوال

حاجه اخيره... قالوكاظم الساهر حيحي حفله في الخرطوم.. الكلام دا صحي ولا انت غاشي الناس دي يا سيد؟

شمسنا المشرقة؛

سلامات

دعيني بعد السلام و الذي منو ابدأ التالي:

امس وقفتا ليكي الخرطوم على رجل؛

و البلد كلها تردد معاي؛ زيديني عشقاً و ما عارف شنو.

غايتو البلد اتطورت و رجعت تلاتين سنة لورا؛

و الناس قعدت تتذكر حفلة ام كلثوم ديك بتاعت ابوحسبو و على شمو؛

و حفلة ناس فريد الاطرش و وردة بتاعت ناس نميري ديك.

و غايتو سمعتا تحت تحت انو في شركة دايرا تجيب هيفا بتاعت ناس سجيمان ديك؛

لانو أغنية رجب مكسرة الدنيا هنا.

Quote: بل هي مواضيع كدا.....

ياحسين ياااخي ما كنت تقول من زمان
مخلينا فاتحين الديكشناري
وماسكين حروف من أوله