Quote: يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر
نتابع هذا الدفق المليء بالعاطفة الجياشة ..وهذه المفردات التي تحمل ملامح اهلنا ...تابعنا كل الحلقات في التلفاز ومفخرة لنا..تحياتنا موصولة لأسرتكم ومن بطرفكم
Quote: ... يالمة فتشى فى الزحام يا غيمة لمى المطر الغمام وياامة لملمى سمح الكلام يا عافية اغشيى الدغش خشم البيوت.. قبال نفوت ادى الصغار لمسة شفا واتصبرى ادى الكبار دفة حنان و كملى المشوار عشا لمينا بى نية الدفا وغطينا ياعافية الوفــــــــــا يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر
ما أروع دفقة الأمل من بين رُكام الحزن والأسى!
هأنذا أرشف قهوة الصباح وقد كسا فنجاني هالة من العذوبة وتملّكه الأمل وكأنما فجر الخلاص لآلامنا قد دنا وجاء ممتطيا هذه الكلمات الرائعات.
هذا نصٌ يخرج من خيال شاعرة لتدخل شِغاف القلوب، وكأي شاعرة حقيقية جسّدت آمالنا وأحلامنا وكيف لا والشاعرُ هو ضمير أُمته وحادي ركبه فليتدفق الشعر هكذا رقراقا من بين براثن الشقاء الذي نعيشه والآحزان التي تأخذ بتلابيبنا أخذاً وألآشجان التي نبكيها ونذرف الدموع عليها ونحن في حالة ذهول من جور الأيام وظلم الحكام وفجور السلطان وصحراء التيه وفقدان الدليل...
Quote: يالمة فتشى فى الزحام يا غيمة لمى المطر الغمام وياامة لملمى سمح الكلام يا عافية اغشيى الدغش خشم البيوت.. قبال نفوت ادى الصغار لمسة شفا واتصبرى ادى الكبار دفة حنان و كملى المشوار عشا لمينا بى نية الدفا وغطينا ياعافية الوفــــــــــا يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر
يا لمة الحضن الوفى ادينى من ريقك وداد خلينى اتكحل قبل يتوارى فى عيونى الرماد ادينى من وجع الحروف حزمة امل اهديها لى اهلى البُعاد فى شان تلم الضى وتفرشوا فى دروب الحب سماد
Quote: فات الفوات لى زول غرق نص النهار كسر المرق لى جد ضرير يتم بسيمات الصغار شلهت بيوت فرشت بكاها للكبار والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا
شكراً أيها السيدة الفاضلة أسماء الجنيد ..
القصيدة جسدت لدي مشاهد متداخلة متنوعة .. متشابه الوقع متباعدة الأزمنة متفرقة الأماكن .. فيها القديم منذ الصبا وفيها الماثل أمامي وما بين ذلك كثير .. اصطفت جميعها رافعة لافتات مختلفة الألوان تطلب استحقاقاتها وتلومني على السلوان .. ومابي من سلوان ولكني أتجمل قدر استطاعتي عسى أن أجوز المحطات الحزينة بأقل عناء ..
تحزنني دائماً النهايات .. نهاية الخريف ونحن في الحصاد لأنني أتذكر ما كانت عليه الأرض في أوج خضرتها ..
نهاية الشتاء تحزنني وهذه لا أدري لها سبباً ..
نهاية الصيف عندما تبدأ أشجار النيم في نفض أوراها استعداداً للخريف ..
نهاية الرحلات تحزنني لأنني سأفارق أناساً سعدت بهم حيناً ..
نهاية الإجازة السنوية التي تنتزع الناس من أحضان أمهاتهم انتزاعاً ..
نهاية رمضان لأنه موسم الخيرات والنفحات الربانية والبشريات ..
نهاية حياة من نحب لأنها الفراق المر ..
حفظك الله مداداً وافراً وحرفاً جميلا وروحاً طيبة ..
Quote: يا سومه ابداع كالعاده والله قريناك لمن شبعنا ياخى والله انتى اشعر زوله لكن عيبك بتدى بالقطاره تحياتى ليك وللعيال ولكل ناس عمان
ود الجعلى ود القبايل المى كتر حبابك يابا بعد غياب طال البركة فى الشوفه يا الحنين الابداع انتو صناعو سلامك وصل تب و ليك اضعافو اطنان سلام ومودة تسلم كنير على الطلة يا ود الفريق والحلة شكرا لمة حبان فى حوش الصيفان
Quote: نتابع هذا الدفق المليء بالعاطفة الجياشة ..وهذه المفردات التي تحمل ملامح اهلنا ... تابعنا كل الحلقات في التلفاز ومفخرة لنا..تحياتنا موصولة لأسرتكم ومن بطرفكم
قريبى عبد الرحمن الحلاوي سمحة حيتك لينا يا سقف البيوت وضرا البنوت العبد مبارك عليك يا الحنين وتتبارك ايامك ان شاء الله تتبعك العافية وتبراك وين ما تقبل يعلم الله مليتنى سماحة بى نضمك السمح يا ركازة الزينين شكرا ليك بالكتير ما شويه
Quote: ياسلام ياااخ عليك ... دائما ما نشم ريحة الدعاش فى كلماتك ونتذكر ايام زمان ...
ليك الف تحيه والمزيد من شعرك الجميل ..
Celecon سلااااااااام وشوق شايلو الغمام غيبه طويلة ان شاء الله طيبين وسالمين بركة رب العالمين كل سنة وانتو طيبين .. ربى يجعل ايامكم كلها اعياد شكرا لا تكفى على الاطلالة الملانه محنة وحنين شكرا قمر دورين
Quote: ما أروع دفقة الأمل من بين رُكام الحزن والأسى!
هأنذا أرشف قهوة الصباح وقد كسا فنجاني هالة من العذوبة وتملّكه الأمل وكأنما فجر الخلاص لآلامنا قد دنا وجاء ممتطيا هذه الكلمات الرائعات.
هذا نصٌ يخرج من خيال شاعرة لتدخل شِغاف القلوب، وكأي شاعرة حقيقية جسّدت آمالنا وأحلامنا وكيف لا والشاعرُ هو ضمير أُمته وحادي ركبه فليتدفق الشعر هكذا رقراقا من بين براثن الشقاء الذي نعيشه والآحزان التي تأخذ بتلابيبنا أخذاً وألآشجان التي نبكيها ونذرف الدموع عليها ونحن في حالة ذهول من جور الأيام وظلم الحكام وفجور السلطان وصحراء التيه وفقدان الدليل...
شكرا الشاعرة الرقيقة أسماء الجنيد...
ما اروعك انت شاعرنا الموسوعه عبدالاله زمراوى الرجل الشفيف شفيف الدواخل كثيف العبارة وريف المعانى اخجلتنى يعلم الله بى تواضعك الجم وانت القامه السامقة فى سماء الادب والشعر تجود على بروعة كلامك الذى منحنى ضوء اخضر فى درب الكتابة الطويل ومنحنى نبراس ينير دربى... وامل يطوقنى من كل اتجاه اخى العزيز لك الشكر بحجم ابداعك الدافق وبحجم وطنيتك الباينه كالشمس وشكرا نيلين وضفة
Quote: يا لمة الحضن الوفى ادينى من ريقك وداد خلينى اتكحل قبل يتوارى فى عيونى الرماد ادينى من وجع الحروف حزمة امل اهديها لى اهلى البُعاد فى شان تلم الضى وتفرشوا فى دروب الحب سماد
ابداع المعنى فى بساطة الحرف
يسلموا ام رامى
يا فرحة الجنا بالبكر بديك براك شوق السنين والريده والغيم والمطر وبهديك براك لحنى الحنين والكلمة والناى والوتر ادينى من نغمك لحون واسقينى من يمك سحر يتمايل الكون فى شجون نسعد كمان طول الدهر
القصيدة جسدت لدي مشاهد متداخلة متنوعة .. متشابه الوقع متباعدة الأزمنة متفرقة الأماكن .. فيها القديم منذ الصبا وفيها الماثل أمامي وما بين ذلك كثير .. اصطفت جميعها رافعة لافتات مختلفة الألوان تطلب استحقاقاتها وتلومني على السلوان .. ومابي من سلوان ولكني أتجمل قدر استطاعتي عسى أن أجوز المحطات الحزينة بأقل عناء ..
تحزنني دائماً النهايات .. نهاية الخريف ونحن في الحصاد لأنني أتذكر ما كانت عليه الأرض في أوج خضرتها ..
نهاية الشتاء تحزنني وهذه لا أدري لها سبباً ..
نهاية الصيف عندما تبدأ أشجار النيم في نفض أوراها استعداداً للخريف ..
نهاية الرحلات تحزنني لأنني سأفارق أناساً سعدت بهم حيناً ..
نهاية الإجازة السنوية التي تنتزع الناس من أحضان أمهاتهم انتزاعاً ..
نهاية رمضان لأنه موسم الخيرات والنفحات الربانية والبشريات ..
نهاية حياة من نحب لأنها الفراق المر ..
حفظك الله مداداً وافراً وحرفاً جميلا وروحاً طيبة ..
جاد
يا سلااااام عليك يا جاد يا اجمل زاد بتجود على دوما بالزواده الكتيره والرفقة الغزيرة فى درب الكتابه الوعر حد الخوف وصفك بديع وحسك رفيع صدقت اخى العزيز للنهايات دوما احساس حزين والنهايات الجميلة ما اسرعها لها الم وحزن دفين ورهبه يتحسسها شغاف القلوب من مثلك تماما اكثر شىء يؤلمنى ويؤرقنى الوداع تصدق اخى العزيز ذكرى الوداع بتمسخ على فرحتى بالسفرواللقياء لاهلى وحبانى بشيل الهم قبال السفر زاتو اخى المجيد جاد اسعدتنى طلتك الجميلة واسعدنى حضورك الباهى لك منى الشكر مطامير فرح والدعوات فرح قبيلة وامنبات تبراك بالعديل والزين والفال السمح
Quote: يالمة فتشى فى الزحام يا غيمة لمى المطر الغمام وياامة لملمى سمح الكلام يا عافية اغشيى الدغش خشم البيوت.. قبال نفوت ادى الصغار لمسة شفا
تسلمي سومة وتلملمي الغيمات
Post: #36 Title: Re: *** رقراق الضحى *** Author: الرشيد ابراهيم احمد Date: 10-03-2009, 00:29 AM Parent: #35
جميل انك تحب الناس تشيلم جوه في عينيك بس اجمل تكون مشتاق وشوقم شايلو باين فيك تفتش وين ارضيهم تراضيهم مهم تكون بعيده عليك بس اجمل تكون محبوب وكل الناس تفتش فيك وتشتاق ليك
Quote: الشكوى تصعد الى السماء والسماء تقسو احيانآ وترق يا مطر عز الخريف زور هذه البنية الخايفة من نار الحروف
كتابة عميقة واسيانة وشاكية والمحل فيها واضح والشقا والوطن كاد ان يضيع، ولكن التفاؤل صنعة الحالمين المحترفين
العزيز عادل عثمان طلتك سمحة يا عشا الضيفان وهديتك وكرت المحنة جووووة حد الحشا يااااا اخى عادل لو تعرف صدى المفاجأة الجاتنى منك متلفح بى هدم الحنين ومحزم بى شوق السنين وشايل فى طرفك غنانا القبيل الله يرحم مصطفى ويرحمنا نحن من البنسمعوا هسه اخى عادل عرفت تجينى من وين وعرفت كيف تطفى نيران الضنين .. حتى ولو لحين جانا همبريبك بااااارد من طرف جروفنا يديك العافيه ويجيب ليك العيد وانت موهط معاهم فى بطن البيوت الناس السمحه البتغزل نضمها زى الخيوط تسلم يا ود القبائل وشكرا مارقة من الجوف ورويانه بى موية الجروف
بت امى انا وصال حبيبة البى والحنين الجارى عليك يمه ملانه حجى وضللنا محنة طلتك غيمه وكلامك دعاش ونضميك مطر دغش غزير وملان برد نثرتى عطرك فى ساحاتنا كفانا وقسمنا للمعانا شكرا عميقة وصال يا قريبتى شكرا قدر ريدى ليك يا غالية من وسط اللمة
Post: #44 Title: Re: *** رقراق الضحى *** Author: وليد عبد اللطيف Date: 10-03-2009, 07:46 AM Parent: #43
والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر لا يوم طويل وتعب سفر والجهال تحت الشدر حتى الحراز فقد المطر وفضلت ابحلق فى القريب حتى البعيد .. مد البصر ============================== ياسوما ماسبتي قول والقول السمح كتير لمن نوصف ما تنثرينه درر
Quote: سوما تحياتي بعد غياب مريت من هنا وماصدقت حضورحرفك الانيق اليوم هنا تحياتي لك وللفاتح جميع افراد الاسرة النافذة ماذلت حية تتوق لحضوركم
الاخ العزيز باسط المكى سلامااات سلام ليك ولى اسرتك الكريمه وكل سنة وانتو العيد ربى يجعل ايامك كلها اعياد ياااااه يا حنين من وسط اهلنا رجعتنى لى اجمل لحظات وذكريات قضيناها معكم ولو كانت على عجالة لكنها رسخت فى دواخلنا عمق اواصر المودة من اناس نكن لهم ويكنوا لنا عميق مشاعر الاخاء والصداقة النقية الوفية دمت اخى باسط.. ويعلم الله فرحتنى مرتين فرحة بى طلتك الجميلة واخرى انى اطمأنيت على صحة اخ اعزه جدا ود الجنيد بسلم عليك كتير وبقول ليك كانت لنالحظات من يم الشهد نتمنى عودتها سريعا للنافذة فى نفسى مكانه خاصة لا يعلمها الا من يعرفنى جيدا لكن لدى مشكلة فى تسجيل الدخول اخطرت العزيز سنارك وما قصر والله واستلمت كلمة مرور جديده لكن الحال فى حاله .. حاولت الاتصال به عدة مرات .. واعتقد انه مشغول . وايضا لا اخفى لك مع الزحمة الكتيره التقصير من جانبنا لكم العتبى حتى ترضوا وسوف نعود قريبا لاناس نحتاجهم اكثر مما هم يحتاجوننا خالص المعزة والمودة
Post: #46 Title: Re: *** رقراق الضحى *** Author: معتصم دفع الله Date: 10-03-2009, 10:21 AM Parent: #45
Quote: وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر والجاى حار و طعمو مر
يا سلام عليك يا سوما .. كلامك جميل ووصفك دقيق .. بالله عليك ما تحرمينا من زي كتابتك الحلوة دي .. واشعارك الجميلة ..
Quote: الشاعرة الجميلة سوما بت الجنيد كل سنة وأنت طيبة وطابن أيامك سعيدة
دا الكلام البخلي الزول يعود لي جنو القديم
نقول شنو عاد تولعو في قلوبنا النيران بشعركم
تحياتي شديدة ومودة أشد
خالد ود عمى المنسى الشوقنا ليك تب مو منسى وانت طيب يابا وسلامة قلبك ود امى من كل شر عارف يا خالد يا خوى الجن القديم ده ياهو زاتو مربط الفرس امسك فيه قوى واتوكل على الله ما سمعت بالمثل البقول الجن البتعرفوا ولا الجن الما بتعرفوا خلينا مع جننا القديم يا خوى نمرح ونسرح فى وادى عبقرنا ههههه تسلم يا خالد طلتك سمحة بالحيل
Quote: جميل انك تحب الناس تشيلم جوه في عينيك بس اجمل تكون مشتاق وشوقم شايلو باين فيك تفتش وين ارضيهم تراضيهم مهم تكون بعيده عليك بس اجمل تكون محبوب وكل الناس تفتش فيك وتشتاق ليك
سومه بنفتش فيك وبنشتاق ليك ولمحمد كمان خالص الود
الرشيد ود ابوى ابراهيم الزول الدوباااااااى وغناااااااى وصتو حنين دحن يا الرشيد يا خوى مافى طريقة تنزل لينا شغل بى صوتك هنا حبابك يابا واليوم السعيد اللينا جابك شرفتنا وشرفتنا واتحفتنا بى الطلة المى خمج الرشيد دائما بتجينا وجرابك ملان ومكفى الجيران الله يديك قدر كرمك يا تربية البطانه البى خيرها رويانه ربى يسعدك ويهنيك ويعليك فوق المابيك وشكرا خريف شرق اب رعدا بدودى وبرقا ببق
الله عليك انت والله يا طارق وعلى الصورة الرائعه الفى بروفايلك دى بالجد بتديى الروح جمه بعد معناة يوم طويل تسلم يا حنين وشكرا على المرور الاسعدنى حد الفرح شكرا مطر دغش
Quote: والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر لا يوم طويل وتعب سفر والجهال تحت الشدر حتى الحراز فقد المطر
Quote: يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر
السمحة يا بتنا بت الهنا يا بت منانا وعزنا نفرح نباهى بيك كل الشعوب والازمنة يا سمحة نوارة الفريق يا ضاوية كل الدروب والامكنة والشوق ليك نيلين وضفة وشكرا للطلة يا حنينة
Quote: ياسوما ماسبتي قول والقول السمح كتير لمن نوصف ما تنثرينه درر
الحنين وليد عبد اللطيف عيدك سعيد يابا وعمرك مديد ان شاء الله طلتك سمحة بالحيل يا وليد .. وسمح الكلام البجينى من تالاك .. حنين وناااعم زى نسمة عصر ربى يفرحك ديمه ..واكتر ما يشرح صدرى يا وليد يا خوى البنية فى الصورة فى البروفايل .. حلاته وما شاء الله عليها البرآءة فى وشيهاترد الروح ربى يحفظهاو يخليها ليكم ويخليكم ليها شكرا العزيز وليد شكرا ضحكة صغير قبل الفطام
Post: #61 Title: Re: *** رقراق الضحى *** Author: محمَّد زين الشفيع أحمد Date: 10-04-2009, 08:42 AM Parent: #59
Quote: رقراق الضحى 000 شعر : أسماء الجنيد/ مسقط.
وبقيت ممحنة فى الحلق الطقطق الوجع السكات صارى النضم حفنة وهم جوة الحشا .. والباقى مات كومين رماد مكشوحة فى الدرب البساسق لى الممات ..و فات الفوات فات الفوات لى زول غرق نص النهار كسر المرق لى جد ضرير يتم بسيمات الصغار شلهت بيوت فرشت بكاها للكبار والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل .. والزمن ممحوق قليل لا ضل ضحى ونومة ضهر لا كوم نجوم لاضى قمر شليل وين راح ..ودع ختر لا يوم طويل وتعب سفر والجهال تحت الشدر حتى الحراز فقد المطر وفضلت ابحلق فى القريب حتى البعيد .. مد البصر الكل ملجم من طرف الا من شيتا كتر نضما كتر نشف الكلام وسط الحلق جف العرق نشف جريدنا والورق والجوف فتر والجاى حار و طعمو مر .... وبقيت اتاوق من بعيد افتش الدرب العتيق الكل مقبل من طريق حتى الفريق فرتق بيتو عرق .. عرق اتشلع السقف المرق ... يالمة فتشى فى الزحام يا غيمة لمى المطر الغمام وياامة لملمى سمح الكلام يا عافية اغشيى الدغش خشم البيوت.. قبال نفوت ادى الصغار لمسة شفا واتصبرى ادى الكبار دفة حنان و كملى المشوار عشا لمينا بى نية الدفا وغطينا ياعافية الوفــــــــــا يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر
حرفُكِ يَشْبهُنا يا أسماء ، فهو عيدُنا وحَلْوَانا ومَا تبقَّى مِنْ دَنّ. سُرِرْتُ بقراءتِهْ . تحيّتي لكِ أبدًا . أخوك / محمَّد زين . _____________________
Quote: يا مطر اهدى الدعاش رشة صباح واهدى الفريق غيمة ضهر تغرق مطاميرنا العصر الموجة ترقص فى البحر والفرحة تكبر فى الحكر يا يمة جاى يا خالة جاى ويااااا مطر اهدينا افراحنا البكر ]
Quote: ابداع من شاعره بدويه متمكنه لك التحايا الاخت سوما
العزيو حمزة الكوبى مرحبتين حبابك اكرمتنى ووشحتنى بحب اهلى الغبش يديك قدر ما يرضيك يا رب والعيد مبارك عليك احب حياة البداوة واعشقها حد الثمالة شكرا يا حمزة على عباراتك التى منحتنى ارث اجدادى شكرا فرحة قبيلة
Post: #77 Title: Re: *** رقراق الضحى *** Author: إدريس محمد إبراهيم Date: 10-05-2009, 07:44 AM Parent: #76
Quote: فات الفوات لى زول غرق نص النهار كسر المرق لى جد ضرير يتم بسيمات الصغار شلهت بيوت فرشت بكاها للكبار والعصافير النفير كيفن تطير ركت تنقر فى الحجار كتح عشيشاتها الغبار دمدم شديراتها الدمار والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر .. والصف طويل ..
الأخت الشاعرة / أسماء الجنيد ...
تحية ملؤها التقدير والاحترام ،،
أسمحي لي أستاذة أسماء أن أعبر عن إعجابي الشديد بهذا الإبداع ...
قصيدة رائعة بحق .. بساطة المفردات مع عمق المعاني وصدق المشاعر والنظم الرائع امتزجوا ليمنحونا هذا الجمال ....
تدفقي دائماً أختاه شعراً صادقاً رقراقاً لتتحفينا بهذا الدعاش الحياه من ربوع بلادي .. حتى تضيء ومضات الأمل في كل القناديل المعتمة ...
وارقدي عافيه أنت وجميع من حولك ...
مع خالص ودي وتقديري ؛؛؛
Post: #78 Title: Re: *** رقراق الضحى *** Author: انعام حيمورة Date: 10-05-2009, 08:37 AM Parent: #77
الليلة مالك ياجبل داير تزح ترمي الصخور تفقد قواعدك والامل لا يا جبل .. اوعك تزح اوعك تزول
من ضربة اولى وضربة تانية ما تزح دنميت قوي وزلال كثيف وما تزح وصواقع المطر الغزير تنهال عليك وما تزح
الا الشديد الا القوي يرسل اليك ريحا عتيد وتستريح
اوعك تزح اوعك تزول
شان ناس عزاز متشبسين فوق الصخور شان ناس خلاص دورهم قرب دايرين عدل دايرين سرور
لا يا جبل
عشمًا كتير فوق الكبار ودربا طويل بمشوا الصغار
ديراين نعيش عمرا مدير باذدهار ومن بعد داك نسدل ستار
زينب حيمورة (حنانة)
----
الحبيبة سومة .. (امي شاعرة ) لمن حضرت حلقتك قالت لي كلامها رصين وحنين ..
ممكن تتفضلي بزيارة البوست دا .. أمي ... شاعرة حتى تتعرفي على بعض شعرها وادينا رايك بالله ولمن تجي نعمل ليك جلسة شعرية في البيت قبل كدة عملنا لي الحبيبة تماضر الخنساء حمزة وجلسة اخرى مع الشاعرة امنة شامي وكذلك نظمت فتحية رغيم جلسة شعرية مع الشاعر سيد احمد الحردلو بمشاركت امنة وحنانة ..
Quote: سومتنا الحقتنا فرحانة بيك كل السطور فرحانة جد وانا كمان معاها كل سنة وانتي سوما المهضومة
جمال سلام واريتك طيب والله يا جمال ما كنت دايره ارد ليك ونحن ملانين وجع من مباراة امس لكن الله غالب .. الظروف جابتها كده كتر خيرك يا حنين على السمح الجانى منك يا ود اهلنا وعزنا ات زاتك يا العشا ماك هين لكن طولنا من ابداعاتك اختا المكاواة دى شوية وادينا من نضميك السمح داك شكرا يا جمال على الطلة شكرا غيمة رويانة جاياك من تالا البطانة
سلاااام واحترام يا اهلناالسمحين اخى ود التكينة ..لك الاشواق زهور جنينة ما تستغرب يابا انا رفعت البوست ده بالكلمات الجميلة دى من آخر مداخلة للاخ الكريم جاد ..عشان ارفع بيها البوست وارجع ليكم بى مهلة
وتسلم الظريف مدثر تيف تيف ياخى مشتاقين وكل سنة وانت طيب ربنا يحقق كل امنياتك الجميلة يا رب طولنا من ابداعاتك يا مدثر رجاء ما تبخل علينا وخليك قريب شكرا لا تكفى لطلتك الجميلة اخى العزيز شكرا نيلين
Post: #91 Title: Re: *** رقراق الضحى *** Author: ابوبكر يوسف إبراهيم Date: 10-07-2009, 12:08 PM Parent: #90
Quote: والشكوى سارجة النيل مسار نص النهار... شال الصفار لون الخدار حتحت صفيقات الجروف والموجه تردح فى الخلا مكسورة خاتر ومكسرا النيل تعب ..شد الضهر لليل شكا .. لامن بكا واليوم طويل ..فاقد الدليل وفضلت ابحلق فى الخلق مشدوهه بى شيتا كتر نضما كتر ..
مفردات في غاية الجزالة .. شاعرة تملك أدواتها فأحسنت التعبير .. قصيدة ذات جرس آسر .. نظم رائع يروي معاناة وبناء القصيدة يشد الألباب.. الناحية التصويريةر فيها إبهار وإبداع .. مودتي
Post: #92 Title: Re: *** رقراق الضحى *** Author: عبد المنعم سيد احمد Date: 10-07-2009, 03:09 PM Parent: #91
بعودتك تعود للمنبر شاعريته ورونقه وجمال حروفه السامقة الراقية..سوما الحرف لديك امانة.. موغل فى الشفافية يقرا الواقع ويصوره بدفقات الروح..ما اروع حروفك السامقة شكرا بقدر هذا العمق.
العزيز ايهاب كيفكم يا اهلنا والله غيبه طويلة ان شاء الله تكونوا طيبين و فى خير ونعمة.. شكرا يا ايهاب غلى المرور الجميل وتحياتى بالله لكل ناس البيت وخاصة الوالد خالص التحايا للمدام
Quote: الحال العلي حال العدو المسكين وحالو الكتفوهو وسالين علي السكين وحال الفي البحر حايشنّو تمساحين
خالد سلامات واحترامات وحبابك يا الملان غنا وسماحة لكن ما شاء الله يا خالد يا خوى لقيتك ملان وموكر دوباى حد السقف وسلامة حالك من الحال الشين المو زين ويسلم احساسك العالى بى حياة اهلنا فى البطانة المترعة حنية
قلت لى قطعت انت ود الجنيد صاحبك اصبروا لى الاتنين بشيل غناى وبجيكم زولة هجاء ساااااى ات ماك عارف البطاحين ما برضوا بالحقارة؟ اها شيلوا شيلتكم وانكربوا لى ودعتك الله اخى العزيز خالد وشكرا قعدة ضحى
Quote: سومة يا روعة حروف سومة يا خدرة جروف انتى الامل بى حرفك المغزول حنين و انتى السمح بى فالك لى فرحا ضنين منتظرين نشوفو و عايشين نعيشو رغم الضلام العاش سنين
لك ودى
انور الحنين ود الجروف والطين حبااااااااااااابك والعزيز عقابك تسلم والله يا ود القبائل المى خمج نحن ناس التكينة ديل ما اهلنا وعزنا عارف يا انور يا خوى شدة ما عجبتنى مداخلتك دى يعلم الله بجى اتاوق فيها فى اليوم كم وكم مره الاحساس الصادق النبل الوفاء الشفافية والحنية الموكرة حد الحشا جيتنا شايل فرح اهلك كلو ومدمدم بى حنينهم وسامحتهم اكتر شىء عاجبنى توثيقك لى عادات اهلك واهلنا الزمان من افراح و اتراح الحاجات دى مهمه جدا والله يا اخى انور ويا ريت تقدر توثق فى سى دى لانه على قول د/ الطاهر الدرديرى الله يطراه بالف خير الناس ديل زمنهم انتهى وطبيعتهم السمحة دى ومفرداتها على وشك الانقراض يجب علينا نحن وفاء لهم ان نحى عاداتنا وتقاليدنا قدر المستطاع ايضا ان لا ندع مفرداتنا البسيطه تندثر خلف ركام عجلة حياة اليوم شد حيلك ياباب واوعدك سوف اساعدك فى نوعية بوستاتك التوثيقية دى وايضا لو احتجت اى معانى بمدك بيها من دكتورنا الجليل الله يديه العافية الطاهر الدرديرى شكرا اخوى انور شكرا محنة امات
دكتور محمد حسن الزول المعبأ مشاعر حد الطوفان طلتك احساس بالالفه يا شفيف وشهادتك احساس بالامانه يا وريف تسلم دواخلك النقية يا ود القبائل والتحايا عبرك للعقاب
Post: #97 Title: Re: *** رقراق الضحى *** Author: عبد المنعم ابراهيم الحاج Date: 10-09-2009, 10:15 AM Parent: #96
سلام يا اهلنا اريتكم طيبين وعذرا على التاخير الما باليد ولا الخاطر يعلم الله مشغوليات الحياة الما بتكمل... لكم العتبى على تاخير ردود اخوانى واخواتى لكم العتبى جميعا حتى ترضوا
Quote: awesome poem, god bless you
plz continue
Mohd
اخى العزيز محمد شكرا كتير على مرورك الاسعدنى ايما سعاده والله وما شاء الله على البنية الفى البرو فايل النبى سلم لى عليها شديد.. ما شاء الله حلاته تديك الاحساحس بالسلام بالاحضان دقر العين ان شاء الله ربى يحفظها ويغطيها وشكرا ليك نيلين اخى العزيز محمد
الليلة مالك ياجبل داير تزح ترمي الصخور تفقد قواعدك والامل لا يا جبل .. اوعك تزح اوعك تزول
من ضربة اولى وضربة تانية ما تزح دنميت قوي وزلال كثيف وما تزح وصواقع المطر الغزير تنهال عليك وما تزح
الا الشديد الا القوي يرسل اليك ريحا عتيد وتستريح
اوعك تزح اوعك تزول
شان ناس عزاز متشبسين فوق الصخور شان ناس خلاص دورهم قرب دايرين عدل دايرين سرور
لا يا جبل
عشمًا كتير فوق الكبار ودربا طويل بمشوا الصغار
ديراين نعيش عمرا مدير باذدهار ومن بعد داك نسدل ستار
زينب حيمورة (حنانة)
منتهى البلاغه ومنتهى الروعه والاحساس الدافق والله ما شاء الله وتبارك الله بتاوق فى كلام امك ده لى زمن يا نعومة.. عاجبانى المفردة البسيطة والاحساس العميق اكتر شىء شدانى تعبيرها .. تعبير زول متمكن فى العامية والفصحى ما شاء الله ربنا يخليها ليكم يا نعومة لكن ليه ما كلمتينى الاقيها وكان نفسى فى قعدة معاكم الله يعلم الجايات ان شاء الله
Quote: الحبيبة سومة .. (امي شاعرة ) لمن حضرت حلقتك قالت لي كلامها رصين وحنين ..
ممكن تتفضلي بزيارة البوست دا .. أمي ... شاعرة حتى تتعرفي على بعض شعرها وادينا رايك بالله ولمن تجي نعمل ليك جلسة شعرية في البيت قبل كدة عملنا لي الحبيبة تماضر الخنساء حمزة وجلسة اخرى مع الشاعرة امنة شامي وكذلك نظمت فتحية رغيم جلسة شعرية مع الشاعر سيد احمد الحردلو بمشاركت امنة وحنانة ..
كانت كلها امسيات معطرة بي شعر حنين ..
معقولة يا نعومة رأى فى كلام رصين وموزون وحنين بكل ما تحمل الكلمات دى من معانى ؟ ياخ دى نحن المفروض نلتف حولها عشان نستفيد وفى المستقبل نفيد ان شاء الله شهادتها فى حقى يعلم الله خلتنى احلق فرح فى فضآءآت كلها فرح وبهجة كتر خيرها كتير .. وبلغيها سلامى الوفير وحبى الكبير سلام لكل ناس البيت ويعلم الله كلى سعاده بى طلتكم يا آل حيمورة الكرام ربى يحفظكم ويغطيكم ان شاء الله واكيد حا اكون اسعد مخلوق لو التقينا وسط الاهل وشعر الوالده يشرفنى والله ويسر بالى يشرفنى جدا يا نعومة وربنا يسهل ونلتقى فى ساحة داركم العامره حنية بى حبكم للجميع تسلمى وتسلم امنا الحبيبة الحنية وشكرا لكم ريد وحنية
أنا عندي تاكتيك في الوداع .. يوم السفر من الصباح ببدأ في الوداع بالتقسيط .. وبخلق زوبعة في البيت وأحاول أجعل الموضوع مزاح ..
بحاول أخلي دائماً ضمة الوداع للوالدة والوالد قصيرة المدة وفيها هترشة كتيرة لمنع التركيز ..
اخى العزيز جاد حبابك يا ود القبايل عارف يا جاد يا خوى هى الهترشة والمزاح ده زاتو البخلى الزول يجقلب من الصباح ويكب الجرسة مرتين ..لكن ما شاء الله عليك انت البتقدرر تهزر وتمزح وتخلق جو فكاهى يوم السفر زاتو
Quote: لكن صدقيني آخر مرة استطاع الراحل أبي أن يجعلها طويلة مصحوبة بالبكاء لأول مرة يصارحني بالبكاء .. وكانت تلك آخر مرة أودعه فيها قبل مرضه الذي قبض فيه ..
ومازالت تلاحقني تلك اللحظات لماذا جعلها طويلة ولماذا بكى فيها .. هل أحس بأنه سيكون وداعاً طويلاً إلى ما بعد الحياة الدنيا
.. كم ابكيتنى اخى العزيز بى كلماتك اعلاها انهم انقياء اخى جاد رحمهم الله وقلوبهم كانت تحمل بداخلها حب كبير لكل من حولهم اللهم ارحم والدك ووالدى عليهم الرحمه والمغفرة واسكنهم جنات الخلد يا الله
Quote: سوما ...... حلاوة العودة غنيناها فى موال ... تحايا واشواق
سمندلاوى سلامات كيفك يا بكرى يا قريبناوالله مشتاقين يا حنين وحلاوة الطلة يا ود اهلنا عقبال العودة فى السودان يا بكرى شكرا ليك كتير وكل سنة وانت طيب يا رب الشوق قيف بحرنا يا بكرى
Quote: الأخت أسماء شكرا لحرفك الجميل... أبدع وصف للغربة
اخى العزيز العوض غيبة طويلة اريتك طيب وحالك زين وكل سنة وانت طيب يا ملك شكرا لى طلتك الجميلة اخى الحنين والابداع فى الاحساس العالى بمن حولنا هو البخفف معاناتنا بالغربة شكرا ليك غيم ضحى
الزولة الحبوبة ،، الزولة الرقيقة ,, الزولة المتألقة ،، الزولة الزولة ،، صاحبة المفردة الشاربة من موية النيل عذوبة نضم أهلي السمحين و من قصب السكر حلاوة الشعر الجميل عندما تسمع أو تقرأ كلمات بت الجنيد دي تحس بـ غرودة عيون والرويس يعمل كدي أها لافي ذي مشلعيباً شايلو الهوا وذي صفقاً اتدلى من طرف الشجر رقد فوق صفحة موج البحر وحنين مصحوب بـ شوية تنمل مشاعر لذيييييذ يسري في العروق رويدا رويدا حد الإرتخاء والإستسلام. وعندها تدق أجراس الحنين تسمعها فتتكيء على رصيف الذكريات الحلوة والمرة معاً تقرأها فتطرب وكأنك تردد أغنية تحمل في مضمونها الشوق والحب والألم والفراق هي منا ونحن منها و يسعدني أن أستبيح لمفرداتي الكسيحة أمامك أن تتأمل فيما ماتكتبين فاللهم لا تحرمنا من تالقك وجديدك المدهش والمبهر هيا صولي وجولي متالقة في كل المساحات فأنت عنوان لنا وتجسيداً لبت السودان الأصيلة صفراء بلادي أسماء الجنيد جند الله حروفك لإمتاعنا يديك لمن يكفيك
كعادتك تمتلكين كل أدوات الابهار ومقدرة فائقة على انتزاعنا من ما نحن فيه والعودة بنا لارض الحنان وللناس الحنان ولكل شىء حنين ... تتدفق المشاعر مع كلماتك ومفرداتك التى تقودنا قسرا الى هناك حيث زكريات الصبا وحيث رفاق الصبا وحيث احلام الصبا التى لم ولن تتحقق ابدا .. كلماتك دنيا رائعة عزيزتى وفيها اجد ملاذ من وهج التغيير ومن اعاصير الحداثة فهى تقودنى الى هنالك.. ما اجملك عزيزتى وما اجملك مشاعرك الصادقة المفعمة بجمال الوطن واهله الكرام..
العزيز جدا اخى سيف بخيت حبابك واليوم السعيد اللينا جابك تسلم يا ضى خشم البيوت ربى يسعدك ديمه ان شاء الله زى ما اسعدتنى بى طلتك الفرهدت كل الدروب نضار شكرا اخوى سيف شكرا رزاز
Quote: مفردات في غاية الجزالة .. شاعرة تملك أدواتها فأحسنت التعبير ..
قصيدة ذات جرس آسر .. نظم رائع يروي معاناة وبناء القصيدة يشد الألباب.. الناحية التصويريةر فيها إبهار وإبداع .. مودتي
اخى العزيز جدا ابو بكر سلام الله يغشاك وعين الله ترعاك خالص المعزة والتقدير للكلام السمح وكبير مداخلتك اخى الكريم خلتنى افرح واطير كبرت كراعى من الفرح كما قال شاعرنا الراحل المقيم الدوش تكبر سعادتك وتعمر حياتك حنيةقادر يا كريم .. قول آمين شكرا لا تكفى اخى ابو بكر على ما توجتنى به من جميل الاحاسيس وعميق الثقة واتمنى ان اكون عند حسن الظن دوما شكرا اردب محنة
Quote: بعودتك تعود للمنبر شاعريته ورونقه وجمال حروفه السامقة الراقية..سوما الحرف لديك امانة.. موغل فى الشفافية يقرا الواقع ويصوره بدفقات الروح..ما اروع حروفك السامقة شكرا بقدر هذا العمق.
اخى وصديقى وابن بلدى الشاعر الشفيف عبد المنعم سيد احمد خالص الموده والتقدير اخى الكريم لك ولاسرتك الكريمه شكرا لك انت اخى بعمق نيلنا الخالد على صدق احساسك ونبل مشاعرك ونقاء سريرتك طلتك دائما اخى عبد المنعم بتدينى احساس اللمه فى وسط اهلنا افتقدنا كلماتك كثيرا يا وريف يا ريت تطل علينا من جديد بجديدك الجميل شكرا مارقة من الجوف يا صاحب اجمل حروف شكرا نيل وضفتين
اخوى العزيز عبد المنعم ود ابراهيم ود جدى الحاج وينك يابا طولت الغيبة.. اريتك طيب وحالك زين ات والسمحين حبابببك وحباببك وسمح الرقراق اللينا جابك تسلم يا ود ملوك النيل على الجية باكرية والونسة ضحوية سلام ليك وسلام لى البنية.. ربى يحفظها ليكم ان شاء الله تسلم اخى العزيز على الطلة البتودر الهم .. تسلم يا ود العم الله يخليك لينا انت يا العشا وشكرا من صباحنا لى العشا شكرا نيمة وريفة
اخى العزيز كمال كرار.. سلامات يا زول مننا وفينا وحات النيل الجارى بين حروفك روتنى تعابيرك حد الغرق وتعبيرك الندى فرهد زهورنا واطرب عصافيرنا دغشية بهديك كل السمح الجانى من تالاك يا ود كرار اخوى وبهديك سمح اماتنا فى قيدومة الجنا البكر والفرح المشرور و فى البيوت محكر وشكرا عديلة وزين
كعادتك تمتلكين كل أدوات الابهار ومقدرة فائقة على انتزاعنا من ما نحن فيه والعودة بنا لارض الحنان وللناس الحنان ولكل شىء حنين ... تتدفق المشاعر مع كلماتك ومفرداتك التى تقودنا قسرا الى هناك حيث زكريات الصبا وحيث رفاق الصبا وحيث احلام الصبا التى لم ولن تتحقق ابدا .. كلماتك دنيا رائعة عزيزتى وفيها اجد ملاذ من وهج التغيير ومن اعاصير الحداثة فهى تقودنى الى هنالك.. ما اجملك عزيزتى وما اجملك مشاعرك الصادقة المفعمة بجمال الوطن واهله الكرام..
لك الود بلا انتهاء... [/QUOTE
يا سلاااااام عمدتنا الجميل قرشو والله اشرقت الانوار وهلت تباشير الفرح كيفنك واريت حالك زين وكل سنة وانتو طيبين .. ربى يحقق كل امنياتكم ان شاء الله ربى يسعدك ديمه يا ود القبايل لو عارفة رقراق الضحى بتجيبك كنت نزلتها قبل كده يا زول مسكون وطنية وكعادتك انت اخى الجميل دوما مساندنى فى دربى الوعر الحمد لله ان جمعنى هذا الفضاء الاسفيرى باخوة مثلكم اعتز وافتخر بهم فى كل مكان لانك من هناك اخى قرشو تجد احساسك بقودك تلقائى للاهل والاحبة والناس الملانه مودة ومحنة يعلم الله طلتك زادتنى ثقة ومفرداتك عبتنى حنين للوطن شكرا ممتده بطول بحرنا ومخضرة بخضرة جروفة شكرا نوار
Quote: كلام بطعم وريحة أهلنا البسطاء. العبارة الصادقة تدخل النفس دون استئذان.. هكذا دائماً حروف وكلمات بت الجنيد.
يديك الصحة والعافية يا سوما..
سلاااام العزيز ود وراق يعلم الله الشوق ليكم حرراق ولى لمتكم السمحة انت واسرتك الجميلة .. ما زلنا نتجر عبق الذكريات وزيارتكم التى تركت اثر عميق فى نفوسنا ربنا يخليكم لى بعض ان شاء الله ويجعل البركه فى وليداتكم طلتك انت يا خوى ليها وقع خاص فى النفس تسلم يابا على كل السمح الجانى من تالاك والتحايا عبرك للعزية الغاليه ست بيتك وكل الاهل شكرا بحجم الوطن
باسط اخوى اريتك ديمه مبسوط يابا تسأل منك العافية وتبقالك رفيق طول الطريق شكرا على الطلة يا ود اهلنا لك التحايا النواضر وتحايا خاصة من اخوك ود الجنيد وتسلم يا ود ملوك النيل
يا سومة الملكة ذكرتيني الضِهِبتَ من سيرة طريقو : " محمد عبيد الفاضلابي "
سكيت دربُو في الرملة وتقاسيم ريحا ما لقيت ريحتُو تَبْ. ركّب قُرون للمطرة وقاسَم بِنيّات النسور لَحَمِن خَمجان خَمجّ يرضَع من شطر الغنيمات ويتحَمّا بى لبنا .. أها دي قصيدتو:
Quote: كراب الشتاء الراخى وحداشر بت --اى واحد يعزل واحدة
*** اطلع من الغناء اطلع من الزيف مرات بتطلع من اليوم السنه امنع من النيل المطر لو جاط مسيخ وسعرت طيور القيف على كيف المنى ياحاضرين هذا المجال من وين بنغرف للبنات عيونن؟؟ والصبر وليونة الروح والعمر ده ما شأن العواطف تستدير فى حكرى أو من بدرى ومن رحم طائر صغير جات الحياة اهى دى الحياة محاصر بى الهجير والشوق مّغطّنى البرابرية سدادة الدار خشب ريفى الاتقرجوا الطمبارة مدسوس زى درادم اب طافه فى الشقريب لحاظ اب قدموا الناجين يا مد الحراز الدم سقايتك جافة من نشر الخرت بايعين سقام الروح نلم الفاقه فى شوفتك زمن لاغيّرن حاجاتك الحاجات ولا ارض الحجر حافه زمن فضفض ولا تغّمد ويملاك من جديد الفك زمن قحه ولا بيهمد يقدك ريفك الصحه ويجيك بّره زمن حّره وزمن فّتار زمن لا دنّقر الدفّاى ولا نضفن مراحيضك زمن غيّاب متين ما تكوس حضور دمك يفور همك يطق النابل الطيّاب احوطك لا خرير لا جاى كان ام حّضه فيها جبايه وكان ترجامى متعورب بجيبك بى الطرماشى ولا هامانى سّفايه ان المنك ولا منك من الفقرا البراهم بيك نسوك عندى وبلا محايه ذى امبارح مكملنا السهر دامرقا ولادك مون ولاد الريح رحم بنّوتك التجريح يلاقنك سكاكراً لا هدم لا توب يماسنك رهان بالعد اذا غّيبت لينا الشوف وشّبرت العدم بى الطىء وكان الدنيا ............طيره وزير واتحّركت لى أخـــــــر صناعة دم وغّمضت اتمليت بى ازمنة غيرك وقفت لقيت دى ما الدنيا ولّفه طويله لحّدى ما تانى ويلاقنك حداشر بت بت لّبان وبت طوفان وبت نيله وبت قرّايه للنجمات وبت عامله النسيم محبوب وبت فى عيونا بنشيله وبت من توب وبت وضّايه للزهرات وبت فى النوم وبت عوّامه وبت ..............مافى حداشر بت نحاصر بى الهجير كنا وهسع ست مكتفنا البكم ريحان معاد بى السور وجّدع فى الحبر لونين قاعد البور وطفاى المها السارح يا .. جابدنا فى لياسنا بى الحيمور شقينابك افتل البير سنج بعدك دى مى سنج البراح الحى قيم فى الناس دى مى قيم الحواس ام رى ومبروكات عليك ليحان نشاك اب ليف بيتلاقن اكان الدابره مجروحه بيتلاقن واكان الامنيه اتقسمت... بيتحابن عليك بّنوت دروبن تامه مطروحه يا .........غيماتنا فى الحّماله والمشرق كّبن ساى وادفرونى البلد بّريك تبرك بى اللفيخ مخنوق وتبرك بى الطفيق ابرص وتبرك بى الخرم مشنوق وغصباً عنك انت الناس وانت الجايى ضد الناس وانت المبهم المحروم من الارث البغنوبو وبقولوا احساس سعينابك سعيه وضيم قلينابك تمر لالوب مع القضيم وانت تسّوى فى سواتك وبيناتنا المسارق خوخ وضل النيم وكرّاب الشتاء الراخى وضيفين من تعب يلقوك تسّقى الريق من المافى بتقوى على امل واحد وتبدأ لميعك النعسان ولو لعطش العمر فى الغيم اقّدم للعيون رسّام واشوفك بالبشوف حرّاسو فى الضحله وذى قيد المسيريه البقود اللينه فى الرمله مكّتف فى الوطن حافى يا........ بت عيسى فى الازرق؟ بتفرى الطرحه للرحله؟ ترب هدل السكينه تجف وعريقاً يغاير الريح دخلنا على القياس طفله لقينا الحب مع الريفيه ........ سيّافى وفى الجّبانه غير الحسنى ما بتطيبى تتعافى ... دحين اختوا البكانات طب بقينا أغراب .. يا نحنا المشيناها ويا دخلوا وقفلنا الباب قفلنا العين على الصبّاب ترا الملاّجا بى يعاينوا محاصر بالهجير والشوق مغّطنى البرابريه سدادة الدار خشب ريفى الاتقرجوا الطمباره ** محمد عبيد الفاضلابى مع تحياتى وحبى الشديد 5/7/2004م
Quote: الفنانه سوما شليلنا ماراح شليلنا لابس توب سوما حتى الصباح بدي للعطاشان جقيمة وبدي للجعان لقيمة
سوما صراحة رويتينا بالكلمة الجميلة واشبعتينا بالخيال العميق لكي نتكي ونسرح بين مفردات لاشكال نحن نرسمها ونتخيلها في نفس الوقت كتاباتك لوحة فنان
العزيز وليد عبد اللطيف الزول الانيق ولطيف اتاتى بين بين حرفك واتشابا لا فوق كان اطول ثمرة غناك المشتتت ومشرور معاك وانتكيت مليت هينى وغرفت حجاك حجاك السمح اللبستنى منو طرحة وتوب اتمدت تحت شدرك الكثيف ووريف واتحكرت حدا الشوق المقالد القبف وفضلت اناغم على الماشين ومن الوطن رايحين ارح يا زول تعالنا جاى هناك يا خية اقعدى حداى وتبتبتى جنيات الفريق كلهم وهدهدى بى غنا الزول الوريف الاسمو وليد ود عمى عبد اللطيف جيتك سمحـــــــــة بالحيل تسلم يا الحنين
Quote: -------------------- وفقك الله اسماء الجنيد
Quote: يا سومة الملكة ذكرتيني الضِهِبتَ من سيرة طريقو : " محمد عبيد الفاضلابي "
سكيت دربُو في الرملة وتقاسيم ريحا ما لقيت ريحتُو تَبْ. ركّب قُرون للمطرة وقاسَم بِنيّات النسور لَحَمِن خَمجان خَمجّ يرضَع من شطر الغنيمات ويتحَمّا بى لبنا .. أها دي قصيدتو:
النور البق وجانا شلع الفريق ضوانا سالونا الكانو معانا البرق الضو المطر الشو الخير الخير ياخوانا السمح ورزين اخوى عبد الله الشقيلينى خيرك عم ديارنا بى طلتك الباكرية عم الفريق خيرين بى جيتك المحرية تسلم يا عشانا على السمح الجانا من تالاك والثقة البهلتها فى دربى مجرتقة بتمثلنى يا الحنين بى محمد ود عبيد الفاضلابى ؟؟؟ مليتنى فرحة حد السقف يعلم الله ان شاء الله ابقى متلو رويانه وتريانه من نفس كتابتو البتملأ البدن عافية اشكرك على الاهداء الدرر من زماااااان عاجبانى ونفسى اسعيها وحات خوتك احلا هدية فى نهاية سنة وعقاب شهر ان شاء الله تبقى تقاية وتبقى وقاية وتبقى خير بداية لى سنة جديده استاذى عبدالله الشكر ليك مطامير محنة وكل سنة وانت ملان عافية وهنا
Post: #128 Title: Re: *** رقراق الضحى *** Author: عروة علي موسى Date: 12-27-2009, 06:27 PM Parent: #127
اشتقت لي رقراق ضحاك
واشتقت لي روعة الزمن الحداك
واشتقت لي النغم الموقََّع بي صباك
اشتقت ليك وطني الهناك
وألقاك وين من( طَرفة ) العِينة المعاك
اشتقت ليك ما كت مصدق إني القاك كل شوقي
وكل ألوان الحنين الحايمة فوقي
وكل عالم لامس حرقة الشوق الموجَع من رتاج طوقي
وما طاف بالخيال ذكرى
ولا طفرت سويعاتو تغازل لحظة من بكرة
وعرفت أنكَ في انتظارك لي المطر
نامت خُطاكَ علي الدروب واتوسدت ضل القمر
صلت جوارحك شان تسقي ريدك والخفر
لمت وليدات الفريق في السكة والدرب الخطر
ختت حبيبات ( الكرامة )علي الطريق عشمانة بي رشة مطر
الزول الرزين و حنين حسن ود محى الدين طلتك كانت فرحنا وعزنا وكلامك سمح فات حد الغنا ليك مننا كل التحايا والمنا وشكرا ليك انت يا راقى وكل سنة وانت طيب وعام سعيد ان شاء الله
الحبيبة عفاف ابو كشوة الزولة السمحة وراقية طلتك مشوار حنين نمشيه فى عصريه يوم وطلتك تدينا طعم الفرحة وتمسح كل هموم يا غالية يا ضل الضحى يا بنية من بطن الاهل يملاك عافية قدر ما مليتينى بهجة يا بت كشوة يا بت امى تعالى لينا اصلو جيتك بتفرح قبيلة كل سنة وانتى طيبة كل الشوق يا ست الذوق
Post: #133 Title: Re: *** رقراق الضحى *** Author: الرشيد ابراهيم احمد Date: 12-29-2009, 02:11 AM Parent: #132
بت الجنيد يا نسمة خريف ساعة الصباح انفري بت الجنيد ياقمرا ضحك اظهر جمالو وراي
الرشيد اخوى حبابك يا العزيز عقابك ربى يعلى مراتبك ديمه.. يالمة تحت نيمة كل سنة وانت طيب وان شاء الله سنة الفين وعشرة تهل عليك بالخير الوفير والرزق الكتير ويرد غربتك ان شاء الله تسلم يا ضلالة الاهل
Quote: فوق من أجل كل هذا الجمال الموغل في الحنية، والمفردة الأصيلة الطاغية، وصدق الاحساس عندما يتجلى ويتنفس شعراً يومض كالأمل الزاهي الجميل ..
تسلمي يا سوما ويسلم دائماً حرفك الزاهي الأصيل ...
مع خالص التقدير والتجلة؛؛
الاخ العزيز ادريس الجمال منبعه كلماتك العتيقة المعتقة من نفس الاهل بى احساسكم الدافق حنية .. دائما بتدينى دفعه معنوية واحساس جميل يا ود البلد ربي يديك قدر يرضيك وشكرا مارقة من الجوف لكل السمح الوشحتني بيه شكرا ندى الحقول
الاخت اسماء الجنيد طعم كتابة حالي سالي نفس حلاة طعم كتابة بتي سوما الحكاية شنو ؟
Post: #142 Title: Re: *** رقراق الضحى *** Author: إدريس محمد إبراهيم Date: 04-08-2010, 07:15 AM Parent: #141
منقول من الفيسبوك ...
كتب صديقي الشاعر الجميل يوسف حمد النيل (أبو وجيده) زميلنا في البورد (لديه بعض المشاكل مع الباسوورد. والتي أرجو أن تحل قريباً حتي يعود لنا هذا البلبل الغريد .. )
يا أنت يا اسماء وكفى ...
عبي المخارج بالحنين ... خليني أرجع استكين .. في ضل رواكيب الضحى .. والقهوه بكري وجنزبيل .. ولمّه لي ناساً كتار .. دايماً خطاها على العديل ... أمليني بالشوق يا وطن .. خلي المواجع بي حروفك .. تطرى وتلين .. تنشلني من آهة البعاد ... تهزم سنين الغربه .. والسفر الحزين .. وارجع أعود للضحكه.. والبيت الأمين .. واقريني بي كل تفاصيلك حنين ...
المجبولة من صلصال الإلفة / أسماء لك ما شئت من أماني .. دوماً هو حالك تنثرين الفرح في كل المساحات اليباب.. دعينا نرتشف من هذا الألق بحضورك بيننا وأنت تمتلكين مفردة نافذه .. هنيئاً لنا بوجودك بيننا .. ومزيداً من التواصل ... "انتهى كلام يوسف" ...
وأنا أقول لشاعرنا الجميل عروه .. أين أنت يا أخي من هذا المهرجان الجميل .. نحتاج حقاً لمثل حرفك الحنين ليشاركنا هذا الجمال .. أرجو أن تستفزك هذه القصيدة الجميلة وتتحفنا بواحدة من "إياهم" .. حتى لا نقول لك من فرط طول الغياب ...
Quote: الاخت اسماء الجنيد طعم كتابة حالي سالي نفس حلاة طعم كتابة بتي سوما الحكاية شنو ؟
عمنا العزيز ودالبوش حرفك بالحنين منقوش فى ضل رواكيب الفريق للجاي عابر من كل طريق شريت غناك فرحة ومطر رذاذ دعاشك نفحة عطر حبابك وحباب طلتك الفرايحية تتبدل الاسامي يا عمنا الحنين ولا نتبدل نحن مع الزمن الاعوج شلنا منكم القناعه واليقين.. وان لا ننكسر ولا نلين شكرا مكندكة دعوات قبيلة.. وحبابك مرتين وتلاتة والى ما لا نهاية
Quote: الزولة الحبوبة ،، الزولة الرقيقة ,, الزولة المتألقة ،، الزولة الزولة ،، صاحبة المفردة الشاربة من موية النيل عذوبة نضم أهلي السمحين و من قصب السكر حلاوة الشعر الجميل عندما تسمع أو تقرأ كلمات بت الجنيد دي تحس بـ غرودة عيون والرويس يعمل كدي أها لافي ذي مشلعيباً شايلو الهوا وذي صفقاً اتدلى من طرف الشجر رقد فوق صفحة موج البحر وحنين مصحوب بـ شوية تنمل مشاعر لذيييييذ يسري في العروق رويدا رويدا حد الإرتخاء والإستسلام. وعندها تدق أجراس الحنين تسمعها فتتكيء على رصيف الذكريات الحلوة والمرة معاً تقرأها فتطرب وكأنك تردد أغنية تحمل في مضمونها الشوق والحب والألم والفراق هي منا ونحن منها و يسعدني أن أستبيح لمفرداتي الكسيحة أمامك أن تتأمل فيما ماتكتبين فاللهم لا تحرمنا من تالقك وجديدك المدهش والمبهر هيا صولي وجولي متالقة في كل المساحات فأنت عنوان لنا وتجسيداً لبت السودان الأصيلة صفراء بلادي أسماء الجنيد جند الله حروفك لإمتاعنا يديك لمن يكفيك
كل التحايا النواضر ...
امير يا امير الشباب سلام بى شوقنا الطول يابا عارف يا امير جهجهتنى معاك جهجهة شديده خلاص يا بوي من امس بقرأ في حنيتك دى ونغمك المفرور بين السطور يا ربي الجنا ده يردولو كيفن هسه ؟؟ وامشى واجى صادة اتاوق فيك من تاني شدة ماك حيرتنى يا الحنين شفتك بين السطور زى المارق من وسط الفريق متلفح طيبة اهلك وطيبتهم قلت اناغمك اقولك تعال يا امير يا ود امى نتوهط الجابره تحت النيمه دي واقعد احكيلى عن الشى الداسيهو وماك مارقو للقراية دة تسلم يا حنين من بطن الاهل, لكن حقيقة ات ما شاء الله عليك زولا كتاب بالحيل ويعلم الله مانى قايلاك بى بيتك هنا فى حوش بكرى ده باقى الفريق بقى حلة والحلة بقت لاااامه والناس ما شاء الله كتار حبابكم كلكم لكن ما زلت طالباك ونسة تحت نيمتنا ديك ودعتك الله وشكرا ليك يا امير مارقة من الجوف
Quote: المجبولة من صلصال الإلفة / أسماء لك ما شئت من أماني .. دوماً هو حالك تنثرين الفرح في كل المساحات اليباب.. دعينا نرتشف من هذا الألق بحضورك بيننا وأنت تمتلكين مفردة نافذه .. هنيئاً لنا بوجودك بيننا .. ومزيداً من التواصل ... "انتهى كلام يوسف" ...
اخى العزيز ادريس حبابك يا كريم ود الاكارم عارف يا ادريس يا خوي الزول الشفيف ووريف يوسف حمد النيل (ابو وجيدة ) ده زول براهو من زمن تانى غير زمنا ونضميهو بشبهو براهو لما اقراهو ولا اتكلم معاهو يعلم الله بحس بى طيبة قبيلة بحالها الطيبة المعتقة حد النخاع ,الحنية المشتتة بلا مقابل,الصدق الوفاء . الجود والكرم...... كتلنا في بعده مننا نحن يعلم الله وزوار واعضاء حوش بكرى ما عارفة ليه ما استجاب بكرى لحل مشكلة الباسويرد للشاعر العميق يوسف؟؟ ولا يكون يا ربى يوسف آثر البعد من الكتاحة المدورة ديمه فى المنبر العام من هنا نناشد بكرى ويوسف رجاء حل المشكلة سريعا ويا يوسف حلفتك بى الاقربين ليك يابا وعارفاك حنين وما بتصد خيتك فى طلب .. يديكم العافية يا رب والشكر ليك اخى ادريس مطبوق يا الباحث عن الجمال وروعتة بى طيبة خاطر وحنية الشكر ليكم حواشات سكرنا
بت الجنيد سلام قدر الشوق البلغ النصاب وحال عليه الحول طبعاً تعودنا منكـ دائماً التواضع والتملص من رواسب الغرور البشري التي اكتست بها ملامح كثير من مبدعينا ويا عزيزتي أنا لم اكتشف فيك جديدا لتبحثي عن ردا لي ، لان ردك سبق مكتوبي بما أبدعتي وابهجتي نفوسنا بصبغة المحنة وريحة نضم ناسنا الطاعمين والتي لونت فينا لوحة الأمل الجميل بريشة حملتها أنامل محّنتك وطيبتك وقوة بساطتك ويا ستي النصوص اذا خرجت من غمدها أصبحت دائماً ملكـ لحظة متلقيها لا ملكـ لحظة إخراجها ... ملكنا لا ملك قائلها ، لذا يا بتنا نضميك الحلو دا رأينا في مراياه وزواياه بقايا نفسنا وأشياؤنا الصغيرة وظلالها التي تدخل دون استئذان إلى أعماق دواخلنا التي أحبتها لمن جرينا نفس العافيه ودفرنا الهوا المخنوق جوه الحشا وتسلمي امي
Post: #149 Title: Re: *** رقراق الضحى *** Author: امير بشير حمد Date: 06-17-2010, 07:46 AM Parent: #148
up
Post: #150 Title: Re: *** رقراق الضحى *** Author: إدريس محمد إبراهيم Date: 06-19-2010, 08:14 AM Parent: #149
لأجل كل هذا الجمال إن شاء الله أنت تتعلاّ وما تندلاّ...
Post: #151 Title: Re: *** رقراق الضحى *** Author: امير بشير حمد Date: 06-22-2010, 07:42 AM Parent: #150
حبيبنا ادريس
ازيك يا غالي ومشكور على الدعوة الجميلة دي وتتعلى مراكبك آ يا با وشوف الجمال دا طلع دعوات جميلة كيف تسلم وتسلم معاك ست بيوت الابداع
الاعزاء ادريس وامير حباااااااااابكم البيت محروس وسته تكوس اها جيتكم صادة وعذرا لضيوفنا الطولت عليهم الغيبة ان شاء الله يا ادريس وامير قمتوا بالواجب عارفاكم اخوان حوبة وما بتقصروا يا سقف القبائل معزتي للجميع
Quote: بت الجنيد سلام قدر الشوق البلغ النصاب وحال عليه الحول طبعاً تعودنا منكـ دائماً التواضع والتملص من رواسب الغرور البشري التي اكتست بها ملامح كثير من مبدعينا ويا عزيزتي أنا لم اكتشف فيك جديدا لتبحثي عن ردا لي ، لان ردك سبق مكتوبي بما أبدعتي وابهجتي نفوسنا بصبغة المحنة وريحة نضم ناسنا الطاعمين والتي لونت فينا لوحة الأمل الجميل بريشة حملتها أنامل محّنتك وطيبتك وقوة بساطتك ويا ستي النصوص اذا خرجت من غمدها أصبحت دائماً ملكـ لحظة متلقيها لا ملكـ لحظة إخراجها ... ملكنا لا ملك قائلها ، لذا يا بتنا نضميك الحلو دا رأينا في مراياه وزواياه بقايا نفسنا وأشياؤنا الصغيرة وظلالها التي تدخل دون استئذان إلى أعماق دواخلنا التي أحبتها لمن جرينا نفس العافيه ودفرنا الهوا المخنوق جوه الحشا وتسلمي امي
امير ود امي شكرااااااااااااااا مارقة من الجوف بقدر جمالك وروعة الحروف مليتني سعادة الله يملاك عافية يا قريبي قول آميـــــــــــــــن