Post: #1
Title: *** فى شان ود المك ***
Author: soma
Date: 10-17-2003, 09:59 AM
Parent: #0
السلام والاحترام لاسرة الراحل المقيم على المك ..التحيه للاخوات كارمن وكارلا .. رغم مرارة الموقف لكن حقيقة قضينا معكن لحظات تاريخية عن ذكرى الوالد الراحل .. التحيه لكن ولكل الاهل ومحبى الراحل داخل وخارج بلدى الحبيب ..
وللجميع الصبر لهذا الفقد العظيم..
والتحيه لكل من شارك معنا فى تلك الليله الخالده بالبالتولك .. وكل التقدير والاجلال للرائعين القائمين على ترتيب هذا اليوم الهام .. حقيقة كان يوما ناجحا بمعنى الكلمه .. ونتمنى ان تتواصل فى مثل هذة المناسبات الهامه فى حياتنا .. وتخليدا لكل الاوفياء .. والتحيه والتقدير لصاحب الدار المضياف الاستاذ بكرى .. ولكم جميعاكل التقدير ..
عذرا راحلنا المقيم لتلك الكلمات المتواضعه فى حقك .. والشعور الداخلى اكبر مما نعبر عنه بكل الحروف .. الرحمه والمغفره لك وجنات الخلد يا رب العالمين ....
.... فى ذكرى الراحل على المك ......
يا عزة ..
عزك للبلاد شد الرحال سوح
شايلاو عصافيرنا المهاجرا ..
تهاتى بيه تمرح ..
تدودى الكلمه بالاحزان .
ومره تعود تنم تصدح ..
تناغم الشوق ..
تتاتى لفوق ..
تبارى الغيم معا وتسرح ..
........
عديلة الليله يابلدى ..
عديلة وزين ..
شباب اتلم فى المطرح ..
قلوبهم عامره بى حبك .
كتير القالو فيك يمدح ..
زى جنياتنا.. ود المك ..
شالك فى حشاه فرح ..
نضمك غنوه فى الافواه
وشتلك فى البرارى بلح
بارى النيل غنا واشراق
ضامى الليل بشعرو سبح
ليك يا المك .. شوقناالطال
فرد جنحيو تياب و طرح
وحات البين وضى العين
سيرتك فى البلود تشرح
وحات البين فراقك شين
نارك فى الضلوع تنتح..
ود المك .
لزوم الليله نوفيك..شوية حق
فشان تفرح ..
لزوم الليله نوفيك .. كلمة حق
تصون الكان زمان روح
قبل ما تبقى احلامنا
سراب مدفونه ما تبرح ..
اسماء صديق الطيب الجنيد ..
مسقط ...
14/10/2003
|
Post: #2
Title: Re: *** فى شان ود المك ***
Author: merghani hamza
Date: 11-03-2003, 08:32 AM
Parent: #1
up
|
|