استراحة لطرائف سودانية بقلم صلاح الباشا

02:35 PM August, 19 2019

سودانيز اون لاين
صلاح الباشا-السعودية
مكتبتى
رابط مختصر

يقال ان الراحل الشاعر الفلسفي عمر الطيب الدوش الله يرحمه كان عائدا الي منزله في ام بدة في ساعة متاخرة ايام الطواريء وحظر التجول المسائي في ايام الانقاذ الاولي .. اوقفته نقطة التفتيش وسألته عن اسمه فقال لهم .. انا عمر الدوش.
قالوا ليهو الاسم بالكامل رباعي منو ؟
قال ليهو : شوف يا ابني .. نحن جيل معروف باسمين فقط في زماننا .. اسماعيل الازهري .. مبارك زروق .. عبدالخالق محجوب .. الهادي المهدي .. الشريف الهندي .. فاروق ابوعيسي.. عبدالله نقدالله.. عبدالكريم ميرغني .. محمد وردي .. احمد المصطفي .. سيد خليفه .. عبدالكريم الكابلي .. صديق منزول .. ابراهيم يحي .. سبت دودو .. عمر التوم .. عمر عثمان .. يوسف مرحوم.
والعسكري ينصت .
ويواصل الدوش: جاء زمن نميري وقلبوها لثلاثة اسماء : جعفر محمد نميري
. ابوالقاسم محمد ابراهيم .. الرشيد الطاهر بكر .. مامون عوض ابوزيد .. خالد حسن عباس .. زين العابدين محمد احمد .
ولماجات الانقاذ قلبوها اربعه اسماء : عمر حسن احمد البشير .. علي عثمان محمد طه .. محمد طه محمد احمد .
التعليق:
الحمد لله حسه بعد الثورة دي بقينا اسم واحد بس يكفي: حمدوك ... البرهان .. كباشي .. حميدتي .. الاصم .. الدقير ..
👍👍👍👍🌹🌹🌹🌹
.