Post: #1
Title: ثورة شباب، ثورة بنات بقلم بروفسير آمال حسان فضل الله
Author: آمال حسان فضل الله
Date: 06-30-2019, 09:36 PM
09:36 PM June, 30 2019 سودانيز اون لاين
آمال حسان فضل الله-USA
مكتبتى
رابط مختصر
آمال حسان فضل الله
مين يقول الثورة ماتت
في بلادي الثورة حية
بشباب كسرو الحواجز
هتفو ضد العنصرية
غسلوا بنيلك دماهم
عشان تعيش أرضك نقية
يا بلد شامخه وعزيزه
ليك من قلبي التحية
لبنات واقفات قصادِك
لا تحرش لا أذيه
قولي للحصروك في زيك
زي سماحتك ما قضية
القضية هو إنتي عملت من بلدك قضية
كاتبه اسمك في جبينها
قاريه صفحاتها الغنية
فتّحت طاقات البشائر
ثابته خطواتك قوية
ثائرة للبلد البتحلم
بالصباحات الندية
بروفسير آمال حسان فضل الله
الولايات المتحدة
6 إبريل 2019
|
|