Post: #1
Title: الشعب شَمٌّ الدم.. ركب راسو، و قال: حَرَّم ! بقلم عثمان محمد حسن
Author: عثمان محمد حسن
Date: 06-03-2019, 00:35 AM
Parent: #0
00:35 AM June, 02 2019 سودانيز اون لاين
عثمان محمد حسن-السودان
مكتبتى
رابط مختصر
* مش الشباب ديل في..؟ و مش العصيان المدني في؟!
*مطالب الثورة حتتنفذ! حتتنفذ!
* ما تقول لي: حميدتي سافر الرياض و تلقى أوامر (مدعومة) من محمد بن سلمان و من هناك جانا راجع (يمجمج) مجمجاتو البتشبه مجمجة أب ضنب في غياب أب شنب..؟
* قال البلد دي ما ممكن يحكموها مدنيين.. قال!
* و ما تقول لي: البرهان مشي مكة المكرمة و حضر القمة العربية و تدهنس فيها قدر ما قدر يتدهنس.. و وقع على قراراتها بدون ما يقرا حرف من محتوياتها..
* و فعل نفس الدهنسة و التوقيع في القمة الإسلامية في نفس اليوم من أجل حفنة من الدولارات وعدوه بيها قبل كده.. و أدوهو منها جزء عربون تأكيد عمالة و إرتزاق.. و حيدفعوا ليهو الباقي بعد إكمال المهمة الصعبة أمام شعب راسو قوي؟
* و ما تقول لي: البرهان بعد جيتو من الرياض فكر يسافر لترامب في واشنطن بتوصية من بن سلمان.. لكن فشل حتى الآن..
* و حميدتي الأيام دي بيكتر من كلمة الفوضى.. و الفوضى دي هم قاعدين يهيؤوا الميادين عشان تنجح ك(فوضى منظمة) بعد ما أطلقوا سراح المجرمين من السجون.. و صنعوا من الفوضى في منطقة كولومبيا ذريعة لسرقة الثورة بعد فض اعتصام الثوار ، إرضاءا لرؤوس الفتن في منطقة الشرق الأوسط: محمد بن سلمان و محمد بن زايد..
* الثوار لا بكترثون لا بمحمد بن سلمان و لا بمحمد بن زايد و لا السيسي و لا حتى ترامب، بل و لا يرون كبيرا في أي من الملوك و الأمراء و الرؤساء الحضرو مؤتمر القمة الخليجية و مؤتمر القمة العربية و مؤتمر القمة الإسلامية، سواءا أكانوا فرادى أو مجتمعين..
* لا يرون كبيرا أكبر من السودان، في أي مكان!
* الشعب السوداني شَمٌّ الدم.. و قال: حَرَّم، مدنية.. مدنية.. !
* تاني مافي كلام!
* مافي كلام! و الثوار بيغنوا مع العملاق محمد وردي: "سيد نفسك، مين؟ مين أسيادك؟!".. لا كبير عنده إلا الله وحده لا شريك له..
|
Post: #2
Title: Re: الشعب شَمٌّ الدم.. ركب راسو، و قال: حَرَّم !
Author: Saeed Mohammed Adnan
Date: 06-03-2019, 03:14 AM
Parent: #1
تحياتي لك أخي العزيز عثمان
والله قلت كلام... والناس شمت الدم وقالت حرّم...
والله نحن في الغربة تنازعنا أنفسنا عشان نمشي نشم معاهم الدم لأننا هنا قلنا حرّم
هؤلاء الجهلاء والعملاء، لسه هم في أحلام المماليك وحملات محمد على باشا وسوق عكاظ، حيث الحنك والسيف والحماقة
لعنة الله عليهم
والسودان عنده رجّالة وتأريخ البطولات وشهادات العالم اجمع والتأريخ
والنصر لنا
|
Post: #3
Title: Re: الشعب شَمٌّ الدم.. ركب راسو، و قال: حَرَّم !
Author: Saeed Mohammed Adnan
Date: 06-03-2019, 07:28 PM
Parent: #1
تحياتي لك أخي العزيز عثمان
والله قلت كلام... والناس شمت الدم وقالت حرّم...
والله نحن في الغربة تنازعنا أنفسنا عشان نمشي نشم معاهم الدم لأننا هنا قلنا حرّم
هؤلاء الجهلاء والعملاء، لسه هم في أحلام المماليك وحملات محمد على باشا وسوق عكاظ، حيث الحنك والسيف والحماقة
لعنة الله عليهم
والسودان عنده رجّالة وتأريخ البطولات وشهادات العالم اجمع والتأريخ
والنصر لنا
|
|