قصيدة التاتشر الدهست مؤيد أخوي بقلم د. محمد بدوي مصطفى

12:08 PM March, 01 2019

سودانيز اون لاين
محمد بدوي مصطفى -Germany
مكتبتى
رابط مختصر

نايم معاك يمّا

لا هم ولا غمّة

لمن غشاني النوم

وحلمت بالخرطوم

ناشطة وبلا حمّى

راقد معاك لليل

بحلم أقول بالحيل

سوداني في دميّ

وخاتيهو في قلبي

نايم وما عارف

إنو القدر جارف

لا أيدي لا كراعي

لا الظلم د ابتاعي

لكنهم جونا

في الليل ودهسونا

لمن مصاريني

طلعت تضاريني

وداعة الألف يمّة

وإن شاء الله نتلمّى

في الخلد مع اخواني

وما تشيلي هم تاني

مؤيدك دا شهيد

وقلب أخوهو حديد

ودعتك الله خلاص

وعفوكِ بالإخلاص

ووطنا حرّ يمة

لا هم ولا غمّة