Post: #1
Title: من كل فج جايين شايلين هموم إنسان بقلم جلال شايب
Author: مقالات سودانيزاونلاين
Date: 01-17-2019, 09:14 PM
Parent: #0
08:14 PM January, 17 2019 سودانيز اون لاين مقالات سودانيزاونلاين-phoenix Arizona USA مكتبتى رابط مختصر
يعشق ربوع بلدو ينشد صباح ضواي
زاهي بي أنوار
حرية ممهورة
بي دم شباب ثائر
منزوعة من حكام
ظالمين ومختالين
جايرين ومحتالين
لاعبين بإسم الدين
ساجنين وطن شامخ
خيراتو
دفاقة
ساحاتو مشتاقة
شان تنعتق من كبت
تلقي الصباح شفاف
والطين تتزفي
في حضور باهي
ثورة وكمان بنيان
شعارا سلمية
ضد الحرامية
سلمية
للآخر
ونبض حراسا تسقط
بحمرة قلب
ماشين وما بنرجع
عارفين مشاق الدرب
أضربنا بالبمنبان
نهديك نحن الحب
ب نحنا حالفين تب
لا رحعة للخازووق
لا فَرقة للسراق
لا نحنا ديل مارقيين شان
عيشة أو بنزين
لا جبنة لا ساردين
بَلْ جينا مد السيل
نزحف جنوح الليل
حتي الشمس تشرق
نتلقي ضو بكرة
ونلقي البلد عافية
حرية تملأ العين
حرية تملأ العين
|
|