حكومة الانقاذ تسقط بس يا انقاذيين وتبكوا بس بقلم محمد نور عودو

09:10 PM January, 10 2019

سودانيز اون لاين
محمد نور عودو -France
مكتبتى
رابط مختصر

هيا شباب لنحطم هذا النظام العنصري الظالم الفاسد القاتل شعبه بالجوع والجنجويد والانتنوف والساخوي والقناصين هيا شاب لنسقط حكومة الانقاذ ونكتب التاريخ بمداد من دهب هيا شباب الي الامام الي الامام حكومة الانقاذ لازم تسقط بس.
الشعب السوداني شعب مفجر الثورات وعندما ينتفض ويثور لا يمكن ايقافه الا بالوصول الي هدفه وغايته التي انتفض من اجله هاهو اليوم يقدم درس لبقية شعوب العالم في كيفية التحدي والصمود امام الطغاة
مضت ثلاثة اسابيع والشعب السوداني الاعزل الذي لا يملك غير الحناجر وصدور عارية صامد امام نظام لا يرحم يقتل الاطفال المتظاهريين السلميين نظام مدجج بمليشيات الموت الجنجويد وسيارات الدفع الرباعي والاسلحة الثقيلة ومضاد الطيران متحديا الموت في سبيل الحرية والكرامة .
انها ثورة وانتفاضة الخلاص والشعب السوداني يعلم ان طريق الحرية والانعتاق من حكومة الانقاذ ليست مفروشة بالورود لان حكومة الانقاذ منذ مجيئها الي السلطة علي ظهر دبابة قبل ثلاثة عقود دشنت حكومتها بقتل 28 ضابط سوداني وظلت حاكمة بالقبضة الحديدية وبالقتل حتي اليوم .
الشعب السوداني جهز نفسه جيدا لمقاومة هذا النظام واسقاطه والخلاص منه نهائيا مهما كلف الامر وظل يقدم شهيد وراء شهيد كل يوم وجرحي بالالاف ومعتقلين منذ انطلاقة ثورة ديسمبر المجيدة لا تراجع ولا تراخي ولا مساومة ولم يرهبه او يخيفه تهديدات عمر البشير ولا تهديدات علي عثمان .
ما لا يفهمه نظام الانقاذ ان ثورة ديسمبر المجيدة ثورة نهاية حكم الانقاذ الشعب السوداني قال كلمته تسقط حكومة الانقاذ يعني تسقط بس الثورة مستمرة ما في تراجع سيظل الشعب السوداني يقاوم حكومة الانقاذ حتي تسقط
الشعب السوداني ليس لديه ما يخاف عليه في السودان طالما حكومة الانقاذ في سدة الحكم الخوف والخطر الاكبر الذي يهدد ما تبقي من السودان هو نظام الانقاذ لا مكان لحكومة القتلة واللصوص بعد اليوم في السودان لازم تسقط حكومة الانقاذ يا انقاذيين عشان تبكوا بس.

الكيزان الحرامية يومهم قررررررب م تخليهم لو بكوا ولو بالوا في سراويلهم

الطلقة ما بتكتل تكتل سكات الزول
وسقطت سقطت يا كيزان

#تسقط بس

#تسقط بس