Post: #1
Title: لا سبيل لشعب السوداني الا الاستمرار في المظاهرات لاسقاط حكومة الانقاذ بقلم محمد نور عودو
Author: محمد نور عودو
Date: 01-01-2019, 11:08 PM
10:08 PM January, 01 2019 سودانيز اون لاين
محمد نور عودو -France
مكتبتى
رابط مختصر
المجد والخلود لشهداء ثورة ديسمبر المجيدة ولكل شهداء الامة السودانية الذين وهبوا ارواحهم من اجل الحرية والشفاء العاجل للجرحي والحرية للمعتقلين والاسري.
يخوض الشعب السوداني معركة مفصلية ضد حكومة الانقاذ منذ 16 ديسمبر 2018 بداية انطلاقة شرارة الثورة من مدينة الفاشر السلطان . معركة البقاء والعيش بكرامة وشرف في الدنيا او الفناء بكرامة وشرف من الدنيا معركة النصر بعزة وشرف اوالهزيمة بعزة شرف.مضت ثلاثة اسابيع والشعب السوداني يخوض معركة يوم بعد يوم ضد نظام فاسد مدجج بالاسلحة الثقيلة والخفيفة ومليشيات الموت بحناجر تهتف سلمية سلمية ضد الحرامية. والشعب يريد اسقاط النظام بصدور عارية وايادي فاضية تصفق لقد حشد النظام مليشياته من الجنجويد والامن الشعبي في كل مدن السودان وخاصة في العاصمة الخرطوم حتي اصبحت الخرطوم ثكنة جنجويدية في كل ركن تويوتا جنجويد وفي كل سطح منزل قناصة .
مضت ثلاثة اسابيع والشعب السوداني يخوض معركته مقدما اكثر من خمسين شهيد بينهم اطفال وألآف الجرحي ومئات المعتقلين ومستمر في معركته بثبات ضد نظام شرس اباد شعبه دارفوربالجنجويد وقصف شعبه بالطيران في جبال النوبة ويقتل شعبه في الشمال والشرق والوسط بالاهمال نظام متمرس في القتل يقتل شعبه بلا رحمة وبلا هوادة .
مضت ثلاثة اسابيع والشعب السوداني يخوض معركته ضد نظام دموي معظم رموزه مطلوبين للعدالة الدولية رغم قوة العسكرية والمليشيات لحكومة الانقاذ الشعب السوداني لم يستسلم مواصل في مسيراته ومظاهراته بكل قوة وكل يوم يزداد اصرارآ لاسقاط حكومة الانقاذ والحكومة الانقاذ تضعف كل يوم وتزداد وهنآ حتي اصبحت تترنح وآيلة للسقوط تحت اي لحظة وما نشاهده ونسمعه من التخبط والهرجلة بين النافذين في الحكومة هي فرفرة المذبوح قبل خراج الروح.
فاستمر في المظاهرات السلمية لا تتراجع ولا تتراخي اي تراخي واي تراجع يعني خذلان لشهداء الثورة واعطاء فرصة لحكومة الانقاذ لاستعادة عافيتها وتمسكها بسدة الحكم وهذا يعني استمرار الوضع في السودان من سيئ الى أسوأ.
واحذروا كل الحذر وكونوا يقظين من سناريوهات تسليم السلطة للانقاذيين في ما بينهم بانقلابات مفبركة ولاتنخدعوا .
انها معركة اللا عودة الا بعد سقوط حكومة الانقاذ فاستمر لا تقف النصر قريب.
|
Post: #2
Title: Re: لا سبيل لشعب السوداني الا الاستمرار في ال�
Author: محمد نور عودو
Date: 01-18-2019, 10:42 AM
Parent: #1
القتل والقمع التي تمارسه حكومة الانقاذ ضد المتظاهرين السلميين جريمة في حق الانسانية لا سبيل للشعب السوداني للخلاص من هذا النظام الا بالاستمرار في المظاهرات السلمية حتي اسقاطه.
|
Post: #3
Title: Re: لا سبيل لشعب السوداني الا الاستمرار في ال�
Author: وطني غيور
Date: 01-18-2019, 07:24 PM
Parent: #2
خربتوها وقعدتوا في تلها يا المأجورين وأعداء السودان لكن لن نسلم السودان لأمثالكم
|
Post: #4
Title: Re: لا سبيل لشعب السوداني الا الاستمرار في ال�
Author: محمد نور عودو
Date: 01-22-2019, 08:39 PM
Parent: #3
ليستمر الكفاح حتي اسقاط حكومة الانقاذ
تسقط بس
|
Post: #5
Title: Re: لا سبيل لشعب السوداني الا الاستمرار في ال�
Author: محمد نور عودو
Date: 01-24-2019, 04:06 PM
Parent: #4
موكب 24 يناير الثورة مستمرة والنصر قريب
عاش كفاح الشعب السوداني
تسقط بس
|
Post: #6
Title: Re: لا سبيل لشعب السوداني الا الاستمرار في ال�
Author: مليون شهيد
Date: 01-25-2019, 08:48 AM
Parent: #5
مليون شهيد لعهد جديد
عقدنا العزم علي البقاء في الشارع حتي اسقاط الطاغية
لن يخيفنا القتل ولا الارهاب ولن نركع ابدا
دماء ابناءنا الذين سقطوا شهداء ثمنا للحرية والوطن لن يذهب هدرا
الشكر لكاتب المقال سنستمر وننتصر
|
Post: #7
Title: Re: لا سبيل لشعب السوداني الا الاستمرار في ال�
Author: محمد نور عودو
Date: 01-25-2019, 11:19 PM
Parent: #6
شكرا يا مليون شهيد للتعليق
النصر قريب باذن الله
|
Post: #8
Title: Re: لا سبيل لشعب السوداني الا الاستمرار في ال�
Author: محمد
Date: 01-26-2019, 01:21 AM
Parent: #7
.... (لا سبيل لشعب السوداني الا الاستمرار ......)
محل الاقامة: France
طيب ما تجي تدي السبيل دة قعدة أو حتى طلة !!
الواحد قاعد مرطب يضرب في دولارات الإعانة والمنظمات والمحمر والمشوي..
وآخر اليوم يتناول كمبيوتره..
ومن سريره يكتب ليك (فلتخرج جماهير شعبنا في الهجير)!!
وما لم يكتب وأبقاه سراً:
(وبعد ما يموت نصكم وتسلتموا البلد حا نجيكم وزراء وحكام) !!
نِعم النضال !!
|
Post: #9
Title: Re: لا سبيل لشعب السوداني الا الاستمرار في ال�
Author: علي محمود
Date: 01-26-2019, 03:10 PM
Parent: #8
كاتب المقال اسمو مكتوب بالكامل وعنوانو وخاطي صورتو هو شخص معروف
لكن انت يا جداد الاكتروني الكاتب اسمك محمد ما تبقي راجل وتبان عشان تعرف المكشن بلا بصل
تسقط بس يا كيزان
|
Post: #10
Title: Re: لا سبيل لشعب السوداني الا الاستمرار في ال�
Author: محمد
Date: 01-27-2019, 03:42 AM
Parent: #9
Quote: كاتب المقال اسمو مكتوب بالكامل وعنوانو وخاطي صورتو هو شخص معروف
لكن انت يا جداد الاكتروني الكاتب اسمك محمد ما تبقي راجل وتبان عشان تعرف المكشن بلا بصل
تسقط بس يا كيزان |
كاتب المقال اسمو مكتوب بالكامل وعنوانو وخاتي صورتو
لكن انت يا سويسيو ااكتروني الكاتب اسمك []علي محمود[]ما تبقي راجل وتبان عشان ما تعرف الحصل
أوعك تفنجط بس يا حيران
|
|