Post: #1
Title: راجيك الغرق قدام بقلم الحاج خليفة جودة
Author: الحاج خليفة جودة
Date: 08-18-2018, 03:08 PM
03:08 PM August, 18 2018 سودانيز اون لاين
الحاج خليفة جودة -
مكتبتى
رابط مختصر * *
وتمرق طفلة
بين زحمة ضمائر ميتة
وما بترجع
وليه ترجع
لي بلدا نهارا ضلام
وتغرق طفلة
في بحر الدموع الجارية
وتبكي العازة تتوجع
دي ما بتركع
بس للواحد الديان
وليه ما تموت
يموت نبض القلوب الخايفة من الخوف
تموت ساعة قيمنا تقيف
في صف الزيف
منو القال ليك
هي بس ماتت
دي ما الله اختارها
وهناك فاتت
في جوف الطيور الخضرة ارتاحت
غافل انت تتمتع
تموت باكر
وكل الكان
كنزتو زمان
لا بشفع ولا بنفع
وراجيك الغرق قدام
الحاج خليفة جودة - امدرمان - ابو سعد
|
|