رثاء للمرحوم عبد العظيم الشمباتي كلمات/حسين علي صغيرون

05:10 PM August, 05 2018

سودانيز اون لاين
مقالات سودانيزاونلاين-phoenix Arizona USA
مكتبتى
رابط مختصر

*الجريف شرق كركوج*

هي صرخة من صرخات نفسي المملوءة بالاحزان والذكريات وشظية من شظايا هذا القلب المحطم علي صخور الحياة قلتها في ايام الاسي التي تلت نكبتي بوفاة الاخ والصديق عبد العظيم الصغيرونابي __

فقدناك ياعظيم الخلق سمح الطيبة *
مزقت القلوب وليلاتنا زايدة نحيبة*

مين زيك حنين مليان محبه وطيبة*
ياود العزاز فقدك علينا مصيبة*

فاقداك الجريف فقدوك جميع اخوانك*

يالطيب البشوش يالفقتة لي اقرانك *

سفرك كان مرير يالفته قبل اوانك*

لاودعتنا لازرته لي اخوانك*

ياعبدالعظيم ذكراك علينا شديدة *
في طيف الخيال يصعب علي ترديدة*

ياروح الحياة عيونه باكية سهيدة*
منساب كالنسيم جوانا كالتنهيدة*

حليلك يالحنين مناك تلم العيلة*
وفي نسب الجدود اصبحت انت دليلة*

شائل همنا واحمال عليك تقيلة*
وبقيت الابو والجد كمان وقبيلة*

اهااااااا ياعبدالعظيم اهااااامن فراقك حااااااار *
ومن فرط الألم جواي بتوقد ناااار*

ضلينا الطريق يالكنت لينا منار *
لاسما لا ارض تايهين فقدنا الدار*

غاب قمر الزمان الكان مضوي الساحة*
وغطانا الحزن ماخلي فينا مساحة*

من حالي العلي انا روحي زايدة نواحة*
لابسمة بتطل لاروحي لاقيه افراحة*

دي ارادة الاله اكبر واقوى علينا*
والمكتوب ببين لو نرضي وللاابينا*

غير طاعت الاله عاد تاني ايه شن لينا*
والباقي الصبر ياربي الطف بينا*

الاف السلام مقرون معاهو دعاي*
بالرضي والقبول ياربي تمو مناي*
القاك في الجنان مع الرسول مولاي*
وتعم الجميع حتي الاهل واعداي*