الله قال لينا ما تطاوعو البشير بقلم سعيد شاهين

11:22 AM June, 22 2018

سودانيز اون لاين
سعيد عبدالله سعيد شاهين-
مكتبتى
رابط مختصر

عزيزى المواطن نقدم لكم بعض من انجازات الانقاذ بقيادة الرئيس عمر البشير خلال الثلاثين عاما الماضيه وكنوع من الشفافيه لدعمه فى رغبته الترشح لدورة رئاسية جديده ونحن من جانبنا سنطرح كلما سنحت الظروف انجازات سيادته فى الفترة الماضيه

وبعدين كلام الله القال ما تطاوعو البشير

والان اليكم جزء من اخر حصاد الانقاذ حسب ماورد فى الصحف الصادره من الخرطوم
السفارة الأمريكية تقرر اعتماد الدولار فقط في تعاملاتها

هذا يعنى نعى رسمى للعمله المحليه وتدخل سافر لانتهاك السياده الوطنيه ومن ناحية اخرى ايقاع المتعاملين مع السفارة الامريكيه تحت طائلة القانون حال القبض عليهم وهم يحملون عمله اجنبيه دون مستند رسمى كما انها من ناحية اخرى احياء وتشجيع للسوق الاسود فى تجارة العمله وطبعا امريكا دنى عذابها كما اصدعونا فى العنتريه الاولى والسفاره ولو بهمسه او بنظره ما حد قال ليها عيب كده
الصحة تقاضي مواطناً نشر صوراً لتردي البيئة بمستشفى بحري
ونحن نقاضى مسؤل زمن الغفله هذا لان امثاله فى الدول التى تحترم الانسان وحقوق الانسان والمصنفه بالكافره والتى لا تتاجر بالدين امثال هذا ال لا مسؤل فى تلك الدول يا انتحر من تانيب الضمير او قدم استقالته مع ملاحظة ان هذا المسؤل الكافر فى تلك الدول لم يسمع بعمر بن لخطاب الذى قال قبل اكثر من الف عام لو عثرت بغله فى العراق لسالنى الله عنها يوم القامه لم لم تمهد لها الطريق والواتساب الزمن داك مافى يا مسؤل الغفله قال يقاضى قال
كمال عمر: من يتوقع أن يحدث انفراج خاب ظنه
ومازال القفز من المركب مستمرا احترموا عقولنا واختفوا من الساحه نهائيا يعنى اعتزلوا شغل ساس يسوس هريتونا
وزير المالية : بدأ الناس يحاربون أنفسهم بأنفسهم بسحب الأموال من البنوك
وانتو يالغشيم خليتو ليهم فلوس اساسا عشان يسحبوها يسحبكم السحب القذافى
الوطني: “نحن في تجارة مع الله”
والله غنى عن تجارتكم خليكم فى تجارتكم الشايفنها دى لان ارباحها مثنى وثلاث ورباع غير الفكه
الشعبي: سحرة بـ”الوطني” خططوا لإجازة قانون الانتخابات تفتكرو بعد ساحركم الاكبر دحين فى سحره تانى ايوه كبيرهم الذى علمهم السحر اختفى بجسده علا خلى عدة الشغل
مساعد الرئيس: كبت الحريات يحول الناس لعبدة سلاطين
ويحول امثالكم الى عبدة شنو ؟؟؟ خليك واضح يا جميل ما انت عندك الحريه والببيسى والفانتا ارع سااااكت
بنك السودان يطلب من المصارف عدم استبدال العملة القديمة بالجديدة
وكلام وزير الماليه الفوق داك دى يفهموموه كيف وتمن طباعة العمله الجديده البدفعو منو وحرقها البدفعو منو واساسا كان لزومو شنو
لا تندهش أنت في بلد تحكمه "الإنقاذ
بلد عجيبة ..ضابط شرطة يثق فى رئيس البلاد ويستجيب لتعليماته حول الفساد يتحدث عن فساد الشرطة وبالمستندات، يجرد ويفصل من الخدمة ويودع السجن
ومواطن يتحدث (بالصور والشهود) عن اهمال الأطباء وتردي الخدمات بمستشفى حكومي، يكافئ بالبلاغات واخرتها بقو يختو الجثث فى عنابر المرضى الله يرحمك يا سعد الكنت عايز تشوف اخرتها وبى قوة عين قال عايز يقاضى القضا اليعمى عيونك
أها بعد ده في قول تاني ؟
مع هذا البرنامج الانتخابى للتجديد للرئيس الذى حقق كل هذه الانجازات وانقذ البلاد علا لكن اسالكم هو انقذ البلاد ولا انقذو نفسهم من البهدله الكانو فيها لدرجة انو سبيل مويه بى زير ما قدرو يعملو وقف للمرحوم والدهم قيل الاهلاك الهلكو بيه البلاد والعباد ودلوقت بعد الاقاذ بتاعتهم شيدو مسجد بمبلغ 25 مليون دولار بس وقف لابوهم وعين الحسود فيها عود وقالو من حر مالهم انتو ما بتفهمو من حر مالهم يعنى الانقاذ لو خصمنا الخمسه سنوات الاولى لانو ابراهيم شمس الدين كان مخوفم والزبير قال كلامو بتاع الحراميه داك بفضل من الثلاتين سنه خمسه وعشرين سنه ولانو من حر مالم يعنى الخمسه وعشرين دى مدفقه من قوشهم وعرق جبينهم يعنى يا سعيد يا خوى دخلهم فى السنه كم وهم اساسا شغلانتيتم شنة البتخليهم فى خمسه وعشرين سنه يكون عندهم خمسه وعشرين مليون ما محاتجين ليها
طيب يا سعيد انت قلت انو الله
قال لينا ما تطاوعو البشيرالكلام ديه جبتو من وين اها اصبر النقول لكم
قولوا بسم الله الرحمن الرحيم
لِإِيلافِ قُرَيْشٍ
، إِيلافِهِمْ رِحْلَةَ الشِّتَاءِ وَالصَّيْفِ
فَلْيَعْبُدُوا رَبَّ هَذَا الْبَيْتِ
الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ
يعنى ربنا اشترط لكى يعبده خلقه ان يطعمهم من جوع وبعد داك لما يشبعو يامنهم من خوف دى شرط الله لعباده ليعبدوه لانو باختصار زى ما قالو اهلنا الجوع كافر ودى معناها البكون جعان ما تتكلم معاه فى الله قال لانو ممكن يعمل اى حاجه عشان ياكل يسرق ينهب يقتل
طيب يا عمر ود البشير انت يصوتو ليك كيف وانت واخوانك وجماعتك صوتو البلد صواته وجوعتو الناس وامن مافى الا امن الاسمو صلاح قوش اها يطاوعوك كيف ما قلتو بتحكمو بالشريعه اها الشريعه كلامها واضح ما نعبد مع جوع وعدم امان يعنى شرعا قتالكم واجب وهو ليس خروجا على الحاكم