Post: #1
Title: خرجت أديبة العز و صرخ الوطن و الشعب كيف الأمان يا ناس بقلم عبير المجمر (سويكت)
Author: عبير سويكت
Date: 07-20-2017, 10:35 PM
Parent: #0
09:35 PM July, 20 2017 سودانيز اون لاين
عبير سويكت-France
مكتبتى
رابط مختصر
خرجت أديبة العز قايلا الكلاب مسجونة و قايلا البلد مأمون.
أبيات حزينة قيلت في تعزية عموم قبيلة الكواهلة في المرحومة أديبة.
لفحت تياب العز
ومرقت على الطابونة
كان الصباح يادووووب
وشمس الخريف مسجونه
مسكت دريب الحي
خطوات وداع مضمونة
قالت سلام يا فاطنة
وكيف الصباح يا أمونة
مرقت حفيدة المك
قايلا الكلاب مسجونة
وقايلا البلد مأمون
ناسية البلد مرهونه
ما عارفه القدر قرب
وبكره الخبير فى سونا
......
مرقت اديبة العز
مرقت تجيب الزاد
لا دربآ بعيد فى الحي
لا حربآ بدورلو عتاد
مرقت قرييييب للعيش
من وين الخطر بس عاد
قالو البحين يومو
لي موتو.... براو ينقاد
يا حليل الهناك فى البيت
تمت فطورا .... حداد
لا صوتآ حنين يتحب
ولا أمآ رؤف تتراد
ضج الفريق كوراك
وبقت الخطاوي بعاد
مرقت.... اديبة العز
خلت وراها ولاد
......
نادا المنادي حزين
بت الأصول فاتت
صرخ الوطن والشعب
كيف المصون ماتت
كيف الامان ياناس
وكيف الكلاب باتت
كيف الكلام يا ناس
وكيف الكلاب باتت
....
العزاء لعموم قبيلة الكواهلة
ربنا يرحمها ويغفر ليها ويجعلها من اصحاب اليمين ويدخلها الجنه مع الصدقين والشهداء .ويغسلها بماء الثلج. وينور قبرها بنور الجنااان..ويتبثها عن السواال.. !
ويصبر اقاربها واهلها وابناءها وزوجها علي فراقها . م غاليه علي ربها..ان لله وان اليه راجعووون..
ادعوو ليها بالرحمه واالمغفره....
|
Post: #2
Title: Re: خرجت أديبة العز و صرخ الوطن و الشعب كيف ال�
Author: Soma imam
Date: 07-21-2017, 09:52 PM
Parent: #1
منقول: قامت بنت المرحومة أدبية بإغلاق صفحتها في الفيس بوك بطريقة مفاجأة بعد م كتبت الكلام دا ⬇
دي م جثة والدتها
بالعقل كدة ف زول بيعرف اكتر من بنتها
قالت امها م بتمشط شعرها ودي شعرها ممشط
ووالدتها م عندها سوسة ف اسنانها تحت ودي عندها
وقال انو والدتها بيضاء ودي سمراء
وقالت انو اصابع امها قصيرة ودي اصابعها طويلة
وقالت انو والدتها عندها اثر عملية ف بطنها والجثة م فيها ولا وصف من مواصفات والدتها
وقالت انو والدتها اختفت عندها اسبوع والجثة دي عندها شهر
في برنامج مباشر جدا ف قناة الشروق جابو السيدة الاختطفت من الخرطوم ل ضواحي الدويم بتحكي طريقة الاختطاف كلام العميد ما بيدخل العقل
قالو في اختطاف وماف تجارة اعضاء يعني ح يخطفوني يفسحوني ويرجعوني ولا كيف 😂
لا بجد حاجه تضحك
|
Post: #3
Title: Re: خرجت أديبة العز و صرخ الوطن و الشعب كيف ال�
Author: قصة غريبة
Date: 07-22-2017, 04:33 PM
قصة أديبة غريبة و عجيبة و مأساة حقيقية و الكلام كتير و مسيخ ربنا يلهم زويها الصبر و يجعل الجنة مثواها الأخير
|
|