أرسل لنا المحامي (شخص) مدير توزيع النكات السودانية في الشرق الأوسط وشمال أفريقيا نكتة سودانية فقمنا بإدخالها في ورشة ود الدابي لسمكرة النكات فطلعت بالشكل الآتي: زمان كان في حكم درجة اولى من عطبرة اسمو النعيم ..... اها النعيم مشى يحكم كورة في الخرطوم بين الهلال والمريخ زمن الكورة كانت كورة ... الحكم العطبرواي نزل الصباح في بيت ود عمو بأمدرمان وفي المساء مشى استاد الخرطوم وحكم الكورة والمريخ انهزم 3 صفر .... قبل نهاية المباراة بدقيقة واحدة اقتحم جمهور المريخ الميدان ومظاهرات وهتافات المشجعين المريخاب المولعة نار ملت الارض والسما: (التحكيم فاشل)!! ، (إلى الجحيم يا النعيم)!! ..... قال ليك بعض المشجعين المريخاب سكو الحكم العطبراوي لحدي ما الشرطة طلعتو بره الميدان بي صعوبة شديدة..... في تلك اللحظات الحرجة دار الحوار الآتي بين ضابط الشرطة والحكم: ضابط الشرطة: يلا يا حكم نوصلك محل سكنك!! الحكم: يا زول تودوني محل سكني بتاع شنو؟!!! انا محل سكني ما ماشي ليهو نهائي !!! انا ببيت معاكم في مركز الشرطة وتاني يوم الصباح بزوغ عطبرة طوالي!!!! ضابط الشرطة: ليه يا حكم؟!! الحكم: شايف الزول الغليد الشايلنو الجماعة داك والبهتف باعلى صوت ويجعر : (الى الجحيم يا النعيم) ؟!! ضابط الشرطة: آي شايفو! الحكم: اها دا ود عمي ذاتو الانا نازل معاهو!!! فيصل الدابي /المحامي