عُذراً شباب..!! زاهر بخيت الفكى

عذراً شباب..
لا تقنطوا..
اعتصموا بالحبل المتين..
فى حقكم لا تفرطوا..
الزول الهُوين..
أو ########..
فى أمرِكم..
ما توسطوا..
سودانا الكبير..
ما سيدوا زول..
مرحب تعالوا..
اتوهطوا..
فى نص بلدنا الغالى ده..
ما تسِبوا ديمة وتسخطوا..
عارفين همومكم..
يا شباب..
سنين الجامعة مرت..
رغم المتاعب والصعاب..
كان الأمل..
فى بكرة يتحقق حلم..
خاب العشم..
حتى الحلم أصبح سراب..
هناك آلاف من شباب..
مؤهلون...
بلا عمل..
هم هائمون..بلا أمل..
تائهون..بلا دليل..
يحملون..
هواتفاً مع بعضهم..
يتواصلون..
وشهادةٌ من جامعة..
بها يُزينون..
جدران منزلهم..
يحلمون جميعهم..
لو يحصلون..
على وظيفةٍ فى أهلهم..
أو اغتراب..
بعضهم نال الشهادة..
فى الجهاد..
وبلا شهادة ..
بعضهم..نال المراد..
صبراً شباب..
لا تقنطوا..

بلا أقنعة...
صحيفة الجريدة السودانية...