سيد اللبن كلمات: حسين شنقراي

سيد اللبن
كلمات: حسين شنقراي
غيرت الحمير
لسه اللبن فاسد
عقلك ما معاك
ولا قاصد
مجنون براك
ولا حاسد
وعبدالرحيم شلة
تأكل في كل الموائد
بس أعرف تمام
إنو القدر راصد
-------
جددت البودي
والمكن عطلان
ليه لي زوالك
ياخي عجلان
حليك أيامنا
قبلك كانت زمان
معاك ضاع الوطن
ضاع المكان
-------
إترجل إنت
وأنزل بطولك
عارف التغيير
لازم يطولك
وما كفايه تطرد
بس فلولك
خلي الحل علينا
ما دايرين حلولك
إتخارج أمشي
الثوار ما يجولك
و الساعة ديكا
ما مارقاك رجولك