يا زول ما تتلوم اول جيتنا متاخر وبعد منى اتعافت طااااااااااب الحمد لله وثانيا لصقت لينا حاجة سااااااااى يعنى ما عايز تتعب - انا حالف اكان ما كتبت براك الليلة دى اعمل فيك بوست يكشف حالك .
منتظرون كتاباتك مش تخمنا بكت آند بيست .
Post: #50 Title: Re: الزميلة منى عوض خوجلي أصيبت بوعكة / دعواتكم لها بالشفاء العاجل Author: عادل جبارة Date: 07-22-2007, 05:56 AM Parent: #49
إتصلت بي الأخت منى خوجلي أمس السبت بعد أن وصلت القاهرة وهي بحمد الله بخير وصحة جيدة وتطمئن الجميع وتشكرهم على إهتمامهم ألف حمدا لله على سلامة الزميلة منى
Quote: إتصلت بي الأخت منى خوجلي أمس السبت بعد أن وصلت القاهرة وهي بحمد الله بخير وصحة جيدة وتطمئن الجميع وتشكرهم على إهتمامهم ألف حمدا لله على سلامة الزميلة منى
الاخ الاصيل عادل جبارة
يا ريت لو نزلت للزملاء رقم هاتف الاخت منى ليتسنى لمن اراد الاتصال بها .
يعلم الله انتم اسعد ناس اكيد منى ناس حلتكم كلهم بحبوها . منى اكيد النوع البشيل الحاجة الحلوة لجارتها وبتعصر بيمينها ما لا يعلمه شمالها لكل مسكين - والمتواضعة البتجلس مع اهلها تحت ضل الراكوبة تشرب القهوة وتشاغل دى وتضحك مع دى .
الله يخليها ام آية
Post: #54 Title: Re: الزميلة منى عوض خوجلي أصيبت بوعكة / دعواتكم لها بالشفاء العاجل Author: عادل جبارة Date: 07-22-2007, 07:02 AM Parent: #53
Quote: الاخ الاصيل عادل جبارة
يا ريت لو نزلت للزملاء رقم هاتف الاخت منى ليتسنى لمن اراد الاتصال بها .
حرم مداخلتك دى ما برضاها منك وما بتشبهك افو افو كمان تمشينى بكت آند بيست و ما عايز تتعب .
انا في انتظارك دايرين منك زيارة مجيهة والجايات اكتر من الرايحات .
Post: #68 Title: Re: الزميلة منى عوض خوجلي أصيبت بوعكة / دعواتكم لها بالشفاء العاجل Author: Ahmed Yousif Abu Harira Date: 07-22-2007, 12:07 PM Parent: #67
استاذنا/الطيب شيقوق قبضتني بالثابتة ؟
نسال الله العافية العاجلة لاختنا منى خوجلي..وانت ومنى خوجلي تستاهلوا اكثر من ذلك قطع شك.. لكن الدعاء كان شامل وكامل ، لذلك رددته بنية القبول ان شاء الله بدون المساس طبعا بحق "الملكية الفكرية" لكاتبه.. نسال الله لكم ولمنى ولنا جميعا تمام الصحة والعافية.. ولنا عودة وشيكة عندما تتعافى اختنا منى باذن الله.
منى إنت بالعافية التختك في المصارين وتبقالك هدم يا ستنا سلامتك الف سلامة
الفاتح
Post: #78 Title: Re: الزميلة منى عوض خوجلي أصيبت بوعكة / دعواتكم لها بالشفاء العاجل Author: عبده عبدا لحميد جاد الله Date: 07-23-2007, 09:12 AM Parent: #77
العزيز ود شيقوق تحية طيبة
Quote: دى ما بتفكك من اللوم افو افو انت ذاتك تجى متاخر وتكتب لينا سطرين بس كمان .
حقيقة اتلومنا معاكم وعلى قولهم اللوم من الكرعين لمن اصبح في الوش ،ودي العوجة على العموم يا عزيزي لكم والعزيزة منى اعتزاري . وشكراً ود شيقوق ،اللوم دليل المعزة
Quote: حقيقة اتلومنا معاكم وعلى قولهم اللوم من الكرعين لمن اصبح في الوش ،ودي العوجة على العموم يا عزيزي لكم والعزيزة منى اعتزاري . وشكراً ود شيقوق ،اللوم دليل المعزة
عبد الله ود جاد الله
يعجبني حضورك ومتابعتك الله يديك العافية - انا حرم كما بعزك ما بلاحقك لكن اللوم بجي بالغفلات .
انت عارف اخوك ده غشيم من النوع البعزل منو البستحق الفاتحة من اهل الفراش الواحد .
أولا بالتبادي أنا بقيت كويسه جدا جدا.. والحمد والشكر لله.. وليكم يا أعزاء سكنوا الف}اد فكانوا الزاد الذي اتي بالدعاء فاستمتعنا بالشفاء.. ثانيا برضه بالتبادي..وروني الشوق ليكم ده بيزيد كل يوم كيف؟
شكرا أخي الطيب شيقوق علي هذا البوست الذي ذكرني بالخليفه واخواني وأهل ساعة المغربيه!
وتبقي المعزه والصداقه والأخوه هي كل رجاءنا في زمن اصبحنا فيه رهينه للموت في لمحة عين بسبب ماء أو تغيير جو أو فيروس غير معروف سببه!!
Quote: حمزاوي محمد ابراهيم قرض خضر حسين خليل مصطفي محمود أحمد موسي
دعواتكم شفتني وعجلت بشفائي التام.. كثيرا ما اقول أن ما يجمعنا مشاعر حقيقيه.. مشاعر قائمه علي الحب والحرص علي بعضنا..وأنا مصدقه تماما لهذا الأحساس والقول شكرا لكم كثيرا..وربنا مايوريكم شر.. وأعتذر عن الجمع في الرد ..ولولا الظروف لخصيت اي منكم بكلمات الشكر.. لكنه الوقت الضيق مع الأنشغال الشديد..وكتابتي من نت خارج المنزل فأرجو أن تقبلوا عذري..
مع الحب الكبير لكم جميعا..
Post: #87 Title: Re: الزميلة منى عوض خوجلي أصيبت بوعكة / دعواتكم لها بالشفاء العاجل Author: محمد على طه الملك Date: 07-24-2007, 07:56 PM Parent: #85
إنتي بالتبادي حمد علي السلامه .. تاني قولي لود شيقوق ده خلاص اركز عصاتك دي في ركن البوست وأقعد استريح .. اصلوا وحاتك من سمع بي وعكتك ياها دي الوقفه .. عايز اقول .. لكن جيبي أضانك عشان ناس بشاشا وتراجي ما يربطوا لي .. الراجل شيخ عرب .. دامت لكما العافيه والخوه .
Quote: عمر التوم الفاتح خليل الفكي اشراقه مصطفي حبيبتي محمد على طه الملك أبوذر بابكر
الحب يغير مذاق كل شيء.. ولا أعتقد أن هناك أجمل من حب البشر لبعضهم.. وانا مستمتعه جدا بعاطفتكم وخوتكم وما أظني أكون ببالغ لو قلت اني بحبكم كلكم.. ليس هناك أسوأ من العزله باختيارنا أو بأختيار الآخرين.. فالنتقارب أكثر ولنحب بعضنا أكثر.. شكرا لدعواتكم..ولتكريس بعض من وقتكم لتكتبوا لي كلمات صادقه أعتز بها الان وغدا.. وشكرا علي مشاركتي المي ومرضي .. وبس بتمني من ربنا اننا نتلاقي جميعا يوم في الوطن الجغرافي العطوف..
Quote: انعام حيمورة معتصم مصطفي الجبلابي سعد الدين عبد الرحمن كمال عباس فرانكلي
عمركم شوفتوا مطار كهربتوا بتقطع ويأخروا السفريات؟ خلاص كان سمعتوا بتكونوا عارفين القصه..وكمان كان ما سمعتوا أنا قاصده مطار الخرطوم يوم الأحد 22 يوليو الصباح! تعطلت السفريات لساعتين أو أكتر! طيب اذا ده الحال كيف يعني ما أمرض ومعدتي تتعب؟ شكرا لدعمكم المعنوي لي,,شكرا لحبكم الجميل الذي يسعدني كثيرا.. وشكرا يا نعومي حبيبتي علي تلفوناتك وعلي اهتمامك بي.. وانا ربنا أكرمني بحبكم.. دمتم لي ودامت الموده الفرحه بيننا..
منى حمد الله على السلامة ربنا يحفظك دحين انا تعبت شديد من بوستيك ده تعالي عليهو انا عندى وليدات بربي فيهم ولو تابعتو باكر بيقول لى مع السلامة رفدناك انت ما شغال لينا مقابل ضيوف منى الكتاااااااار ديل .
محمد على طه المك
Quote: لكن جيبي أضانك عشان ناس بشاشا وتراجي ما يربطوا لي ..
يطول عمرك انا فاقد تراجي ما جاتنا بهنا وكفرت يبدو مشغولة لانها مسجلة غياب من المنبر ذاتو .
بعدين يا اخوى حاسب شديد التراجي ما بتفوت ليك ذلة لسان ناس عمدة وشيخ عرب والحاجات دى قبل كده جالدة فيها ناس كتااااااار
الاخ بشاشا انا اصلا ما سمعت منه كلام شين الا اكان الناس البيهبشهو احييه من هنا .
Quote: علاء الدين يوسف الصحافه 30 ابراهيم فضل الله عادل عبد العاطي فيصل الزبير
ومصر كل يوم يتتغير وبتزيد جمال وغلاء! اليوم هنا قصير بس الحمدلله الأمراض لغاية دلوقتي ما أصابتنا..ولو انه في نزله حايمه! وبعدين ربنا يستر علينا..لأنه خبطتين علي الراس بتوجع..ولو صح الكلام بتاع مصر والسودان حته واحده يبقي أكيد هايحصل لي الام في معدتي تاني..زي ماحصل في السودان..أمال ايه..مش هم حته واحده؟؟!
شكرا ايكم ولسؤالكم عني..ولدعمكم المعنوي العزيز والذي كثيرا ما يساعدني وأقول هذا بصدق..علي الوقوف علي أرجلي مرة أخري عندما أتعب! دمتم والي لقاء قريب بأذن الله هنا أو هناك!
Quote: تاج السر عزاز شامي محمود الدقم محمد هارون مهند حيموره
السلامه بتجي مادمتو موجودين معاي.. الكتابه من النت كافيه فيها تشتت زي ما قلت ليكم قبل كده.. وفي مصر قابلت بعض منكم..قابلت تاج السر وناذر ولميس زوجته.. وقعدنا في قهوه في نص البلد.. وطبعا سيرتكم بقت هي الكلام!
ليكم حب كبيييير وشكرا لدعواتكم الطيبه وكلماتكم الحلوة..
Quote: خليل محمدين محمد اسحق ام وضاح مامون أحمد إبراهيم عاطف عمر
تحيات عطره من بلد ذكرها القرآن الكريم.. مصر حاره جدا جدا..والرطوبه عاليه..والخروج من البيت صعب جدا! الحمدلله تم زواج ابنة أختي وفرحنا ونططنا معاها وحفلتنا استمرت لغاية 5 صباحا..ومافي واحد جه قالينا حداشر جات..زي الفقاري الفي الخرطوم! واحشني جدا..وأواوصل معكم بشكل منتظم أكثر قريبا بأذن الله.. لكم شكر بدون حدود علي اهتمامكم بي..وهكذا أحب أن أبقي قي قلوبكم.. مودتي لكم بحجم الكون..
Quote: منصور المفتاح الفاتح يسن سيليكون عمر علي يسرى معتصم
وكا تمنيتم لي الشفاء بقلوبكم المخلصه.. اتمني لكم أنا أن يسعدكم الله كثيرا في كل أوقاتكم.. ويجمعنا في أوقات جميله..ولا يحرمنا من نعمة الحب.. وعلي ابوابكم الزرقاء والخضراء ومعاها البيج.. اكتب بقلم شحته من راجل ماشي في الشارع..
Quote: عادل جبارة مجدي عبدالرحيم فضل عثمان رغيم محمد يسن علي بدر شهاب الفاتح عثمان
ومن الجوانب الأيجابيه للمرض الذي أصابني..هو نقصان الوزن! وبذلك امكنني أن أرتدي الفستان الذي اشتريته بمقاسي ثم زاد وزني عليه! ربنا رحمته واسعه..شايفين كيف؟ كنت هأحتاس حوسه عجيبه لو وزني ما نقص!
شكرا لدعمكم النفسي لي ولدعواتكم الطيبه..وربنا ما يوريكم شر أبدا..
Quote: عبد الدائم سيد أحمد عادل عوض بلال دكتور أحمد امين ابو بكر أحمد احمد يوسف بو حريره
تحيات ملونه زي لون الخضار والفواكه في مصر المؤمنه.. ألوان تملآ القلوب حياه.. موجة الحر الشديده قالوا المفروض كانت تنتهي أمس..ولو انتهت بيكون لسه في حر ورطوبه بس أخف شويه.. وانا مازلت متحاشيه لما يسبب الأمراض.. علي الرغم من انه صحتي كويسه خالص.. شكرا لكم وعلي شدكم لأزري..
كيف يعني الزول يشد أزر الزول التاني؟
ماعارفه! أنا بس قريتها كده زمان وعجبتني وقررت أستخدمها هنا من باب التغيير يعني.. ولا يخلو الأمر من حركات قرعه! لاف كتير..
Quote: انعام عبد الحفيظ علوبه منعم مالك عبده عبدا لحميد جاد الله محمد على طه الملك
الزول لما يمرض بيتدلع صح؟ انا ما كا في زول يدلعني..علشان ماما جاره ما كانت معاي وكمان كنت علي وشك السفر.. لكن تلفوناتكم وقبلها دعواتكم والبوست البيرد الروح ده عوضني عن الدلع! شوفتوا دلع الكبار متدلع كيف؟
أشوفكم بكره باذن الله وأنتم كما أنتم..بعيدون عن الشجار والعراك بدون سبب,, ومجتمعين علي الموده والأحترام.. حبي لكم حلو زيكم..
Quote: النذير حجازي الفاتح ميرغني غريبه محمد أبوجودة الرفاعي عبدالعاطي حجر
سلامات من مصر أم الدنيا وابوها كمان! يا سلام بس لو كان الجو حلو شويه! بكره باذن الله نسافي طنطا في أول النهار ونرجع بالليل.. ماشيين نزور السيد البدوي ونملا قلوبنا بركه..أجرنا حافله مكندشه..موش فالحين؟؟ بدعي ليكم بكره دعوات تكون مقبوله بأذن الله .. اها عايزين أدعي ليكم بايه غير يديكم الصحه والفرحه؟؟ أوعوا تقولوا القروش لأنها موضوع صعب شويه شكرا ليكم كلكم ولأنه معدتي تعبانه أقول.. بالحب وحده يعيش لأنسان
Post: #101 Title: Re: الزميلة منى عوض خوجلي أصيبت بوعكة / دعواتكم لها بالشفاء العاجل Author: معتصم دفع الله Date: 07-26-2007, 04:36 PM Parent: #1
Quote: عبدالمنعم الرزوقي هاشم أحمد خلف الله حسام يوسف حاتم ابراهيم صلاح واسبه
سلام كبير.. الليله طلعت مشيت السوق..وكان تهور مني! بمجرد مانزلت من التاكسي في سوق روكسي..دخلت أول محل والتاني وبعد التالت مباشره رجعنا..أنا ومنال وأسلام! رطوبه قاتله..انا تاني ما بمرق..وما بسافر من لندن في الصيف.. لأنه في مصر بنتقفل في البيت من الرطوبه..وفي الخرطوم بنتسمم!!
سلام وحب كبير ليكم.. وزي مابيكتبا أهلنا البسطاء في جواباتهم..عندما يتحدثون عن أشواقهم..
Quote: طارق جبريل الطيب عبدالرازق النقر محمد على طه الملك حسن الطيب يس رأفت ميلاد
في الخرطوم قلت لأصحابي.. والله لو جاتني ملاريا بيكون كويس علشان وزني ينزل شويه..(لأ ما شويه..كتييير) وبعدين زدت علي كلامي شروط.. تجيني ملاريا ما كعبه شديد..وماترقدني مستشفي..عشان المستشفيات ما نضيفه وما يشخصوها غلط ويقوموا يدوني دوا يقتلني! ماجاتني الملاريا..لكن الحصل لي أصعب منها! في زول يتمني المرض؟؟ درس لي علشان أحمد ربنا علي كل نعمه.. وأولها الصحه.. ثم نعمة الحب.. والقدره علي أن نكسب حب الآخرين ونبادلهم حب أكبر..
Quote: اميره عثمان أحمد معتصم الطيب الطاهر-ضياء ياسر ميرغنى عبدالرحمن معتصم دفع الله
شكرا لوجودكم هنا ولصالح دعواتكم.. عايزه أعزمكم علي حاجات هنا في مصر.. مثلا نمشي السينما المفتوحه في دار القوات المسلحه.. المفتوحه يعني مافي صالات مغلقه زي سينماتنا زمان في السودان.. في مرجان لعادل امام وفي أفلام تانيه.. طيب بلاش سنما.. اعزمكم كنتديات؟ ولا بس أحسن نقعد نتونس علي النيل.. انا قاصده أقوليكم انكم في البال دايما.. ونكتب لبكري كده.. شكرا علي لمنا علي بعض من بعد ضياع.. وفي زمن أغبر من المغبرين.. وماننسي جملة علي اتاحة الفرصه..لانها من الجمل الأساسيه.. واسه اكان ما كنتوا انتو..انا كان بقيت كويسه سريع كده؟
Quote: نادر الفضلى خالد العبيد عمر عبدالسلام عبد المنعم سيد احمد
تحايا كده قدر السودان كله.. قدره من غير بلاويه.. ومن هنا.. وتحايا أزهريه..فاطميه..ناصريه..ومن ضرايح الصالحين وشوارع القاهره الحديثه والقديمه..ومن عند بائعي الخضروات والفواكه والجبنه التلاجه عشان بحبها!
شكرا لبكم كلكم ونتلاقي باذن الله في بوست آخر لو كتب الله لنا العمر.. وتأكدوا أنكم عندي حقيقه وموده كبيره.. فقط اتمني ان التقي بكل منكم في الخرطوم أوفي أي من أراضي الدنيا الواسعه..
وشكرا لك أخي الطيب..شكرا علي اهتمامك وعلي احساسك الأخوي الكريم.. وشكرا لكل من تمني لي الشفاء بلسانه أو بقلبه.. وشكرا كبيره لكل من أتصل بي.. اصواتكم ردت لي روح جميله.. وفرحت بيكم جدا.. وماما جاره كمان بتشكركم.. علي اساس يعني اليدعي لبنتي يبقي ابني!
تحيات أكتوبريه من التاريخ ومن خيالي.. لكن الحق كمان يتقال.. من وحي غناء الأستاد محمد الأمين بالأوبرا بالقاهره.. والماسمعنا فيها بتتعلم من الأيام! معقوله يا أستاد محمد الأمين؟؟
وانتو واحشني كيف! قلت ليكم شنو.. أنا تاني كان مرانه ما بحدثكم..علشان ماتتعبوا قدر كده.. كويس؟ ربنا يجمعنا دائما علي الخير والحب..