جرب نار الغيره..

جرب نار الغيره..جرب...
جرب ليلك يبقي نهار...




حكمة اليوم..

قلبي يا محيرني جنبك..قلبي يا مغلبني

وكثيرا ما تعمي الغيره القلوب..
فتجعل المحب يتخبط يمينا شمالا ويصبح الليل كالنهار عنده..
غيره تمنع النوم..

ربنا يخليك ياوردة يا جزائريه..

يازوله بطلي عباطه واعقلي
انت بيقتي مضحكة البورد
انت ماعارفه الناس بتقول عليك شنو
من حركات المراهقين البتعملي فيها دي؟؟؟؟
وموسمية هبشك لمواضيع المتاجره اياه شهادة ضباط رمضان.


يغيروا منك يا منى خوجلي في شنو؟؟؟؟
اصغر مني ولا قايله روحك اجمل ولا افهم؟؟؟؟؟
يازوله احترمي عمرك بنتك آيه قربت تبقيك حبوبه
وانت قاعد لدلالك وعبطك وواقفه مكانك سر.


لو في غيره فان من هي تستحق الغيره واحده زي د.اشراقه
شوفي زمن زيارتها على قصره كيف تم الاحتفاء به بايجيابيه من قبل بورداب الخرطوم.
لانها تعرف قيمة زمنها وقيمة ان تكون مفيده.مش ناكل محشي باذنجان
ونشرب عصير قصب ونمشي للشيه في قندهار...وبعدين؟؟!!



نغير برضو؟؟؟من منو؟؟؟؟
واحد فارغه زيك عامل ليها بوست طويل عريض
عشان تحكي للناس بعرس بت اختها
وبكره بوست طويل عريض لطهورة ود اخوها
وجبنة حبوبتها
وابريق ست ابوها؟؟؟؟

منى خوجلي نفسي بس والله واحد/ه بالغلط ممن احترمهم يحدثني عنك بشكل ايجابي
حتى اوراق عملك في المؤتمرات التي شاركتي فيها وصفت بالضعف الاكاديمي.


يازوله مبروك عليك زوار بوستاتك في تعبير جميل وصفهم به احدهم البارحه فقط
زوار بوستاتك(.......الفكريه) حذفت الكلمه لعدم ملائمتها.

فلا خواء فكري.....ورغبه في الفارغه اجدها مثلما اجدها في متسكعي
المنابر ممن يبركوا في بوستاتك.....
وشغالين يجبوا لك ورد وتيجبي ليهم قرود ....اللهم قنا مثل هذه الاشكال.
عارفه نموذج للفارغه مثل بوستاتك مافي
اكذبي على نفسك..ولكن لن تتمكن من الكذب على اللآخرين.
وطريقتك في الحرص على بقاء البوستات في صدر الصفحه نعرفها جيدا وشايف
افلامك مدوره ولاتخفى الا على الاغبياء......

وبعدين اخجلي شويه
يا وليه....تطير عيشة منى خوجلي
وتريك عيشة الجن الاحمر
ونار الغيره
وقبلها اختك الجهل مصيبه

وافلام مدوره.ارحموا الباندوث...عالم فارغه بشكل؟؟؟

يازوله بطلي عباطه واعقلي
انت بيقتي مضحكة البورد
انت ماعارفه الناس بتقول عليك شنو
من حركات المراهقين البتعملي فيها دي؟؟؟؟
وموسمية هبشك لمواضيع المتاجره اياه شهادة ضباط رمضان.


يغيروا منك يا منى خوجلي في شنو؟؟؟؟
اصغر مني ولا قايله روحك اجمل ولا افهم؟؟؟؟؟
يازوله احترمي عمرك بنتك آيه قربت تبقيك حبوبه
وانت قاعد لدلالك وعبطك وواقفه مكانك سر.


لو في غيره فان من هي تستحق الغيره واحده زي د.اشراقه
شوفي زمن زيارتها على قصره كيف تم الاحتفاء به بايجيابيه من قبل بورداب الخرطوم.
لانها تعرف قيمة زمنها وقيمة ان تكون مفيده.مش ناكل محشي باذنجان
ونشرب عصير قصب ونمشي للشيه في قندهار...وبعدين؟؟!!



نغير برضو؟؟؟من منو؟؟؟؟
واحد فارغه زيك عامل ليها بوست طويل عريض
عشان تحكي للناس بعرس بت اختها
وبكره بوست طويل عريض لطهورة ود اخوها
وجبنة حبوبتها
وابريق ست ابوها؟؟؟؟

منى خوجلي نفسي بس والله واحد/ه بالغلط ممن احترمهم يحدثني عنك بشكل ايجابي
حتى اوراق عملك في المؤتمرات التي شاركتي فيها وصفت بالضعف الاكاديمي.


يازوله مبروك عليك زوار بوستاتك في تعبير جميل وصفهم به احدهم البارحه فقط
زوار بوستاتك(.......الفكريه) حذفت الكلمه لعدم ملائمتها.

فلا خواء فكري.....ورغبه في الفارغه اجدها مثلما اجدها في متسكعي
المنابر ممن يبركوا في بوستاتك.....
وشغالين يجبوا لك ورد وتيجبي ليهم قرود ....اللهم قنا مثل هذه الاشكال.
عارفه نموذج للفارغه مثل بوستاتك مافي
اكذبي على نفسك..ولكن لن تتمكن من الكذب على اللآخرين.
وطريقتك في الحرص على بقاء البوستات في صدر الصفحه نعرفها جيدا وشايف
افلامك مدوره ولاتخفى الا على الاغبياء......

وبعدين اخجلي شويه
يا وليه....تطير عيشة منى خوجلي
وتريك عيشة الجن الاحمر
ونار الغيره
وقبلها اختك الجهل مصيبه

وافلام مدوره.ارحموا الباندوث...عالم فارغه بشكل؟؟؟

بت الخليفةسلام
الغيرة طبعا هدامة وتبين طعف الشخصية والتي هي دليل علي امراض نفسية
تسلمي وسلام كتير للحاجة جارة

شنكبة
نمشي قنداهار لكن ما بنمشي بارات

Quote: بت الخليفةسلام الغيرة طبعا هدامة وتبين طعف الشخصية والتي هي دليل علي امراض نفسية تسلمي وسلام كتير للحاجة جارة شنكبة نمشي قنداهار لكن ما بنمشي بارات

سموؤال..
ايه أخبار شارع مشتشفي مكه؟
واخبار الصحافه غرب؟
امتداد الدرجه التالته والخرطوم 2؟
ايه اخبار كبري شمبات وكبري بري؟
ماذا تبقي من طعم اجازتي معكم؟
واغاني عثمان حسين والجابري؟
هل مازالت في الذاكره نفس التفاصيل؟
تجمعنا وذهابنا الي حليوه؟
الشاي والبيبسي وسوق سعد قشره وتكدسنا داخل العربه؟
كد الدوم وبقاياه تمل الوجوه وضحك صاحب محل الكاسيت علي المنظر؟
.......

.........

كفايه كده الجماعه بعدين يغيروا ويقولوا اشمعني نحنا ما كنا فيها!

مني كيفنك
انت مالك عايزة تجيبي لينا الكتاحة

Quote: مني كيفنك انت مالك عايزة تجيبي لينا الكتاحة

كتاحة شنو طارق أخوي
ده جزء من تنيحتي بديتها بأغنية ابراهيم عوض..وهي لسه مستمره معاي..

شوف الكلام ده..

انا قلبي ليك ميال..
ولا فيش غيرك عالبال..

وبحبك زي عنيه!

الله يرحمها كمان فايزه أحمد..غناها عجب!

منى خوجلى .. التحايا اجزلها ..

الغيرة بتكتل .. والله يبعد سمومها مننا ...




_______
تخريمة :

كتبت تراجى :

Quote: ونمشي للشيه في قندهار...

شية قندهار مالها ياتراجى ... أرعى بغنمك بعيد
من زمان ونحن ما دايرين احتكاكات ...
نفتح فيك سموم جهنم ولا كيف .؟؟؟

منى خوجلي العزيزة...




هكذا تشب النار في المرأة الغيورة....

اضـــــــــاءة...


عندما أقول رأياً او تعليقاً في أي موضوع لاأرمي من وراء ذلك خدش لأي أحد....أو لا سمح الله اساءة ...وانما أشارك بحكم انه موضوع مطروح للراي العام.....لذلك كل الذي أتمناه من قلبي ان لا تؤخذ مثل هذه الامور بحساسية مفرطة لاننا لا نقصد سوى الخير للجميع...وهذا ديدني وطريقتي في كل مداخلاتي مع الاخوة الاعضاء المحترمين...


تقديري واحترامي لكل أعضاء البورد




دوماً
كل الود

مرحب سلمي الراقيه..

الغيره عندما تشب في القلوب تكون مدمره للغايه..هي كما جاء في اللوحه المعبره..
نارا تحرق ..تاكل نفسها وكل ما حولها ولا تستطيع في ثورتها أن تميز..
ليس للغيره عقل..وكذلك النار..

Quote: يازوله بطلي عباطه واعقلي انت بيقتي مضحكة البورد انت ماعارفه الناس بتقول عليك شنو من حركات المراهقين البتعملي فيها دي؟؟؟؟ وموسمية هبشك لمواضيع المتاجره اياه شهادة ضباط رمضان. يغيروا منك يا منى خوجلي في شنو؟؟؟؟ اصغر مني ولا قايله روحك اجمل ولا افهم؟؟؟؟؟ يازوله احترمي عمرك بنتك آيه قربت تبقيك حبوبه وانت قاعد لدلالك وعبطك وواقفه مكانك سر. لو في غيره فان من هي تستحق الغيره واحده زي د.اشراقه شوفي زمن زيارتها على قصره كيف تم الاحتفاء به بايجيابيه من قبل بورداب الخرطوم. لانها تعرف قيمة زمنها وقيمة ان تكون مفيده.مش ناكل محشي باذنجان ونشرب عصير قصب ونمشي للشيه في قندهار...وبعدين؟؟!! نغير برضو؟؟؟من منو؟؟؟؟ واحد فارغه زيك عامل ليها بوست طويل عريض عشان تحكي للناس بعرس بت اختها وبكره بوست طويل عريض لطهورة ود اخوها وجبنة حبوبتها وابريق ست ابوها؟؟؟؟ منى خوجلي نفسي بس والله واحد/ه بالغلط ممن احترمهم يحدثني عنك بشكل ايجابي حتى اوراق عملك في المؤتمرات التي شاركتي فيها وصفت بالضعف الاكاديمي. يازوله مبروك عليك زوار بوستاتك في تعبير جميل وصفهم به احدهم البارحه فقط زوار بوستاتك(.......الفكريه) حذفت الكلمه لعدم ملائمتها. فلا خواء فكري.....ورغبه في الفارغه اجدها مثلما اجدها في متسكعي المنابر ممن يبركوا في بوستاتك..... وشغالين يجبوا لك ورد وتيجبي ليهم قرود ....اللهم قنا مثل هذه الاشكال. عارفه نموذج للفارغه مثل بوستاتك مافي اكذبي على نفسك..ولكن لن تتمكن من الكذب على اللآخرين. وطريقتك في الحرص على بقاء البوستات في صدر الصفحه نعرفها جيدا وشايف افلامك مدوره ولاتخفى الا على الاغبياء...... وبعدين اخجلي شويه يا وليه....تطير عيشة منى خوجلي وتريك عيشة الجن الاحمر ونار الغيره وقبلها اختك الجهل مصيبه وافلام مدوره.ارحموا الباندوث...عالم فارغه بشكل؟؟؟

مهماكانت دوافعكـ يا اخت تراجي
كلامكـ ده عنف لفظي واضح .. آذا كان سببه ضيقكـ من بوست الاخت مني خوجلي
او كان محض غيرة نسائية
في الحالتين هو عنف غير مقبول و إشارتو المباشره والواضحة هي انكـ
يا اخت تراجي تخطيت حدودكـ في التعامل مع زملائكـ و نصبت نفسكـ وصيا علي المنبر
و البوستات .
كثيرون هنا و انا منهم نقراء بوستات كتيره في تقديرنا غير مقبوله
ولكن لم و لن نتجاوز حدودنا لنتعدي علي حرية الاخرين فيما يكتبون

العملتيهو ده عيب يا تراجي و يجب انكـ تعتذري لي (مني) عنو
إذا كان دافعكـ (نُصح) او حتي لو كان مجرد (غيرة نسوان)

Quote: مهماكانت دوافعكـ يا اخت تراجي كلامكـ ده عنف لفظي واضح .. آذا كان سببه ضيقكـ من بوست الاخت مني خوجلي او كان محض غيرة نسائية في الحالتين هو عنف غير مقبول و إشارتو المباشره والواضحة هي انكـ يا اخت تراجي تخطيت حدودكـ في التعامل مع زملائكـ و نصبت نفسكـ وصيا علي المنبر و البوستات . كثيرون هنا و انا منهم نقراء بوستات كتيره في تقديرنا غير مقبوله ولكن لم و لن نتجاوز حدودنا لنتعدي علي حرية الاخرين فيما يكتبون العملتيهو ده عيب يا تراجي و يجب انكـ تعتذري لي (مني) عنو إذا كان دافعكـ (نُصح) او حتي لو كان مجرد (غيرة نسوان)

يا حليلك يا خدر..بس موجع خشمك ساكت!
القصه دي طويله ومنظمه وعندها خطوطها وتوزيع أدوارها..
وبعدين يا خدر الأعتذار بيجي من الزول الماقاصد يغلط..ولا الزول الممكن يكون غلط في لحظه ضعف..
لكن زول حاجاته من أولها لأخرها غلط ده مافي طريقه لتقويمه..
وبعدين الشكل ده في ناس راضعاه..لكن الزينا يا خدر مابيقدر علي كلام الشكل ورد الصاع صاعين..

عشان عيب..بالجد والله عيب
عندنا اسر با خدر..عندنا أم واب سيرته عظيمه وأخ شهيد سيرته عطره..
عندنا الحمدلله واخوان وأخوات..أصحاب وزملاء..
وناس بتقرا هنا..فخلاص..خليهم هم يميزوا وبيقدروا يميزوا..
وأكيد مابيظلموني ويختوني معاها في مكان واحد..مش علشان أنا جلابيه زي الفيلم المدور ما بيقول..
لكن لأني فعلا بحترم نفسي وبحترم الناس ..وماممكن اقيف زي الغجر اشتم وأقول كلام فارغ..ده عيب..
زمان ورونا انه عيب..والحمدلله كان عندنا البيورينا!!

Quote: منى خوجلى .. التحايا اجزلها .. الغيرة بتكتل .. والله يبعد سمومها مننا ... امين يارب..يسمع منك.. _______ تخريمة : كتبت تراجى : Quote: ونمشي للشيه في قندهار... شية قندهار مالها ياتراجى ... أرعى بغنمك بعيد

قندهار فيها أهلنا الحلوين ورفقتها جمييييييله ومهذبه..
ياريت كل ما اجي أمشي مع الحلوين قندهار..وأمواج...وجبل أولياء
والنيل..وناكل سمك المورده ونقعد في شارع المطار نضحك..
يلمنا الحب والأحترام والموده والقلوب الصافيه..وننوم علي ذكري نجددها في اليوم التاني..
يا سلام علي قندهار امدرمان وياسلام علي بحري الشعبيه والختميه وعليها كلها..
وياسلام علي الخرطوم..
اوعك المره الجايه تتأخر من مفسحتنا في خرطوم العظمه بناسها.....سمح؟

Quote: من زمان ونحن ما دايرين احتكاكات ... نفتح فيك سموم جهنم ولا كيف .؟؟؟

أنسي أخوي..خليك معانا في قندهار الله والرسول ..

العزيزة مني و العزيزة تراجي
اخونا الحلفاوي اشرف قسوم سألته مرة اذا بعرف يتكلم حلفاوي,, قال لي نحنا العربي اتعلمناي في المدارس.. نحنا كمان للاسف يادوب قاعدين نتعلم في الف ب ت ث الحوار.. كدي خلو الحمل الاكتر علي الافكار, بتتحملو و ننجي انفسنا من وقعها,, المحزن انه خلاف صغير بننفخو لمان يطاول السما و يخبي الحقيقة وراهو..

تراجي انت بتشاكلي النسوان مالك


شكل النسوان خلي لي بنات العباسي

خدر يعني انا منتظره منك تتطلع الحق؟؟؟؟
انت تحرش بنات خوجلي عايز تعمل فيه حكم كمان؟؟؟؟

Quote: مهماكانت دوافعكـ يا اخت تراجي كلامكـ ده عنف لفظي واضح .. آذا كان سببه ضيقكـ من بوست الاخت مني خوجلي او كان محض غيرة نسائية في الحالتين هو عنف غير مقبول و إشارتو المباشره والواضحة هي انكـ يا اخت تراجي تخطيت حدودكـ في التعامل مع زملائكـ و نصبت نفسكـ وصيا علي المنبر و البوستات . كثيرون هنا و انا منهم نقراء بوستات كتيره في تقديرنا غير مقبوله ولكن لم و لن نتجاوز حدودنا لنتعدي علي حرية الاخرين فيما يكتبون العملتيهو ده عيب يا تراجي و يجب انكـ تعتذري لي (مني) عنو إذا كان دافعكـ (نُصح) او حتي لو كان مجرد (غيرة نسوان)

ولا شوفتك دخلت وقلت لماجده عوض خوجلي الكتبت اجهل مصيبه
انع يب وتجيء تعتذر
اعتذر
يازول اكسب خير في الزوله دي بالذات لو بتعرفها
وقو ليها كثرتيه ومسختيه البتعملي فيه ده,بلا هباله.

يا راويه قلت لك من زمان انا بشاكل رجال ونسوان
الا انتو تخصص نسوان بس.

Quote: تراجي انت بتشاكلي النسوان مالك شكل النسوان خلي لي بنات العباسي

Quote: ولا شوفتك دخلت وقلت لماجده عوض خوجلي الكتبت اجهل مصيبه انع يب وتجيء تعتذر اعتذر يازول اكسب خير في الزوله دي بالذات لو بتعرفها وقو ليها كثرتيه ومسختيه البتعملي فيه ده,بلا هباله.]

انا ماقلت ليك ياتراجي اقري الكلام قبل ماتنزليه

حسة ينطرني في حتتي دي كان فهمت انت بتردحي وتقولي في شنو



بالمناسبة خدر دا من الرجال الانا تحديدا خاتاهو معاهو قرض
عيب عليك تغمطيهم حقهم
انا حسة عاوزة اكون رابطة الرجال المشاكلنهم بنات العباسي بسودانيز اون لاين والانترنت عموما عشان يرفعوا عليك قضية

سلامات

و الله يابت الخليفة حيرتينا
مرة اوهام و مرة غيرة
خير انشاء الله
انعل مافى عوجة

غايتو انا البعرفو الغيرة الخفيفة حلوة
بس على خفييييييييييييييييييف

سلامات

Quote: و الله يابت الخليفة حيرتينا مرة اوهام و مرة غيرة خير ان شاء الله انعل مافى عوجة غايتو انا البعرفو الغيرة الخفيفة حلوة بس على خفييييييييييييييييييف

والله ياابوبكر انا ذاتي متحيره..
لكن في رايي في عوجه ونص وخمسه..اها ماشي تسوي شنو ؟؟
دي غيره علي تقييييييييل..اها تاني ماشي تسوي شنو ؟؟

جرب ليلك يبقي نهار..
وبعدين انت تعرف..

مشتاقين يا ابو بكر..كيف الأحوال بهناك؟

راويه صحي ماره بلندن في رجعتك؟؟

تراجي ..

Quote: ونشرب عصير قصب ونمشي للشيه في قندهار

منى نزلت بوست عن قندهار ....

لكن في المقابل ما نزلت بوست عن :

1. اطفال المايقوما ... والمجهود الكبير الذي بذلته في ان تقدم لهم ..

2. دار العجزة والمسنين ... وبرضو مجهود حقيقى وخلق يوم كان ناحج جدا ...

و... و...

فهي تحذر من تنزيل الصور او فتح بوست عن هذه الايام..

Quote: شوفي زمن زيارتها على قصره كيف تم الاحتفاء به بايجيابيه من قبل بورداب الخرطوم.

منو القال ليك بورداب الخرطوم ما استفادوا من تجاربها .. نظمت بشكل جميل جدا .. ورشة عمل عن اتفاقية سيداو واستفدنا منها كتير..

Quote: منى خوجلي نفسي بس والله واحد/ه بالغلط ممن احترمهم يحدثني عنك بشكل ايجابي

يا تراجي ممكن اكون واحدة ؟؟









منى انا بغير عليك شديددددد !!!!

Quote: تراجي .. Quote: ونشرب عصير قصب ونمشي للشيه في قندهار منى نزلت بوست عن قندهار .... لكن في المقابل ما نزلت بوست عن : 1. اطفال المايقوما ... والمجهود الكبير الذي بذلته في ان تقدم لهم .. 2. دار العجزة والمسنين ... وبرضو مجهود حقيقى وخلق يوم كان ناحج جدا ... و... و... فهي تحذر من تنزيل الصور او فتح بوست عن هذه الايام.. Quote: شوفي زمن زيارتها على قصره كيف تم الاحتفاء به بايجيابيه من قبل بورداب الخرطوم. منو القال ليك بورداب الخرطوم ما استفادوا من تجاربها .. نظمت بشكل جميل جدا .. ورشة عمل عن اتفاقية سيداو واستفدنا منها كتير.. Quote: منى خوجلي نفسي بس والله واحد/ه بالغلط ممن احترمهم يحدثني عنك بشكل ايجابي يا تراجي ممكن اكون واحدة ؟؟ منى انا بغير عليك شديددددد !!!!

نعومي..
عارفه كتير جدا جدا من الأعضاء هنا مشغولين بالهم الوطني.. وبمشاكل الفقرا في السودان..ومنهم البيشتغلوا ليل ونهار علشان يرسلوا قروش لي ناس..امكن يكون مافي حتي صلة قرابه بيهم في السودان..
لكنه يا نعومي فعل اتعلموه..من بيئتهم..من أهلهم الكبار السمحين..من جيرانهم الطيبين..وبيعملوه ما عايزين عليه شكر الا حب في عمل الخير...بيقدموه بدون تردد لأنهم بيشعروا انه واجب عليهم..
وكده يا نعومي المفروض يكون البني آدم المخلص للأخلاق والقيم..
اما حكاية تعالوا شوفوني..وانا سياسيه كبيره..وانا مافي زيي..ده كلام بتاع جهل..بتاع زول ما
اتعلم في الدنيا حاجه..لا من الناس..لا من المجتمع كله..ولا من المدارس..زول رايح ليه دور عايز يتقمصه..واولاد الأصول عارفين هم شنو وبيعملوا شنو..والواجب مافي زول بيطلبه منهم..

سلام لشلة قندهار العسل..وشكرا حبيبتي..انتي عارفه انتي اختي البحبها بدون حدود..ربنا يخليك
لينا كلنا يا طيبه..

بس نصيحه يا نعومتي..

حاسبي علي أعصابك من الغيره

والله حقيقة مرة جدا"جدا" جدا"
النساء ناقصااااااااااااات عقل ودين
معقولة (عرس وطهور ) مافى طلاق

يا تراجي مصطفي ... حقيقي ياتراجي يمكنك جعلي واحد من مناصيريك في جميع طرحك عدا القليل مما لا يروق لي بصورة شخصية لكن حقيقي ما جاء منك في حق منى خوجلي غير لائق بك يسئ لك قبل كل شئ , أرجو صادقا وعاشماً في إصلاح هذا الشتم الغريب , بالذات انك ومنى مساهمات بشكل كبير في دفع ألوان الخطاب بالمنبر , منى عندي واحة خضراء لهذا المنبر نستَجم عندها وقت الهجير وعندما نحتاج للترويح ...وربما بنات خوجلي هنا هن رمز للتنوع وفي الإجتماعي من الموضوعات, برغم حزن كبير يعتصرهن بإعدام الانقاذ لشقيقهن الرجل العظيم مصطفى عوض خوجلي ذلك الهمام الشهيد , لا أعتقد أن الخط الذي تنتهجيه أختي العزيزة والمناضلة تراجي يليق بك وليس هو من الإنصاف في شئ تجاه الرائعة منى عوض خوجلي فلنحسب أننا جميعا نكتب في السياسة... هناك ستجدين قطاع كبير يرحب بل ويحتفي بكتابات الاخت منى عوض خوجلي فدعيني أقول لك أختي تراجي أنك لم تصيبي فيما تكتبيه عن منى.
_______________________________________________________حجر

الاخت تراجى عاطر التحايا لك ولاسرتك..... كنت بعيد عن النت لفترة ولا ادرى الدوافع التى دفعت بك لكتابة مثل هذا الكلام فى حق الاخت منى فهو ترهيب وعنف لفظى مرفوض مهما كانت دوافعه فأى انسان حر فى ما يكتب لذلك أتمنى ان نلتزم بادب الحوار.. واحترام الراى والرأى الآخر.

خالص معزتى

الأخت تراجي
سلام...
الغيرة شعور إنساني ليس له علاقة بالسن أو الجنس أو المنبت .. علينا أن نراعي أدبيات الحوار وأن لا نسيء للآخريات أو الآخر لأننا لا نحب أن أن يمارس معنا الآخرون نفس السلوك ويطبق نفس العيار .. على كل حال علينا دائماً أن نفعل ما نقول ونقول ما نفعل وأن لا تكون لدينا إذدواجية معايير فيما نتبجح به من حرية التعبير وحقوق الإنسان والديمقراطية .. وعموماً برضو أشارك بما قرأت عن الغيرة:

أروع ما كتب عن الغيرة


عندما تغار المرأة .. تبكي
وعندما يغار الرجل .. يصمت

عندما تغار المرأة
تكره الرجل
وعندما يغار الرجل
يكره نفسه !

أحياناً ..
يغار الرجل على امرأة تحبه
حتى لو لم يكن يحبها .
وتغار المرأة على رجل يحبها حتى لو لم تكن تحبه !

أجمل أنواع الغيرة
غيرة الحب ..
وأسوأ أنواع الغيرة
غيرة الحقد .

من بوادر الغيرة
اشتعال المرأة
وانطفاء الرجل !

تسعد المرأة
بغيرة الرجل الذي تحبه
وتختنق .
بغيرة الرجل الذي يحبها ولا تحبه!

نحن ..
نغار على الذين نحبهم
لأننا نحبهم
ونغار على الذين يحبوننا
لأننا نحب أنفسنا !

لا تعبر عن حبك لهم
بالغيرة ..
إذا كنت غير متأكد
من إحساسهم تجاهك
فقد تكشف لحظات ضعفك
لمن لا يستحق!

ما أكبر الفرق بين الحب والغيرة ..
فالحب الكبير يولد الغيرة .
والغيرة الشديدة تقتل الحب

وما أعظم الفرق
بين الغيرة والشك..
ومعظم حالات الغيرة في الحكايات العاطفية
يكون مصدرها .. الشك !
إذا ضبطت نفسك متلبساً
بالغيرة "على " إنسان ما
فتفقد أحاسيسك جيداً
فقد تكون في حالة " حب "
وأنت "لا تعلم"..

وإذا ضبطت نفسك متلبساً
بالغيرة "من" إنسان ما
فطهر أحاسيسك جيداً
فقد تكون في حالة "إثم"
وأنت "تعلم" .[/U

الأخيرة دي مهمة!!!!

تراجي

Quote: يغيروا منك يا منى خوجلي في شنو؟؟؟؟ اصغر مني ولا قايله روحك اجمل ولا افهم؟؟؟؟؟ يازوله احترمي عمرك بنتك آيه قربت تبقيك حبوبه وانت قاعد لدلالك وعبطك وواقفه مكانك سر.

هووووووووووي انا الزمن ده كلو بريدك وبدافع عنك في كل المحافل الاقليمية والدولية بس اى حاجة الا منى خوجلي دى اوعي تهبشى لينا وقارها والله منى دى عندها راي في بنت آية ذاتها خلى آية . انت يا تراجي ماك سمعتي بالاغنية البتقول كبرنا وكبرت احزانا وانتو كبرتو ذدتوا حلاة دى هى ام آية ذاتها .

ارجوك اسحبي كلامك ده عشان نحبك شدييييييييييد كمان .

كيفك يا منى انت؟؟؟؟؟؟؟

ايوه والله كلام كله صح يا دكتور أبوبكر..

Quote: وإذا ضبطت نفسك متلبساً بالغيرة "من" إنسان ما فطهر أحاسيسك جيداً فقد تكون في حالة "إثم" وأنت "تعلم" .[/U

الأخيرة دي مهمة!!!!

بس ده بقي أخطر واحد!
قاتل الله الغيره فهي مرض ومدمره..والمريض بها يكون مثل المجنون..هايج في الناس
شمال ويمين وكان عندي صورة تقرب المعني لكن مالقيتها..

Quote: الاخت تراجى عاطر التحايا لك ولاسرتك..... كنت بعيد عن النت لفترة ولا ادرى الدوافع التى دفعت بك لكتابة مثل هذا الكلام فى حق الاخت منى فهو ترهيب وعنف لفظى مرفوض مهما كانت دوافعه فأى انسان حر فى ما يكتب لذلك أتمنى ان نلتزم بادب الحوار.. واحترام الراى والرأى الآخر.

خالص معزتى

أهلا سيف الدين جبريل..

لست من المدافعين عن نفسي..
ولا أحب اطلاقا أن أقف مدافعه عن نفسي..
ولكن كل كلمه كتبتها أنا موثقه في بوستاتي وفي مشاركاتي في بوستات الآخرين وفي الأرشيف..
ان حدث ووجدت ولو بالصدفه كلمات مسيئه قلتها في حق اي زميل هنا..يكون لك الحق أن تأتي هنا وتكتبها وتواجهني بها..هذا علي الرغم من التحرش المستمر بي!

تحياتي أخي سيف واوافقك تماما علي أهميه أدب الحوار وأهميه احترام الآراء..

تسلم..

Quote: يا تراجي مصطفي ... حقيقي ياتراجي يمكنك جعلي واحد من مناصيريك في جميع طرحك عدا القليل مما لا يروق لي بصورة شخصية لكن حقيقي ما جاء منك في حق منى خوجلي غير لائق بك يسئ لك قبل كل شئ , أرجو صادقا وعاشماً في إصلاح هذا الشتم الغريب , بالذات انك ومنى مساهمات بشكل كبير في دفع ألوان الخطاب بالمنبر , منى عندي واحة خضراء لهذا المنبر نستَجم عندها وقت الهجير وعندما نحتاج للترويح ...وربما بنات خوجلي هنا هن رمز للتنوع وفي الإجتماعي من الموضوعات, برغم حزن كبير يعتصرهن بإعدام الانقاذ لشقيقهن الرجل العظيم مصطفى عوض خوجلي ذلك الهمام الشهيد , لا أعتقد أن الخط الذي تنتهجيه أختي العزيزة والمناضلة تراجي يليق بك وليس هو من الإنصاف في شئ تجاه الرائعة منى عوض خوجلي فلنحسب أننا جميعا نكتب في السياسة... هناك ستجدين قطاع كبير يرحب بل ويحتفي بكتابات الاخت منى عوض خوجلي فدعيني أقول لك أختي تراجي أنك لم تصيبي فيما تكتبيه عن منى. _______________________________________________________حجر

شكرا رفاعي علي كلماتك الطيبه..

عندما التحقت بالمنبر..كنت اخشي جدا أن يمسني أحد بكلمة جارحه..ولم يحدث والحمدلله أن دخلت في ملاسنه أو تبادل ألفاظ غير مهذبه..وماكان ممكن أن أفعل..لساني غير مدرب علي هذا..انا أخشي
أن اسمعه فكيف لي أن أقوله؟

ثم توطدت علاقتي بعدد كبير هنا..صاروا اسرتي واصبحت اتبادل معهم الحوارات والنكات وكله في اطار
من التهذيب المأصل فيهم وفي شخصي...وعندما اري هناك لغه قبيحه أحزن..واتضايق مثل الأغلبيه..
بالزمن تعلمت أن قله تحمل شعارا قبيحا وتتعمدان تفسد علي الاخرين اقامتهم هنا..وتعلمت أن أقسي
علي نفسي وأمر علي سطور كلماتهم العنيفه التي توجه لي دون سبب.. احزن وأوثق لما قالوه ولا افعل أكثر..نحن لسنا في حاره تعج بالسكاري..نحن في منبر يجب أن نتعامل فيه بالأخلاق حتي وان ظهر فيه
بعض الخارجين عليها..وفي هذا يجب أن يكون هناك حدود أخلاقيه تنبع من الشخص ويلتزم بها..
اذ كيف نتساوي في القبح ونحن اصلا لا نتشابه في الجمال...انا لا اتحدث عن جمال الخلقه ..انا اتحدث عن جمال التهذيب الروحي..فالأولي نعمه من الله سبحانه وتعالي وكل انسان جميل في نظري..أتحدث عن تهذيب الروح وهو نتيجة مجهودنا نحن..وبهذا أنا أفخر بنفسي وأسرتي وبأصدقائي وزملائي الكريمين
مثلكم..
كيف يمكنني ان اتفوه بما هو مرفوض من أي انسان؟

كيف يمكنني أن أوجه ابنتي للتحدث بأدب ان غاب الأدب مني؟

لا استطيع..لا استطيع أن اكتب كلمه خارجه..لا استطيع ان افقد احترامي لنفسي..ولا احترامكم
وتقديركم لي..وأكثر ما أكرهه أن تصبح اللغه الغير محترمه مقبوله عند الغير ليس بحكم الممارسه..ولكن بحكم رؤيتها يوميا تتوزع علي البوستات..ولكن للأسف..أصبحنا نجد انفسنا يوميا في مستنقع من مثل هذه اللغه التي يطلق عليها تجنيا نضال!

شكرا رفاعي..الأعتذار لا يعني هنا شيء علي الأطلاق..فالمقامات وماطهر منها هنا..عندك وعند الآخرين الذين يقرأون ويعلقون محفوظه..وواضحه..وفي النهايه..انا مني عوض خوجلي المحبه للجميع..المهذبه
مع الجميع..والتي تلقي الأحترام من الجميع وهذا مايهمني وهكذا سأبقي..

تسلم أخوي

بناء علي رغبة "البعض" نرفع البوست..

سرقوا الجوال يا منى

بس الشريحة معاي

بغير
بغير عليك من جمال خديك

Quote: سرقوا الجوال يا منى بس الشريحة معاي بغير بغير عليك من جمال خديك

البركه فيكم في جوالكم..الله يحفظ ليكم شريحتكم..

العزيزة منى

الغيرة سلاح ذو حدين ممكن تكون شعور و دافع جميل بالذات لو من زول بحبك و بنفس القدر ممكن تكون مدمرة لو من زول ما بحبك فيا ريت لو نقدر نوظف مشاعرنا و طاقاتنا فى حاجات تكون ايجابية و جميلة

الاخت تراجى

الدكتورة اشراقة مثال يحتذى به على جميع المستويات و ربنا يقدرنا نتعلم من تجربتا و لو القدر اليسير لكن لا اظن ان اكل الشية فى قندهار على حد قولك ينتقص من قدر من ياكلها فى شئ و لا يغير من هويته او افكاره و اكيد لكل شخص فى هذا المنبر طموحاته و مشاريعه التى ليست بالضرورة ان تكون معلنة للكل

مع كل الود و الاحترام للجميع

Quote: الدكتورة اشراقة مثال يحتذى به على جميع المستويات و ربنا يقدرنا نتعلم من تجربتا و لو القدر اليسير لكن لا اظن ان اكل الشية فى قندهار على حد قولك ينتقص من قدر من ياكلها فى شئ و لا يغير من هويته او افكاره و اكيد لكل شخص فى هذا المنبر طموحاته و مشاريعه التى ليست بالضرورة ان تكون معلنة للكل مع كل الود و الاحترام للجميع

نهله...بصلكم امكن في تاني اسبوع من ديسمبر..
انامحضره برنامج جميل "للحوامه" في الخرطوم..وخصوصا لقندهار..
نقعد كده وسط اهلنا الهناك ديل في أمان واطمئنان..
ننقي اللحمه يشووها لينا.. وأثناء ما الشيه تجهز نتونس ونضحك زي اي مره بنتلاقي فيها..
وباذن الله أحمدعبدالله أخونا الجدع بيجي من أمريكا..وأحمد الشايقي اخونا البيخاف علينا وبيعزنا كمان يجي..
وبعدين شلة المره الفاتت الظريفه الكانت فيها سميه بت القبايل وتماضر بت الأصول ونورالهادي الكله أدب..وهاشم الجميل كلها جايه مع السمحين المافي شبههم بورداب الخرطوم الكانوا معانا المره الفاتت وواحدين تايين حلوين برضه جايين..
بعد الشيه..نشرب الجبنه كده بمزاج..الرسول كان بتعرفوا وداعيه جيبوها معاكم المره الجايه..سمح نهله ونعومي؟
وسموؤال ما ينسي يشتري لينا فاكهة القرود..ويجيب معاه اللاب توب علشان طوالي زي المره الفاتت ننزل البوست علي الهوا من قندهار..

يا سلام علي الخرطوم وبورداب الخرطوم الحلوين..جمال زيه مافي..

سلمي يا نهله علي صحبتك في ايرلندا..

منى خوجلي ... بغير عليك منك

Quote: منى خوجلي ... بغير عليك منك

دقيقه يا جماعه عن أذنكم..شكرا

معتز...

تسلم أغنيه جميله وعجبتني جدا..
شكرا لأحضارها هنا عملت للبوست روح أكتر

والله العظيم البورد ده بقي يحير ويغير أتجاه الزول

أنتو الكتابة ..والحرية التي تدعوها هنا دي بقت تحرق ولا شنو وحكاية الوصاية دي كمان

بقت شئ محزن جدا !!

أختي تراجي مصطفي كلنا نقرأة هنا ولنا عقولنا التي نحكم بها علي الجيد والقبيح

وديدننا الأحترام للغير حتي ولو لم نتفق معه في الرأي وهو لايفسد للوَد قضية مطلقا

وقبيح القول لا يليق بنا كسودانيين ناهيك عن أنكن نساء بلد مليون ميل مربع فية مافية

من التنوع الثقافي والأجتماعي ونحترم هذا جدا ولكن عندما ينحرف المقصد عن المقصود يجب

علينا أن نشير له وبل نقَوم المعوج لأن هذا المنبر لا يرتاده السودانيين فحسب بل هو منار

يراه كل من دخل هذة الساحة المنبرية والتقنية المطروحه هي لكل الذين يكتبون حرفا قد لا

يصادف لك هوي ولكن هنالك من يهواه ويستفيد منه كثيرا .

وأنا هنا أقراءة لكي مثل ماأقراءة لمني وأشراقة وسلمي وكثيرات هن مسار أعزاز وفخر

والشهادة لله مني عوض خوجلي أخت جمعتني بها الجيرة قبل المنبر وحياتي كلها هي بجوارهم

وهن بنات عم وخالة لم نسمع عنهم التجريح ولا القبيح مطلقا ودعيها تكتب ما تحسه وأنت

تكتبين ماتشاء دون المساس بالأخرين أو تجرحهن ونحن هنا أمة رسالية نحترم كل مايأتي به

الآخرون عن مللهم وعرفهم وثقافتهم وهي تصادف من يهوي ويهضم تلك الأشارة .

وجد حيرتني خطابتك لأخت مني في هكذا موضوع وياأختي هناك أشياء تكتب جد تحزن وتأسئ

للكاتب والمكتوب ورجاءا أخواتي أجعلوا هذا المنبر منبر جذب لا تنفير والكلمة مسؤلية

يجب أن نزنها قبل أن نخطها .

ولا أن يأخذ هذا البوست منحي يجرفه الي سبًاب ونرجو من الأخت تراجي الأعتزاز لأخت مني وكل

هذا ينصَب في التلاقي بالفكر والقبول بالرأي الآخر حتي لو نخالفه وفعلا ماقراءته أصابني

بالحيرة وهذة الغيرة من المحسوسات وبل من فطرت المرأة أكثر من الرجل وهي ظاهرة طبيعية

ومرغوبه جدا وأنت لم توجد بالأنسان نقول أن يفقد شئ طبيعي ويجب أن يبحث عنه أن فقد

وبل نذهب لأكثر من ذلك ونعرضه علي طبيب نفساني يقومه .

وأخيرا أقول لأختي بنت أمي وأبي لا تبتأسي وأقبليها علي علاتها هي كلمة تخرج وتكتب ويكتب

لصاحبها أين يقبع فكريا وثقافيا وأكاديميا ونرجو عدم الخوض مطولا في هذا ولكي محبتي

وأحترامي مني وفعلا أنا مندهش جدا ولكي العتبي حتي ترضي مني وواصلي لنا الأبداع وأما عن

قندهار هي العلائق في أبهي صورها ومايقومون به بورداب الداخل هو السودان عندما كان

السودان يجذب كل من تخط قدماه أرضه الرحيبه والمترحب بكل فرد ناهيك عن الذي كتبت علية

الظروف أن يقترب ويجد من ينتظرة بهكذا أستقبال يحببه في أهله أولا وفي وطنه ثانيا وهذا

الأمر الذي عرفته لهو أحد الأشياء التي عدلت فكرتي عن السودان وقراري بأبتعاد عنه

وهاأنا أفكر في العودة له في أقرب فرصة ولكل بورداب الداخل الأحترام والتقدير والأعزاز

ودمتم تيجان علي روؤس الأشهاد من بنو بلـــدي.

،،،،أبوقصى،،،،

العزيزة منى

حبة غيرة عند اللزووم ضرورية لاشعار الطرف الاخر بما نكنه من حب..

حبة غيرة من غير لزووم معناها (شك) والشك ان دخل من الباب خرجت السعادة من الشباك..

تخريمة:

قندهار دي وين يا اخونا(شكلها ما بتاعت افغانستان) شايفها اترددت في البوست كم مرة لكنI am lost

حسيت زي الناس في وادي وانا في وادي اخر

والتحية للجميع

اعلى الجمال تغار منا ؟
ماذا عليك اذا نظرنا
هى نظرة تنسى الوقار
وتسعد الروح المعنى
دنياى انت وفرحتى
ومنى الفؤاد اذا تمنى
انت السماء بدت لنا
واستعصمت بالبعد عنا
هلا رحمت متيما
عصفت به الاشواق وهنا
او هكذا قال محبوبى الابدى ادريس جماع
منى
ايتها النبيلة
لك كل الحب

وليك يا سلمي الذاكره الحيه..
والموسوعه الواسعه الجميله..
شوق للقاء كده في نهار ومساء خرطومي

Quote: قندهار دي وين يا اخونا(شكلها ما بتاعت افغانستان) شايفها اترددت في البوست كم مرة لكنI am lost حسيت زي الناس في وادي وانا في وادي اخر والتحية للجميع

قندهار ده مكان لا يستطيع المناضلين الجسورين علي الكي بوردالذهاب له..ولا السياسيين الكبار
في الأوهام ان يزوروه ولو مره في الأحلام..لأسباب عديده ليس للجمال مكان فيها..

وبهذا نكون قد ابعدنا افغانستان من خريطة ذهابنا لقندهار.

قندهار سوق كبير في امدرمان امبده..سميت قديما بسوق الناقه..أو مازال بجانبها سوق الناقه..
فيها ناس حلويين في بساطتهم السودانيه..نظام راكوبات معروشه بالقش ومفتوحه كلها علي بعض..
فيها عناقريب صغيره بدون مراتب..وكراسي وبنابر افتكر مع طربيزات صغيره..

تلقي الناس قاعده مجموعات في كل ركن فيها..مجموعات صغيره ولا مجموعات كبيره زي حقتنا الحلوه الولعت الغيره!
وبجانب الزبائن تلقي نساء من مختلف الأعمار يشووا في اللحمه..والجزارين جنبهم معلقين خرفانهم..
اول ما تصل وتقعد تتطلب الشيه بالكميه العايزها..وبتتباع بالكيلو..تتعمل وتجيك لغاية عندك..
وفي الأثناء دي يحوموا عليك البياعين..لو عايز تشتري منهم تشتري..وبتلقي شرايط غنا حلوه كتيره..
وتلقي البياخد منك حذائك لا مؤاخذه يلمعوا ليك ويجي راجع..تلقي الناس كلها مبسوطه وبتتونس بروح حلوه تذكرك قعدتك مع اهلك جوه الحوش في ساعة ظهريه ولا مغربيه..شوفت كيف؟

وتشرب الغباشه ولا البغاشه ودي معموله من الزبادي والسفن اب..وتطلب الشاي والجبنه السمحه معاها بخور التيمان وما يفضل ليك الا الوداعيه..اها زي المكان ده البيابا منو؟

قندهار دي ياها السودان..تلقي فيها السودانيين من مناطق السودان المختلفه تعاين ليهم وتبتسم
ليهم ويبادلوك السلام والتعليق.. وكمان يقولوا ليك عليك الله اتفضل اكل معانا..اها زي ديل بنخليهم؟؟

الجلابيه في..التوب في..الفستان السمح في..الصديري والسروال في..اها ده ما مهرجان يوماتي؟
ما خاتيين عليك الله لو فكرنا ما نمشبها؟

اسه مالك مفتح علي المواجع..اصله انا ما سياسيه كبيره وماعندي مشكله أمشي مع السمحين قندهار..
وماعندي وهم بتاع كواريك في النت متل اكني مجنونه..بحب الناس الهاديين الظراف زي البورداب
المشيت معاهم قندهار..يبقي شنو البيمنعنا منها؟

السودان سودانا وأهله أهلنا..والنبي فيك كان مشيت السودان تمشي قندهار..وكفي كده بكري بعدين
يطلب تمن الأعلان..واسم قندهار ده ما فضل ليه الا يخت ليه نقطةحمرا عديل فوق جبهته

اها محمد خليل جيت وادينا ولا لسه في واديك؟؟

Quote:

تلقي الناس قاعده مجموعات في كل ركن فيها..مجموعات صغيره ولا مجموعات كبيره زي حقتنا الحلوه الولعت الغيره!
وبجانب الزبائن تلقي نساء من مختلف الأعمار يشووا في اللحمه..والجزارين جنبهم معلقين خرفانهم..
اول ما تصل وتقعد تتطلب الشيه بالكميه العايزها..وبتتباع بالكيلو..تتعمل وتجيك لغاية عندك..
وفي الأثناء دي يحوموا عليك البياعين..لو عايز تشتري منهم تشتري..وبتلقي شرايط غنا حلوه كتيره..
وتلقي البياخد منك حذائك لا مؤاخذه يلمعوا ليك ويجي راجع..تلقي الناس كلها مبسوطه وبتتونس بروح حلوه تذكرك قعدتك مع اهلك جوه الحوش في ساعة ظهريه ولا مغربيه..شوفت كيف؟

=======================================================================================

شوفت كيف شنو يا منى ياخ جوعتينا وشوقتينا للسودان ووقت

شفناهو قبل كم تاشر سنة كدة ما ظنيتو كان في قندهار .


المهم أكلي لينا شية وظبطي ليك صحين بالشطة وقولي ده صحن

صلاح واسبه سمح ?




أم حازم مالك ? في شنو ?

قرأت موضوع لم أجد له أي علاقة بأي شخص أو إسم بعينه فلماذا

هذا الرد المشحون بالغضب أرجو الوقوف قليلا هنا وبتأني شديد

سيصحبه سحب لمداخلتك التي جرحت كل من قرأها ناهيك عن منى التي

لم تسئ لأحدا وهذه شهادة حق لا نكتمها وأضم صوتي لحبيبنا رأفت

بأنه its never too late لهذا الخلاف أن يزول وببساطة شديدة

لا مجال معها للتشنج وما بيناتكم ثأر ورقاب لا سمح الله .


وكدي قولوا خير ولن تندمي



أخوكم صلاح واسبه ( لاحظوا يا جماعة كلكم في غربة وغربة بعيدة )

Quote: شوفت كيف شنو يا منى ياخ جوعتينا وشوقتينا للسودان ووقت شفناهو قبل كم تاشر سنة كدة ما ظنيتو كان في قندهار . المهم أكلي لينا شية وظبطي ليك صحين بالشطة وقولي ده صحن صلاح واسبه سمح ? أم حازم مالك ? في شنو ? قرأت موضوع لم أجد له أي علاقة بأي شخص أو إسم بعينه فلماذا هذا الرد المشحون بالغضب أرجو الوقوف قليلا هنا وبتأني شديد سيصحبه سحب لمداخلتك التي جرحت كل من قرأها ناهيك عن منى التي لم تسئ لأحدا وهذه شهادة حق لا نكتمها وأضم صوتي لحبيبنا رأفت بأنه its never too late لهذا الخلاف أن يزول وببساطة شديدة لا مجال معها للتشنج وما بيناتكم ثأر ورقاب لا سمح الله . وكدي قولوا خير ولن تندمي أخوكم صلاح واسبه ( لاحظوا يا جماعة كلكم في غربة وغربة بعيدة ) (عدل بواسطة Salah Waspa on 19-11-2007, 06:23 م)

ازيم يا صلاح وازاي ايامك...

شوف انت لو جعان..تعال لينا في بيت ماما جاره يوم السبت..
عارف..اليوم داك..ووالله دون مبالغه..خشمنا كان سكت من الأكل نص ساعه يكون بس عشان بيتكلم!
نعمل اكل كتير ونعيش كتير
اليوم داك مافيه رحمه لا لبطنك ولا للمطبخ..ولو شاكلت عيل في البيت شتيمتك تكون كده...
اتنيل كده ولا كده وانت واكل!
اولا بنكون كلنا موجودين..مافي غياب لآي سبب من الأسباب...ماشاء الله يعني..
انت بتحب ياتو نوع من الأكل؟
كله موجود..
في اللحوم الحمرا واللحوم البيضاء ...في الشوربه واكل الفرن..وفي الملاح والكسره..
عارف انا عملت ملاح مزاج بس شلته معاي..كانوا عاملين زغني...عاملاه ماجده انا طبعا ما باكل لا
صلصات لا جداد لا شطه..وقلت اودي الملاح معاي مفاجأه"باميه مفروكه"
وكانت مفاجأه حلوه..أديك منه حبه؟
مفروك بالشمار...سمح؟؟
بعدين بتحب المكرونه بالباشميل؟
علشان يوم تاني ممكن اعملها ليك لو تحب..وأجيبها بطريقة
"وتقدمينها الي ضيوفك ساخنه"

أما صحن الشطه التي لا آكلها ولكني اتقن صنعها فانها جاهزه مع الشيه السخنه والسلطه الخضرا!!!

دقيقه آكل وأجي..

اوعك يا صلاح تغير من أكلتنا كويس؟؟

شكرا يا صلاح...

Quote: والله العظيم البورد ده بقي يحير ويغير أتجاه الزول أنتو الكتابة ..والحرية التي تدعوها هنا دي بقت تحرق ولا شنو وحكاية الوصاية دي كمان بقت شئ محزن جدا !! أختي تراجي مصطفي كلنا نقرأة هنا ولنا عقولنا التي نحكم بها علي الجيد والقبيح وديدننا الأحترام للغير حتي ولو لم نتفق معه في الرأي وهو لايفسد للوَد قضية مطلقا وقبيح القول لا يليق بنا كسودانيين ناهيك عن أنكن نساء بلد مليون ميل مربع فية مافية من التنوع الثقافي والأجتماعي ونحترم هذا جدا ولكن عندما ينحرف المقصد عن المقصود يجب علينا أن نشير له وبل نقَوم المعوج لأن هذا المنبر لا يرتاده السودانيين فحسب بل هو منار يراه كل من دخل هذة الساحة المنبرية والتقنية المطروحه هي لكل الذين يكتبون حرفا قد لا يصادف لك هوي ولكن هنالك من يهواه ويستفيد منه كثيرا . وأنا هنا أقراءة لكي مثل ماأقراءة لمني وأشراقة وسلمي وكثيرات هن مسار أعزاز وفخر والشهادة لله مني عوض خوجلي أخت جمعتني بها الجيرة قبل المنبر وحياتي كلها هي بجوارهم وهن بنات عم وخالة لم نسمع عنهم التجريح ولا القبيح مطلقا ودعيها تكتب ما تحسه وأنت تكتبين ماتشاء دون المساس بالأخرين أو تجرحهن ونحن هنا أمة رسالية نحترم كل مايأتي به الآخرون عن مللهم وعرفهم وثقافتهم وهي تصادف من يهوي ويهضم تلك الأشارة . وجد حيرتني خطابتك لأخت مني في هكذا موضوع وياأختي هناك أشياء تكتب جد تحزن وتأسئ للكاتب والمكتوب ورجاءا أخواتي أجعلوا هذا المنبر منبر جذب لا تنفير والكلمة مسؤلية يجب أن نزنها قبل أن نخطها . ولا أن يأخذ هذا البوست منحي يجرفه الي سبًاب ونرجو من الأخت تراجي الأعتزاز لأخت مني وكل هذا ينصَب في التلاقي بالفكر والقبول بالرأي الآخر حتي لو نخالفه وفعلا ماقراءته أصابني بالحيرة وهذة الغيرة من المحسوسات وبل من فطرت المرأة أكثر من الرجل وهي ظاهرة طبيعية ومرغوبه جدا وأنت لم توجد بالأنسان نقول أن يفقد شئ طبيعي ويجب أن يبحث عنه أن فقد وبل نذهب لأكثر من ذلك ونعرضه علي طبيب نفساني يقومه . وأخيرا أقول لأختي بنت أمي وأبي لا تبتأسي وأقبليها علي علاتها هي كلمة تخرج وتكتب ويكتب لصاحبها أين يقبع فكريا وثقافيا وأكاديميا ونرجو عدم الخوض مطولا في هذا ولكي محبتي وأحترامي مني وفعلا أنا مندهش جدا ولكي العتبي حتي ترضي مني وواصلي لنا الأبداع وأما عن قندهار هي العلائق في أبهي صورها ومايقومون به بورداب الداخل هو السودان عندما كان السودان يجذب كل من تخط قدماه أرضه الرحيبه والمترحب بكل فرد ناهيك عن الذي كتبت علية الظروف أن يقترب ويجد من ينتظرة بهكذا أستقبال يحببه في أهله أولا وفي وطنه ثانيا وهذا الأمر الذي عرفته لهو أحد الأشياء التي عدلت فكرتي عن السودان وقراري بأبتعاد عنه وهاأنا أفكر في العودة له في أقرب فرصة ولكل بورداب الداخل الأحترام والتقدير والأعزاز ودمتم تيجان علي روؤس الأشهاد من بنو بلـــدي ،،،،أبوقصى،،،،.

وتعيش كتير..تحتار كتير!
وخاصه هنا!!
والحمدلله البوست ده خلاك تفكر تمشي السودان وتلتقي بالأحباب..
فهؤلاء الذين ذهبنا معهم لقندهار ومعهم آخرين لم يذهبوا في ذلك اليوم وان كنا قابلناهم
في مناسيات عديده أخري....هم خيار الشباب وأكثرهم كرما وتهذيبا..والبيمشي السودان وما بيقابلهم..نص عمره ضايع..

اوعاك تضيع نص عمرك مجدي أخوي..

أها تاني جيتك يا منى ... الفورة مليون

جبت ليك الطيب مدثر لي عندك .. بتمشي وين

Quote: أها تاني جيتك يا منى ... الفورة مليون جبت ليك الطيب مدثر لي عندك .. بتمشي وين

مالك علي معتز أخوي؟

ماكفا الغيره النارا قايدا في حشاي تجيب لي الطيب مدثر يقيدا لي زياده؟
امشي وين عاد..ياني القاعده في ناري دي انقلي فيها!



شكرا علي الطيب مدثر..وعلي خدماتك اللطيفه..

سلام الاخت منى

اعتقد ليس كل البوستات المفروض تبقى سياسة قليل من كل شى يعطى التنوع فى الحياة فى القراية

فى فتح بوستات مختلفة تجعل الناس تنداح وتبوح بما لديها دون اسفاف ..............

لا اعتقد ان نقرر للناس ماذا يكتبون ولكن نشاركهم او نمتنع عنهم ذلك هو المحك

اذا نصحت شخص فقل ما بال الناس او القوم او الجماعة يفعلون كذا وكذا وادرج ملاحظتك

اكيد وقعها بيكون افيد واحسن من المباشرة المنفرة ........متى نقول...ولمن نقول ...وكيف

نقول ...وباى اسلوب ..والزمن ....وثقافة الشخص....النوع........ الخ

شكلى بديت اتلكلم عن التواصل commmunication skills

تحياتى للاسرة ...........اوعك نار الغيرة تشب تحرق راكوبة ضليلة جمعت ناس بالالفة تحب

جلابة المنابر الهجلوبه منى خوجلي كلامها كله غمز ولمز
وانا بجي هنا وبديها في التنك بمزاجي
لو عاملين ما شايفين عمايلها
وحيلها الماكره قادره تنطلي عليكم فانا ما شغاله باحكامك الشغله.
لما تبطلى حركات النرجسيه البتعمل فيها
وانها تشعل الفتن وتعمل فيها مسكينه ومؤدبه وتفككم انتو ادوات لنهش الآخرين
مقتنعين بانها برئيه......فانا لا يهمني رايكم اطلاقا
ومصره اقول لها استعراضك وادعائاتك الانسانيه لم ينطلي علي ولا على الكثيرين.
حرصك على كسب المطبلين مكشوف
وطريقك ده طريق ساهل واي واحده غبيه ما تامه سادسه ابتدائي ممكن تقوم بيه.
مبروك عليك جموع المخمومين في شخصك...اما انا فلا والحمد الله الذين اعزهم واحترمهم برضوا لا
الكل يحكي عن مرحلة الهضربه الانت فيها. وقرضي بالله شديد على بت الاصول دي
وبعدين ما فكرتي ليه الكلام ده ما بتقال لاخواتك؟؟
مهم اصغر واجمل ومن نفس العائله الملكيهي اياها لو اصلها غيره كما تدعي؟؟؟
لكن حركات هي التي تعرضك لما انت فيه.

Quote: وكده يا نعومي المفروض يكون البني آدم المخلص للأخلاق والقيم.. اما حكاية تعالوا شوفوني..وانا سياسيه كبيره..وانا مافي زيي..ده كلام بتاع جهل..بتاع زول ما اتعلم في الدنيا حاجه..لا من الناس..لا من المجتمع كله..ولا من المدارس..زول رايح ليه دور عايز يتقمصه..واولاد الأصول عارفين هم شنو وبيعملوا شنو..والواجب مافي زول بيطلبه منهم..

يا استاذه يا الماعندك ذكاء سياسي بتعريفه
اعرفي اولا نحن بنكتب لمنو؟؟؟؟
اظنك بس قايلانا بنكتب للزيك؟؟؟؟
نحن بنرسل رسائل لحكومة الكلاب القاعده في الداخل من هنا
واعرفي عملنا ولا سوينا ليس المقصود بها اشخاصنا وانما
الناشطين في مجموعه من اجل قضايا محدده.فاهمه ولا نعيد؟؟؟؟

وفي قصص بتكتب ليس استعراض ايضا ولكنها تعليم لآخرين عن كيفية
خوض معاركهم ولو على مستوى حق بسيط,عرفتي ولا نشرح ثاني؟؟؟؟
وواصلي في حركات الشفع دي
واشبعي بجموع المطبيلن للفارغه.

Quote: يا استاذه يا الماعندك ذكاء سياسي بتعريفه اعرفي اولا نحن بنكتب لمنو؟؟؟؟ اظنك بس قايلانا بنكتب للزيك؟؟؟؟ نحن بنرسل رسائل لحكومة الكلاب القاعده في الداخل من هنا واعرفي عملنا ولا سوينا ليس المقصود بها اشخاصنا وانما الناشطين في مجموعه من اجل قضايا محدده.فاهمه ولا نعيد؟؟؟؟ وفي قصص بتكتب ليس استعراض ايضا ولكنها تعليم لآخرين عن كيفية خوض معاركهم ولو على مستوى حق بسيط,عرفتي ولا نشرح ثاني؟؟؟؟ وواصلي في حركات الشفع دي واشبعي بجموع المطبيلن للفارغه.

أحب منى خوجلي ..
و أكره أسرائيل ..

يازوله قولي بسم الله
والله بكري ما عنده مطافيء لنيران زي دي انتبهي لنفسك يا استاذه
صحتك يا جميل
الناس في البرلمان واحتمال حجب الموقع
وانت في نيرانك الخاصه؟؟
يازوله اطلعي من الذاتيه دي وانتبهي لكم الاحزان الحولك
وقدمي حاجه مفيده.....خليك من الشكيه للشلة الانس هذه.
وبعدين حتصلي لشنو قايله روحك؟؟؟
افرضي ال 5 عضو ديل كلهم جاؤوا هنا وقالوا ياتراجي غلطانه
وشرانيه وزولتنا دي عسل مصفى ورقيقه وحنينيه واحلى مره بالمنبر واكتب كاتبه
اها so what
وافرضي انضم ليهم ال 10 قاريء ببره كمان,يعني ايه!!


يازوله اعلى مافي خيلك تركبيه
لكن انت ......الله يعينك على روحك.

غايتو مراهقة الخمسين الله يكفينا شرها.

Quote: يازوله قولي بسم الله والله بكري ما عنده مطافيء لنيران زي دي انتبهي لنفسك يا استاذه صحتك يا جميل الناس في البرلمان واحتمال حجب الموقع وانت في نيرانك الخاصه؟؟ يازوله اطلعي من الذاتيه دي وانتبهي لكم الاحزان الحولك وقدمي حاجه مفيده.....خليك من الشكيه للشلة الانس هذه. وبعدين حتصلي لشنو قايله روحك؟؟؟ افرضي ال 5 عضو ديل كلهم جاؤوا هنا وقالوا ياتراجي غلطانه وشرانيه وزولتنا دي عسل مصفى ورقيقه وحنينيه واحلى مره بالمنبر واكتب كاتبه اها so what وافرضي انضم ليهم ال 10 قاريء ببره كمان,يعني ايه!! يازوله اعلى مافي خيلك تركبيه لكن انت ......الله يعينك على روحك. غايتو مراهقة الخمسين الله يكفينا شرها.

Quote: ياتراجي غلطانه وشرانيه وزولتنا دي عسل مصفى ورقيقه وحنينيه واحلى مره بالمنبر واكتب كاتبه

ينصر دينك يا تراجي ..

Quote: ياتراجي غلطانه وشرانيه وزولتنا دي عسل مصفى ورقيقه وحنينيه واحلى مره بالمنبر واكتب كاتبه

Quote: ينصر دينك يا تراجي ..

Quote: أحب منى خوجلي .. و أكره أسرائيل ..

وانا برضه بحبك عصام أخوي..
وبحب مصر ام الدنيا..
وبكره اسرائيل الصهيونيه..

وبالحب يعيش ويحي "الأنسان"

Quote: اعتقد ليس كل البوستات المفروض تبقى سياسة قليل من كل شى يعطى التنوع فى الحياة فى القراية فى فتح بوستات مختلفة تجعل الناس تنداح وتبوح بما لديها دون اسفاف .............. لا اعتقد ان نقرر للناس ماذا يكتبون ولكن نشاركهم او نمتنع عنهم ذلك هو المحك اذا نصحت شخص فقل ما بال الناس او القوم او الجماعة يفعلون كذا وكذا وادرج ملاحظتك اكيد وقعها بيكون افيد واحسن من المباشرة المنفرة ........متى نقول...ولمن نقول ...وكيف نقول ...وباى اسلوب ..والزمن ....وثقافة الشخص....النوع........ الخ شكلى بديت اتلكلم عن التواصل commmunication skills تحياتى للاسرة ...........اوعك نار الغيرة تشب تحرق راكوبة ضليلة جمعت ناس بالالفة تحب

مرحب يا عمر سعد

ربما نحتاج جميعا ان نتمعن جيدا في الطرح الموجود داخل معظم البوستات المسماه سياسيه لنري ان كان بها تحليل منطقي للقضايا التي فتحت بها البوست او غير ذلك من صراخ فارغ..

وتجدني أوافقك تماماأن لغة التواصل هي لغه اساسيه في كل المعاملات الأنسانيه,,وحتي السوق في
ايامنا هذه يعتمد عليها..ومن شدة أهميتها فانها تدرس كعلم منفصل في دور العلم المختلفه..

اما تحذيرك من نار الغيره فما تخاف..اختك واقفه علي ارض صلبه من الثقه بالنفس وراكوبتي
دايما ضلها سمح وناسها سمحين..غير كده قدر الله مافي زول بيقدر يتفاداه..بس ندعي

"اللهم لا نسألك رد القضاء بل نسألك اللطف فيه"

سلم علي الجماعه المسافر ليهم في آخر السنه ..

منو الحبيبة

طرحت موضوع مهم ويعاني منه الكثيرين

ويتسبب في هدم كثير من العلاقات و تعدد

الآراء فيه يعالج الكثير ممن يعانوا من

مرض الغيرة ،،،

مودتي بعمق

شكرا العزيز نادر ابوكدوك ..

عارف نزلتها عندي في الكومبيوتر نفس يوم نزلت البوست ده..
لكن ابت خالص تنزل لي هنا..
ولما لقيتك جبتها فرحت مرتين..
هه الأغنيه لها مكانه عميقه في قلبي..مش دلوقتي بس..من بدري..
ورده فنانه جميله واغانيها جميله شديد..

شكرا لكرمك ولطفك..

Quote: منو الحبيبة طرحت موضوع مهم ويعاني منه الكثيرين ويتسبب في هدم كثير من العلاقات و تعدد الآراء فيه يعالج الكثير ممن يعانوا من مرض الغيرة ،،، مودتي بعمق

خلودتي..
الغيره المدمره مرض..
اعتقد ان هذا المرض له أسباب كثيره.. ربما تحتاج كل حاله تعاني من الغيره لتشخيص طبي منفرد..
الا ان هناك غيره قد يتفق الجميع علي اسبابها من مظاهرها وسلوكها..

في رايي أن الغيره التي تنتج من الجهل وضعف الثقه بالنفس وعدم الايمان بالقدرات الحقيقه لأنفسنا
والتي يمكن ان نوظفها في الطريق الصحيح..هي أكثر أنواع الغيره تدميرا..
فالشخص هنا يبحث عن التعويض عن عدم قدرته علي الوصول لما يريد.. بتدمير الآخرين الذين لهم مايود هو لنفسه..

الأصل ان لكل انسان في هذه الدنيا قدرات وامكانيات مختلفه..أي أننا جميعا نستطيع انجاز ما نود انجازه ان كان مطلبنا معقولا يعرف قدر الأمكانيات التي نمتلكها وحدودها..
الفشل في حياتنا يجعلنا فريسه للحقد والكره..والنفوس المريضه لا يمكن لها أن تحقق اي نجاح من أي شكل في حياتها وحياة الآخرين..فالنبعد من الغيره فهي قاسيه ومدمره لنا قبل الآخرين..

كيف نبعد من الغيره؟؟

ان نؤمن ونفرح بما لدينا..
ان نفهم تماما ان مايملكه الغير لا يعني بالضروره انه يجب أن نمتلكه بنفس القوه والقدر..
أن نضع اهدافنا أمامنا وليس ما يوده الآخرين..
أن نحب للآخرين ما نحبه لأنفسنا..
ان نفهم ان تضييع وقتنا في الشعور السالب يستهلك الأعصاب والزمن ويؤثر علي انجازنا لأهدافنا..
,....
و......

نسال الله ان ينور دربنا ويجعل طموحنا عالي دون تطلع..وينجح مقاصدنا..

مسافره العيد للخرطوم ولا مافي اجازه طويله؟؟

Quote: كفايه كده الجماعه بعدين يغيروا ويقولوا اشمعني نحنا ما كنا فيها!

أنا غايتو بقول إشمعنى .... ما عارف الباقيين.

بصراحة يا جماعة في حاجة أنا ما فاهمها .... بوست من سجيمان .. وبوست من رأفت ميلاد .. وبوست هنا .. وبوست هناك، وكلها بتقول إنو في شئ لكن لحدي هسة ما عرفت أصل الحكاية. تسعين في المية من أعضاء المنبر بيختلفوا دون إفساد ود ..... وحاتكم (إنتو الإتنين) مافي شئ بيستاهل.


منى .... الجولة السياحية في الخرطوم إنشاء الله ............. تنفعكم .. بس تاني ما تنسونا.

حبيت ان ادخل هنا
لاقدم باقات ود واحترام
للانسانة مني خوجلي ..

هذه الآفة ( نار الغيرة ) موضوع البوست ، أخت / منى ..
هى مرض مزمن يصيب ضعاف النفوس وعديمى الثقة بالنفس ،
رجالا كانوا أم نساء ولكنها تتعاظم لدى الأنثى ، والحديث
يطول فى هذا الجانب ...
ولكنى أقول :أن الحوار البناء فن إنسانى ومستوى حضارى لا يتيسر
للجميع ، لأنه إعتراف بالآخر وبوجوده وحقوقه وحاجاته ..
( إن هناك بعض الفئات المجتمعية لازالت تجاربها هزيلة فى الحوار ،
وآفاقه لديهم ضيقة ، وهى تجارب يهيمن عليها نفى الآخر وتبرئة الذات .
ويؤسفنا عندما نجدحولنا بعض الأدعياء يمتطون صهوة الحوار ويقتحمون
عوالمه ويشوهون معالمه عن وعى ومخاتله أو عن جهل ومكابرة .. )

لك التحية والإحترام ...

Quote: هذه الآفة ( نار الغيرة ) موضوع البوست ، أخت / منى .. هى مرض مزمن يصيب ضعاف النفوس وعديمى الثقة بالنفس ، رجالا كانوا أم نساء ولكنها تتعاظم لدى الأنثى ، والحديث يطول فى هذا الجانب ... ولكنى أقول :أن الحوار البناء فن إنسانى ومستوى حضارى لا يتيسر للجميع ، لأنه إعتراف بالآخر وبوجوده وحقوقه وحاجاته .. ( إن هناك بعض الفئات المجتمعية لازالت تجاربها هزيلة فى الحوار ، وآفاقه لديهم ضيقة ، وهى تجارب يهيمن عليها نفى الآخر وتبرئة الذات . ويؤسفنا عندما نجدحولنا بعض الأدعياء يمتطون صهوة الحوار ويقتحمون عوالمه ويشوهون معالمه عن وعى ومخاتله أو عن جهل ومكابرة .. ) لك التحية والإحترام ...

سلام أخي محمد مختار..
نعم الحوار والقدره علي فهم أهميته مهم جدا في تكوين الشخصيه وترسيخ قدراتها..
الحوار بعقل مفتوح..وأذن تسمع بعد ان يقول اللسان الآخر اساسي جدا في تطوير أنفسنا..فالترديد الببغائي دون سماع للأخرين يدل علي عدم النضج..مثله مثل محاولة تسيير الآخر بدون ما يقنع عن طريق الحوار...
وألري أن تجربتنا التي قاربت علي العشرون عاما ومراراتها لم تغير فينا للأحسن كثيرا..
فنحن نمارس نفس العنف الممارس هناك بكل أشكاله..ونقفل الأعين علي أخطاءنا..ونمارس السوء بقصد ..
ثم نأتي للحديث عن العدو الكائن هناك مستخدمين نفس جبروته وحقده وأمراضه..
.......
.......
عدونا الذي يدمرنا ليس القائمين علي الأمر من الحكام في السودان فقط..بل عدونا بيننا ايضا..
ويجب علينا الأنتباه..قاتل الله الحقد وكل المشاعر السلبيه وأولها الغيره الآفه المدمره..

لك الموده والتقدير..

Quote: حبيت ان ادخل هنا لاقدم باقات ود واحترام للانسانة مني خوجلي ..

شكرا عادل علي باقات الورود التي تبعث علي الفرح..

مع كثير ودي وتقديري لك..

Quote: [What is the Real Secret To Stop Being Jealous? By Relationship Coaches Susie and Otto Collins Lesson 1 In our relationship coaching work with individuals and couples, when the issue of jealousy comes up-- the one question we're asked more than any other is "how do I stop being jealous?" When people ask us this, they've got a problem with jealousy and most of the time they really know it. In our own lives, we have a terrific relationship but the truth is that one of the things we've had to overcome in order to create this wonderful relationship is that we have had to confront our jealous patterns. This may surprise you since we're relationship coaches and authors but it's true. We've had our own demons to deal with concerning jealousy and we've come through the other side with a truly incredible relationship. This is one of the reasons we're so passionate about helping people heal their issues around jealousy. We get so excited when we're able to give someone the tools to stop the jealousy and take their life back. For example, in a recent teleseminar that we gave on stopping jealous behavior, one man got an instant "ah-ha" about the root cause of his jealousy and how to stop it in his life. He realized that he was carrying around an old pattern left over from his childhood where he felt like his sibling got more attention and love than he did. Another person had jealousy issues surrounding money nearly every time he interacted with a friend. After reading and working on our material, he was able to let his jealousy go because he realized that he had been focusing on his friend's life much more than focusing on his own. He learned to begin focusing on what he wanted in his life and on possibilities instead of what was lacking. Another woman had been jealous for as long as she could remember. With the information we were able to share with her, she was able to get to the bottom of why she was jealous. She realized that she and her husband had not been spending the time alone together that they once did before they had kids and allowed "life" to get in the way of their romance. As you can imagine, she was very grateful for the insights into her situation and took steps to ask for what she wanted. The important thing for you to understand is that anyone can heal jealous behaviors-- including you. We invite you right now to look at your jealousy and identify your patterns. Make a list of the times jealousy comes up in your life and what's going on when it does. Write down what behaviors you do when you are jealous. Often times, when you see a list of patterns and behaviors, you will see underlying causes that you may have shoved aside or forgot. Bringing these to awareness is the first step toward healing. So, if you become aware of your behavior and patterns, how do you heal the issue of jealousy? As amazing as it seems, to stop jealous behavior, it's 99% done if you do just this one thing...

المصدر
http://jealousnomore.com/jealousbehavior.html

Quote: لا اظن ان اكل الشية فى قندهار على حد قولك ينتقص من قدر من ياكلها فى شئ و لا يغير من هويته او افكاره و اكيد لكل شخص فى هذا المنبر طموحاته و مشاريعه التى ليست بالضرورة ان تكون معلنة للكل

ياريتنى يانهلة لو كنت معاكم
آخر مرة مشيت سوق الناقة فى 95 كان يوم مازال له تأثيره الايجابى فى حياتى وكلما الروح تتخنق بتزكر اليوم ده..

هو سوق الناقة غيروه لقندهار؟ لية ياخى؟

اى برنامج يعزز من وجودنا وتعزيز الوجود ده ليهو عشرات الوجوه، ومن حقنا نضحك ونغنى للدنيا الزائلة دى...

جربتى يامنو نيران الغيرة؟
الله ماوراك ليها.. انا جربتها ايام الحب الاول

يانهلة انا بتعلم كل يوم حاجة جديدة واتعلمت منكن ومنكم فى الخرطوم دروس فى المحبة وتعزيز الذات وفتحتن افقى لنمسات طيبة.. شكرا

Quote: جربتى يامنو نيران الغيرة؟ الله ماوراك ليها.. انا جربتها ايام الحب الاول يانهلة انا بتعلم كل يوم حاجة جديدة واتعلمت منكن ومنكم فى الخرطوم دروس فى المحبة وتعزيز الذات وفتحتن افقى لنمسات طيبة.. شكرا

فعلا يا شروقتي ناس الخرطوم ديل ناس عزاز وحنان..ماياهم اصلهم اهلنا الأتربينا معاهم لا الزمن
غيرهم ولا الحياه شنتهم..
شكرا علي كرمهم وضيافتهم وحبهم الماعنده تمن..وعلي اهتمامهم بينا في كل وقت..

عارفه زمان لما كنا صغار انا وماجده..كنا بنغير من مديحه..هي الكبيره وبكده حاجاتها كلها مختلفه..
يشتروا ليها البلوزات ام ركامه للمدرسه واحنا القمصان الساده..
ويقولوا لينا هي علشان كبيره..صح انا كنت في الأبتدائي وهي في الثانوي..مافرق كبير..لكن برضه هي الكبيره..
احنا مصروفنا معمول فيه حق الفطور والحاجه البارد..وبرضه هي مصروفها أكبر..طيب ليه ما البطن ياها البطن..اشمعني هي تاخد أكتر؟؟
يشاكلوك ويقولوا ليك..اوعك من كلمة اشمعني دي!
اشمعني دي وتجنبها كان ليها أثر كبير علي نفسي..واتعلمت لا أتابعها ولا افكر في الحاجه العند الغير..بس أفكر في امكانياتي وأتصرف علي كده..العين والطمع في حاجات الناس ماكويس...

اما الحب!
فيعيني عليه..زي ما بتغني أم كلثوم...
أكيد غيرة الحب الأول دي بيكون فيها عدم أمان وعدم نضج من الطرفين..
نوع كنت وين ما ضربت لي..وتلفونكم كان مشغول ليه..وده منو السلم عليك؟
وليه الولد داك بيعاين ليك؟
وحركات زي دي يعني..اسه لما تتذكريها تضحكي ساكت..
علي كل حال الغيره عامة والأستسلام ليها شعور وفعل ماحلو..وبيقلل من قيمة الأنسان..
وعلينا تجنبها وتمرين النفس علي ذلك..

شكرا لكل من شارك في هذا البوست بأدب وأخوه صادقه..وسنطلب من بكري ارساله الي المكتبه..

Quote: أنا غايتو بقول إشمعنى .... ما عارف الباقيين. بصراحة يا جماعة في حاجة أنا ما فاهمها .... بوست من سجيمان .. وبوست من رأفت ميلاد .. وبوست هنا .. وبوست هناك، وكلها بتقول إنو في شئ لكن لحدي هسة ما عرفت أصل الحكاية. تسعين في المية من أعضاء المنبر بيختلفوا دون إفساد ود ..... وحاتكم (إنتو الإتنين) مافي شئ بيستاهل. منى .... الجولة السياحية في الخرطوم إنشاء الله ............. تنفعكم .. بس تاني ما تنسونا.

ما بننساكم..لكن لازم تكونوا في المكان الأحنا فيه..ولا مو كدي؟

أها لازم تسجل في رحلة البورداب للعام القادم..انتظر البوست بعد الأرشفه..طبعا بيكون الجزء التاني لرحله "مشروح رحله لكل البورداب"..

وبعدين انت كان قريت البوستات دي كلها وماعرفت الحاصل شنو..تكون قاصد انك ماتشوف..
ولا تكون بتقرا بنضاره تمنع القرايه

تحياتي..

بغير علييييييييييك


من جمال خـديك ..... من الزهـر الـ فـتّـح حواليـك

بغييير عليك

أنا بغير أنا بغير بغير بفير بغييييير عليييييك




أحمـد الشايقي

عرفت سبب الزهجه شنو؟؟؟
زهيش