Post: #1
Title: عازماكم محشي بالباذنجان..
Author: Muna Khugali
Date: 11-08-2007, 01:43 AM
Parent: #0
اهم حاجه في الباذنجان انه يكون محشي..
حبا في بكري ومساحته الواسعه المابنضيعها في الشتائم والبوستات القبيحه..
انا عازماكم محشي..
العايز انواع تاني من المحشي زي محشي الطماطم..محشي كوسه..محشي فلفل يدينا خبر..
والعايز محشي باذنجان يورينا..
ويحدد باذنجان ابيض ولا باذنجان اسود..
وبعد المحشي عازماكم جبنه..ببخورها
يعني مستكه وبخور تيمان..اهم حاجه بخور التيمان..
وارجع ليكم الصباح..علشان ناخد الطلبات..
|
Post: #2
Title: Re: عازماكم محشي بالباذنجان..
Author: Anwar Ahmed
Date: 11-08-2007, 01:52 AM
Parent: #1
وانا اولهم يامني
|
Post: #3
Title: Re: عازماكم محشي بالباذنجان..
Author: Tragie Mustafa
Date: 11-08-2007, 02:18 AM
Parent: #2
يلا قولي واحد
|
Post: #4
Title: Re: عازماكم محشي بالباذنجان..
Author: Muna Khugali
Date: 11-08-2007, 02:29 AM
Parent: #2
أهلا يا أنور..
مرحب بيك ..
علي محشي الباذنجان..
|
Post: #5
Title: Re: عازماكم محشي بالباذنجان..
Author: Al-Shaygi
Date: 11-08-2007, 02:32 AM
Parent: #1
بت عوض خوجلي
تحياتي
=أنا بحب محشي ورق العنب كان عندك بقعد، وكان مافي قولي لي وبمرق طوالي،
وده ما ورد في المحاشي القولتيها!!!!!!
وتصبحي على خير
ولي باكر
صباحات الله بي خيرها.
الشايقي
|
Post: #7
Title: Re: عازماكم محشي بالباذنجان..
Author: Muna Khugali
Date: 11-08-2007, 03:36 AM
Parent: #5
Quote: عوض خوجلي
تحياتي
=أنا بحب محشي ورق العنب كان عندك بقعد، وكان مافي قولي لي وبمرق طوالي،
وده ما ورد في المحاشي القولتيها!!!!!!
وتصبحي على خير
ولي باكر
صباحات الله بي خيرها. |
وي الليلي..كيفن عاد ماعندي الشايقي اخوي؟!
ورق عنب وكرنب كمان...
ورق العنب ده عايز معاه لحمه موزه ولا ضلح ولا بس شيه؟؟
باكر الصباح حدثني اخوي..
اصلو انا بقيت حبوبه.. ومن بمبري ده ماني قايمي تاني شي!
|
Post: #6
Title: Re: عازماكم محشي بالباذنجان..
Author: abubakr
Date: 11-08-2007, 03:29 AM
Parent: #1
| Quote: عازماكم محشي بالباذنجان.. |
تعدييل بسيط : "باذنجان محشي " وليس "محشي بالباذنجان" لذا لزم التنويه
|
Post: #8
Title: Re: عازماكم محشي بالباذنجان..
Author: osman righeem
Date: 11-08-2007, 08:24 AM
Parent: #6
| Quote: تعدييل بسيط : "باذنجان محشي " وليس "محشي بالباذنجان" لذا لزم التنويه |
معليش وانا اسف استاذنا ابويكر
انا فهمت انو البوست محشي بالباذنجان
معليش يا مني انا مش بحب المحشي لان صحن المحشي مربوط عندي بصينية الغداء فيربيوت البكا
لما تكون طابخة سوشي اعزميني
|
Post: #9
Title: Re: عازماكم محشي بالباذنجان..
Author: قلقو
Date: 11-08-2007, 08:48 AM
Parent: #8
الأحت منى
تحياتى
هل تعلمين ان التحدث عن المحشيات يدخلك فى باب المحظور عند السلفيين التكفريين وذلك لما للمحشى من ايحاءآت جنسية؟
خلينا فى الفول احسن ولا مانع لدى ان كانت بيتزا.
مع تحياتى .
|
Post: #19
Title: Re: عازماكم محشي بالباذنجان..
Author: Muna Khugali
Date: 11-13-2007, 08:49 PM
Parent: #9
الأحت منى
تحياتى
هل تعلمين ان التحدث عن المحشيات يدخلك فى باب المحظور عند السلفيين التكفريين وذلك لما للمحشى من ايحاءآت جنسية؟
خلينا فى الفول احسن ولا مانع لدى ان كانت بيتزا.
مع تحياتى .
هؤلاء مرضي ان فكروا كذلك..وليس للمرضي مكان بيننا..
فكما اننا لم نمتنع عن شرب الماء بالكوز..كذلك لن نمتنع عن تحضير وجبات طعام التقليديه عندنا.. حتي ولو زي ماقال عثمان "مكجنها" بيوت البكيات..لأن لهم تفسير لها او لأسمها غير المتعارف عليه..
عليهم هم أن يضيعوا ويذوبوا حين يصلوا الي الوسط النظيف وعلينا نحن التمسك بنظافتنا..
اما ان رغبت في الفول في مطعم مني..فاننا نسالك كيف تود للفول أن يكون؟
يسلطه؟
بدكوه؟
بزيت سمسم ولا ذره؟
ولا امكن سمنه؟
شكرا ياقلقوا علي زيارة مطبخي الذي بنيته وعملت به لأن الشهادات تنقصني والجهل يقتلني..ولقمة العيش صعبه..
|
Post: #12
Title: Re: عازماكم محشي بالباذنجان..
Author: abubakr
Date: 11-08-2007, 11:16 AM
Parent: #8
| Quote: لما تكون طابخة سوشي اعزميني |
جيب معاك النطارة المكبرة عشان تشوف البتاكل فيهو وكمان جيب ليك لقاطة عشان تلحق تلقط من الصحان الصغار البتجري قدامك...
|
Post: #18
Title: Re: عازماكم محشي بالباذنجان..
Author: Muna Khugali
Date: 11-13-2007, 06:27 PM
Parent: #8
Quote: معليش وانا اسف استاذنا ابويكر
انا فهمت انو البوست محشي بالباذنجان
معليش يا مني انا مش بحب المحشي لان صحن المحشي مربوط عندي بصينية الغداء فيربيوت البكا
لما تكون طابخة سوشي اعزميني |
خلاص يا عثمان ورينا السوشي بيطبخوه كيف واحنا نطبخه ليك..
يعيش الباذنجان طبخ النساء الفاضيات
|
Post: #14
Title: Re: عازماكم محشي بالباذنجان..
Author: Muna Khugali
Date: 11-08-2007, 03:33 PM
Parent: #6
| Quote: تعدييل بسيط : "باذنجان محشي " وليس "محشي بالباذنجان" لذا لزم التنويه |
تصليح جايز ومقبول..علي لاكين انا كنت بتكلم بالطريقه البلدي :متل أكني بقول محشي الليل أسود
|
Post: #10
Title: Re: عازماكم محشي بالباذنجان..
Author: ALazhary2
Date: 11-08-2007, 11:09 AM
Parent: #1
الأحت الكريمة بت عمي منى خوجلي والله بوستك دا قلّب علي المواجع أخوك الأزهري عزابي بعد ما ناس بيتنا رجعوا السودان نهائي 
والله أكل المطاعم جاب لينا جرثومة المعدة .
تعرفي أنا مابحب ملاح القرع والبامبي وأول أمبارح إتصلتا على الوالدة تلفون قلتا ليها والله نفسي أكل أي ملاح إن شاء الله كان ملاح قرع .
الوالد الله يطول عمرها بكت في التلفون قالت لي ماتقول الكلام دا ياود حشاي قطعت قلبي 
عارفاني ماباكل القرع لكن الجوع كاتلنا بي هنا .
غايتو أنا أول زول بدق باب بيتكم وقت الغداء مش كان محشي باذنجان والله كان محشي ورق جرائد زاتو انا جاي .
مقدماً أكل طعامكم الابرار وصلت عليكم الملائكة .
|
Post: #11
Title: Re: عازماكم محشي بالباذنجان..
Author: abubakr
Date: 11-08-2007, 11:14 AM
Parent: #1
| Quote: اصلو انا بقيت حبوبه.. ومن بمبري ده ماني قايمي تاني شي! |
طيب منو الحيطبخ للانجال والاحفاد ؟؟؟ "مطعم العائلة - ادارة مني خوجلي "
|
Post: #13
Title: Re: عازماكم محشي بالباذنجان..
Author: هاشم أحمد خلف الله
Date: 11-08-2007, 11:19 AM
Parent: #11
منوية والله انتي بتاعت حركات بس , المرة الفاتت عملتي سلطة دكوة ولحدي هسع دي
ما تذوقنا منها اي حاجة والمرة دي باذنجان محشي !!! انا عموماً عازم نفسي
علي شية جمر كاربة وشطتا بره ومعاها سلطة خضرة وبصل ابيض ! اها قولك شنو ؟؟
|
Post: #15
Title: Re: عازماكم محشي بالباذنجان..
Author: عزيز عيسى
Date: 11-08-2007, 04:10 PM
Parent: #1
يا منى أنا غايتو بحب المصقع.
|
Post: #16
Title: Re: عازماكم محشي بالباذنجان..
Author: السنجك
Date: 11-08-2007, 04:54 PM
Parent: #15
ياازهرى
ياخوى الوالده دى ماترجع ليها
والله لو منك كان حزمت شنطى وارجع انشاء الله فى جيبى ريال واحد
السنجك
|
Post: #17
Title: Re: عازماكم محشي بالباذنجان..
Author: محمد مختار جعفر
Date: 11-08-2007, 05:11 PM
Parent: #15
سلام يعقب سلام ومحبة منى ليك ..
.. تعرفى يابت خوجلى ، .. كثيرا ما يحتاج القارىء هنا
الى مثل هذه الواحات ، ليستجم فيها من رمض الهجير
وسخونة جو البوستات التى تفتح بمناسبة وغير مناسبة ..
فيها الطيب ، وفيها الغث .. فيها العراك وفيها الفراق ،
والله ما يجيب الفراق ..
لذلك نأتى لنتفيأ فى ظلالكم ، عله يجد البعض ما يريحه
من عناء البحث للكلمة الطيبة أولا ، ومن ثم التناول الهادف
للموضوعات ، والرد الرصين والحديث الشجى فيما
تقدميه من بعض الخيارات ... لك التحية والتقدير ..
محمد مختــار جعفر
|
Post: #20
Title: Re: عازماكم محشي بالباذنجان..
Author: Al-Shaygi
Date: 11-13-2007, 11:40 PM
Parent: #1
Quote: وي الليلي..كيفن عاد ماعندي الشايقي اخوي؟!
ورق عنب وكرنب كمان...
ورق العنب ده عايز معاه لحمه موزه ولا ضلح ولا بس شيه؟؟
باكر الصباح حدثني اخوي..
اصلو انا بقيت حبوبه.. ومن بمبري ده ماني قايمي تاني شي! |
حبوبه منى
والله حبوبه
وشكلي الحروف
ورق عنب وفي الحشوة رز ولحم ومفروم عجالي نضيف وبقدونس وقليل من الكرفس.
وسماحته بارد وعليه عصرة ليمونه.
ومادام بارد حتتين روستو تكمل المزه.
عاد يا بتنا ما تجي نتفق ونفتح مطعم بس بشرط يكون بوفيه مفتوح للمحاشي بأنواعها وبرسم ثابت وفي مكان راقي والكرشه كبيره هو الرابح.
زي عروض ناس البيتسا بأختلاف ماركاتهم العالمية (وجبة حتى الإشباع بـ(000) (العملة المحلية)...
والله نسوي كترة قروش وكان غلبتك المحاشي نقلبها قراصة زي التي دي...
الشايقي
|
Post: #21
Title: Re: عازماكم محشي بالباذنجان..
Author: Muna Khugali
Date: 11-14-2007, 00:04 AM
Parent: #20
Quote: حبوبه منى
والله حبوبه
وشكلي الحروف
ورق عنب وفي الحشوة رز ولحم ومفروم عجالي نضيف وبقدونس وقليل من الكرفس.
وسماحته بارد وعليه عصرة ليمونه.
ومادام بارد حتتين روستو تكمل المزه.
عاد يا بتنا ما تجي نتفق ونفتح مطعم بس بشرط يكون بوفيه مفتوح للمحاشي بأنواعها وبرسم ثابت وفي مكان راقي والكرشه كبيره هو الرابح.
زي عروض ناس البيتسا بأختلاف ماركاتهم العالمية (وجبة حتى الإشباع بـ(000) (العملة المحلية)...
والله نسوي كترة قروش وكان غلبتك المحاشي نقلبها قراصة زي التي دي...
الشايقي
فاوضني بلا زعل |
والله كلامك سمح بالحيل وقبال أجي للرد عليه..كدي النكلمك بعبد الرحيم زوج قال شنو لما دخل المنبر هنا..
طبعا هو ما بيعرف عربي..بس عارف في حاجه اسمها سودانيزاونلاين وخالتو بتجي فيها طوالي..فتح الويب هو وآيه..وبعدين صفحتنا اياها ..وعلي حظه فتح بوست حقك..لقي ملاح الخدره والقراصه..
سأل آيه باستغراب شديد..
قال ليها سودانيزاولاين البتمشيها خالتو فيها مطعم؟
|
|