يا ناس رفاعة والسعودية .. الزول الفنان ابراهيم عبدالله ..

هذا الانسان الفنان

روحــا
ويدا
وفرشاة

يخط
ويبدع
ويعطى من فنه كأنما ليس لغد بداية..
ولا حدود لجماله ..
ولا مجال لحدوده ..

أخذته يد الغربة ..
بعد أن اخذ بيدنا فى نشر الأدب والفن

أفتقده ..
وأحناجه
من يدلنى عليه ..
ابراهيم عبدالله الفنان التشكيلى ( ابو غسان) ..

بضبح ليه جوزين حمام ..

معتصم
ناس رفاعة ديل لو جوك عليك الله أسالهم لي لو فيهم زول فاضي يدي حصص ويست لي زولاً بهمني أمره
وأنا زاتي بضبح ليه

كوزين سُمان

الاخ محمد السر
من مداخلتك السابقة فهمت انك قد سنفكت ليك زول ، والله يستر ما يكون في قبوله
نقول مبروك ؟
مع الود

عصام الدين عبد الرحمن
الزول ما سنفكتو أنا، سنفك روحو براهو... يعني زول في قبولو، والناس اللاعبين ضدو واحد قال تمنية والتاني قال حداشر وهو زميلو قال باص يقوم وهو ما عندو غير شايب في كرت يقول ليهم ألعبو؟؟؟
أها زول زي دا موش عاوز ليه دروس؟

معتصم معليش بوست البحث عن أبو غسان بقى طربيزة ويست

الاخ معتصم الطاهر

تحياتى وودى

سأبذل جهدى للحصول على عنوان وهاتف الاخ ابراهيم عبدالله الحسن .

دمت اخى معتصم ودام ما بينكما

أخدوا راحتكم ..

أصلوا زولى بود الناس

وهو راحتهم ..

وحرفنته فى ابتسامته ..

محمد السر
بصراحة كده وبعد الاعتذار للمسنفك طربيزتكم مايلة من الاول ، تمانية وحداشر دي تسنفك حكومة .
احتمال يكون الزول ده داير يقص بالشايب عشان يأكلوا ؟

لم يترك صاحبنا إبراهيم عادته يا معتصم
يغسل قلبه من درن الأحزان
ويلبس ابتسامته
ثم يدخل عليك
لازالت الشامة في أذنه تدهشني حين أعانقه في السلام
تبدو كسماعة إضافية
(يهبش) ما شاء له (الهبيش) في خاصك وعامك
يرتب ما يشاء من فوضاك في الحبر
يقيم الحرف في تبرج الجمال حين تخرج منه إلى غيره وأنت مكدود
هاتفني مطلع الأسبوع الماضي ليبلغني وصية من أبي (عليه رحمة الله)
قال له قل لأخيك إما أن يتزوج أو يسكن أحد معه في بيته لكن لا يبقى بمفرده
أبي كان يحب إبراهيم ويوده
خذ هاتفه الآن
00966502790749
أبقنا قريباً منك بوصلك لإبراهيم
ونادني حين تكون في سماه
----
ثم إنه...

أرَقْ

جَالِسْ مسَاءَكَ
فُرصةٌ أُخْرى
لإحْكَامِ التّذكُّرِ
ضمنَ دائرةِ القلقْ
وَ اشْرَبِ التّنْبيهَ
من فِنْجَانِهِ
هيَ قَهوةُ الإيْقاظِ
من طحنِ الأرقْ
أنا لنْ أُسمِّى
مَا سيأتِى
صَحوةً
لكنّهُ نومٌ
يُعذّبُهُ المَلقْ
إنْ صحَّ مَا قد قُلتُ
يَكفى إنّهُ وقتٌ
يجئُ مُبعثراً
يَمضِى
و كَما اتّفَقْ
تكفيكَ حَسْوةُ فَقْرِهِ
خَشِنُ الرّغِيفِ
يَملُّهُ دمعُ المَرَقْ

ود البرير

ربنا يرحم الوالد ويغفر له ..
كان همه الوطن
وابنه الذى ( زاد جنو ) ..

شكرا لإبراهيم
لأنه دائما يأتى بالطاعم ..
والجميل
مثلك ..

أها يا سمي الطيب البرير ما قصر جاب ليك تليفون الزول دا ..

بعد دا ما تجي نربع الجماعة ديل ..


تحيات كتااااااااااااار ..

عارف يا سمى
الاسنة بتجى غفلات ..

لكن فى القبول ما غفلة
دى دقسة ..

وبينى بينك الاسنا حارة
كان فى قبولك
كان فى قبول البتفرّج

بعديت يا سمى
الجماعة ديل ممكن الواحد يدربهم شوية
وبعدين يلاعبهم
أو يلعب بيهم ..

المهندس والمبدع معتصم الطاهر لك التحيايا ولجميع ناس قطر
ابو غسان يبلغك التحايا وهذا رقمه موبايله 0502790749
ونحنا تحت الخدمه
عصام محمد احمد -البرلوم

شكرا يا عصام

ما تقول عصام/البرلوم دى من بدرى ..
واتصلت به

وكان ابراهيم الجميل ..
وشكرا لكل محبى الجمال
والجميلين .. ناس رفاعة ..