الإنترنت أبى يقوم لي يا الطيب البشير

زمان أماتنا لمن الواحدة تتأخر في العواسة تقول الليلة الصاج ابى يقوم لي مما يعني تعذر عملية العواسة أو الإبطاء
الليلة من الصباح جاتني رسالة من الصديق الرائع الطيب البشير إستمتعت بها وشرعت في الرد عليها (عملت ربلاي) وقعدت أكتب مليت الواطة كتابة .. أها لمن جيت ارسلها الإنترنت قال من الله ما خلقو ما سمع بي إسم الطيب البشير
يا إبن العم إنت هسع ما جبت لي منو الرسالة دي ذاتها
قال لي إطرشني
مشيت عاينت في دولاب المواضيع لقيت إسم الطيب الوحيد اللابس قميص أسود والناس كلهم لابسين أزرق يكون دا السبب ياربي؟؟؟

اخى بدر الدين


الظاهر انو الطيب سحبوا منو الشريط

اعمل حسابك على شريطك التحتانى

وصية
لاتستعمل طايوق منتهى الصلاحية عشان العواسة تقوم

امل

ان يعاد شريط الطيب قريبا
وانشاء الله ماتشوف شر فى شريطك

البدري ..
قلت لي اسمك بالكامل منو؟
لأنو ناس الكنبة القدامية ديل كلللللهم
نحن كتبنا أساميهم
حانفنشم ليك بالواحد
أي واحد كتّاب وروحو محرقاهو ، يطلع برة
في حلقة بتاعة بلّي بي هناك .. أمش ألعب مع الطيب
بكرة التفنيش
على وزن ، بكرة النقة
الرحمابي زاتو كان ما جا لي حدي بعد ربع ساعة حانفنشو
ونلقاك بي هناك
أحسن حاجة إن البوست دا ما حا يتم الدوام

صديقي القديم الحديث وللحديث شجون دورنقاس
سلام يحمل كلام مضونه حبي
يعني هسع الطيب لمن رسل لي الرسالة كان لابس من غير شريط؟؟؟
حبي وتقديري

أهل العوض حبيبي
ياخوي عندك شريط ولا أسحب كلمة حبيبي دي؟؟؟
أهل العوض الله يخضر ضراعك سامحوني المرة دي أنا والله قايلة الغلطة من الإنترنت لأنو قدر من سالتو وحاججتو قال أصلو ما سمع وأنا قاعد أحنس فيهو ساعة التقول بسقي لي في حمار أبي كلو كلو وهي تاريها فيها شرايط ولعب بلي؟؟؟
بلي العيش حرام
لك تحياتي وودي وشرائطي

بدر الدين شنا

امسياتكم احلى
من العسل

انت تمشي من دربك للشفخانة بتاعة خالد الحاج
يديك حبوب سلفه .. تظبط صاجك
اقصد كمبيوترك
بس ما ظنيتك ح تلاقي زولك الطيب بشير
دا كان قريب تلقاهو في جلدة اللستك الوراء

لووووووووووووووووووووووول يا ابنكنبة

قلتا دوكتك ما نافعة
احسن تشترى غيرها
او حنسها التحانيس دى بتسهل القواسى
وبتجيب اى حاجة
او حرش عليها النار
واحرقها بالملح والشاى واكسر فيها بيضة واوعى تعوس فيها قراصة
حلى صاج القراصة براه وصاج الكسرة براه

خبرة 18 سنة ست بيت