آآآآآآآآآآي بشتكيها إنت مالك؟؟؟ ياخي دي قالت ليها قصيدة أول أمبارح في برنامج (كل الألوان) تحكي فيها عن بنت بتخاطب أبوها المغترب وتناشده بأن يرجع والقروش ما كل شئ وبداية القصيدة (على مهلك ........) وفيها كمان مقطع بتقول فيهو ما معناه (تعال أجري معاي في الحوش ووالله تاني ما أقول أديني قروش) المهم القصيدة دي أنا حسيت بأنني المغترب المقصود وهذه القصيدة هزت قناعاتي بالغربة الشئ الذي سيحرمني من آلاف الدولارات وعليه فأنا أطالب بتعويض لأنني كنت أنوي البقاء في الغربة لمدة تتراوح ما بين 10 إلى 15 سنة وعليكم الله لو في زول حافظ القصيدة ينزلها لينا هنا والبينة لمن إدعى وما داير أي مغترب يتسلبط معاي في التعويض
تحياتي لهذه الشاعرة المبدعة وتحياتي لكل أخوات روضة الحاج وأنا فخور بهن
08-18-2004, 08:25 PM
omar ali omar ali
تاريخ التسجيل: 09-05-2003
مجموع المشاركات: 6733
Quote: تحكي فيها عن بنت بتخاطب أبوها المغترب وتناشده بأن يرجع والقروش ما كل شئ وبداية القصيدة
ديل لسه في زمن المغترب او المهاجر مغترب عشان يعمل فلوس ويبني نفسه زي كل الشباب...ديل هسي يا دوب في اليقضيهم لاخر الشهر اكل وشراب....قال الفلوس ما كل شئ قال ...هي وينها ...دي شاعرة بأثر رجعي
08-18-2004, 08:35 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الغالي عمر علي سلام وإحترام بالله إنتو غربتكم ما فيها قروش؟؟؟ والله كان كدي إنتو مساكين طبعاً القصيدة ما بتتكلم صراحة عن الإغتراب والفلوس ولكن تتحدث عن الهجرة والهجر والضياع والثمن الباهظ مقابل حفنة الدولارات على العموم القصيدة جميلة شديد والشاعرة متمكنة وتقدمية وليست رجعية لك حبي وقروشي ههههههههههه
08-18-2004, 10:39 PM
walid taha walid taha
تاريخ التسجيل: 01-28-2004
مجموع المشاركات: 4327
يا بدري من عمرك ... كدي خليني من حكاية القروش دي .. السيرة دي ما بحبها أنتو قاعدين تلاقو سعادة دي وين؟؟ أكون شغال في عز الشغل .. يتصل علي محمد الرشيد صاحبي .. يا تمبس أمشي أفتح التلفزيون سعادة فيهو .. تلاتة سنة وأنا في حالة اشتياق لهذه السعادة عبد الرحمن .. حاولة كتير جدا علشان أجيبه البورد ما قدرته .. عندي مشروع ( C.D ) مفترض أنجزو ليها .. كان عملتو ببيع ليك منو بي قروش طبعا .. وقروش كتيرة جدا .. حاول اتصبر بالحاجه دي .. لحدي ما نشوف ليك طريقة للشكية دي .. أنت أشتكي .. وأنا بشتكي .. ( والشكاك .. يملا شبكتو ) ...
طيف ونار ما كان لي يوماً اقص مخالبي وتصيرُ كل مآربي رجلاً الى حسن الجوار.. عفواً ولكن سيدي ما كان لامرأة سواي تخوض في حرب التتار.. أني عشقتك ما عليّ مالها الدنيا تقوم ولا تُثار..؟ اخطأت حين عشقتُ ملأ فضيلتي حطمت عرف قبيلتي وخرجت عن أهلي وازمعت الفرار.. اخطأتُ حين رفعتها بيضاء راياتي والحرب مسجلة ضحى ـ وحفيفها عاتِ ـ فبسطت مائدة الحوار..؟ اني أحار.. الآن احمل وذر ما صنعت يدايا ادور والدنيا تؤاخذني على هفواتها ولبئس ما كان المدار.. لم تخلق الدنيا اثنين انا وذاتي كي تنازعني القرار.. هذي لتطرب ان يشف مسامعي همس ترس انوفها حدس تبيع وتشتري رهقي وامعن في الحصار.. تباً لذاتي ان تثير حفيظتي عشقاً ولست بها أعار.. انا لست بامراة اعاير بالأنوثة كي اسلم رايتي طوعاً وافتعلُ الوقار.. جرجر ذيولك خيبة فالآن قد حمى الوطيس ولست تملك امرة. فلئن تكرّ خبرتني ولئن تفرّ فإنه خزي وعار ارجع الى رهائني سبعين الف رسالة وقصائدي وسبائبي ابدلك يوماً كي تمر بخاطري طيف ونار..
08-18-2004, 11:46 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
omar ali
walid taha
سجيمان
tmbis
فيس بوك
تويتر
انستقرام
يوتيوب
بنتيريست