Post: #1
Title: زعيـــــــــط.............و...........معيـــــط
Author: سجيمان
Date: 02-19-2003, 01:14 PM
بعض الناس.... وما كل الناس... ودي سنة الحياة.... انو يكونو البعض وليس الكل.... عشان الدنيا تمشي...بعض الناس بيفتكر انو احسن من الاخرين.... وربنا اصطفاهو.. من نصهم...وقال لو انت يا زول مسئول من الدراويش ديل..... من هو صغير تلقاهو عاوز يكون... رئيس فريق الكورة....عاوز يكون الالفا في الفصل... ولو كانو شلة ماشين عاوز يكون ماشي قدام الشفع.....ولو قاعدين يتونسو هو البينضم كان كضب كان صح....و الباقين يسكتو....ولو واحد عارضو يا ويلو ويا سواد ليلو...... هذا البورد يحتوي علي الكثيرين من النوع دا...والغريبة تلقى الواحد ما عارف كوعو من بوعو...لكن عاوز يكون سيد الناس..باي صورة...ووهو يكون ماخد في نفسو مقلب ابن كلب....زعيط كان في البورد التاني......وشغال توجيه فلان ما تكتب كدي ...اكتب كدي ... يا معاذ ووووب علينا االبورد اتملى صعاليك...فلان داك صعلوك...وفلان دا ود ناس.......... اخر حاجة ارفتو سجيمان يا انا بلملم عدتي وامشي...وقايل لو مشي الدنيا حتنتهي والبورد حيفرتك....ومشي في ستين داهية والناس زي ما هي والعكس بتزيد ....وسجيمان قاعد... وماخد راحتو....واي بورد بيحمل اسم السودان سجيمان حيشترك فيهو وينضم فيهو.....لانو سجيمان سوداني اب عن جد...لو كان صعلوك....او كان ولد مصارين بيض...لو كان جاهل ...او كان عالم علامة....لو كان شحات... والله قروشو كيمان رز
والرضا رضا والما رضا في ستين الف داهية
|
Post: #2
Title: Re: زعيـــــــــط.............و...........معيـــــط
Author: sentimental
Date: 02-19-2003, 01:23 PM
Parent: #1
زعيط ومعيط انت يا سجيمان . لسه بنزلوكم بالهليكوبتر في البيت. جارك البراية داك ما رحل منك لسه
|
Post: #4
Title: Re: زعيـــــــــط.............و...........معيـــــط
Author: سجيمان
Date: 02-19-2003, 01:33 PM
Parent: #2
ه.......اهلا سنتيمنتال.......... انت جيت بجاي وازعّط واتمعّط برضو؟
هنا بنزلونا بالهليكوبتر.........وفي السودان بنسافر لبلدنا باللواري مع الغنم والمعزه وشوالات الصعوط....ونرقد في ضهر اللوري ونخلف كراع فوق كراع ونقرا موسم الهجرة للشمال
|
Post: #3
Title: Re: زعيـــــــــط.............و...........معيـــــط
Author: alsngaq
Date: 02-19-2003, 01:32 PM
Parent: #1
الاخ سجيمان تحياتنا ومرحب بيك اخ عزيز بينا
وكلامك صح البورد سودانى واسمك سجيمان برضو سوداني . حقيقة البورد فيهو مجاملة مملة لدرجةالضرر تجعل الواحد يتساءل هل نحن شعب لانعرف حاكما علينا غير الاعتبارات الشخصية؟؟ لقد قلته هذا الكلام مرارا وتكرارا وأفردته بوست متعلق بهذا الموضوع تجده فى هذا اللنك
البورد وروح المجاملة
بس يا سجيمان براحة وطول بالك البيت بيتك وده السودان شويه شويه ح نصل لمفهوم الحوار بعيدعن تأثير فلان وعلان
لقد فرغ كأسي
فمن يملأ كأس أحلامي
|
Post: #5
Title: Re: زعيـــــــــط.............و...........معيـــــط
Author: imad braka
Date: 02-19-2003, 01:40 PM
Parent: #3
الاخ سجيمان ـ على الطلاق احيك
عماد براكه
|
Post: #6
Title: Re: زعيـــــــــط.............و...........معيـــــط
Author: سجيمان
Date: 02-19-2003, 01:50 PM
Parent: #3
السنجك....... تعرف دي مصيبة... لانو تلاتة ارباع الناس الهنا بيعتبرو نفسهم من الصفوة.... وشايفين نفسهم من طينة تانية...غير باقي السودانين..... فلما يتكلم معاك والله مع سجيمان ...بيعتبر انو نزل نفسو لمستوى ادنى منو... ودا طبعا ما كويس في حقو......بعدين الجماعة يكتشفو انو زول تربال لكن طابور خامس في نصهم.....ويقاطعوهو
عماد........ لك التحية انت ايضا
|
Post: #8
Title: Re: زعيـــــــــط.............و...........معيـــــط
Author: Elmosley
Date: 02-19-2003, 02:00 PM
Parent: #6
ياسجيمان يا اخوانا ارحمو نفسكم
والله البورد بتاع سودان نت ممتاز وفيه ناس ما مشاهير لكن والله كتاباتهم غايه في الروعه وانا بالرغم من تخصصي في الموسيقي الا
انني سئلت هناك اسئله
توضح مدي الوعي في التذوق الموسيقي
وانا شخصيا رديت عليك بي هناك وماشفت ردك علي
واعتقد انك حاولت تنتقد ولكن التوقيت والمكان لم يكونا مناسبين
كان اولي تعمل نقدك ده هنا وكان اولي اذا كان عندك نقد للبورد التاني يكون هناك
اخيرا اخي عماد براكه
انا واخوي الكاشف نجم الدين
فقط اللذان دافعنا عنك دفاعا مستميتا دون ان نتشرف بمعرفتك
ودمتم
|
Post: #7
Title: Re: زعيـــــــــط.............و...........معيـــــط
Author: sentimental
Date: 02-19-2003, 01:57 PM
Parent: #1
سجيمان والله كلامك صاح . هناك ناس بالشكل ده وقايلين نفسهم فرعون. سيماؤهم فى وجوههم من اثر النفاق. ربنا يسترنا منهم.
|
Post: #9
Title: Re: زعيـــــــــط.............و...........معيـــــط
Author: سجيمان
Date: 02-19-2003, 02:02 PM
Parent: #7
سنتمنتال............ز هناك وين يا اخوي؟
|
Post: #10
Title: Re: زعيـــــــــط.............و...........معيـــــط
Author: سجيمان
Date: 02-19-2003, 02:02 PM
Parent: #7
سنتمنتال............ هناك وين يا اخوي؟
|
Post: #11
Title: Re: زعيـــــــــط.............و...........معيـــــط
Author: sentimental
Date: 02-19-2003, 02:05 PM
Parent: #1
سجيمان
يعنى انت الليلة متفرغ للبورد المكادى ده وداير مشاكل. هناك ياخ هناك يعنى ما عارف وهنا هنى هنى دى برضو
انا مشتت والضرب فى الغابة الفتحتها من ذمن وما لاقى زول يخشها . ناس هرشات
|
Post: #12
Title: Re: زعيـــــــــط.............و...........معيـــــط
Author: سجيمان
Date: 02-19-2003, 02:05 PM
Parent: #1
الموصلي.......... انا مارديت عليك ما اعتقد..... وليه تعتقد انو انا كنت عاوز انتقد.... انتقد منو؟ وفي شنو؟
|
Post: #13
Title: Re: زعيـــــــــط.............و...........معيـــــط
Author: Elmosley
Date: 02-19-2003, 02:10 PM
Parent: #12
ياسجيمان كلامك الفي البورد التاني عن البورد ده
هو نقد واضح وماعيب بس كان يكون هنا من الاول
وبعدين حكاية انو البورد وقف يومين تلاته مامشكله لأنو قبل شهر البورد التاني كان واقف تلاته ايام
المهم ده ما الموضوع انت من حقك تنتقد
والناس من حقها ترد عليك
انا ماشايف انو في مشكله
|
Post: #14
Title: Re: زعيـــــــــط.............و...........معيـــــط
Author: سجيمان
Date: 02-19-2003, 02:31 PM
Parent: #13
الموصلي............. لــــك احتـــرامـــي
|
Post: #15
Title: Re: زعيـــــــــط.............و...........معيـــــط
Author: Elmosley
Date: 02-19-2003, 03:11 PM
Parent: #14
ولك احترامي ياسجيمان
والود
|
Post: #16
Title: Re: زعيـــــــــط.............و...........معيـــــط
Author: Ridhaa
Date: 02-19-2003, 04:20 PM
Parent: #1
قال رسول الله صلى الله عليه وسلم
فروا من المجذوم كما تفرون من الاسد
صدق رسول الله ص
Ridhaa
|
Post: #17
Title: Re: زعيـــــــــط.............و...........معيـــــط
Author: garjah
Date: 02-19-2003, 04:33 PM
Parent: #16
يعني يا سجومي
موش كان تعمل ليك خط رجعة للفلهمة
يعني كان يوم غلطت وكتبت عن السياسة الامريكية
في الشرق الوسط
او عن النخبة السودانية
او عن المتنبي
وانت من حقك تكتب عن اي موضوع فيهن
وتعبر عن نفسك
هل حينها سنقول سجيمان اتفلسف وطلع من دينو
هسع دي
نختارك مودريتر
ونشوف سجومي بعد الـــ
Power
حتمارس صلاحياتك كيف
والمنابر دي لازم تتعدى دور ابراز العضلات
وبصراحة عايز رايي
انت برضو بتمارس فينا
ابراز عضلات
يعني لو ما عندك عضلات بنضحك ليك
وبالطريقة دي
وكل زول بيتفلهم في مجالو
بتاع المزيكة يطلع فوق راسنا بمزيكتو
وبتاع السياسة يقد راسنا بمصطلحاتو
وانت تقد اضنينا بيومياتك واسلوبك الساخر
وخليك من قدرة المشاكل
اغرف لينا
من العسل داك
ااااااااي ده
|
Post: #18
Title: Re: زعيـــــــــط.............و...........معيـــــط
Author: wadazza
Date: 02-19-2003, 05:00 PM
Parent: #17
الاسم الحركى ليهو علاقة بالشخصية...عشان كده بنظرة عابرة للبوردات نلقى الكتيرين يكتبوا بنفس مدلول اسمهم..والأمثلة كتيرة..ومؤكد سجيمان ما طلع من الحتة دى...كتاباتو كلها سجم والرماد الكال حماد وغير حماد أنا ما عارف الزول ده فى أى موضوع كتبوا هنا يشتكى من المدلدلين كرعينهم فوق روسين الناس...أنا ماعارف الخلا يعتقد كده شنو؟..ياخى الناس حرة تكتب زى مادايرة يعنى يالكتابات تكون زى كتاباتك...البتشبه حركات الناس زمان وكل زول فى ونسة لو قال كلمة يسدروا بيها...؟ .....وحركات الصوفية مثلا...بصراحة الزول ده بكتب من خيال فيهو حاجة غلط..ولما اختار اسمو الحركى ده هو عارف ما بقدر يتخطى معانيهو....وياسجيمان...أكتب زى ما الناس بتكتب..واحساسك ببارنويا الاضهاد ده حاول عالجوا بالمزيد من التداخل مع الآخرين لا الاساءة والتقليل من شأنهم فى قضية أنت تعلم أنك أول الخاسرين فيها...مش مواضيع الثقافة بس هى مشكلتك البورد ده متنوع حتى المواضيع المتعددة انت برضو بتنظر ليها نفس النظرةوأنا ما فاهم زول يسجل فى موقع عشان بس يكتب عن المفلهمين...
؟؟؟؟!!!!انت ممكن تكتب زى ماعايز لكن تأكد أن الملل سيأخذ من حولك الجميع ..فلتبقى وحيدا...تحاول زحزحة الكرعين عن رأسك
تحياتى
ودعزة
|
Post: #19
Title: Re: زعيـــــــــط.............و...........معيـــــط
Author: سجيمان
Date: 02-19-2003, 05:46 PM
Parent: #1
قرجة...................... لك احتـــــــــرامي
|
Post: #20
Title: Re: زعيـــــــــط.............و...........معيـــــط
Author: bit barber
Date: 02-19-2003, 11:18 PM
Parent: #1
سجيمان
انت بس ماتزعل نفسك وسد اضان بطينه واضان بعجينه زي ما بيقولوا و البورد شايلنا كلنا وسودانا شايلنا كلنا كان الناس رضت ولا ابت
وسيبك من زعيط ومعيط ونطاط الحيط
لبني
|
Post: #21
Title: Re: زعيـــــــــط.............و...........معيـــــط
Author: سجيمان
Date: 02-20-2003, 01:08 AM
Parent: #1
بت بربر شكرا ليكي....... واها.......عشان خاطرك دي فيها طينة ودي فيها عجينة
|
Post: #22
Title: Re: زعيـــــــــط.............و...........معيـــــط
Author: سجيمان
Date: 02-20-2003, 01:08 AM
Parent: #1
بت بربر شكرا ليكي....... واها.......عشان خاطرك دي فيها طينة ودي فيها عجينة
|
Post: #23
Title: Re: زعيـــــــــط.............و...........معيـــــط
Author: sentimental
Date: 02-22-2003, 01:36 PM
Parent: #1
|
Post: #24
Title: Re: زعيـــــــــط.............و...........معيـــــط
Author: sentimental
Date: 02-26-2003, 07:36 AM
Parent: #1
foooooooooooooooooooooooooooog
|
|