Post: #1
Title: عـــــريـــسنا شـــحد الله..........والله اداه
Author: سجيمان
Date: 03-15-2003, 11:30 AM
الشحدة الاولى
عريسنا شحد الله..... والله اداه.......غنوها ليهو في قطع الرحط..... وهو يبشر.... بشيّرا..... بلا نفس...... بت عمو.... تشبه روحها..... كعوبية...... ما يقابلها الا فارس.. مغوار....وخاصة في البلد الما فيها نور دي..... ويكون نور الفانوس خافت.... وضارب في وشيها... تعضي جلابتك..... في خشمك وتقوم جاري...... شينة لمن قربت تبقى سمحة......قالو ليهو.... ماعونك وغتيهو.... قادر الله ناس مواعينها.....من الصيني....والسراميك.... وناس مواعينها ... قحف... وصحن حراز... لكن زي مريم دي...... يغتوهو من وين....وتقولن لي عريسنا شحد الله والله اداه......وحات ....الله.... لا شحتو ولا حاجة..... شحدو ابوي....... واداني انا البعاتية .... البتتلولو قدامكن دي.....عاين كمان... بتخجل قالت.... وتضحك تحت الفركة.... تضحكي بلاهن ان شاءالله......يا الما تشبهي النسوان........مريم هوي .... لاكي جاهلة ولاكي صغيرة.....قومي امشي ارقدي في العنقريب دااااااك..............قالو العرس قسمة ونصيب.......حقـًا هي قسمة ضيزى
الشحدة التانية
كل يوم شكلتهم لرب السماء.......ومرا لسانها فلقة.....والراجل لسانو حصانو...ديمة كاضم ومتبوم..... قال لي...انت عارف...... انا زمان جيت اتبرا...... منقول.....كنت صغيير.....حايم فيها كايس لناس.. عمي الارباب دا....ابو المرا... البتهرج دي..... لاقتني بنية صغيرة....شعرها منكوش.. ومليان واطا.....وشايله لها حجار في ايديها تجدع في شفع في الشارع...... وقفتها سعلتها......بيت ناس الارباب وين...... قالت لي الارباب ابوي..وانا بنتو...... داير بيتنا.... ؟ قلت ايوا...... قالت لي تعال وراي........ وعليك امان الله من ديك ولي حسي اربعه وعشرين سنة وانا ماشي وراها........قالو العرس قسمة ونصيب..... حقا هي قسمة ضيزى
|
Post: #2
Title: Re: عـــــريـــسنا شـــحد الله..........والله اداه
Author: أبوالزفت
Date: 03-15-2003, 11:33 AM
Parent: #1
خزلت الجميع يا سجيمان التوقعات طلعت غلط لكن برضو فى خط اخو جمال الدين
|
Post: #3
Title: Re: عـــــريـــسنا شـــحد الله..........والله اداه
Author: سجيمان
Date: 03-15-2003, 12:58 PM
Parent: #2
ابو الزفت........ كل زول ربنا بيديهو قدر نيتو........... منقو قل لا عاش من يخذلنا
|
Post: #4
Title: Re: عـــــريـــسنا شـــحد الله..........والله اداه
Author: BousH
Date: 03-15-2003, 01:11 PM
Parent: #3
يا الاخو ده كلام شنو .... يعني نبطل الشحده ولا كيف ....  .... وطيب القرد في امو غزال جاي بوين من مريم....
|
Post: #5
Title: Re: عـــــريـــسنا شـــحد الله..........والله اداه
Author: سجيمان
Date: 03-15-2003, 05:27 PM
Parent: #4
اشحد يا بوش....... لكن شوف انت بتشحد في شنو
|
Post: #6
Title: Re: عـــــريـــسنا شـــحد الله..........والله اداه
Author: الشماسي
Date: 03-15-2003, 06:28 PM
Parent: #1
سجيمان
الشينه دي مقدور عليها
بس ماتكون سكن ...هاند
|
Post: #7
Title: Re: عـــــريـــسنا شـــحد الله..........والله اداه
Author: سجيمان
Date: 03-15-2003, 06:55 PM
Parent: #6
شماسي......... لا ما سكن هاند......... سجم هاند
|
Post: #8
Title: Re: عـــــريـــسنا شـــحد الله..........والله اداه
Author: ghariba
Date: 03-15-2003, 08:02 PM
Parent: #1
سجيمان
انحنا خلاص اتطورتنا
والباقي ناس بوش
شوف ليهو شحدة
|
Post: #9
Title: Re: عـــــريـــسنا شـــحد الله..........والله اداه
Author: سجيمان
Date: 03-15-2003, 08:36 PM
Parent: #8
غريبة في واحدة انتاية بهناك......... قالت لكم في حاجة اسمها الخلع........ المرا تخلعك وتديك قروش كمان.................والضرس مننا
|
Post: #10
Title: Re: عـــــريـــسنا شـــحد الله..........والله اداه
Author: ghariba
Date: 03-15-2003, 09:11 PM
Parent: #1
دي ريحتنا والله
وانحنا لاقين
خليهم يخلوعنا والبورد مليان بنات
|
Post: #11
Title: Re: عـــــريـــسنا شـــحد الله..........والله اداه
Author: BousH
Date: 03-15-2003, 09:16 PM
Parent: #10
والله الحكاية لو فيها خلع وقروش .... نخلي الغربة ونرجع البلد..... وخلع اسبوعي هههههههههههههههههههههههايكة زاتو .... يا جماعة وين الزول ابو لسان ده
|
Post: #13
Title: Re: عـــــريـــسنا شـــحد الله..........والله اداه
Author: سجيمان
Date: 03-16-2003, 06:59 AM
Parent: #11
غريبة...... بنات البورد عافات اللعبة... العب بعيد
بوش........ يا داقس...... نسوان الغربة الشغالات بالعملة الصعبة احسن ليك...... اشتغل مخلوع في الغربة.......باليورو ... الدولار بقى في مقابضة شديدة
|
Post: #12
Title: Re: عـــــريـــسنا شـــحد الله..........والله اداه
Author: ghariba
Date: 03-15-2003, 09:24 PM
Parent: #1
اخوي بشير وينك
والله مشتاقين
اخونا ابو لسان الايام دي مسجل غياب يمكن الكلام كمل
ولا يمكن نا النك الظهروا في البورد اكلهوا حنك
وربنا يستر على لسانا انحنا زاتنا
|
Post: #14
Title: Re: عـــــريـــسنا شـــحد الله..........والله اداه
Author: الرشيد أحمد القاسم
Date: 03-16-2003, 07:36 AM
Parent: #1
الأخ \ سجيمان لك التحيه
وانت ما عارف النظام الجديد
يعني يا سيدي تقوم تعرس القدح وهذا الإجباري
والزواج الثاني اقتصادي يعني بصراحة تشوف ليك واحدة كده مروقه ومزنوقه ليها في عريس
وياحبذا لو كانت مغتربه ........ واما القدح ما عندو اي مانع
ولا رايك شنو ؟؟؟؟
؟؟؟
؟؟
؟
|
Post: #15
Title: Re: عـــــريـــسنا شـــحد الله..........والله اداه
Author: سجيمان
Date: 03-16-2003, 07:39 AM
Parent: #14
لكن يا الرشيد........ المغتربة دي .... اضمن من وين انها ما قدح زول تاني؟ وهو راجيها ومشرف اضنيهو
|
|