Post: #1
Title: الحـجـاب..... ابــو طبـلــــــة
Author: سجيمان
Date: 05-08-2003, 04:31 PM
امما ظهرت...وبقت تمثل... انا مباريا ومندهش....ومبهوط.... من سماحتها دي.... وقدر ما كست لشي فيها شينة ما لقيتها..... علا ايامها الاخيرة وقت سمنت شوية لكن برضو.... في سمحاتها....وقت تكون في مسلسل والله فلم... اخلي شغلتي في الايدي... واجي اتحكر قدام النتلفزيون... واقعد اتأمل فيها.... سبحان الخالق....واعاين لبنياتنا بطرف عيني وبنيات الجيران....وهن بيتفرجن معاي... والقى الفرق واسع...الغريبة لو كانن بيشربن شاي بلقيمات.... والواحدة فيهن منتبهة للتلفزيون... تجغم في الشاي...بطول حسها..... واللقيمات يسعالني الله ما تقسمها نصين.... بحالها تحشرها في خشمها... وتعصرها بالنواجز...لمن تجيب الزيت...والزيت يسيل فوق االشلوفة التحت..... ويلتقي مع زيت دهن شعر الراس.... عند الحنك...وكلو جغمة شاي وبلعة لقيمات وراها نفة....اعاين لهن واعاين لليلى علوي....... واحمد الله ثم اثني عليه.....واحس بانو بنياتنا ديل اكيد ربنا خلقن كدا لحكمة ما يعلمها الا هو....واقول في سري الهم انا لا نسألك رد القضاء ولكن نسألك اللطف فيه.......عندنا واحدة بس هي السمحة قالو..... تاجوج....وقدر ما في زول غنى والله داير يشكر واحدة يقول تشبه تاجوج....واتضح ان المدعوة تاجوج ماتت... نتيجة لتسممها بالودك والشاكوين....وعين الناس الحارة.......و ظانيتو كان ما الفقرا بتاعين مدني ومايرنو.... ما كان في راجل قعد مع مرتو اكتر من حول....وبركة البقن يعرفن درب الفقرا ويسون لنا كواديك....وبقى الواحد فينا لو اسم مرتو جا في غنية ساكت تلقاهو قعد يرمش في عيونو.. حبا وهياما...ويمشي الحمام ويقعد يردد في الاغنية..... الله منك يا زينبو... الله منك يا زينبو...والحجبات زاتها انواع واشكال... فيها البيشربوهو وفيها البيعلقوهو في الصالة.... وفيها البيختوهو وسط هدوم الراجل ...وفيها البيسقوهو ليهو على جرعات...... ان بقيت جاي من السهلة والمرا لاقتك شايلة كباية ليمون بدون اي سبب ولا مسبوبية..... اعرف انك اتسجمت واترمدت فيها.... وخاصة لو كانت نسيبتك جاتكم زيارة.....وبعدين لاحظ عند دخلوك البيت تلقى المرا جرت طوالي على المبخر...وولعتو وبخرت البيت...وقعدت من بعيد تعاين لك دايراك تجي بعندو وتعلق فيك اكبر كمية من البخور..... وتقعد تحاحي وتدودر فيك لمن توصلك جنبو.....وكلو كوم و الحجاب ابو طلبة. كوم... طبلة عديل ملبسنها حجاب....ومفتاحها عند المرا والمرا تلقاها داساهو ورا الدولاب حق الهدوم الجن الاحمر ما يعرف دربو..يفتحوهو ساعة الحاجة.....اكان دايرنك تنضم وتتونس وتدفع وتجيب وتشتري....ويقفلوهو كان دايرين يكضموك وما تفتح حنكك ولا تقول تلت التلاتة كم؟.....سجيمان قوم اكل ... فنترب تقوم... سجيمان امشي الدكان فنترب تجري.... سجيمان امرق اتونس على السهلة دي من حضنت البيت دي... تدخل في جلابتك وجري علي العزابة....سجيمان حمم الشفع ديل..... تلقى نفسك... قعدت بلباسك وجريت الوليدات على الحمام..... وقعدت تحمم فيهم وانت تغني..... البريدو تايه ويا حليل البريدنا....والوليدات يرشو فيك بموية الصابون وانت تضحك وتقرقر والبريدو تايه ويا حليل البريدنا.......
|
Post: #2
Title: Re: الحـجـاب..... ابــو طبـلــــــة
Author: manubia
Date: 05-08-2003, 04:44 PM
Parent: #1
اول الكلام،نتقابل عند بكري ونخليه يحكم بيناتنا،انت كيف بس ستخدم السقنتشر بتاعتي في البوست بتاعك المسجم دا،قال البنريدوىتايه قال،يا خي خليك مع كديستك دييييك احسن ليك
|
Post: #3
Title: Re: الحـجـاب..... ابــو طبـلــــــة
Author: سجيمان
Date: 05-08-2003, 06:12 PM
Parent: #2
منوبيا............ ونمشي التلاتة بيت ناس طلسم
|
Post: #4
Title: Re: الحـجـاب..... ابــو طبـلــــــة
Author: cola
Date: 05-08-2003, 06:58 PM
Parent: #1
سجيمان لو عاوزين نعكس الاية ونكتف الحريم برضو نعمل كواديك ولا فى اساليب اخرى
ياسجيمان حرام عليك والله الجمال موجود عندنا ولون الابنوس كمان لما ياخد ليه بوخة الا بنات جيرانكم ديل العفصو الزلابية 
|
Post: #5
Title: Re: الحـجـاب..... ابــو طبـلــــــة
Author: سجيمان
Date: 05-08-2003, 08:18 PM
Parent: #4
يا كولا.... الحريم نكتفن لشنو؟......والله يا ......اخوي السودان كلو قاعد يعفص اللقيمات
|
Post: #6
Title: Re: الحـجـاب..... ابــو طبـلــــــة
Author: HOPELESS
Date: 05-08-2003, 10:26 PM
Parent: #5
سجيمااااان
بنوتنا ديل مالك عليهن عليك الله
المره الفاتت قلت يا سلام سجيمان دا زول ممتاز جدا لانو بيحب ليهو واحده الف فيها معلقات في شكل ((معلاق)) والمعلاق لمن لا يعرفه من الحناكيش يصنع من السعف علي شكل نجف ههههه لحفظ اللبن
المهم يا زول كنت مبسوط منك اخر إنبساط لانك زول فدائي في الحته دى
الليله جاي تتسجم وتترمدن مالك
بس ما قلت لي لبن الشاي شربتو الكديسه ولا المعلاق امان؟؟؟
جمال عبدالرحمن
------------
وارموالقداااام
|
Post: #7
Title: Re: الحـجـاب..... ابــو طبـلــــــة
Author: doma
Date: 05-09-2003, 09:31 AM
Parent: #6
لووووووووووووووووول الله ينعل شيطانك يا سجيمان غايتو مافضل فيني مصران يا ولدي . وذكرتني اغنيه زينبو دي اها كان في ود اهلنا كداجاء من البلد جديد قام سوالوا ربابه وبس اول مايرجع من الشغل يشيل ربابتو دي وفرد نبحه .
الله منك يا زينبو* منك الجيران ما اشتكو*
بت عمته زهجت منو يوم قالت ليهو يا فلان الجيران منها مااشتكو قيصفو دي الا منك شكو وبكو اديها صنه شويه .. اسمع يا سجيمان ما تلمني في مرتك دي كان توريني درب الفقير دا وين اسوي لي كوداك لي حاج دومه كان يصحي الدغش يشهل الوليدات للمدرسه.
عليك امان الله تقول هو الساوي لي نوع اب طبله دا والحكمه خاتي المنبه جنب راسو, من يضرب يديني لكزه وانا فرترب اقوم وهو يسكت المنبه وينقلب يشخر والله بالحيل ممغوسه عليهو.
|
Post: #8
Title: Re: الحـجـاب..... ابــو طبـلــــــة
Author: سجيمان
Date: 05-09-2003, 03:48 PM
Parent: #1
يا مافي امل.....انت بتعرف المعلاق؟ والله ما عندك عوجة تب
حاجة دوما............ انا مكتوب في جناح حدية... وضربها صاروخ في حرب الخليج وماتت ....وين؟ ما معروف
|
Post: #9
Title: Re: الحـجـاب..... ابــو طبـلــــــة
Author: Tumadir
Date: 05-20-2003, 09:19 AM
Parent: #8
بناتهم سمحات عشان رجالهم بريدوهم
بناتكم شينات عشان انتو ما بتريدوهم
اوريك كيف؟؟؟
رجالهم عزلوا الحدائق والجنات ، انتو عزلتوا السودان الصقيعة المتصحر
عزلوا ليهم المشمش والخوخ والتفاح
انتو عزلتوا لينا النبق والدوم واللالوب
عملوا ليهم البوتوجاز والتلاجة والغسالة
انتو جبتوا لينا طشاطة ومشلعيب وقلل
وكوانين
بنوا ليهمالعمارات
انتو بنيتوا لينا قطاطى ورواكيب وصرفان
عملوا ليهم المكنسة الكهربائية ، انتوجبتوا لينا المقاشيش والحناقيق
what goes around, comes around.
وبا لشنا والفقر ، ديل ، الا يمسكوكم بالحجبات
|
Post: #10
Title: Re: الحـجـاب..... ابــو طبـلــــــة
Author: كوليل
Date: 05-20-2003, 11:04 AM
Parent: #9
والله ياسجيمان إنتا لو أبو طبلة ده بسكتك ....
ده براه خير وبركة ......
(غايتو لو خرفتا .. خشيت سن الشيخوخة الا يخيتو ليك خشمك )
لاكن ذى عينتك دى ماأظن يغلبا النظم ...
|
Post: #11
Title: Re: الحـجـاب..... ابــو طبـلــــــة
Author: سجيمان
Date: 05-20-2003, 08:13 PM
Parent: #1
يا تماضر يا اختي... ونحن الرجال ديل برانا شينين....وحات الشيخ الجعلي.... وربنا هدى النسوان ديل يحملنننا......ويقابلننا..ليل نهار.....لكن يا تماضر.... اها نحن اخترنا لهن الكريعات ديل؟
كوليل.......... انا داير اكمل نضمي حسي..... وبركة الربنا جاب الاترنت دا عشان انضم فوق نا واكمل الكوتة حقتي.... واخرف واناكااااااضم
|
Post: #12
Title: Re: الحـجـاب..... ابــو طبـلــــــة
Author: abuguta
Date: 05-21-2003, 09:24 AM
Parent: #11
الاخ سجيمان الله يجازى محنك
والله يستر النسوان معاك
بمناسبة الحجاب ابو طبلة قالو طلع فشنك
فى واحد اخونا شغال مع كفيله 4 سنوات وهو كان بخوف الكفيل
سافر السودان اجازة.. بعدين هو ما مقتنع بالخوف دا يعنى خايف
الكفيل ينقلب عليه..قام مشى لفكى فى مايرنو اداه الفيها النصيب
واخد منه الحجاب ابوطبلة قال ليه لازم تطبل الطبلة وترميها فى نصف
البحر واخونا جاء بباخرة باعبود ورماه فى نص البحر الاحمر
بس يومه الوصل مشى للكفيل ...بس الكفيل اتجنن وقال ليه انا ما عايزك
انت راجل حرامى وفى النهاية كان خروج نهائى..وامسك الخشب
|
Post: #13
Title: Re: الحـجـاب..... ابــو طبـلــــــة
Author: سجيمان
Date: 05-21-2003, 05:24 PM
Parent: #12
ابقوتة....... تصدق يكون الفكي غلط في الباس ورد
|
|