Post: #1
Title: الفيلســــوف...و..... الحــرامـي
Author: سجيمان
Date: 05-25-2003, 04:50 AM
لو راقد في نص الحوش.... وفجأة رفعت راسك ولقيت حرامي.. مشعلق في الحيطة...وعاوز ينط جوا.... ما تنهرو...ولا تزعجو.... براحة صنقر في نص العنقريب...وقابلو....ولو هو عاوز يرجع احلف عليك بالطلاق انو ما يرجع.... لازم يدخل...وادخل معاهو في الكلام طوالي عشان يطمئن... قول ليهو.. يا اخي انا والله متفهم وضعك....ومتفهم عملك النبيل دا....وما زعلان منك ولا الله قال...... تعرف انتو معشر الحرامية..... بتقومو بعمل المجتمع محتاج ليهو.... ولا يمكن ان يستغني المجتمع عنكم وعن خدماتكم ابدا....انا ما عارف الحكومة المغفلة دي بدخلكم السجن ليه؟..... يا اخي انتو بتتعبو نفسكم وتساهرو الليالي....وتنططو من حيطة لحيطة....من اجل نشر المساواة والعدالة الاجتماعية بين افراد المجتمع.... وتساوي بينهم...في المقتنيات..... يعني واحد عندو تلاتة اجهزة فيديو...وواحد ما عندو..انتو بتشيلوهن منو....وتمشو تبيعوهن للزول الما قادر يشتري من السوق دا بارخص الاسعار...وبعدين داك ممكن يشتري تاني لانو قادر... لكن زيي انا سجيمان دا اشتري من وين؟... ما بقدر... تراني متكل علي الله وعليكم...ومتلي كتار..... والله سعادتك ما طالبني حليفة.....حسي الملاية دي... الراقد فوقها دي ومعاها تاني تلاتة...مشتريهن رخاااااااااص خلاص من سوقكم الله يخلي لنا...ديل كان داير اشتريهن من السوق العديل دا.... الا اقنع لي من ماهية شهرين.....الماهية اجيب بها ملاية والله اكلها لوليداتي اخير؟.....وبعدين في حاجة تانية مهمة جدا...ممكن انا اكون مفلس اشيل ملاياتي ديل وامشي ابيعهن في سوقكم... واخلي المرا تطلق اشاعة في الحلة انو الحرامي سرقنا..... مو اخير من يقولو فلس وبقى يبيع في هدومو؟ .....شفت الخدمة دي بس على السمعة بتاعتكم انا حليت مشكلة.....
انزل انزل...... خلنا نتم نضمنا.....والله يا مؤمن يا مصدق....انتو وزملاكم النشالين رحمة لنا.... أي والله....يا اخي جاري صديق دا.. جنو قمار المسخوت..الماهية قطعوها منو في القمار....طوالي المغرب جا البيت مدلدل تلاليشو... وصاري وجيهو.... وقال للمرا الماهية نشلوها....والمرا قعدت تتداعي في النشال ومعشر النشالين...بالتقطع ايدهم وبالتبشتنهم كان بشتنو صديق. ماهية صديق ان شاء الله تدخل عليهم اربحاء وعقاب شهر.. كسرو خاطرها وخاطر وليداتها.... وصديق اتخارج من عقدة الذنب ولبسها للنشالين..... اهه شفت النعمة دي؟ ومرتو ما كشفتو علا ساعة نام وقعد يهضرب ويكورك... بنت الشيريا يا الجيلي.... بنت الشيريا يا الجيلي اظنها القطعتو بنت الشريا الله يازاهن بنات الشيريا المسوياتنو في الناس قليل؟.. هو صديق براهو؟... اسعالني انا..... حسي انا اول امبارح بعت مسجلي... وعليك امان الله لصقتو فيكم..... طوالي....وبعدين تاني في حاجة.... جارنا العوض المقيبيح دا... شفتو... طوالي في الليل وقت يجي سكران يقع في مرتو دق.... والمرا تقعد تصرخ....الصباح وقت الناس يسعلوهم يقولو المرا شافت لها حرامي وصرخت..... شفت انتو مهمين للمجتمع كيف؟ دا كلام بسيط لكن خدماتكم ... اخير من خدمات الحكومة البدخل فيكم السجن دي......................
.دا حين يا اخوي....هن اصلهن تلاتة ملايات وبنطلون وقميص تلقاهن جوا.. ادخل شيلن.... لكن بدل ما انا باكر اخد مشوار... لحدي السوق حقكم واشتريهن تاني...... رايك شنو اشتريهن منك حسي.... وهن في محلهن دا؟..... و ان شاء الله ما بنختلف في السعر.....
|
Post: #2
Title: Re: الفيلســــوف...و..... الحــرامـي
Author: SalahDirar
Date: 05-25-2003, 05:21 AM
Parent: #1
الأخ/ سجيمان المحترم
لك التحية وخالص المودة
كنت بتكلم من يومين عبر الهاتف مع صديقي العزيز/ الشرير والبرتقالة وتطرقنا للحديث عن البورد ومواضيع البورد ومبدعينه ، وتطرقنا ضمن ما تطرقنا إليه إلى حتة الابداع وهي الأساس ، وضمن الأخ/ الشرير كلامه ورأيه في ان الصياغة عمل ليس من الصعوبة بمكان ولكن الصعوبة تكمن في الفكرة الإبداعية .. تذكرت الكلام ده الآن وأنا أقرأ في كلامك ده عن الحرامية ودهشت لإبتداع الفكرة، فهي حقيقة لا تخطر على عقل بشر ، وهي بحق قمة الإبداع
ذكرني موضوعك ده بواحد ضابط شرطة ، ودي حصلت حقيقة، كان نايم في الحوش وفجأة شعر بالحرامي نط في البيت ، وعمل فيها نايم قال يشوف نهايته شنو، وخلاهو لغاية ما دخل البيت ولقط الحاجات كلها وختاها في بجقة ، وخت البجقة فوق رأس الحيطة ، وأول ما عاوز ينط في الحيطة ، صاحبك الضابط طااااااخ فك ليه رصاصة في الهواء
الحرامي نط من الحيطة في الحوش تاني، وخت يدينه فوق راسه وقال: لا حول ولا قوة إلا بالله العلي العظيم ، يازول إنت ما مسلم ؟؟؟
|
Post: #6
Title: Re: الفيلســــوف...و..... الحــرامـي
Author: سجيمان
Date: 05-25-2003, 07:33 AM
Parent: #2
الاخ صلاح...... شكرا جزيلا ودي شهادة اعتز بها من شخص له وزنه مثلك......... وبعدين انت ما جربت يكون عندك بنطلونين وما عندك غيرن ويجي الحرامي يفلك فيهن....الوقت داك حتبدع
|
Post: #3
Title: Re: الفيلســــوف...و..... الحــرامـي
Author: بت قضيم
Date: 05-25-2003, 05:56 AM
Parent: #1
لوووووووووول
بالغتوا
|
Post: #4
Title: Re: الفيلســــوف...و..... الحــرامـي
Author: Noon3
Date: 05-25-2003, 06:50 AM
Parent: #3
سيجيمان
صباحك خير .. أمس شلعوك الحلاقيين والليلة داير تخاوي الحرامية .. وبعد شوية دخلهم جامعتك ديك.. امكن معالجاتك تنفع والحرامي يبقى (بوليس)..
|
Post: #9
Title: Re: الفيلســــوف...و..... الحــرامـي
Author: سجيمان
Date: 05-25-2003, 11:00 AM
Parent: #4
يا نون........ يعني تفتكري الحرامي لي حسي ما بقى بوليس؟
|
Post: #7
Title: Re: الفيلســــوف...و..... الحــرامـي
Author: سجيمان
Date: 05-25-2003, 07:46 AM
Parent: #3
بت قضيم حبابك.......الله لا لولوها عليكي يا بت امي
|
Post: #5
Title: Re: الفيلســــوف...و..... الحــرامـي
Author: كوليل
Date: 05-25-2003, 07:16 AM
Parent: #1
والله ياسجيمان
إنا عندى ليك راى ... إنتا بى لسانك الطاعم ده
أحسن تستفيد منو النضم السمح بجيب القريشات
(الحرامى دة بعد ماتحكى ليه ظروفك وصف ليه محل الناس
التريانه ولو أداك 10 % بتريحك )
|
Post: #8
Title: Re: الفيلســــوف...و..... الحــرامـي
Author: سجيمان
Date: 05-25-2003, 08:45 AM
Parent: #5
كوليل....... انت قايلني انا ما فكرت في نضمك دا..؟
|
Post: #10
Title: Re: الفيلســــوف...و..... الحــرامـي
Author: shiry
Date: 05-25-2003, 12:55 PM
Parent: #8
سلام مربع
سجيمان
شكيتك على الله عايز توقف حال
البواليص
تلقاك انت من ابتدع فكره سوق الحراميه
صلاح درار
لكن بوليصك صحي مابالغ
هسع عليك الله الزول لو كتلوا
كان كويس في حقو
كتل ليهو زول عشان بقجة هدوم
هاهاهههااهاهاهاهاها
نكته في السلك
|
Post: #11
Title: Re: الفيلســــوف...و..... الحــرامـي
Author: HOPELESS
Date: 05-25-2003, 10:37 PM
Parent: #10
يا زوووووول عليك الله رسل ليه زولك دا يسرقني عشان اشتري منو رخيص
بس ما يكون من النوع البيزوق بالباقي
والله حراميه متطورين خلاص زي ناس البيتزاهوت توصيل طلبات لحدي سريرك بس بوفروا البضاعه منك ويبعوها ليك
البلد اتقدم والخدمات مستواها اتحسن بالحيييل
|
Post: #12
Title: Re: الفيلســــوف...و..... الحــرامـي
Author: سجيمان
Date: 05-26-2003, 03:08 AM
Parent: #1
شيري سوق الحلرامية ضروري... من اجل خفض تكاليف المعيشة.......
هوبليس...... دا اسمو نظام..من دقنو وافتلو
|
Post: #13
Title: Re: الفيلســــوف...و..... الحــرامـي
Author: كوليل
Date: 05-26-2003, 07:54 AM
Parent: #1
والله أنا محتار
حكمت الله الحرامية بتاعين الجوامع ديل قاعدين يودو
النعلات ديل وين ..... لانو مشيت أكثر من سوق ما لقيت
لى نعلات سكن .... (عليك الله ياسجيمان ديا طلعم بره
التقطية بتاعتك لانو )... ديل بيعملو ليك سمعة بطالة فى
...الشغل
|
Post: #18
Title: Re: الفيلســــوف...و..... الحــرامـي
Author: سجيمان
Date: 05-26-2003, 09:55 PM
Parent: #13
كوليل يا داقس .... النعلات ديل بيشتروهن الجزمجية..... البيصلحو الجزم.... يعني ممكن تبدل جزمتك وتدفع فرق..... زي تبديل الجوالات
|
Post: #19
Title: Re: الفيلســــوف...و..... الحــرامـي
Author: سجيمان
Date: 05-26-2003, 09:55 PM
Parent: #13
كوليل يا داقس .... النعلات ديل بيشتروهن الجزمجية..... البيصلحو الجزم.... يعني ممكن تبدل جزمتك وتدفع فرق..... زي تبديل الجوالات
|
Post: #14
Title: Re: الفيلســــوف...و..... الحــرامـي
Author: 3omda4
Date: 05-26-2003, 08:43 AM
Parent: #1
سلام يا سيجيمان يا مبدع
بس في الحرامية بتاعين الصواطير
ديل ما بيتفاهمو قبل ما تقول حاجة بتلقاهو في نص راس
_______________________
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
|
Post: #15
Title: Re: الفيلســــوف...و..... الحــرامـي
Author: SalahDirar
Date: 05-26-2003, 08:55 AM
Parent: #14
نكتة ..
قالوا مرة حرامي نط ليهو في بيت وكانت ست البيت في حالة وضوع .. وصحت بالحرامي ولقته بلقط في الحاجات، قالت ليه عليك الله تخلي الحاجات دي قبلا والله هسي دي سماية ولدي ده بكرة والله العظيم حق السماية ما عندنا.
قال ليها وراجلك وينو ؟؟
قالت ليه نايم في الحوش البي هناك
قام الحرامي خلى الحاجاتفي حتتهم ومشى للراجل فعلاً لقاه نايم
قام شال ليهو سوط عنج ووقع ليك في الراجل جلد ..
انت النايم ليها شنو وحق السماية ما عندك ؟؟؟؟
|
Post: #21
Title: Re: الفيلســــوف...و..... الحــرامـي
Author: سجيمان
Date: 05-26-2003, 10:01 PM
Parent: #15
تعرف يا صلاح زولك دا لو جاني انا ...ما عارف كان حيسوي لي شنو؟...... والله مرات حق العشاء في تلتة...وبريد النوم زي عيوني
|
Post: #20
Title: Re: الفيلســــوف...و..... الحــرامـي
Author: سجيمان
Date: 05-26-2003, 09:59 PM
Parent: #14
يا عمدة مرحب......... شوف انت تتفاهم مع الحرامي وهو لسه في مرحلة الاستكشاف...... يعني هو بيتاوق مرتين... المرة الاولى استكاشفية... التانية تنفيذية.....
|
Post: #16
Title: Re: الفيلســــوف...و..... الحــرامـي
Author: SAdo7
Date: 05-26-2003, 09:00 AM
Parent: #1
سجيمان مبدع حتى النخاع
لك كل الود
|
Post: #17
Title: Re: الفيلســــوف...و..... الحــرامـي
Author: سجيمان
Date: 05-26-2003, 09:51 PM
Parent: #16
صدوح....... شكرا لك...... انشاء الله بركة سيدي الحسن اكون كتبت الاسم صاح؟
|
Post: #22
Title: Re: الفيلســــوف...و..... الحــرامـي
Author: Abdalla Gaafar
Date: 05-26-2003, 10:04 PM
Parent: #1
سيجيمان
كيفك يازول يارايق
والله ياسيجيمان قرفة لمن عجيبة
عندنا صاحبنا اشتري تلاتة قمصان من سوق الحرامية وفقدهم تاني يوم ولقاهم تالت يوم عند نفس الزول الاشتاهم منو طبعا غلبو يقول حاجة واشتراهم تاني لكن طبعا عملوا ايهو تخفيض بتاع دبل سرقة
شكرا ليك علي كل لحظات الضحكة البتنشرا علي البورد
عبدالله جعفر
|
Post: #23
Title: Re: الفيلســــوف...و..... الحــرامـي
Author: سجيمان
Date: 05-26-2003, 10:11 PM
Parent: #22
عبد الله جعفر..... زولك كان يديهو السعر دبل..... حق السرقة الجاية عشان يفطوها
|
|