Post: #1
Title: مســــطـول.....فــوق العــــادة
Author: سجيمان
Date: 05-26-2003, 05:11 AM
دكينا الحصة التالتة....... كنا في الاول ثانوي...... الجماعة قالو لي هاك جرب....والله تاني ما تخليها...... نفس نفسين.... تلاتة انفاس.... سيجارة سيجارتين تلاتة سجارات.....اتخدرت من راسي لكرعي...... اتلخبط فوق تحت... فجأة بقت اشوف الجماعة المعاي... كل واحد اشوف نصو التحت.... نصو الفوق مافي....ما في عديل كدي.... يعني شايف من الكرعين لحدي نص البطن.... تاني لفوق فراغ....... نحن راجعين قلت لهم يا اخونا انا اكون نسيت نص عيوني الفوق محل ما كنا قاعدين؟.....وكل عين حسي شغالة بالنص التحت بتاعها؟...... الجماعة مافي زول ردا علي... كل واحد فيهم سارح في بلد.... مشيت كداري... لحدي البيت... خليت المدرسة.... ارجع اسوي شنو في المدرسة وانا عيوني انصاص؟...... دخلت البيت قابلتني امي... اشوف امي نصها الفوق بس.. والنص التحت مافي... انا اخوك انت... النص التحت حق عيوني اتعطل...لكن الفوق اتصلح؟ ... جا ابوي داخل....ما اشوف الا نصو التحت.... لابس بنطلون و جزمة باتا ايوا.. اعيوني بشوفن نص الرجال التحت ونص النسوان الفوق... ابوي قعد جنب امي في عنقريب واحد...وانا مقابلهم في عنقريب..... نصها الفوق وااضح...ونصو التحت واضح......عاينت لهم كدا وقلت يا ولد يا سجيمان.....شوف القدامك دا شخص واحد... يا اما امك يا اما ابوك.... طيب ابوي لا... الوشي وش امي.... خلاص دي امك....لكن امي دي اللبسها بنطلون ابوي والباتا حقتو شنو؟....... طيب نقول لبستو عاين الكرعين وين وباقي الجسم وين..... امي دي تكون اتمطت؟... قدر ما حاولت اركب النصين ديل علي بعضهن ما قدرت وما وصلت لنتيجة......قبلت علي امي وسألتها..... يمة انتي نصك التحت وينو؟..... عاينت وقالت لي يا ولد نصك للكلاب....نسال ابوي يمكن يجاوب... يابا نصك الفوق وينو؟.... قال لها ام سجيمان عوضك علي الله ... ولدك ركب الظلط....امي سكلت وصرخت ونسوان الجيران جن...... واترصن جنب امي في عنقريب واحد مقابلني... اربعة انصاص نسوان قدامي.... وانا اموت من الضحك واضحك واضحك....يمة مالكن عاملت كدا زي المزيرة؟......ودوني المستشفى...قايدني اتنين... نص ابوي التحت بجهة ونص واحد تاني برضو التحت بالجهة التانية...وامي مسكينة مبارينا بنصها الفوق....
غسيل معدة...وطراش...وحقن...ودربات..... يا الله ويا امين حتين العصر كدي...... فتحت عيوني... والحمد لله لقيت كل زول نصو رجع لو......
|
Post: #2
Title: Re: مســــطـول.....فــوق العــــادة
Author: HOPELESS
Date: 05-26-2003, 05:17 AM
Parent: #1
 
بجيك يا سيد الكاربه هسسسسع
|
Post: #3
Title: Re: مســــطـول.....فــوق العــــادة
Author: فنجري
Date: 05-26-2003, 06:02 AM
Parent: #2
لوووووووووووووووووووووووووووول ...الله يستر ما تكون هسع بتشوف انصاص البوستات ..طبعا يا سجيمان طرحت موضوع خطير بشكل فكاهي ...لذيذ...و تعرف مرحلة الثانويات مرحلة خطيرة الواحد بيكون مخو خفيف ... اتذكرت بقصتك قصة حصلت لي صديق عزيز قرب يلصق و يلحق امات طه بي سببا ....و برضو قال انو يوم مشي مع اصحابو في الشمالية جنب النيل و سطلو ليك سطلة قوية ...قال رجع البيت امو شافتو داخل قالت ليه الله جابك يا ولدي الازيار فاضيات عليك الله املاهن ... شال الجردل الاول و جا ماشي قداما هي قاعدة في الحوش ..فاتخيل انو مشيتو ما تمام بتاثير السطلة ..قام غير مشيتو ...الجردل التاني برضو غير المشية زيادة ....التالت امو قالت ليهو شجم خشمي مالك مشيك زي مشي البنات ....تكعوج في كرعيك ...؟؟؟قال طوالي رميت الجردل و مرقت من البيت ما رجعت لما فكت ....
المهم اتمني انو كلنا نتبهم للشباب في الفترة دي لانها اخطر فترة سنية ...
|
Post: #11
Title: Re: مســــطـول.....فــوق العــــادة
Author: سجيمان
Date: 05-26-2003, 08:53 PM
Parent: #3
الفنجري...... والله حسي كان لقيتها.... بس عشان اشوف كفيلي دا نص....يعني ما اشوف وشيهو كلو كلو.... ينعل ابو الغربة ام غراب
|
Post: #8
Title: Re: مســــطـول.....فــوق العــــادة
Author: سجيمان
Date: 05-26-2003, 04:14 PM
Parent: #2
هوبليس.... ما جيت يعني؟
|
Post: #4
Title: Re: مســــطـول.....فــوق العــــادة
Author: أبوالزفت
Date: 05-26-2003, 07:00 AM
Parent: #1
ود امى كنينة تانى تجى الحلة دى
|
Post: #12
Title: Re: مســــطـول.....فــوق العــــادة
Author: سجيمان
Date: 05-26-2003, 08:56 PM
Parent: #4
ابو الزفت....... اريتها كان كانت حلة..... هي مقابر يا ود امي
|
Post: #5
Title: Re: مســــطـول.....فــوق العــــادة
Author: بدرالدين شنا
Date: 05-26-2003, 08:13 AM
Parent: #1
بسم الله الرحمن الرحيم
عليك الله يا سجيمان حاول شوفني بالشنقيطي
|
Post: #6
Title: Re: مســــطـول.....فــوق العــــادة
Author: ابو جهينة
Date: 05-26-2003, 09:36 AM
Parent: #5
سجيمان : إنت عادي فوق السطلة.
المهم البركة ال لحقوك قوام قبل ما الناس كلها تبقى ( إفيزيبل ).
تحياتي
|
Post: #14
Title: Re: مســــطـول.....فــوق العــــادة
Author: سجيمان
Date: 05-26-2003, 09:38 PM
Parent: #6
ابوجهينة......... انا عادي فوق السطلة كيف يعني ؟ ما فهمت........... وبعدين لوبقيت ما بشوف كلو كلو كان اخف قدر.... لكن اشوف الناس بفتحة المفتاح دي المشكلة
|
Post: #13
Title: Re: مســــطـول.....فــوق العــــادة
Author: سجيمان
Date: 05-26-2003, 09:06 PM
Parent: #5
بدر الدين حلاتو...... اشوفك بالشنقيطي؟ ما في طريقة والله.... مزحوم
|
Post: #40
Title: Re: مســــطـول.....فــوق العــــادة
Author: انور عمر
Date: 05-28-2003, 06:59 PM
Parent: #5
سجيمان عليك الله ورنا محلها واسمها شنو ما دام تخلي الواحد يبدع زي ابداعك دا
|
Post: #52
Title: Re: مســــطـول.....فــوق العــــادة
Author: انور عمر
Date: 06-01-2003, 02:52 PM
Parent: #40
الاخ سجيمان
السلام عليكم ورحمة الله وبركاته
الظاهر لسع السطول شايله معاك او اختفيت ليه
|
Post: #53
Title: Re: مســــطـول.....فــوق العــــادة
Author: سجيمان
Date: 06-01-2003, 07:16 PM
Parent: #52
انور.... لا والله السطول ما شايله معاي....... انا الشايلها.......وبعدين اوريك محلو ليه؟... عشان تشيل السطول
|
Post: #7
Title: Re: مســــطـول.....فــوق العــــادة
Author: 3mak Hasabo
Date: 05-26-2003, 10:17 AM
Parent: #1
سجيمان الرمدان
انت عارف اظنك لفيتها بنص كرت عشان كدا عيونك بقو يشوفو نص نص ..لو كان لفيتها بكرت كامل دا كلو ما كان حصل
|
Post: #15
Title: Re: مســــطـول.....فــوق العــــادة
Author: سجيمان
Date: 05-26-2003, 10:05 PM
Parent: #7
عمك حسبو...... لو بكرت كامل..... كان مسحتهم كلو كلو...لكن انت عارف البتاعة دي ابدا ما اعتيادية.... سيوبر والله قادر
|
Post: #9
Title: Re: مســــطـول.....فــوق العــــادة
Author: Elmosley
Date: 05-26-2003, 04:42 PM
Parent: #1
الله يكون في عون الشباب الهسع ياسجيمان
|
Post: #16
Title: Re: مســــطـول.....فــوق العــــادة
Author: سجيمان
Date: 05-26-2003, 10:08 PM
Parent: #9
الموصلي .... ليه؟ بيبعو لهم.... البتاع المضروب والله شنو؟ ..... ناس ما عندها زمة
|
Post: #10
Title: Re: مســــطـول.....فــوق العــــادة
Author: Yasir Elsharif
Date: 05-26-2003, 06:40 PM
Parent: #1
سجيمان
جاتك سلاخية..
ويا موصلي قبل سنين سمعنا أنو السودان بقت فيهو حاجات أخطر من بتاعة سجيمان..
قلتا لي قاعدات زي المزيرة؟؟ اتذكرت مزيرة المدارس زمان...
|
Post: #18
Title: Re: مســــطـول.....فــوق العــــادة
Author: سجيمان
Date: 05-26-2003, 10:17 PM
Parent: #10
دكتور ياسر........ طمنتني الله يطمنك بقولك حاجات اخطر..... بعد ما الموصلي شيلني هم...
|
Post: #17
Title: Re: مســــطـول.....فــوق العــــادة
Author: alfatih
Date: 05-26-2003, 10:12 PM
Parent: #1
سجيمان..
إنت شفت ابوك ..ولا الطيب النص ؟
و بعدين ما احسن من الزول القعد يفتش في رجله الراحت في الرملة
الله يكون في الناس البشوفوا انصاص...و بي الجنبة
ابو القدح بعرف محل بعضي اخو
|
Post: #19
Title: Re: مســــطـول.....فــوق العــــادة
Author: ام طارق
Date: 05-26-2003, 10:18 PM
Parent: #17
اخي سجيمان
ربنا يديك العافيه 000 اسلوبك كالعادة ممتع في السرد
وربنا يردك للنيلين 000 قريبا
ام طارق
|
Post: #22
Title: Re: مســــطـول.....فــوق العــــادة
Author: سجيمان
Date: 05-26-2003, 11:03 PM
Parent: #19
ام طارق شكرا........ قولي ربنا يرد النيلين.... شايفو الايام دي طاشي
|
Post: #20
Title: Re: مســــطـول.....فــوق العــــادة
Author: سجيمان
Date: 05-26-2003, 10:50 PM
Parent: #17
الفاتح........ ابو القدح قاعد يعضي اخوهو وين؟
|
Post: #23
Title: Re: مســــطـول.....فــوق العــــادة
Author: جدو
Date: 05-26-2003, 11:17 PM
Parent: #20
والله دي يا سجيمان قلبت فيها الهوبة عديل كدة
قلت لي انصاص انصاص
|
Post: #24
Title: Re: مســــطـول.....فــوق العــــادة
Author: سجيمان
Date: 05-26-2003, 11:35 PM
Parent: #23
ايوا يا جدو انصاص انصاص....... لو ما مصدق جرب انت
|
Post: #25
Title: Re: مســــطـول.....فــوق العــــادة
Author: HOPELESS
Date: 05-27-2003, 00:10 AM
Parent: #20
المسطوووووول سجي
طبعا اكيييد ماشايف نص اسمك الباقي
الوداك تجرب شنو .... ما عارف الفضول جاب خبر الكديسه
اها النحكي ليك دي حصل بالجد ايام كنا ممتحنين للشهاده السودانيه
وكنا داخلين امتحان الرياضيات وعندنا واحد زميلنا شااااطر جدا زول لا عندو شغله بالحاجات دي ولا شغله
طبعا جينا قبل بدايه الامتحان ممكن بساعه عشان نراجع مع بعض وكدا.. المهم اخونا كان براجع مع شله قاعدين في طرف المدرسه بعييييد .. ومعاهم واحد طلع ليهم سجاره ملفوفه جاهزه
-يا شباب خلونا نشرب السجاره دي عشان الرياضيات دي محتاجه تنظير شديد
اها الجماعه قاعدين والسجاره حايمه زولك .. في وسطهم قاعد -يازول شد ليك نفس عشان تزيد العلم دا وتنظر صاااح
المهم زولك سمع كلامهم ومسك السجاره
نفس
نفسين
تلاته
اربعه
=كو كو كو جرس الامتحان دقه=
اها صوت الجرس دا زي الدقوهو في ناقوس الزول دا شبك لك معي الجر س كو كو كو
وهو ماسك راسو وجاري لافي في المدرسه ... كو ... كو... كو
بقينه في المقابضه
امسك امسك
قبضناهو .. كتف كتف كتفناهو
نادوا الحكيم
انقلوا الزول المستشفي
مشو ودوهو .. وطبعا نحن مافي طريقه غير نخش الامتحان مزهللين
زولك المهم اتعالج يومو داك
بس النتيجه ضيع سنتو ديك كلها
وبقت ليهو درس منها
والحمد لله جات سليمه
|
Post: #26
Title: Re: مســــطـول.....فــوق العــــادة
Author: سجيمان
Date: 05-27-2003, 04:35 AM
Parent: #25
هوبليس....... الكديسة برضووووووووو ضاقت الشديدة؟....والله كدايس الزمن دا الله يكفينا شرهن
بعدين زولك دا.......الجماعةقصدوهو يكونو
|
Post: #21
Title: Re: مســــطـول.....فــوق العــــادة
Author: alfatih
Date: 05-26-2003, 11:02 PM
Parent: #1
سجيمان
بعضيهو جوة الموية
ابو القدح بعرف محل بعضي اخو
|
Post: #27
Title: Re: مســــطـول.....فــوق العــــادة
Author: ابو جهينة
Date: 05-27-2003, 08:22 AM
Parent: #21
سجيمان
أنتفلسف ليك شوية في المعني بتاع ( عادي فوق السطلة )
مسطول فوق العادة ، معناها متعود على السطلة ، بس يومتا كانت السطلة رابطة بي
( ملبوكة سوبر ) و بقت فوق العادة المتعود عليها عادة.
عادي فوق السطلة ( معناتا إنو مستجد على الشغلة ) عشان كدي الفيوزات ضربت.
عندنا واحد يا سجيمان متعود يدخن سيجارة ملفوفة صاح و هو متغطي ببطانية أو ملاية حسب الجو ، و بعد ما يخلصا يجدعا و يغطي بقية جسمو و ينوم.
يوم و هو بيدخن ، سمع ليهو ضربة شديدة برة البيت ، قام إتخلع ، غطى السيجارة و نط هو من العنقريب.
أها دي خلعة فوق السطلة.
|
Post: #28
Title: Re: مســــطـول.....فــوق العــــادة
Author: سجيمان
Date: 05-27-2003, 08:45 AM
Parent: #27
يا ابوجهينة....... راجل بيسطل مرتوحلفت يوم الا تسطل معاهو قال ليه كويس....... قعدو يسطلو.....يسطلو.... شويتين كدا الباب بتاع بيتهم دقا...... المرا قالت ليهو سجمي راجلي جا.......راجلها ما يكضب وينط بالحيطة..وجري
|
Post: #29
Title: Re: مســــطـول.....فــوق العــــادة
Author: Al-Masafaa
Date: 05-27-2003, 09:17 AM
Parent: #28
يا سجم نكتتك دي برضو في واحدة مجارياها
قال ليك لما اصرت الزوجة ان تأخذ بعض الانفاس المنعنعة مع زوجها انبسطت غاية الانبساط قام بعلها قال ليها اها كيف ؟ قالت لية الله يسلمك
|
Post: #30
Title: Re: مســــطـول.....فــوق العــــادة
Author: 3omda4
Date: 05-27-2003, 12:31 PM
Parent: #1
هههههههههههههههههههههههه
بالغته يا مسطول
بقول ليك شنو يا
سجيمان
جربت قبل كدة ابو ستة كروت؟؟؟؟
ما بنصحك
ذكرتني مرة زمان قبل البعاد عنها
زرعنا حبها في مجري الحمام (بلا مؤاخزة)بتاع الداخلية عشان تلحقنا قبل امتحان الرياضيات بتاع اولي
ولكن لو شفت عملت فينا شنو
ماعارف ليه..... اظنو عشان مروية بمويت الحمام
قبلها الرياضيات كانت نص نص لكن بعدها
راحت خالص
___________
متي استعبدتم الناس و قد ولدتهم امهاتهم احرارا
|
Post: #31
Title: Re: مســــطـول.....فــوق العــــادة
Author: Malaz_Afkarna
Date: 05-27-2003, 02:33 PM
Parent: #1
سؤال للدنييا والزمان
انتوا الكروت البلفوا بيها السجاره دى شنو ؟
|
Post: #32
Title: Re: مســــطـول.....فــوق العــــادة
Author: سجيمان
Date: 05-27-2003, 04:01 PM
Parent: #31
ملاذ افكارنا...... دي كروت ديجيتال.. بفكو بها الشفرة
|
Post: #33
Title: Re: مســــطـول.....فــوق العــــادة
Author: ودرملية
Date: 05-28-2003, 01:39 AM
Parent: #32
هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
كروت ديجتال
اهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
|
Post: #34
Title: Re: مســــطـول.....فــوق العــــادة
Author: سجيمان
Date: 05-28-2003, 04:30 AM
Parent: #33
خلاص يا ود رملية اشرحها لها انت....لو ما تقوم تقول لي دي برضو عندنا في رفاعة
|
Post: #35
Title: Re: مســــطـول.....فــوق العــــادة
Author: HOPELESS
Date: 05-28-2003, 04:37 AM
Parent: #34
انا زاتي ما بعرفه
كدي اشروحوا لينا
والكروت دي بيجيبوها ملفوفه جاهزه ولا بيحضروها في البيت مع الغداء
افيدونا افاااااادكم الله
التوقيع
طالب معرفه مثالي
|
Post: #36
Title: Re: مســــطـول.....فــوق العــــادة
Author: Agab Alfaya
Date: 05-28-2003, 05:05 AM
Parent: #35
والله يا سجيمان
ما كنت قايلك زول مبدع قدر دا
كنت قايلك سجيمان ساكت
الليله بس قلت ادخل اشوف المسطول المنكسف دا بقول شنو
من اليوم سجلنى عندك فى دفتر المعجبين
|
Post: #37
Title: Re: مســــطـول.....فــوق العــــادة
Author: سجيمان
Date: 05-28-2003, 05:18 AM
Parent: #36
عجب العافية....... شكرا ومرحب بك مليون
|
Post: #38
Title: Re: مســــطـول.....فــوق العــــادة
Author: HOPELESS
Date: 05-28-2003, 05:20 AM
Parent: #36
يا استاذ عجب
من شروط القبول انك تمشي تسجل في جامعه الونسه البهناك دييييك
وتتخرج باشمونس ومرحب بيك بنيابه
|
Post: #39
Title: Re: مســــطـول.....فــوق العــــادة
Author: Malaz_Afkarna
Date: 05-28-2003, 12:38 PM
Parent: #1
برضو ما وريتونى الكروت دى شنى برمجتو بى ساكت
|
Post: #41
Title: Re: مســــطـول.....فــوق العــــادة
Author: سجيمان
Date: 05-28-2003, 08:56 PM
Parent: #1
يا ملاذ..... الكروت دي....كروت... بلفو بها السجاير...... وبس
يا جماعة في ردود ما عاوزة تحمل معاي......الحاصل شنو؟
|
Post: #42
Title: Re: مســــطـول.....فــوق العــــادة
Author: motaz
Date: 05-28-2003, 10:16 PM
Parent: #41
سجيمان الفنان الما رمدان
زي ما بيقولو الجيران
لكن يا اخوي دي سطله ولا سلطه الصلها دي
لكن حكايه كروت الديجيتال دي عجبتني شديد
هاك شوتايم دي لوووول
|
Post: #44
Title: Re: مســــطـول.....فــوق العــــادة
Author: سجيمان
Date: 05-28-2003, 11:29 PM
Parent: #42
يا موتز.............. والله ما عارف اسمك كدي صح والله لا؟......المهم عندك حل للكروت غير كدي؟
|
Post: #43
Title: Re: مســــطـول.....فــوق العــــادة
Author: HOPELESS
Date: 05-28-2003, 10:33 PM
Parent: #41
يا اخوي ما تبخ نفسك في الكمبيوتر
دا برضو بيسطل
ولما يسطل بيحمل نص الردود والنص التاني بيديه البحر
|
Post: #45
Title: Re: مســــطـول.....فــوق العــــادة
Author: سجيمان
Date: 05-29-2003, 05:09 AM
Parent: #43
هوبليس............. الغريبة ما جنبي بحر ... يكون بيوديها وين؟........ انا شاكي في البورد دا والله
|
Post: #46
Title: Re: مســــطـول.....فــوق العــــادة
Author: HOPELESS
Date: 05-29-2003, 05:12 AM
Parent: #45
يا زول انت ما عارف البورد دا بحر... وبتماسيحو كمان؟
|
Post: #47
Title: Re: مســــطـول.....فــوق العــــادة
Author: سجيمان
Date: 05-29-2003, 06:37 AM
Parent: #46
يا هوبليس..... تماسيح وابو القدح وقرنتي... وبردة.....وكل انواع الحيوانات البحرية من ذوات الثدي...ومن غير ثدي...... عليك الله امش شوف البوست بتاع بكري بتاع فصل اخونا دافي........تشوف العجب والصيام في رجب
|
Post: #48
Title: Re: مســــطـول.....فــوق العــــادة
Author: انور عمر
Date: 05-29-2003, 10:13 AM
Parent: #47
السلام علكم ورحمة الله وبركاته
يا سجيمان يا اخي ورينا مكان الشغلانية دي عشان عندنا واحد سمين جدا ما تقدر تشوف الزول دا كامل الا اذا كان بعيد جدا عنك
خلينا بس نشوفوا نص وخلاص
|
Post: #49
Title: Re: مســــطـول.....فــوق العــــادة
Author: سجيمان
Date: 05-29-2003, 11:00 AM
Parent: #48
يا انور يا اخوي...... زولك السمين دا حتشوف نصو التحت..... يعني يبقى لك زي الجمل ابسنامين
|
Post: #50
Title: Re: مســــطـول.....فــوق العــــادة
Author: Malaz_Afkarna
Date: 05-29-2003, 12:25 PM
Parent: #1
سمح
|
Post: #51
Title: Re: مســــطـول.....فــوق العــــادة
Author: سجيمان
Date: 05-29-2003, 07:29 PM
Parent: #50
ملاذ ان شاء الله تسمح ايامك
|
Post: #54
Title: Re: مســــطـول.....فــوق العــــادة
Author: Ahmed satoor
Date: 06-01-2003, 08:36 PM
Parent: #51
يا سجيمان ما قلناليك فك المسجون وخٌمس السيجارة دى، كدى براها بتقتلك بالله عليك ده وارد جوبا والا الشمالية؟
|
Post: #55
Title: Re: مســــطـول.....فــوق العــــادة
Author: Ahmed satoor
Date: 06-01-2003, 08:44 PM
Parent: #54
تعرف يا سجيمان مرة واحد وقفوه فى كبرى الحرية ،ولقو عندو قندول يتلتل ، أصرو عليهو العساكر إنو لازم يوديهم المحل اللى إشترى منو ،
قال ليهم يا جماعة المشوار بعيد
قالو ليهو بنزين حكومة ما يهمك
قعد إنجعص فى العربية وقال ليهم أها جاهزين
ايوة جاهزين
قال ليهم - جوبا
|
Post: #56
Title: Re: مســــطـول.....فــوق العــــادة
Author: سجيمان
Date: 06-01-2003, 09:55 PM
Parent: #55
هههههههههههههههه يا احمد..... اهه ان شاء الله بنزين الحكومة وصلهم؟
|
Post: #57
Title: Re: مســــطـول.....فــوق العــــادة
Author: HOPELESS
Date: 06-02-2003, 04:47 AM
Parent: #56
والله الواحد اعصابو تعابنه
قلنا نجي نجر لينا معاك نفس نفسين ينسونا مشاكل البورد الحايمه دي
ابرم ومد\
|
Post: #58
Title: Re: مســــطـول.....فــوق العــــادة
Author: سجيمان
Date: 06-02-2003, 05:19 AM
Parent: #1
هوبليس........هي كلها قدرو شنو لمن تاخد لك نفسين
|
Post: #59
Title: Re: مســــطـول.....فــوق العــــادة
Author: HOPELESS
Date: 06-02-2003, 05:28 AM
Parent: #58
سجيمان ما تخليك بخيل
نفس ليه... ونفس لشخصيتي التانيه
عشان الاتنين نبقي انصاص ونكون واحد
فك النفس
|
Post: #60
Title: Re: مســــطـول.....فــوق العــــادة
Author: سجيمان
Date: 06-02-2003, 07:19 AM
Parent: #59
نفس لك زنفس لشخصيتك التانية؟ اااااااااااالله.......اوعى تكون انت بت قضيم؟
|
Post: #61
Title: Re: مســــطـول.....فــوق العــــادة
Author: HOPELESS
Date: 06-02-2003, 07:34 AM
Parent: #60
ثابت عندك عرفتك
انت مش خاله دومه حبوبه شروق..؟
معاك دكين الدربكين بوشو السابع
يع قول النيح
مش املييييح
-
|
Post: #63
Title: Re: مســــطـول.....فــوق العــــادة
Author: سجيمان
Date: 06-02-2003, 08:27 AM
Parent: #61
لا انا تماضر.......... بالله شفت الاسمين ديل جايات مع بعض كيف؟ تماضر سجيمان
|
Post: #64
Title: Re: مســــطـول.....فــوق العــــادة
Author: HOPELESS
Date: 06-02-2003, 08:40 AM
Parent: #63
بالله أنت برضو تماضر...؟
وانا اقول الاسمو زي اسمي رقم 6 دا منو؟...اتريك دا انت
-
|
Post: #65
Title: Re: مســــطـول.....فــوق العــــادة
Author: سجيمان
Date: 06-02-2003, 10:01 AM
Parent: #64
والله يا هوبليس انا خايف اسمك رقم خمسة يكون..... بكري ابوبكر
|
Post: #66
Title: Re: مســــطـول.....فــوق العــــادة
Author: HOPELESS
Date: 06-02-2003, 10:09 AM
Parent: #65
في داعي للفضائح دي يا سجيمان يا اخوي.. انت اصلو مابتنبل فوله في خشمك..؟
-
|
Post: #68
Title: Re: مســــطـول.....فــوق العــــادة
Author: سجيمان
Date: 06-03-2003, 04:00 AM
Parent: #66
هوبليس......... الفضائح في شنو؟ ......بكل بساطة يا قول انا او ما انا ....... وبس
|
Post: #70
Title: Re: مســــطـول.....فــوق العــــادة
Author: HOPELESS
Date: 06-03-2003, 04:48 AM
Parent: #68
سجيمان
خائف اقول انا تغالطوني وتقولوا انا مش انا
بس انا حاحظر انا .. رأيكم شنو .. اهو منها تفعيل قانون وكدا
-
|
Post: #62
Title: Re: مســــطـول.....فــوق العــــادة
Author: HOPELESS
Date: 06-02-2003, 07:44 AM
Parent: #60
مكرر بفعل الشديده
|
Post: #67
Title: Re: مســــطـول.....فــوق العــــادة
Author: ايهاب
Date: 06-02-2003, 11:35 PM
Parent: #62
سجيمان ووالله والله والله انا من زمان كنتا عايز اسالك
عن علاقتك بي ركوب الفيل
|
Post: #69
Title: Re: مســــطـول.....فــوق العــــادة
Author: سجيمان
Date: 06-03-2003, 04:03 AM
Parent: #67
ايهاب يا غبيان........ الفيل ما بيركبوهو.......الفيل بيطلعوهو..... زي راس البيت
|
Post: #71
Title: Re: مســــطـول.....فــوق العــــادة
Author: ايهاب
Date: 06-03-2003, 07:37 AM
Parent: #69
lOoOoOoOoOoOoOoOoOoOlz
يا زول ما مشكله
بس ما تحنكني
ولا اقول ليك خلاص الاجابه وصلت تب
|
|