Post: #1
Title: ام بـــــدة شــــريـعة.....وشــــريعة مـدقـاق ودبــــدر
Author: سجيمان
Date: 05-31-2003, 04:13 AM
قالو اتفقو.. يا خديجة بت ابشريعة اختي...لكن قالو امبدة دي دايرين يقسموها علي اتنين.... واحدة حقت الشريعة ودي قالو يسموها امبدة شريعة....والتانية الما فيها شريعة دي دايرين يسموها امبدة ام فكو.....نحن ترانا حسي متحيرين ما عارفين نقعد في شريعتنا دي؟ والله نمشي ام فكو؟....لكن تعالي... يا خديجة اختي....الشي يقسموها كيفن؟....غايتو علي كيفهم..... انا راي مع ابو وليداتي ان بقى داير يقعد هنا ياني معاهو وان بقى داير يمشي ام فكو ياني معاهو....... اه اسكتي وقالو دايرين يغيرو السلام الجمهوري.... قالو دا يسوهو علي الغنية القديمة ديك بتذكريها؟.... البتقول ....." حاجة كولن كولن.... حاجة ست البيتي.. الله يخلي وليدي".... دي قالو عشان الراجل الكلس دا وزير امريكا... كولن بايل..... يا خديجة اختي الراجل ما قصر معاهم..... وصدقو ان بقو دايرين الله يخلي لهم وليداتهم يسمعو نضمو وما يرموهو البحر....وقالو كمان بيدورو يقسمو القروش بين الناس... يلمو القروش دي كلها ويقسموها لناس امبدة ديل كلهم قسمة الحلال والبلال..... علا انا خايفاهم يوسو لنا قسيّّم التبيقة والكبش.....وشفتي يا خديجة اختي.... حتى الشوارع قالو دايرين يقسموها ويغيرو اساميها..... شارع النيل ناس الشريعة قالو داير ين يسمهو شارع....سلسلبيل....وناس ام فكو قالو... يسموهو شارع جون ووكر قرنق.. واصلهم ناس الثورة ام فكو.... ديك عاد ما بالغو عديل كدي..... قالو شارع الثورة بالنص.... ما بيكفيهم... علا يتمو لهم ..........وحلفو قالو لك تلاته ايام بلياليها... قاعدين سيدي وسيدك وسيدهم... ما عارفين... الشربوت دا يكون تابع لمنو؟...غايتو انا ان سعالوني الشربوت دا براهو ما ينضمو فيهو... عيد الضحية بلا شربوت بيبقى عاد يا اخوا ني؟..... لكن المحيرني يا خديجة اختي... التلفزيون دا يقسموهو كيفن؟...... غايتو نحن الراجل البي يلفح ملاية وكيس مخدة سرير الدبل دا ويلبسن ويجي يقرا بهم النشرة ماني دايرنو... ختينا لو القدرو... البيقو لولو عمر الجزلي دا؟..الراجل يا اختي ما خلى لو طقم سرير لمرتو...قبلها وحدها وبراها.......
وحتى الفنانين.... قالو دايرين يقسموهم ....واحدين يتبعو للشريعة وواحدين يتبعو لام فكو.....علا يا اخواتي...... ترباس دا ان مشى بيغادي ام فكو...... البيقابلو منو والبيعاين ليهو منو؟...الراجل وحات الله يا خديجة اختي ما بتعرفي كرشو من جضمو.......لكن حنان بلو بلو ديك ضامناااااااااه لك من ناس ام فكو.....
احيييييييييييي يا اخواتي.... شفتي دا الحر؟ لا.... لا..... نحن اكان كدي مع ناس ام فكو..........
اهه.... اصبري... وقالو كمان عشان يميزو الناس.... يشلخوهم.... ناس الشريعة يشخلوهم مدقاق ود بدر وناس ام فكو يشلخوهم سلم...... عشان يا اختي البواليص ما يغلطو في زول ويتلومو فيهو.... يعني اكان في واحد مسكوهو سكران...وقال لهم انا من ناس ام فكو يقولو ليهو ورينا شلوخك.... اهه دا طوالي يديهم قفاهو و يرفع جلابيتو ويوريهم شلوخو.....طوالي يفكوهو ويطلقوهو يمشي علي اهلو......
|
Post: #2
Title: Re: ام بـــــدة شــــريـعة.....وشــــريعة مـدقـاق ودبــــدر
Author: doma
Date: 05-31-2003, 04:30 AM
Parent: #1
لووووووووووول غايتو يامبدع الله يخليك معناهو مشروع فاشل ا خير يشلخوناكلنا مطارق
|
Post: #3
Title: Re: ام بـــــدة شــــريـعة.....وشــــريعة مـدقـاق ودبــــدر
Author: HOPELESS
Date: 05-31-2003, 04:45 AM
Parent: #1
سجيمان
كولن بايل في زياره تفقديه لامفكو
وقالو ليك الجماعه رحبوا بيهو ترحيب شديد خلاص..واطلعوهو علي الشلوخ وقد ابدا اعجابو الشديد بالفكره .. ووعد انو ينقل التجربه لتطبيقه علي سواحل لاهاي
***
اها وقالو ليك العساكر بياخدو الايام دي دروس في كيفه فرز الكيمان
يعني لازم الواحد يتعرف علي ناس الشريعه من ناس ام فكو من اول نظره وبسرعه شديده حتي لايتلخبط الاختساس
****
اها وقالوا في ناس بيوتون وقعت نصها في الشريعه والنص التاني في ام فكو
ديل بيدرسوا في وضعهم وفي احتمال كبير يخلو حبل فاصل بين الاتنين
وييبقى الحوش في ام فكو للقعدات ونص الحوش لام الوليدات والوليدات
***
ولو في زول سكر في ام فكو وقامت بيهو سكرتو ودتو الشريعه يتحمل نتيجه سكروتو لانو حيطالب باثبات الهويه والهويه شلوخ والشلوخ في الممنوع
وربنا يستر عبيدو
|
Post: #4
Title: Re: ام بـــــدة شــــريـعة.....وشــــريعة مـدقـاق ودبــــدر
Author: doma
Date: 05-31-2003, 04:58 AM
Parent: #3
يا جماعه لكين في نوع زينا كدي لا لامي شريعه لا لامي ام فكو اها نحن نطالب بحي يطلق عليه حي الاعراف
هي يا هوب لس وينو الفرير دمور الطلبتو منك زكاه اللوتريات؟؟؟ ما تنساني انامن الغارمين
|
Post: #5
Title: Re: ام بـــــدة شــــريـعة.....وشــــريعة مـدقـاق ودبــــدر
Author: HOPELESS
Date: 05-31-2003, 05:01 AM
Parent: #4
ناس الاعراف ديل يشتروا بيوت واقعه في نص التخطيط
اها والفرير دمور تلاقيهو مختوت بهناك امشي شيليهو
|
Post: #6
Title: Re: ام بـــــدة شــــريـعة.....وشــــريعة مـدقـاق ودبــــدر
Author: doma
Date: 05-31-2003, 05:13 AM
Parent: #5
بري عاد ابري منك ياجمال ولدي ولا بتعشمني عشم في الفرير دمور اكان كدي ولدي بتك ما بدورها ابوها ما من اربايب الندي
|
Post: #7
Title: Re: ام بـــــدة شــــريـعة.....وشــــريعة مـدقـاق ودبــــدر
Author: doma
Date: 05-31-2003, 05:25 AM
Parent: #6
انت عارف يا سجيمان دي فرصه بزنس جهنميه نفتح محل لتغيير الشلوخ لانه اكيد في ناس ح تغيرمن ام فكو لي شريعه وناس من شريعه لام فكو يا زول \
That is really great!! we are in business again!!!!
|
Post: #8
Title: Re: ام بـــــدة شــــريـعة.....وشــــريعة مـدقـاق ودبــــدر
Author: سجيمان
Date: 05-31-2003, 05:57 AM
Parent: #1
والله يا حاجة دومة..... فكرة ممتازة محلات.. سيجو دوما للتشليخ واعادة التشليخ.........
يا هوب ليس...... الناس المتاهم شريعو لا ام فكو ديل نهجرهم برا البلد...ونعمل ليهم ديم نسميهو ديم خلفو
|
Post: #9
Title: Re: ام بـــــدة شــــريـعة.....وشــــريعة مـدقـاق ودبــــدر
Author: سودانوبس
Date: 05-31-2003, 06:42 AM
Parent: #1
خيال خصب يا شباب
لكن أم فكو..موش معناهو.زول ما لابس كلو كلو.. والله بس لابس لكن من فوق بس
|
Post: #10
Title: Re: ام بـــــدة شــــريـعة.....وشــــريعة مـدقـاق ودبــــدر
Author: سجيمان
Date: 05-31-2003, 07:35 AM
Parent: #9
سودانوبس....... جعلك الله خصبا انت وذريتك...... ام فكو... الطريقة العاوزها انت....... ممكن
|
Post: #11
Title: Re: ام بـــــدة شــــريـعة.....وشــــريعة مـدقـاق ودبــــدر
Author: ود العجمى
Date: 05-31-2003, 07:56 AM
Parent: #1
سجيمان
انت أكيد من ناس أمفكو لأنو الجماعة التانين ديلك ح يتتلوك معاهم كل يوم فى سجن عشان السجارة البتضربها كل صباح وتكتب كتابتك دى
بس يا سجيمان أوعى يكون فيها خارطة طريق كمان
البتدخنها تنفعك انشاء الله انت بتلقاه وين ؟
انا غايتو مشلخ شايقى اها لو داير اتشلخ شلوخ ناس امفكو امسح شلوخى ولا شنو يعنى. ولا الشلوخ الجديدة بتعمل -اوفررايت- على الشلوخ القديمة
|
Post: #14
Title: Re: ام بـــــدة شــــريـعة.....وشــــريعة مـدقـاق ودبــــدر
Author: سجيمان
Date: 05-31-2003, 03:29 PM
Parent: #11
ود العجمي....... الشلوخ الفي الجضوم دي ما بتنفع
|
Post: #13
Title: Re: ام بـــــدة شــــريـعة.....وشــــريعة مـدقـاق ودبــــدر
Author: مهيرة
Date: 05-31-2003, 09:39 AM
Parent: #12
سجيمان اخوى
الله يصبحك بالخير
يا خوى طلع منفستو طازة حسى وقالو حيحل كل المشاكل العالقة بين امبدة-شريعة،وام بدة ام فكو
حل وسط يعنى يرضى كولن باول وما يزعل ناس الحكومة، المشروع الجديد اسمه
شريعة-2 المطورة
ودة حيكفى الناس حر التشليخ والتجريح(يعنى سجى-دوما بيزنس)ما حيمشى
اها المشروع الجديد -شريعة-2 حيودوه لكولن باول بالتبادى يمضى عليه بعدين ناس ام فكو ما عندهم مشكلة تانى
ويا دار ما دخلك شر
لا يقسموا البيوت ولا الشوارع
وكلنا فى الهوا سوا
تحياتى
|
Post: #16
Title: Re: ام بـــــدة شــــريـعة.....وشــــريعة مـدقـاق ودبــــدر
Author: سجيمان
Date: 06-01-2003, 04:42 AM
Parent: #13
يا مهيرة اختي الله يطمنئك........والله كنا شايلن هم..... المشروع ما مشكلة نفكر في مشروع تاني.....بس هم يتفقو
|
Post: #15
Title: Re: ام بـــــدة شــــريـعة.....وشــــريعة مـدقـاق ودبــــدر
Author: سجيمان
Date: 05-31-2003, 07:22 PM
Parent: #12
الدكتور ياسر........ لكن المعارضة السعودية رجعت ونفت الخبر دا!!!!!!!!
|
Post: #17
Title: Re: ام بـــــدة شــــريـعة.....وشــــريعة مـدقـاق ودبــــدر
Author: Ahmed satoor
Date: 06-01-2003, 07:01 AM
Parent: #15
فـــــــــك المــــسجون يا سجيمان وإلا داير تكملها براك.
|
Post: #18
Title: Re: ام بـــــدة شــــريـعة.....وشــــريعة مـدقـاق ودبــــدر
Author: سجيمان
Date: 06-01-2003, 09:57 AM
Parent: #17
يا احمد ...... المسجون وين هو؟ في ياتو حراسة..... في حراسة امبدة ام فكو والله امبدة شريعة؟
|
|