Post: #1
Title: حـــدائق....... ستـنـا اب ريــــل
Author: سجيمان
Date: 06-04-2003, 05:24 AM
الزول الداقس دا.... جاهو تعويض بخمسمائة الف ريال.....وكل ما يلاقني يقول لي.. انت ما عرفت ؟ انا ما جاني تعويض بخمسمائة الف...وانا اقولو والله كويس يا اخي فرحت لك فرح شديد... فكرت بيني وبين نفسي يا ولد يا سجيمان ليه ما تستفيد من قروش الزول دا؟... لكن كيف؟ بقيت كل يوم امشي اتونس معاهو العصر...واحكي لو عن عمي رجل الاعمال الكبير...وخالي رجل الاعمال الاكبر... وجدي... الاكان اكبر مصدّر للحبال في منطقة الرباطاب كلها...وحبوبتي ستنا اول امرأة اعمال في المنطقة وكانت متخصصة في الجردق.. والمحريب....اقول الكلام دا ونحن قاعدين نتفرج في التلفزيون...وفجأة اشوف ساعة بيق بن.... في برنامج.... بس يا سجيمان دي البيعة..... انا لازم ابيع للزول دا الساعة دي .... ساعة بيق بن...ولقيت انو معجب بالساعة دي وبدا يتطلع فيها بشغف.... يلا سجيمان استمر في الكضب.... قلت له تعرف يا سعيد...."بن" العمل الساعة دي وهو سيدها... دا جدي.... جدنا الكبير... كان راجل ضكر... كريم... شهم... لحدي ما النسوان هناك عندنا في السودان قاعدات يغنن لو... في غنية اسمها البنينة..... بتقول يا بنينة هوي بن بنا هوي يا بينا وبنينة بن بنا بين يا بينا.... اصلو جدي كان اسمو بن البنا.......كان احسن مهندس معماري في زمنو الله يرحمو.....يسوي الراكوبة نقطة موية ما تدخلها في المطر..... بعدين شوف باقي الغنية.......
بنا بنا" بن" يا بينا وبينا
وبينا وبنا بين... يا بينا
اجدادك قبيل..من اصل كريم وعزيز
واجدادك قبيل من بدري وصلو الميز
واجدادك قبيل ديل البنو الساعة للانكليز
.....وبعدين تعرف يا سعيد اخوي... اللحن بتاع الغنية دي... زي دقات ساعة بق بن بالضبط...اهه دحين انا حسي الساعة دي ان بقت عجبتك....انا ببيعها لك هي اصلها ورثة لكن الموضوع دا بخلصو لك....بعدين لمعلومتك الاستلام في لندن..... تمشي انت وتقلعها وتشحنها علي السعودية.... ان بقت الساعة ما عجبتك.... عندي قطعة ارض في قلب الخرطوم..... حقت حبوبتنا ستنا... الله يرحمها... اسمها حدائق ستنا اب ريل... وبنضمكم انتو حدايق ستنا ابوريل... ناس السودان الغبيانين... قاعدين يقولو لها حدائق ستة ابريل.... غايتو جنس عدم فهم؟..... اصلو جدي الجزولي جاب بنتين بس.... حبوبتنا ستنا دي....واخوتها الكبيرة ريل.... وكانو بيقولو ابوريل....ريل دي ماتت وهي شافعة... وجدنا بعدين مات...وفضلت حبوبتنا ستنا.. و..ورثة الواطة دي....غايتو بنبيعها لك بمتاين وخمسين الف....وشيل معاك سلك شايك من هنا وروح طوالي سورها... ونجيب لك كل اوراقها مكتملة....ومبروكة عليك.... غايتو ديل مشروعين يدخلو لك دهب بعدين..وانت فكر والبتبقى عليهو..... تديني عربون عشرة في المائة من القيمة......مرقت منو وانا افكر اقول كان الاتنين ديل مافي واحد نفع معاهو.... ابيع لو برج.... خالتي.... البركة
|
Post: #2
Title: Re: حـــدائق....... ستـنـا اب ريــــل
Author: bushramk
Date: 06-04-2003, 05:38 AM
Parent: #1
يا سجيمان ...صباحك بق ..بن يا عســـــــــــــل
ياخوى قبل ما أدخل فى البيعة دى وآخد حق السمسرة ..ياخوى الناس دى كلها بتظبط ساعتها على المدعوة دى ..هى صحى مظبوطة؟ ولا ساعتى ام تلاتين ريال دى أظبط؟
بعدين حدايق ام ريل دى فى زول ولدوها فوقهاولا جنبها...أها ..المخارجة كيفن معاهو ...دا بياخد حقو بالشاكوش؟
|
Post: #3
Title: Re: حـــدائق....... ستـنـا اب ريــــل
Author: سجيمان
Date: 06-04-2003, 06:46 AM
Parent: #1
اما عن بق بن يا بشرى..... يقولو انها مضبوطة لحدي قريب دا..........اما زولك الولدوهو في الحدائق بتاعتنا دي......ما ليهو اي حق.... في ناس بيلدوها في مستشفى عمنا البلك.......... يعني خلاص بقى ليهو حق في المستشفى؟
بطلو الصلبطة
|
Post: #4
Title: Re: حـــدائق....... ستـنـا اب ريــــل
Author: bushramk
Date: 06-04-2003, 07:33 AM
Parent: #1
هو ولدوهو فى جنينة جنبكم لكن كان بنطط عندكم ...حيقول ليكم دى بوضع اليد زى ما مسك البيت اللونه ابيض شرق حدايقكم دى
وخلينا فى موضوع الساعة ....انا ما عايز حق السمسره كاش ممكن آحدو حمام....داير اسوي برج ...من ماتجى تقول لى جدك عندو برج أيفل وكان اسمة أيوه فــل
|
Post: #5
Title: Re: حـــدائق....... ستـنـا اب ريــــل
Author: سجيمان
Date: 06-04-2003, 08:14 AM
Parent: #4
يا بشرى يا اخوي ...... برج ايفل مبروك عليك لكن اظنو حيموت في ايدك..........بس ما تشبك في سعد قشرة
|
Post: #6
Title: Re: حـــدائق....... ستـنـا اب ريــــل
Author: كوليل
Date: 06-04-2003, 01:43 PM
Parent: #1
ياخوى خليك من الاستنكاح بتاعك دة
فى الدنياء دى إنتا ماناوى تجيبها لى بر
مرة حرامى مرة نشال مرة .... ومرة
لاكن أقول ليك شكلك بقول بتاع بهائم ساكت شوف شغلتك دى
أحسن ليك ولا كمان لو عاوز شغل إتصل بى الرقمه 0024911999 وقول
لى اى زول يجيك عاوز سيدك
وإنشاء الله مابقصر معاك
|
Post: #8
Title: Re: حـــدائق....... ستـنـا اب ريــــل
Author: سجيمان
Date: 06-05-2003, 05:52 AM
Parent: #6
كوليل....... دا رقم منو دا؟
|
Post: #7
Title: Re: حـــدائق....... ستـنـا اب ريــــل
Author: alfatih
Date: 06-04-2003, 08:27 PM
Parent: #1
سجيمان
الله يديك العافيه ويسكنك زاويه
قول اميييين
اول حاجه ستنا دي كان متزوجا جدي الله يرحمو
وريل كانت قاعده معاها في بيت جدي
هسي فرزنا ليها براها عشان عملت 159 سنه وعايزين
ندخلها قينيس للارقام القياسيه.......وناخد حقها
تقوم تتصلبط إنت ؟
وتاني حاجه قلت برج منو ؟ البركه ؟
البركه فيكم....و في الشعب
|
Post: #9
Title: Re: حـــدائق....... ستـنـا اب ريــــل
Author: Al-Masafaa
Date: 06-05-2003, 09:03 AM
Parent: #7
يا سجم
بطريقتك دى حتقول الهلال و المريخ بتاعنك كمان، بعدين زولك اب خمسمية دة داير تلحسها كلها منو انت بس ضحكوا بديك متر و كفاية عليك الطمع ودر ما جمع
|
Post: #12
Title: Re: حـــدائق....... ستـنـا اب ريــــل
Author: سجيمان
Date: 06-05-2003, 06:28 PM
Parent: #9
المسافة يا اخوي..........الزول دا عشان اضحكو علا اكلكلو
|
Post: #11
Title: Re: حـــدائق....... ستـنـا اب ريــــل
Author: سجيمان
Date: 06-05-2003, 11:16 AM
Parent: #7
الفاتح....... البركة في الجميع ...... المات منو؟
|
Post: #10
Title: Re: حـــدائق....... ستـنـا اب ريــــل
Author: adil amin
Date: 06-05-2003, 09:38 AM
Parent: #1
الاخ مايكل جاكسون "سجيمان
بطل التمسحة بتاعتك دى واقيف بعيد
اوعك تمشى تتصلبت فى تمثال الحرية فى نيوييوك
اصلو قطعة الارض الفيها التمثال دى بتاعة جد قنقليزة بت الريس ودى وهسع المريكان الكضابين سموها كونداليزا رايس وهى خالتى لزم طبعا خالتى وكان زمان جدنا موسى هاجر من الشمال اتزوج واحدة من الاميرات من بنات على دينار وبعدين ولدت ادم وبعدين ادم ولد الريس والريس ولد قنقليزة وانا قريت تاريخها هنا فى البورد ده ...وكل الورق وما يلزم عندنا ونحن ان شاء الله حنجيب التمثال ده بعد (حرية السودان )ونختوا فى حدائق مايو عشان يتطوطحوا فيه الشفع ويتظحلطو فيه الناس السجمانين ذييك والمتسلبطين عشان يقعوا على رقبتم يكسروها ويريحنوا من بوستاتم السجمانة دى
قال بق بن .قال
|
Post: #13
Title: Re: حـــدائق....... ستـنـا اب ريــــل
Author: سجيمان
Date: 06-06-2003, 02:57 AM
Parent: #10
عادل يا اخوي ...... كتابنك ماشة كويس وموضوعك ماشي تمام التمام لكن اول ما وصلت لكلمة"يتظحلطو" دي تب ما عرفت شي قدر ما حذفت حرف والله اذفت حرف.... مشيت فتشت لسان العرب... لقيت التفسير كلاتي
تظحلط الضب من الحيطة ... اي... انزلق ووقع علي ظهرة من الحيطة.....وتظحلطت المرأة.... اي .... تدلكت بالعجين ساعة الضحوية
وتظحلطت الامة...... اي ركبت القصبة....وهذا نادرا ما يحث الا في بلاد بين النهرين
|
Post: #14
Title: Re: حـــدائق....... ستـنـا اب ريــــل
Author: adil amin
Date: 06-06-2003, 03:07 PM
Parent: #13
اخوى سجيمان
تحية طيبة
طبعا انت ما زينا ولد مدن وما قريت الروضة وعرفت الطوطحانية والظحلاطة....عشان كده عندك عقدة من مايكل جاكسون
طبعا هذه المفردات تطورت وبقت المرجيحة ومدينة الملاهى ومنتزه المقرن العائلى...لكن الظحلاطة هى الظحلاطة وهو اسم الة تخلى الزول الما بعرفا والماسكاه الشلاقة ينبرش على قدومه ويتملى وشه تراب والعجيب لو شافو ناس الكاميرا الخفية
لكن يا اخوى بلاد ما بين النهرين دى غريبة شوية ..ما ممكن النهرين ديل يكونو النيل الابيض والنيل الازرق لانى دائما احس اننا واخوانا العراقيين نشبه بعض فى كثير من واوجه التعاسة عشان كده ختينا ليك (حرية السودان )بين قوسين عشان تفهم
يعنى نفهم انك اقتنعت انه تمثال الحرية حقنا نحن وبق بن حقتكم انتوا واصلو الزمن ما عنده قيمة فى السودان او فى الغربة لكن الحرية عندها قيمة فى كل مكان...يعنى نحن لا بنبيع لا بنقايض ولو يدفعوا لينا الفرق كل عائدات النفط السودانى والعراقى الضايع
هدر على حد السواء
بعدين ياخى سجيمان لا تزور تاريخ السودان الحديث وتبخس الناس اشيؤهم اسمها حدائق مايو وعملا نميرى وليس ستنا بريل
سلام سجيمان الى البوست القادم مع تحياتى
|
Post: #15
Title: Re: حـــدائق....... ستـنـا اب ريــــل
Author: سجيمان
Date: 06-08-2003, 04:02 PM
Parent: #14
علا يا عادل يا اخوي انت من زمن نميري؟ انا زمن نميري دا غايتو بذكرو طشاش طشاش.......واكان ما اخاف الكضب حتى زمن البعدو برضو طشاش طشاش
|
Post: #16
Title: Re: حـــدائق....... ستـنـا اب ريــــل
Author: ابو جهينة
Date: 06-09-2003, 09:40 AM
Parent: #15
سجيمان : كيفك يا الحبيب. طولنا منك شديد
إنت المصري الباع التروماى للصعايدة قريبك ؟
بالله نفس الخطة و الدردقة.
|
Post: #21
Title: Re: حـــدائق....... ستـنـا اب ريــــل
Author: سجيمان
Date: 06-10-2003, 12:43 PM
Parent: #16
ابو جهينة الله يسلمك........ المعايش جيناها بخشم الباب ما عرفنا فيها شي...... قلنا نجيها بالشباك
|
Post: #17
Title: Re: حـــدائق....... ستـنـا اب ريــــل
Author: adil amin
Date: 06-09-2003, 03:25 PM
Parent: #15
سجيمان قصر الديك....والله كضبك تزول منه الجبال يعنى حسب كلامك ده عمرك 13 سنة بس يعى مولود فى زمن الانقاذ وعمرك 13 سنة بتوقيت قرنتش ليك حق تشترى بق بن
يا اخوى اليوم فى سنين الانقاذ بالف عام مما تعدون وانت زمن نميرى كنت فى طلا ئع مايو يعنى عمرك كده 200 سنة وحسبا لكن نحن لم نولد بعد
الا بعد ما تجى البنت الحديقة السودان
|
Post: #18
Title: Re: حـــدائق....... ستـنـا اب ريــــل
Author: عشة بت فاطنة
Date: 06-09-2003, 10:44 PM
Parent: #1
هي يا سيجي انت بهنا سلامتك وكمان مصلبت في جناين حبوبتى معزة
الاسلبت فيها نميري وسماها حدايق مي وبعدو جيتو سويتوها حدايق رييل انا حارفع عليكم خق الشفعه اعمل حسابك
|
Post: #19
Title: Re: حـــدائق....... ستـنـا اب ريــــل
Author: فيصل النعيمه
Date: 06-09-2003, 11:01 PM
Parent: #18
الأخ العزيز فهيمان
هو الجماعة ديل حيكونوا خلوا ليك فيها حاجة .. غايتو ما عارفك حسبت حق الجماعة ديل مع حسبتك ولا حتطلع من المولد بدون حمص
|
Post: #20
Title: Re: حـــدائق....... ستـنـا اب ريــــل
Author: HOPELESS
Date: 06-10-2003, 06:01 AM
Parent: #19
الباشمونس سجيمان
سلام يا حبوب
دا شنو دا..؟
قام من نومو ولقى كومو وغش قومو ولا شنو..؟
بندور الزكاء حقت القروش دي يا مؤمن .. انشاء تدينا الحله الوارثه من خالك كوكو .. بنرضى بيها
اها الاستلام متين..ورانا مشاغل..؟
-
|
|