Post: #1
Title: عصـــــر......الشـــلاليـف
Author: سجيمان
Date: 07-07-2003, 06:08 PM
اتخلعت....وقمت قعدت علي حيلي.....واتربعت في نص العنقريب...وختيت ايدي فوق جضمي متمحنا....وانا اعاين للتفلزيون...... نوال الزغبي قالو دايرة تعمل عملية لشلوفتها .... عشات تكبرها وتزيدها... لانو حجم الشلوفة الحالي لا يصل الي مستوى ارضاء المعجبين بفن نوال الزغبي.......وبعد شوية سمعت انو دي بقت زي الموضة.....ودكاترة التجميل... يعقدون السمنارات....و يقدمون البحوث في عمليات تكبير الشلوفة...وممكن السنة الجاية...واحد اخصائي تجميل يحوز علي جائزة نوبل في هذا المضمار لخدمته للانسانية بتكبير شلاليف الحسناوات.....لكن شلت هم كبير..... باكر دي الناس في السودان يسمعو بالحكاية دي...ونسوانا وبناتنا....يجرن علي الدكاترة والمستشفيات.....دايرات يكبرن شلاليفهن....وبعدين نحن ما قاعدين نفرق الراجل والمرا واحد......وتصبح الشلوفة الكبيرة صفة جماليه.... يعتز صاحبها بها.... فتراها ماديها قدامو وهو ماشي..وبدل ما يأشر بايدو يقعد يأشر بي شلوفتو امعانا في اغاظة اصحاب الشلاليف الصغيرة....اما الزول الاصلو شلوفتو كبيرة... يا بختو... حيصبح نجم وعلم في رأسه شلوفة....
والنسوان في الونسة لما يوصفن واحدة ويورن جمالها..... اول حاجة يبدأن بالشلوفة......والله يا هنايه سعاد حلوة حلا.....وعندها جنس شلوفة..... تملا الصحن..وكان واحدة شلوفتها صغيرة النسوان يشيلن حالهاوبشتمنها..... امشي يا الشينة يا المصمصة يا لا شلالضيم ولا شلوفة...... ..وكل ما زاد حجم الشلوفة كل ما زادت مكانت البنت الاجتماعية....واصبحت حلم كل شاب.... ان يظفر بذات الشلوفة...وبعدين لانو نحن عورة..... حنبالغ في تكبير الشلوفة... واحيانا... تلاقي الراجل بدل ما دقنو تنزل لحدي سدرو..... تلاقي شلوفتو نازلة لحدي سدرو......ويا بخت الجماعة البيبيعو الصعوط.... لانو زول عندو شلوفة قدر دا... سفتو حتكون.... رطل تمباك..........وكثورة اجتماعية..... تدخل الشلوفة في الفن والغنا......وتتغير اغاني كتيرة.......
سالوني عن حبو انكرت........ ما قريت
لقوهومتخبي....في شلاليف تقول يا ريت
لو كان حبيبي صرخ
ولي شلوفتو ....ملخ
كان الفؤاد ....اتشلخ
وانا كنت ليهو ..................مشيت
............................................
و حتى في اغاني البنات وقطع الرحط... ورقيص العروس الاغاني تتغير........
عريسنا شحد الله.... والله.... ادا
وين.......وين..... تلقو ...زي دا
عروستو.... ام شلوفه..... مدلدلا
وين......وين.....تلقو......زي دا
ويبدن الشاعرات الفحلات من بناتنا في الابداع وانتاج الاغاني لتي تمجد الشلوفة الكبيرة......وتهجو كل ذي شلوفة صغيرة وما عندها طعم...........
امشي خطوة خطوتين والتالته. اقيف
اتلفت وراي...وأشر لي.. ابشلاليف
........................................
ولاّ....... تمعن في التغزل في... محبوبها صاحب الشلاليف التلاتة...
زولي البريدو..... بريدو
هو كوم.......والدنيا كوم
يا ناس حلاتو وحلاة شلوفتو
وقتين يقوم من........ النوم
.......................وهنئيا لامة مشغولة بشلاليفها
|
Post: #2
Title: Re: عصـــــر......الشـــلاليـف
Author: فيصل النعيمه
Date: 07-07-2003, 06:27 PM
Parent: #1
والله يا أخوي سجيمان .. والله أنت تحفة .. قطعت مصارينا بالضحك .. ممكن يرجعوا لناس زمان حبوباتنا الزمان وقت دق الشلوفة كمان .. وممكن كمان النسوان يتعلمن الصعوط عشان يخلي الشلوفة مدلدلة.. الله يجازيك يا سجيمان فيالكلام دا
مع تحياتي وتقديري لك دوما يا أخ عادل الصادق الصديق
ممكن بعد شويه نضيف ليها المهدي
|
Post: #5
Title: Re: عصـــــر......الشـــلاليـف
Author: سجيمان
Date: 07-07-2003, 10:17 PM
Parent: #2
حباب فيصل........... والنسوان يسفن ليه؟ تكبير الشلوفة ساهل.... يمسكوها بسنارة....ويربطوها في كراع العنقريب للصباح.....وبس
|
Post: #3
Title: Re: عصـــــر......الشـــلاليـف
Author: abas
Date: 07-07-2003, 08:03 PM
Parent: #1
سجيمان سجيمان سجيمان
البراطم اسمها البراطم اسمها
|
Post: #4
Title: Re: عصـــــر......الشـــلاليـف
Author: انور عمر
Date: 07-07-2003, 08:18 PM
Parent: #3
لك التحية الاخ سجيمان
لكن بدل الناس تمشي للدكاترة ممكن تجيب النمل (( الرتيله عشان تعضيهو في شلوفتو تورم ويكون صاحب شان عظيم
اما والله لو دخلت الموضه دي في السودان تكون مصيبة لان صاحب الشلوفه الكبيره تكتر ريالتو وتعال وشوف البشاتن في المواصلات
الله يكفينا شرها
|
Post: #12
Title: Re: عصـــــر......الشـــلاليـف
Author: سجيمان
Date: 07-09-2003, 00:17 AM
Parent: #4
تعرف يا انور في حالة زي دي.......حيكون في بامبرز شلاليف
|
Post: #7
Title: Re: عصـــــر......الشـــلاليـف
Author: سجيمان
Date: 07-08-2003, 06:55 AM
Parent: #3
عباس.......نعم اسمها البراطم..لو كانت كبيرة وغيرمنسقة
|
Post: #6
Title: Re: عصـــــر......الشـــلاليـف
Author: artiga
Date: 07-08-2003, 00:50 AM
Parent: #1
سجيمان
بالله شلاليفنا دى نكبرا اكتر من كده نوديها وين
نسالم بيها ولا شنو
مواضيع واسلوب قمة الروعه
|
Post: #8
Title: Re: عصـــــر......الشـــلاليـف
Author: ابو جهينة
Date: 07-08-2003, 10:50 AM
Parent: #6
سي جي لك التحايا
هناك أغاني لم تذكرها :
شلاليفك شلاليفك .............. تخلي الدنيا شمسية
تتدلى فوق صدرك ........... تقول منقة هندية
فوق دربك
|
Post: #9
Title: Re: عصـــــر......الشـــلاليـف
Author: shiry
Date: 07-08-2003, 11:35 AM
Parent: #8
سلام مربع
سجيمان
والله اسالوا ما بسالها
نوال الزغبي
يعني لو كانت حاجة مرضيه
لون اخضرررر لمن كحلي
وشلوفه مدقوقة دقة تفطس عديل كده
وشعر زي ليفة السلك
يعني
كانت بقت فنانه تظهر فقط
في اذاعة الاف ام بس
|
Post: #10
Title: Re: عصـــــر......الشـــلاليـف
Author: HAMZA SULIMAN
Date: 07-08-2003, 03:23 PM
Parent: #9
يا سجيمان
يا رائع يا ابو خيال مبدع
هاك الدوبيت ده
قصيبه التقنت المزروعه فى البلدات
من فوق عنجت ومن تحت الفصوص نيات
وا اسفى على ام بطنا تلات طيات
ام شلاليفا متل فقش الكلى النيات
وابشر بالخير
|
Post: #17
Title: Re: عصـــــر......الشـــلاليـف
Author: سجيمان
Date: 07-10-2003, 06:13 AM
Parent: #10
والله يا حمزة.......دوبيت سمح وانا حفظتو عجبني..........لكن زولك دا كان شوية كدي يحدد الكليه حقت شنو؟ خروف ولاّ تور ولاّ...جمل........لانو بصراحة الاتنين الاخيرات ما فيهن شُكر
|
Post: #11
Title: Re: عصـــــر......الشـــلاليـف
Author: aboalkonfod
Date: 07-08-2003, 03:46 PM
Parent: #9
يا نوال الزغبي شكيتك علي .. الخلقك
واكان ما بتخافي منو شكيتك علي .. أوزيريس
ولا الاسمو شنو داك .. فينوس .. بتاع الناس
السكرون زايد حبتين .. يخصي عليك وعلي
شلاضيميك .. وشلاليفك .. الله يوريني فيهم يوم
ـــــــــــــــــــــــــــــــــــــــ
أخوي ... سجيمان
لك الود يا رائع .. على هذه التحفة والتقريظ
الجميل .. اللطيف
ـــــــــــــــــــــــــــــــــــــــ
وبمناسبة عملية الشلاليف .. داير أهدي
الأخوات الراغبات في تضخيم شلاليفن
أغنية ... شلا لا لا ... أووو
ــــــــــــــــــــــــــــــــــــــ
|
Post: #18
Title: Re: عصـــــر......الشـــلاليـف
Author: سجيمان
Date: 07-10-2003, 11:02 AM
Parent: #11
حسي في ضمتك.... يا ابو القنفد.....دعاك لي نوال دا من صحك؟......يا زول ديل شلاليف ولاّ شلاليف بي داعوهن....امانة ما اتلوم يا شيخ العرب
|
Post: #16
Title: Re: عصـــــر......الشـــلاليـف
Author: سجيمان
Date: 07-10-2003, 06:02 AM
Parent: #9
والله يا شيري.......انا زاتي زيك......ماني شايف لي شلوفة نوال دي اي عوجة.........لكن تقولي شنو؟ جن نسوان
|
Post: #14
Title: Re: عصـــــر......الشـــلاليـف
Author: سجيمان
Date: 07-10-2003, 04:53 AM
Parent: #8
ابوجهينة.........انت حيكون لك شأنا..... في الادب الشلوفي .........نشد من أزرك
|
Post: #13
Title: Re: عصـــــر......الشـــلاليـف
Author: سجيمان
Date: 07-09-2003, 01:06 AM
Parent: #6
ارتيقا.......... نضرب بها بوهية
|
Post: #15
Title: Re: عصـــــر......الشـــلاليـف
Author: hala guta
Date: 07-10-2003, 05:23 AM
Parent: #1
يا سجيمان الله يجازيك خليتنى اضحك براى نص الليل
وتانى اغانى من نوع اقيس الفم بودعة دى حيكون مصيرها شنو
ولا تتحول لاقيس الفم بجردل القى الفم واسع
الله يسترنا لمن ندخل قبرنا يا قول حبوبتى الف رحمة عليها
|
Post: #25
Title: Re: عصـــــر......الشـــلاليـف
Author: سجيمان
Date: 07-10-2003, 11:10 PM
Parent: #15
هالة اهلا بك في بوستي الشلوفي...........اقيس الفم بودعه دي تاني تبقى شتيمة........ حتكون اقيس الفم بسرويس
|
Post: #19
Title: Re: عصـــــر......الشـــلاليـف
Author: حنين للبلد
Date: 07-10-2003, 11:48 AM
Parent: #1
يا سجيمان صحى انتى سجمان ومرمد هوى يا يا جنى اها المواضيع كلها كملتها قبلت على شلاليف النسوان وبكرى يقول رشده البالتوك ما دخل هنا شاف الموضوع المهم ده الشلاليف والله حيرتنا معاك اسه ده موضوع شنوالشبكتنا فيه ده خليتنى من اول امبارح اى زول يلاقينى تلقانى مطهمه فى شلاليفه استغفرك يا ربى يا ماالك روحى خجلتنا والله اها هاك البيتين ديل.
يا شلوفه يا منتوفة
زى شارع الزلط مرصوفة
يا ممطوطة يا من الخشم محدوفة
والله يا سجيمان خليتنانتعاور ونستمتع بى عوارتنا منتظره ردك
|
Post: #26
Title: Re: عصـــــر......الشـــلاليـف
Author: سجيمان
Date: 07-10-2003, 11:37 PM
Parent: #19
حنين البلد....... انا كنت قايل نفسي براي عوير........ لكن الحمد لله لقيت لي زول عوير زي...........وبعدين ابيات الشعر بتاعتك........ بداية موفقة لمحاولة شعرية ..... استمري وسيبك من الوزن والبحور والكلام الفارغ البيقولوهو الناس المعقدين الحاسدين ديل......لكن شوفي كل ما اتمعنتي وتأملتي في شلاليف الناس كل ما جادت قريحتك بالشعر الجيد الرصين المرصوف زي شارع الزلط القلتيهو دا
|
Post: #20
Title: Re: عصـــــر......الشـــلاليـف
Author: حنين للبلد
Date: 07-10-2003, 12:03 PM
Parent: #1
يا سجيمان صحى انتى سجمان ومرمد هوى يا يا جنى اها المواضيع كلها كملتها قبلت على شلاليف النسوان وبكرى يقول رشده البالتوك ما دخل هنا شاف الموضوع المهم ده الشلاليف والله حيرتنا معاك اسه ده موضوع شنوالشبكتنا فيه ده خليتنى من اول امبارح اى زول يلاقينى تلقانى مطهمه فى شلاليفه استغفرك يا ربى يا ماالك روحى خجلتنا والله اها هاك البيتين ديل.
يا شلوفه يا منتوفة
زى شارع الزلط مرصوفة
يا ممطوطة يا من الخشم محدوفة
والله يا سجيمان خليتنانتعاور ونستمتع بى عوارتنا منتظره ردك
|
Post: #21
Title: Re: عصـــــر......الشـــلاليـف
Author: حنين للبلد
Date: 07-10-2003, 12:24 PM
Parent: #1
شليفان...اقصد سجيمان منتظرة ردك
|
Post: #22
Title: Re: عصـــــر......الشـــلاليـف
Author: حنين للبلد
Date: 07-10-2003, 01:46 PM
Parent: #1
شليفان
|
Post: #23
Title: Re: عصـــــر......الشـــلاليـف
Author: ترهاقا
Date: 07-10-2003, 10:56 PM
Parent: #22
دكتور: ســــــــــــــجيمان الحبيب
شكلك عايز تخــــــلى الدكترة وتـــــفتح لـــيك محل تــمباك
|
Post: #28
Title: Re: عصـــــر......الشـــلاليـف
Author: سجيمان
Date: 07-11-2003, 07:42 AM
Parent: #23
ترهاقا.......انت قايل ما اخير
|
Post: #24
Title: Re: عصـــــر......الشـــلاليـف
Author: ahmad almalik
Date: 07-10-2003, 10:57 PM
Parent: #1
رائع يا سجيمان كتاباتك الساخرة تذكرنا بالاستاذ الكبير محمد عبد الله الريح، ليتنا نقرأ له في هذا المنبر
|
Post: #27
Title: Re: عصـــــر......الشـــلاليـف
Author: حنين للبلد
Date: 07-11-2003, 07:32 AM
Parent: #1
الرائع سجيمان انت ويييييين والله اشتقنا لى كلامك الساخر الجاد تحياتى
|
|