Post: #1
Title: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 08:33 AM
Parent: #0
ثورة المعلومات....التكنلوجيا....... الايام دي حاسي اني عاوز انحرف بعد العمر دا...الاحساس دا كلو يوم يزيد.لانو كل ما افلس كل ما الاحساس دا يزيد عندي... فكرت اكون فكي... بتاع بخرات وكواديك...والحكايه ساهلة...معداتها متوفرة وموادها الخام ببلاش.....ما حاكون فكي كلاسيكي....لازم استفيد من التكنلوجيا..واوظفها لمصلحتي.....اولا انا بصدد..انشاء موقع..... وغرفة شات في البال توك..... الموقع حاسميهو كواديك ون لاين....... ما حيكون مجاني.....لازم باشتراك شهري و بالعملة الصعبة.....لازم الزول العاوز كادوك يشترك.....لانو أي كادوك اعملو.... حيكون ليهو مدة صلاحية..محددة وبعد داك لازم يجدد.....النسوان ما حيتعبن... يجني في امبدة ولاّ الحاج يوسف.. يدافرن في المواصلات....والشمش الحارة ولحدي ما يلمن في البيت تكون روحن طلعت......بالانترنت..... تشترك.... تدخل على الموقع.... تكتب العاوزاهو وبعدين حتجيها رسالة بالبريد الاليكتروني حقها.... متضمنا البخرة...وطريقة الاستعمال......و الباس ورد بتاعت البخرة.... عشان لو وقعت في ايد زول تاني ما يستعملها ضدها..... كل بخره حيكون عندها باس ورد.......
مثلا..لو واحدة....... حاسه انو راجلها يدأ يلعب بي ضنبو..... وعاوزه ...تكودكو..... ترسل لي...... اسمو واسم امو...وطبعا انا بحتاج أي اثر منو....في الكواديك التقليدية بياخدو....قطعة من جلابتو عراقيهو... أي حاجة..في الحالة دي حاستعيض... بالصوت بتاعو بدلها... تسجل الصوت وترسلو مرفق مع الشكوى.....اقوم انا اظبط الكادوك وارسلو لها ومعاهو الباس ورد والتعليمات.........في الحالة دي....... اول حاجة المرة لازم تطبع كميه من الكواديك بالبرنتر... وتطبقهن تطبيقه معينة...ولازم تحرق بخرة بخرة هو طالع من البيت وهو داخل.....لكن لازم تستعمل الباس ورد...الباس ورد في الحالة دي حيكون....... يا ابو احميد فجخ الطماطم بالزردية......وكل ما تشوف راجلها تقوم تقول الكلام دا....وفي وشيهو....وبصوت مسموع....ولازم تكون مبتسمة للاخر..... وتقول يا ابو احميد فجخ الطماطم بالزردية......وهكذا لمدة تلاتة اربعة ايام.......كل ما تقابل راجلها وتشوفو ...لازم من الباس ورد..... يا ابو حميد فجخ الطماطم بالزردية.....
حالة تانية........... لو واحد..عندو مديرو في الشغل مزهجو...وعاوز يعمل ليهو ريتنزة.....الريتينزة بتختلف من الكادوك.....الكادوك قد يكون بنفس شفرة البخرة ولكن طويل الاجل.....الريتينزة قصرة الاجل اليومي..يعني تشتغل تلاتة ساعات في اليوم بس زي الفاضائية بتاعت ناس جبوتي........برضو الاباس ورد مهمة جدا...... وحتكون...... الاصبع اتنا والكديسة جابت جنا.....في الحالة دي البخرة ما حتكون في ورق ويحرقوهو لا..... ينزل البخرة على فلوبي ديسك ويختو في جيبو.....وكل ماهو داخل على المدير يكون الفلوبي في جيبو....ولازم الباس ورد ...الاصبع اتنا والكديسه جابت جنا......بصوت عالي... لانو اساسا المدير ما حيسمع.... الكلام لانها دي باسورد ..وكيس سينساتيف.....هو حيشوف خشمك اتفتح واتقفل بس............
انا قلت المثلين ديل.....عشان التسويق وكدا...وطبعا كل حالةعندها طريقة براها....واسلوب بيختلف....
ملحوظة.....اي عمل ما بيشتغل الا بالباس ورد.....والباس ورد ما بتصل للشخص الا بعد ما تأكدانو ورد حق الشغل في البنك...........
وما تنسو تزورونا......في كواديك ون لاين
|
Post: #2
Title: Re: يـا ابـو احميــد...........فجــخ الطــماطـم بالـــزردية
Author: HOPELESS
Date: 07-15-2003, 08:39 AM
Parent: #1
السيد امين موقع كواديك اون لاين .. الباندوث كيف برضو بيجف؟
|
Post: #6
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 09:19 AM
Parent: #2
هوبليس....... يجف وين؟ اول حاجة انا حاعمل عمل للسيرفر
|
Post: #3
Title: Re: يـا ابـو احميــد...........فجــخ الطــماطـم بالـــزردية
Author: brakat
Date: 07-15-2003, 09:06 AM
Parent: #1
يا سي جي مان
ما إندك رتينزات
لي هاجات
كبيرات
نجي
نشتري
توالي
واللهي
|
Post: #8
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 09:26 AM
Parent: #3
يا بركات.........تجي وين انت ترسل القروش ونحن نرسل لك المعلوم.......وكل حاجة متوفرة
|
Post: #4
Title: Re: يـا ابـو احميــد...........فجــخ الطــماطـم بالـــزردية
Author: tmbis
Date: 07-15-2003, 09:11 AM
Parent: #1
عفوا مكرر
|
Post: #7
Title: Re: يـا ابـو احميــد...........فجــخ الطــماطـم بالـــزردية
Author: انور عمر
Date: 07-15-2003, 09:22 AM
Parent: #4
الاخ عادل
السلام عليكم ورحمة الله وبركاته
قالوا ادروب قال انو فكي
في جماعه قالوا ليهو أنت فكي قال ايوه والله مويه دا لبن نقلبوا
قالوا لي هو طيب اعمل لينا كبير بين بورسودان وجده قال ليهم والله دايرين تمشوا السعوديه كداري قولوا شي خفيف نجرب قالوا لي هو طيب اقلب لينا الحكومه
قالهم الكبري قلتوا كيف[/RED
|
Post: #13
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 01:55 PM
Parent: #7
المصيبه.....يجيني زول يا انور ويقول لي اعمل كدا
|
Post: #9
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 09:48 AM
Parent: #4
tmbis
معليش.........شوف طريقة تانية
|
Post: #10
Title: Re: يـا ابـو احميــد...........فجــخ الطــماطـم بالـــزردية
Author: ترهاقا
Date: 07-15-2003, 10:35 AM
Parent: #5
\
العـــزيز د سجيمان
والله حلوة قصة فضائية جيبوتى ، تعرف مرة بشوف فى المحطة دى ، فنان بيغنى وعرقان تقول ساكيهو كلب يعنى ما فى تكييف وكمان كان شايل ليهو منديل تقول ام كلثوم المنديل وقع منو فلقيتو متردد ياربى اشيل المنديل اخليهو، لحد ما خلص غناهو ،كمان الإرتريين عملوا ليهم فضائية اليومين بس شكلهم لسع فى حرب
معليش طلعت من الموضوع لكن فضائية جيبوتى لفتت نظرى .
وسلام مكعب يا حبيب
|
Post: #11
Title: Re: يـا ابـو احميــد...........فجــخ الطــماطـم بالـــزردية
Author: دورنقاس
Date: 07-15-2003, 11:32 AM
Parent: #10
سيجمان
رقم بطاقتى الائتمانية 00000000000
انا عايز باس ورد عشان الولية
ولازم يكون يا شرفية لوخى الحنة بالطحنية
|
Post: #17
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 09:14 PM
دورنقاس........متين نحن عملنا الموقع لحدي ما يخترقوهو؟ جبت الباسورد دي من وين..........؟ لكن اعمل حسابك دي بتاعت حاجة تانية.......غايتو شد حيلك والله يقويك
|
Post: #14
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 04:26 PM
Parent: #10
والله يا ترهاقا الواحد احيانا يحن عليهم...... قاعدين يجيبو ناس في التلفزيون تعبانين شديد..... المصيببة ديل يكونو احسن ناس عندهم
|
Post: #12
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-15-2003, 12:40 PM
Parent: #5
حسي عليك الله يا رضا....نضمي دا فيهو اي شي اباحي؟ يا زول انت جنيت؟........انت والله ما عارف بعد تعرس حتسوي شنو؟
اسمع ما داير كادوك للعروس؟......بنجاملك
|
Post: #15
Title: Re: يـا ابـو احميــد...........فجــخ الطــماطـم بالـــزردية
Author: Ridhaa
Date: 07-15-2003, 05:36 PM
Parent: #1
ياسجيمان
حاولنا تذكيرك لتغيير الاسم المابشبهك
ولا كيف يادكتور عادل
Ridhaa
|
Post: #16
Title: Re: يـا ابـو احميــد...........فجــخ الطــماطـم بالـــزردية
Author: abuguta
Date: 07-15-2003, 08:17 PM
Parent: #15
الاخ سجيمان
دى شركة كواديك عديل كدا يعنى لازم يكون عندك فريق عمل متكامل عشان تشتغل 24 ساعة من دعم فنى وفريق مبيعات وموزعين وفروع فى كل انحاء العالم وانت تكون زى المدير العام.
بالمناسبة عندنا واحدة قريبتنا عندها جنى( شيطان) وودوها للشيخ بس هو كان قوى واستطاع ان يتفاهم مع الجنى حقها لكن قال لو طلع منها بمشى لاختها الصغيرة لانه هو ساكن فى البيت دا من زمان وعنده حقوق المواطنة قام الفكى سالهم وين اختها الصغيرة قالو ليه فى المانيا قال للجنى خلاص اطلع وامشى محل ما داير تمشى ,الجنى طلع على طول وراح على المطار بدل يركب السودانية عشان تقع بيه قام ركب اللفتهانزا ومشى ركب فى البت ديك والايام دى متجننا على راجلها واولادها اها دا عندكم ليه دواء ..ورينا شطارتك فى الموضوع دا
وتسلم يادكتور الكواديك
|
Post: #19
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-16-2003, 08:22 AM
Parent: #16
والله حكاية غريبة.......قلت لي الجن لحقها في المانيا؟...........شيخكم داقس....كان يحجز الجواز....
|
Post: #18
Title: Re: يـا ابـو احميــد...........فجــخ الطــماطـم بالـــزردية
Author: ام طارق
Date: 07-15-2003, 11:27 PM
Parent: #1
اخي د. عادل
ما ملاحظ انه الجماعة الطالبين كواديك ديل كلهم من الجنس الخشن مع ان الواقع اكثر زيارة الفقره من النسوان 000
اتاري الجماعة مستنين عصر الكمبيوتر ويشتغلوا لينا كواديك اون لاين الله يستر.
ولك الود
ام طارق
|
Post: #20
Title: Re: يـا ابـو احميــد...........فجــخ الطــماطـم بالـــزردية
Author: سجيمان
Date: 07-16-2003, 06:13 PM
Parent: #18
انتي عارفة يا ام طارق........ لانهن عارفات كلامي دا كلام فاضي.........لكن لو كنت فكي من الجماعة الواصلين......كان البياض باليورو والدولار
|
|