يا بكري...... البـــورد مســــكون

يا بكري...... البـــورد مســــكون


10-18-2003, 03:51 AM


  » http://sudaneseonline.com/cgi-bin/sdb/2bb.cgi?seq=msg&board=61&msg=1135883987&rn=14

Post: #1
Title: يا بكري...... البـــورد مســــكون
Author: سجيمان
Date: 10-18-2003, 03:51 AM
Parent: #0

اي... نعم... مسكون..... لمّ فيهو جن..... من النوع....المابيعرف يميز داك...... وداير يسوطو ليك فوق تحت.....ويدينا نحن السهر ونقعد نحارس فيهو..... ما يقوم يشيل صورتنا ويخت بدلها صورة..... نضم اعوج.....وانت تتلوم فينا والناس يتلومو.....زمان.... كان عندنا جيرانا اتلحم ليك جن....زي جنك دا.... الجن داك ما عندو شغلة غير يشيل هدومهم ويديها الادبخانة....لا بيعرف هدوم راجل ولا هدوم مرا....ولا شافع... يشيل ويرمي في الادبخادنة.. لحدي ما بقو يدسو هدومهم منو عند الجيران......لكن اسكت ساكت اخوك كان يقشر سااااااااكت بي بناطلين الجماعة الممسكننا ليها....وحبيت جنس حب علي حسابهم......وكنت مبسوط من الجن دا......لكن انا لايمو في حاجة واحدة بس..... الجزم.... ما كان بيرمي الجزم في الادبخانة.....اها قامو جابو ليهم انصار سنة....من زقلونا.... وجا برك في البيت يوم كامل.... حتين انت يا جن السواد... اتكشح......دا حين يا اخوي... شوف لك انصار سنة..... وبركو في الوطن السيبيري دا وخلي البرد يطلع روحو.....وبعدين هو بيطلع الجن.......برا........ جيرانا جابو انصار السنة من زقلونا.... انت جيبو من اريزونا
Post: #2
Title: Re: يا بكري...... البـــورد مســــكون
Author: ahmed khair
Date: 10-18-2003, 04:37 AM
Parent: #1

خوي سجيمان
تحياتي ليك الجن الكلكي ولابس ملكي بدقو ليهو الزار دحين شوف لينا ست زار بدق لوليه ونعمل زار للبودر كان الجن ده يفوت
مبع انت ولك الود الجميل


حوده
ــــــــــــــــــ
Post: #5
Title: Re: يا بكري...... البـــورد مســــكون
Author: سجيمان
Date: 10-18-2003, 02:46 PM
Parent: #2

احمد خير اخوي...... خلاس... نكلم عمي حسبو..ينزل بدل لحن الخميس بتاعو ينزل زار الاحد..... وغنية الخواجة.... لملم عدتك
Post: #3
Title: Re: يا بكري...... البـــورد مســــكون
Author: Agab Alfaya
Date: 10-18-2003, 05:35 AM
Parent: #1

الله يجازي محنك ..
يا سيجيمان
قلت لي انصاري سنة،من اريزونا
انصاري سنة شنو ؟ واريزونة شنو؟
دي جن داير فكي ام بتاري كارب جاي من سكتو!
Post: #6
Title: Re: يا بكري...... البـــورد مســــكون
Author: سجيمان
Date: 10-18-2003, 03:46 PM
Parent: #3

عجب الفيا.....انا غايتولو رسلو لي وشافو لي طريقة فزيا.....ببمشي ابرك فوق السيرفر تلاتة يوم.... اطلعك جن جن الجن الراكبو
Post: #4
Title: Re: يا بكري...... البـــورد مســــكون
Author: Maged
Date: 10-18-2003, 05:54 AM
Parent: #1

هى يا سى جى، إنته جنس النضمى ده بتجيبو من وين يااخوى، قطعتة مصارينة لكن...إديك العافية بس وإكفينة شر الجن الإلكترونى ده
عندى قرايبان لى كانو بقرو فى الهند، واليوم كلو ضاربين الشات فى النت، أها قام لم ليك فى صورم واحد من ناس الجن ديل، واشيل ليك راس الواحد فيهم واختو فوق جسم واحد واقف زى ماخلقتو أمو، والجماعة ضربو اللخمة...أها أكان لم في صورتك واحد من ديل حا تعمل شنو ياسى جى ياصاحب الخيال الذهبى ويامبدع إنته؟
إديك العافية
Post: #7
Title: Re: يا بكري...... البـــورد مســــكون
Author: Tumadir
Date: 10-18-2003, 05:05 PM
Parent: #4

c.J.Man

جابوه لى انصارى سنة من الاف بى أى
Post: #12
Title: Re: يا بكري...... البـــورد مســــكون
Author: سجيمان
Date: 10-18-2003, 09:11 PM
Parent: #7

يا تماضر ودا تابع لمجموعة....... شيخ اب زيد بي آي؟
Post: #8
Title: Re: يا بكري...... البـــورد مســــكون
Author: سجيمان
Date: 10-18-2003, 07:40 PM
Parent: #4

انت يا ماجد قيلني انا بهظر؟...... حسي النت دا كلو ما شغل جن انت قايل شنو؟......واصبر حسي بكري يجوط..... بعد شوية الجن يزعل ويلحس الموقع كلو............






حسي يجي واحد يعمل لي فيها اجاثا كريستي يوقولكم اقبضو سجيمان
Post: #10
Title: Re: يا بكري...... البـــورد مســــكون
Author: soma
Date: 10-18-2003, 08:32 PM
Parent: #8

لوووووووووووووووووووووووووووووووول مبالغه لكن ..
سلام يا سجيمان .. والله نفس اكتب بيه مافى .. الله يجازيك بالخير .. عارف انا بضحك لما بكيت .. واتبهدلت بهدله ولميت الجيران .. لوووووووووووووول
والله يا سجيمان انا ما حصل قريت ليك مشاركات بصراحه كده كنت فاكراك بتكتب فى السياسة بس .. وبينى بينك ..انا والسياسه ضرتين حد النخاع ..
يوم بالصدفه اتصل بى بدرالدين شنا. الله يطراه بالخير ..وكان ميت من الضحك قال لى يا سوما بسرعه امشى اقرى سجيمان اليله كاتب شنو ؟ قلت ليه فى شنو .. قال لى ما بقدر احكى ليك بس الموضوع عن بته .. موضوع كان ظريف جدا ..قلت ليه سجيمان ده مش مع ناس السياسه؟؟ قال لى سجمك انتى اكان ما بتقرى بوستاتو ههههههههه .. ومن ديك وانا غيرت راى .. وقلت لى بدر الدين ..صدقو حبوباتنا لما قالوا المابتعرفو اجهلو ... لكن بس كنت مشغوله جدا ..ما بجى النت كتير ..لكن بوستاتك جاها بلا ..
وموضوع الجن ده مع انى جبانه جدا ..لكن جد بالغت فيه ..
يديك العافيه يا رب ..ويفرحك قدر فرحى ده مرات ومرات ...وتسلم
Post: #17
Title: Re: يا بكري...... البـــورد مســــكون
Author: سجيمان
Date: 10-18-2003, 10:31 PM
Parent: #10

سوما شرفتي البوست........ غايتو اظنك جايه جارية من الجن...ودخلتي..........ههههه......اما السياسة فلست من اربابها..... لكن هي ما بتخلينا...... تلقيها دخلت في اي حاجة غصبا عننا........ الله يا زاها......يا اخوانا ما ممكن نقعد با سياسة...ناكل ونشرب ونعيش كويس؟
Post: #9
Title: Re: يا بكري...... البـــورد مســــكون
Author: نادر
Date: 10-18-2003, 08:30 PM
Parent: #1

سجيمان عليك الله بي كم كرت؟؟؟
Post: #14
Title: Re: يا بكري...... البـــورد مســــكون
Author: سجيمان
Date: 10-18-2003, 09:58 PM
Parent: #9

نادر...........معرِج
Post: #11
Title: Re: يا بكري...... البـــورد مســــكون
Author: 3mak Hasabo
Date: 10-18-2003, 09:03 PM
Parent: #1

سجيمان الرمدان
انت الجن دا اظنو لاطشك جد جد.....دحين انا مُنزل لحن الخميس!!!! وكان كدى الخوف تمون خاتنى فى بالك بدون سبب....يقوم جنك دا شوف اقرب زول خاتى فى بالك يقبل عليه....والله يا اخوى انا ما ناقص جنون...كفاية المجنن بوبى..
لكن انا عندى اقتراح فى حالة صعوبة وجود انصار سنة.
نمشى المحل دلك البجيبو منو الجماعة الحجابات...بتاعت الزول الكايس ليه جكسوي...والمراة المكضمة راجلها...والعاميا نسيبتها..وهلم جرا.......نمشى نجيب لينا حجاب ماكن من فكى ماكن نربضو فوق السيرفا بتاعت بكرى دى....لكن نحنا نقوم نشفتن ...ما نديه لى بكرى طوالى....ومشى الجماعة بقولو ليك جيب ديك احمر وجيب ضب اعور وسحلية (بت احرار)...نحن زاتنا تكون عندنا شروطنا البشرطها على بكرى....والشروط دى ح نتفق عليها انا وانت بالماسنجر.....عشان الجماعة ديل ما يجو ينطو وينظروا.....يلا امشى على الماسنجر
Post: #13
Title: Re: يا بكري...... البـــورد مســــكون
Author: JIN-AHMAR
Date: 10-18-2003, 09:31 PM
Parent: #11

يا سجيمان الواحد ما صدق لقى ليهو خرابة تأويهو داير تطفشنا مالك؟؟؟
عموماً خالدون فيهابرشام و ان شاء الله لو جيت اغير صورتك حأعمل حسابي و اخت ليك باميلا اندرسون بالحجاب الرسمي
قصرت معاك؟
Post: #15
Title: Re: يا بكري...... البـــورد مســــكون
Author: newbie
Date: 10-18-2003, 10:21 PM
Parent: #13

يا سجيمان زولكم من زقلونا ,,, لانو زقلونا معناها جدعونا ,,, وأول حاجة يعملا الجان يجدع بالحجار ,,, وبعدين يولع النار ,,, لكن بتاع البورد ده دايرلو واحد ايه تي ام مشلخ تي 3 ,,و بتاع اريزونا ده اكيد جلابيتو بتكون قصيرة زي باب الحمٌام ,,,عشان كده الباندودث بتاعو بكون تعبان
الله يجازيك
Post: #16
Title: Re: يا بكري...... البـــورد مســــكون
Author: SAMIR IBRAHIM
Date: 10-18-2003, 10:31 PM
Parent: #15

الدكتور السي جي مان... نقول محمد معانا ما تغشانا......
Post: #22
Title: Re: يا بكري...... البـــورد مســــكون
Author: سجيمان
Date: 10-19-2003, 01:20 PM
Parent: #16

يا سمير....... لو بكري علق اية اية الكرسي في.. السِدادة دا كلو ما كان حصل
Post: #20
Title: Re: يا بكري...... البـــورد مســــكون
Author: سجيمان
Date: 10-19-2003, 01:10 PM
Parent: #15

نوبية..... بتاع اريزونا يكون جلابتو قصيرة ولا لابس شورت؟
Post: #21
Title: Re: يا بكري...... البـــورد مســــكون
Author: سجيمان
Date: 10-19-2003, 01:15 PM
Parent: #13

جن احمر..... انت ظهرت..... فعلا يوم الحادث... لكن يا اخي باميلا دي انا ما بعرفها.. جيب لي واحدة بعرفها عشان الالفة
Post: #18
Title: Re: يا بكري...... البـــورد مســــكون
Author: سجيمان
Date: 10-18-2003, 11:19 PM
Parent: #11

عمي حسبو.........كلو هين الا السحلية دي
Post: #19
Title: Re: يا بكري...... البـــورد مســــكون
Author: نادر
Date: 10-19-2003, 07:53 AM
Parent: #1

سجيمان عليك الله بي كم كرت؟؟؟
Post: #23
Title: Re: يا بكري...... البـــورد مســــكون
Author: سجيمان
Date: 10-19-2003, 03:22 PM
Parent: #19

نادر......جاوبتك
Post: #24
Title: Re: يا بكري...... البـــورد مســــكون
Author: ابو جهينة
Date: 10-19-2003, 03:47 PM
Parent: #23

سجيمان
يديك العافية
أنصار السنة من أريزونا ،، هو من أنصار سنة منو ؟ أكيد أنصار سنة الكاوبوي ،، بس بعدين يا سي جي يقوم رصاصو يلعلع في البورد دة تبقى مشكلة
أرقد عافية
Post: #25
Title: Re: يا بكري...... البـــورد مســــكون
Author: سجيمان
Date: 10-19-2003, 07:51 PM
Parent: #24

يا اخوي يا ابوجهينة.... بكري شديد.... يكون حسي عرف كيف يحوط البورد...... مش قال ليكم غيرو الباس ورد؟..... يكون عشان التحويطة الجديدة.....انا غايتو ما غيرتها....والزارعها الله في الحجر تقوم
Post: #26
Title: Re: يا بكري...... البـــورد مســــكون
Author: Hozy
Date: 10-19-2003, 09:10 PM
Parent: #1

سيجمان
السفنجة دخلت في السبلوقة؟؟؟؟؟؟؟
بالمناسبة سي يعني ايه سبلوقة؟؟
ومن اين اتت؟؟
















لوووووووووول
Post: #27
Title: Re: يا بكري...... البـــورد مســــكون
Author: سجيمان
Date: 10-20-2003, 03:09 PM
Parent: #26

هوزي.... الدخلت في السبلوقة الرغيفة... مش السفنجة...... السفنجة عترت في العتبة....

السبلوقة.... اخت التبروقة.....والاتنين بنات الحنقوقة.....والحنقوقة كشحت الساسوية في الكُدُمبوس
Post: #28
Title: Re: يا بكري...... البـــورد مســــكون
Author: tabaldy
Date: 10-20-2003, 04:03 PM
Parent: #1

واحد مشى لي فكي فارش في السوق العربي
- قال ليهو ده حجاب شنو ؟
- رد الفكي ده حجاب بشفي مية مرض .
- كم ؟
- متين .
- يا زول ما تبالغ .
- خمسية .
- هاه عاين ده ...
- الفين مرض .
- بالله !!
- تلاتة الف مرض .
- شوف شوف أمريكا دي ضربت مصنع الشها وخلتك لييه ؟


سجيمان عارف الفكي ده وين ؟

أبنوسي
Post: #29
Title: Re: يا بكري...... البـــورد مســــكون
Author: سجيمان
Date: 10-20-2003, 06:11 PM
Parent: #28

تبلدينا انت في الفكي؟......ولاّ في الجن الطلع هندي...... والله دا غايتو الله يقدرهم عليهو ساكت
Post: #30
Title: Re: يا بكري...... البـــورد مســــكون
Author: Amin Elsayed
Date: 10-20-2003, 06:40 PM
Parent: #29

.....والحنقوقة كشحت الساسوية في الكُدُمبوس

دابي اقتنعت انك رباطابي؟