ربــي... لا.. تمحنـا...لا.. تبلـينــا

" ذكرو...ان جارية... قدحبلت سفاحًا.. وعندما سئلت عن من الذي واقعها وحبلت..... قالت ان سيدتها... مارست معها الجنس فحبلت منها"...... انتهت الهجيمة
النضم دا سمعتو بي اضاني... في قناة الام بي سي..... والموضوع كان عن تحويل الضكر لي انتاية والانتاية لي ضكر....الجارية الحملت من ستها دي... حيرتني....قالو بعدين كشفو عليها لقو عندها.... جهاز ضكر وعندها جهاز انتاية.....والغريبة متزوجة..... جابو راجلا سعلوهو قال ايوا....المرادي من جدعت فوقا حبلي لقيتا ملخبته كدي...... طيب يا الفالح انت مالك ما طلقتها وقت لقيت عندها النصيبة دي؟......قول ما شفتها بي عينك... نان ما عترت لك في بعبشتك دي؟.....وبعدين نصيبتن تحمّل لها جارية... ماها نصيبة هينة.....وما داير لها رفع ضوء........قالو يمكن خايف من الفضيحة... اها تراها حسي المرا قلت عقلها وحملت لك الجارية..... خم وصر.....والفضيحة رقدت لك لي يوم القيامة........
في نفس الحلقة جابو ولد....... كان انتاية.. واتحول لي ولد......والنضم دا كلو وهو قاعد مسيكين....ويتلفت.... والله يحنن..... لكن انا كان بكان اهلو..... ما بخليهم يحلوهو لي ضكر..... طالما كبر وشبا وهو قايل نفسو انتاية... يخلوهو انتاية زي ما هو وبي أي طريقة.....
قالو برضو"الله يكفينا شر قالو وقولنا"..... قالو مرا في اليمن..... يمنية... بعد ما حملت وولدت ولد..... اتقلبت ضكر.....اها؟.. خسي الولد دا .. يقول لها شنو؟...... يقول لها يابا..؟..... ابوهو قاعد...... يقول لها يمه؟..... هي ما بترضى وتزعل.....غايتو جنس محن في الدنيا دي الله يكفينا شرها.....يعني دي حسي اتقلبت راجل.....وتكون قاعدة متحكرة في نص الرجال ..... وغازا خنجرها في نصها....... وتبرّم في شنبها... يجي الولد ناطي ويكورك لها .. يمه.. يمه....؟؟؟؟........
اللبناينين من عامنهم ناس بدع ومحن.....جابو ولد.... وعمل عملية تجميل... وسو روحو يشبه نانسي عجرم الخالق الناطق....وقال هو مزاجو كدي..... الغريبة مبسووووووووط.. ويضحك سنيّن سنيّن........قال الشباب يعني الضكور..... حرموهو المرقه من اهلو.... اول ما يمرق يقعدو يصفرو ويرفرفو ليهو ويشاغلوهو.......... قالو مرة مشى بيت عرس..... الناس كلها كانت فرحانة انو الحفلة حقت العرس بي نانسي عجرم..........لكن بعدين عرفو انو دا... الزول الاتحول لي نانسي عجرم.....غايتو نحن كان عندنا في السودان ولد زي دا ومرق من الليد...و ركب راسو قال داير يتحول لي فنانة من فناناتنا..... اصلو لا بنخاف لا شيتين.....وبعدين حتكون عملية التجميل ساااااااهلة موية بس.....ما بتكلف اصلها... الوشي يخلوهو زي ماهو ما يلمسوهو كلوكلو.. .. كل البتكلفو العملية ...اتنين كيلو شحم.. سنكيت..... عشان يسو منهن السدُر.......وخمسة كيلو شحم بطن... يسو منهن الكرش......وسنامين حقات جملين... يركبوهن ليهو في الكفرات.......ويمرقوهو علي السهلة......ويقولو لو يلا.... اقع الزواج العُرفي.........

دكتور عادل...
جيت ماري بهنا...
وقلبي أتقطع...
لي الزول القلته...
إنو ...

Quote: والله يحنن

والحنية دي...
رقة قلب...


ولا حنة..
رسم...


و...



وضريــرة...

عبد الرزاق

Quote: والحنية دي... رقة قلب... ولا حنة.. رسم... و... وضريــرة...

عبد الرزاق..... انت بتكتب بالطوال مالك؟....ماك عارف الباندوث بتاع بكري دا محمول وما بتحمل الخمج دا؟...... بارك الله فيك الاتعاطفت مع ود الناس

الله يجازى محنك يا سجيمان


انت البوديك تشوف ناس جنس النضمى ده شنو ؟؟؟


بالله ده حديث تقعد ليه للنهاية هسع ...


غايتو ناس لبنان ديل ؟؟؟؟؟؟؟؟؟؟

الله يجازيك بالخير يا سجيمان.
ضحكت لامن دمعت ..

Quote: يمنية... بعد ما حملت وولدت ولد..... اتقلبت ضكر.....اها؟.. خسي الولد دا .. يقول لها شنو؟...... يقول لها يابا..؟..... ابوهو قاعد...... يقول لها يمه؟..... هي ما بترضى وتزعل

بس يترصد الولية الكانت أمو و أول ما تخزن القات يقول ليها/ليهو : يمة الضكرانة

ابو جهينة

Quote: بس يترصد الولية الكانت أمو و أول ما تخزن القات يقول ليها/ليهو : يمة الضكرانة

غايتو جنس محن ...... الله يكفينا شرها

كدي ندي التابوت دا رفعه

انت يا سجيمان

ما شفت الولد قاعد فرحان كيف وبتكلم بي قنج ودلال نانسي عجرم ما بتتكلم بيهم

انا قلت هو مركب وش نانسي عجرم وقنج هيفاء وهبي

عبس

Quote: ما شفت الولد قاعد فرحان كيف وبتكلم بي قنج ودلال نانسي عجرم ما بتتكلم بيهم انا قلت هو مركب وش نانسي عجرم وقنج هيفاء وهبي

دا خسي يحسبوهو مع منووووووو؟

دي مداخلة لي اخونا حيدر في منتدى عكس الريح... باقي انا وهو الاتنين مشرفين بي غادي....

Quote: لك الشكر ...على مواضعك حلوة وجميلة ...وعميقة... لنعد الى الموضوع: اولا:- اذا كانت ليست لديها لي ما للرجال وما للنساء فيكون السبب من الاتى في امراة جامعها زوجها فقامت بحرارتها فساحقت جارية بكرا وافضت بالماء اليها، فحملت الجارية، فانتظر الجارية حتى وضعت ولدها، ثم رجم المراة، وضرب الجارية «الحد»((304))، واخذ من المراة مهرالجارية، وقال: لا تلد حتى تذهب عذرتها، ورد الولدعلى ابيه((306)). ثانيا اذا كانت لديها لي ما للرجال وما للنساء (جهاز الرجل والمراة) ادلف الى موضوع الضلع اولا فقال علي(ع): علي بدينار الخصي وكان من صالحي اهل الكوفة،وكان يثق به فقال له: يا دينار، ادخلها بيتا وعرها من ثيابها، ومرهاان تشد مئزرا، وعد اضلاعها، ففعل دينار ذلك، فكان اضلاعها سبعة‏عشر: تسعة في اليمين، وثمانية في اليسار، فالبسها علي(ع) ثياب‏الرجال والقلنسوة والنعلين، والقى عليه الرداء، والحقه بالرجال ويمكن ان تكون 12 فى اليمين و11 فى اليسار فهو رجل اما اذا تساوت فهى امراة 0000000000000000000000000000000000000000000000000000000 قال المفيد: وروى بعض اهل النقل انه لما ادعى الشخص ما ادعاه‏من الفرجين امر امير المؤمنين(ع) عدلين من المسلمين ان يحضرابيتا خاليا، واحضر الشخص معهما، وامر بنصب مرآتين: احداهمامقابلة لفرج الشخص، والاخرى مقابلة لتلك المرآة، وامر الشخص‏بالكشف عن عورته في مقابلة المرآة حيث لا يراه العدلان، وامرالعدلين بالنظر في المرآة المقابلة لها، فلما تحقق العدلان صحة ماادعاه الشخص من الفرجين اعتبر حاله بعد اضلاعه، فلما الحقه‏بالرجال اهمل قوله في ادعاء الحمل والغاه ولم يعمل به، وجعل‏حمل الجارية منه والحقه به. وروى محمد بن قيس في الحسن كالصحيح بابن هاشم، عن ابي‏جعفر(ع)، قال: ان شريحا القاضي بينما هو في مجلس القضاء اذاتته امراة، فقالت: ايها القاضي، اقض بيني وبين خصمي. فقال لها: ومن خصمك؟ قالت: انت. قال: افرجوا لها، فافرجوا لها، فدخلت، فقال لها: وما ظلامتك؟ فقالت: ان لي ما للرجال وما للنساء. قال شريح: فان امير المؤمنين(ع) يقضي على المبال. قالت: فاني ابول منهما جميعا، ويسكنان معا. قال شريح: واللّه ما سمعت باعجب من هذا. قالت: واعجب من هذا. قال: وما هو؟ قالت: جامعني زوجي فولدت منه، وجامعت جاريتي فولدت‏مني. فضرب شريح احدى يديه على الاخرى متعجبا، ثم جاء الى اميرالمؤمنين(ع) فقص عليه قصة المراة، فسالها عن ذلك، فقالت: هوكما ذكر. فقال لها: من زوجك؟ قالت: فلان، فبعث اليه فدعاه، فقال: اتعرف هذه المراة؟ قال: نعم، هي زوجتي. فساله عما قالت، فقال: هو كذلك. فقال(ع): لا نت اجراء من راكب الاسد حيث تقدم عليها بهذه الحال،ثم قال: يا قنبر، ادخلها بيتا مع امراة تعد اضلاعها. فقال زوجها: يا امير المؤمنين، لا آمن عليها رجلا و لا ائتمن عليها امراة. فقال علي(ع): علي بدينار الخصي وكان من صالحي اهل الكوفة،وكان يثق به فقال له: يا دينار، ادخلها بيتا وعرها من ثيابها، ومرهاان تشد مئزرا، وعد اضلاعها، ففعل دينار ذلك، فكان اضلاعها سبعة‏عشر: تسعة في اليمين، وثمانية في اليسار، فالبسها علي(ع) ثياب‏الرجال والقلنسوة والنعلين، والقى عليه الرداء، والحقه بالرجال. فقال زوجها: يا امير المؤمنين، ابنة عمي، وقد ولدت مني تلحقها بالرجال! فقال(ع): اني حكمت عليها بحكم اللّه تبارك وتعالى، ان اللّه تبارك‏وتعالى خلق حواء من ضلع آدم الايسر الاقصى، واضلاع الرجال‏تنقص واضلاع النساء تمام. ويستفاد من هذه الرواية‏ان النعلين كانا مختصين بالرجال، اما النساء فيلبسن الخف، ويلاحظ فيها ايضا انه بعدما حكم عليهابالرجولة اعاد عليها ضمير المذكر. وروى ميسرة بن شريح قال: تقدمت الى شريح امراة، فقالت: اني‏جئتك مخاصمة. فقال: واين خصمك؟ فقالت: انت خصمي. فاخلى لها المجلس، فقال لها: تكلمي. فقالت: اني امراة لي احليل، ولي فرج. فقال: قد كان لامير المؤمنين(ع) في هذا قضية ورث من حيث جاءالبول. قالت: انه يجي‏ء منهما جميعا. قال لها: من اين يسبق البول؟ قالت: ليس منهما شي‏ء يسبق، يجيئان في وقت واحد، وينقطعان‏في وقت واحد. فقال لها: انك لتخبرين بعجب! فقالت: اخبرك بما هو اعجب من هذا، تزوجني ابن عم لي،واخدمني خادما فوطئتها فاولدتها، وانما جئتك لما ولد لي لتفرق‏بيني وبين زوجي. فقام من مجلس القضاء فدخل على علي(ع) فاخبره بما قالت المراة، فامر بها فادخلت وسالها عما قال القاضي. فقالت: هو الذي اخبرك، فاحضر زوجها ابن عمها ، فقال له‏علي(ع): اهذه امراتك وابنة عمك؟ قال: نعم. قال: قد علمت ما كان؟ قال: نعم، قد اخدمتها خادما فوطئتها فاولدتها. قال(ع): ثم وطئتها بعد ذلك؟ قال: نعم. قال له علي(ع): لانت اجرا من خاصى‏ء الاسد، علي بدينار الخصي‏ وكان عدلا وبمرآتين، فقال(ع): خذوا هذه المراة ان كانت امراة، فادخلوها بيتا، والبسوها نقابا، وجردوها من ثيابها وعدوا اضلاع‏جنبيها، ففعلوا، ثم خرجوا اليه ،فقالوا له:عدد الجنب الايمن اثناعشرضلعا، والجنب الا يسر احد عشر ضلعا. فقال علي(ع): اللّه اكبر، ائتوني بالحجام، فاخذ من شعرها، واعطاها رداء وحذاء، والحقها بالرجال. فقال الزوج: يا امير المؤمنين، امراتي وابنة عمي الحقتها بالرجال!ممن اخذت هذه القضية؟ فقال: اني ورثتها من ابي آدم وحواء خلقت من ضلع آدم، واضلاع الرجال اقل من اضلاع النساء بضلع، وعدد اضلاعها اضلاع رجل، وامر بهم فاخرجوا((337)).

سجيمان
(((كل البتكلفو العملية ...اتنين كيلو شحم.. سنكيت..... عشان يسو منهن السدُر.......وخمسة كيلو شحم بطن... يسو منهن الكرش......وسنامين حقات جملين... يركبوهن ليهو في الكفرات.......ويمرقوهو علي السهلة......ويقولو لو يلا.... اقع الزواج العُرفي)))

أنا وبكامل عقلي وارادتي وبطوع اختياري، وبناء على ما تقدم، أطالب وبالحاح وشدة الأخ بكري والزملاء والزميلات في المنبر الحر بإيقافك نهائيا عن الكتابة، وذلك للضرر البالغ الذي يقع عليّ يوميا جراء كتاباتك.
انت حتكتلني بالضحك يوم، ياخي لسه ما طلعنا من قصة الخروف بتاعك اباهو تجينا بي الشغلانية الجديدة دي؟؟

استاذي "لو ما اتفلهمت عليهو"
خالد عويس

Quote: انت حتكتلني بالضحك يوم، ياخي لسه ما طلعنا من قصة الخروف بتاعك اباهو تجينا بي الشغلانية الجديدة دي؟؟

سلامتك من موت الضحك......قصة حكيتا قبل كدا... لكن احكيها تاني نحن ورانا شنو؟...

قالو المرفعين لما يجي ياكل الزول يقعد يكلكلو ويكلكلو... لحدى ما الزول يموت من الضحك وبعد داك ياكلو...... اصلو المرفعين من اكلة اللحوم الفرايحية.....وبعدين اعتقد انو دا نوع من الموت اللذيذ.....
اما عن هؤلاء المتحولين من جنس الي اخر ... الله يكون في عونهم....واسعل الله... ينزلو في الحفرة وانا تااااااامي

سجيمان

دا موضوع الموسم...
لكن أنا عندي سؤال :
المولود دا ترضعوا أمو ولا (أبوه)...



ولك عميق محبتي.

السماني.ا.مالك

Quote: المولود دا ترضعوا أمو ولا (أبوه)...

انت رايك شنو ياالسماني؟

Quote: الباندوث بتاع بكري دا محمول وما بتحمل الخمج دا؟

انت ياسى جى الباندوث ده انتايه واللاضكر?? وبعدين محمول واللا محمل واللا حامل

بشرى سليمان

Quote: انت ياسى جى الباندوث ده انتايه واللاضكر??

والله يا بشرى الحكاية جاطت علينا..وبقينا نشك في اي شي..... غايتو الزمن دا تتضمن نفسك وبس.....

سجيمان
طيب الزول\ة ده\دي تكون جندري وللا جندرية؟
أريد فتوى صريحة وواضحة ...

*

*

Quote: اتنين كيلو شحم.. سنكيت

سي جي مان
انتا ضابح شنوا؟

شمهروش

Quote: سي جي مان انتا ضابح شنوا؟

ابو القدح

ود قاسم

Quote: طيب الزول\ة ده\دي تكون جندري وللا جندرية؟ أريد فتوى صريحة وواضحة ...

تقصد الزول بتاع نانسي عجرم؟.... لو تقصد دا...يكون علي قول ابو جهينة.. يكون جندرية ضكرية او اختصارًا" جنضكرية"

فجاجة و عبث
لا يليق براشدين
ولا يشرف المنبر

عثمان محمد صالح

صاحبي رغم الاسى ورغم الظنون

Quote: فجاجة و عبث

دجاجة..و..عدس

فأسٌ ونار
ـــــــــــــــ
يسّر لها موقعها المتاخم لشباك من شبابيك العرش كان مشرعاً حينها
أن تكون ظلالها الفـضوليّة شهيدةً صامتةً على ذاك الحوار القـرآني
بين الرب وملائكته المعترضين على تنصيب آدم خليفةً على الأرض

أفـتتنت بوليدها كما كل أم وإعـتنت بهما وعندما طوّحت بالفخار
الناطق يدٌ لاراد لأمرها إختارت هي الأخرى النزول إلى الحضيض

لكن طباع الخليفة الوديع سيّد الأسماء تبدلت و إستغلظت بعد
هـبوطه إلى الأرض بزمن ٍ وجيز
سئم الظلال وعاف المعاش على الثمار و أخضع رفـيقة شقائه
وذريّـته لجبروت ثم تخطي حدود المكان الأليف مرتدياً ملابس
بربريـّة تحقـقـت بها نبوءة الملائكة هاشاً بعصاة الإكتئاب
الناجم عن خسرانه للفـردوس وتدليل الإله وتمشيط الملائكة
لخصلات شعر حواء مُراح اللعنة من مرج إلى آخر

صامت عن الطعام والشراب وكادت تشرف على الجنون وهي
تـنوح لولا إشفاق نسائم هـدهـّدت لوعـتها فإستحالت دموعها
صمغاً ـ غـفـرانك يا إلهي فـنحن بنوك قـساة جناة نـلـوك
دموع الأمومة ـ وضمّد ملح البحر جراح الفـؤاد الشجري
ـ طابت الجراح بعد عـناء مخلّـفـةً على السوق والأغصان
نتؤات وشقـوق، وطمأنتها الحيوانات بأن وليديها سيذكرانها
يوماً بعد تيه

أشرقـت وأثمر فـؤادها بلقاح أمل بعيد وكست الأرض بمخمل
الإنتظار الأخضر حتى يطيب للغائبين المقام فلا يهجرانها مجدّداً

لم يطل إنتظارها إذ لمحتهما يقـتربان بعشيةٍ تسوقها مظلة من
غـبار مواشي وصيحات فخار وليد
عادا و لكن بلا أشواق
بفأس ٍ و نار
عثمان محمد صالح

سيمان

Quote: كل البتكلفو العملية ...اتنين كيلو شحم.. سنكيت..... عشان يسو منهن السدُر.......وخمسة كيلو شحم بطن... يسو منهن الكرش......وسنامين حقات جملين... يركبوهن ليهو في الكفرات.......ويمرقوهو علي السهلة......ويقولو لو يلا.... اقع الزواج العُرفي.........

هاهاهاهاهاهاهاها
والله كلامك ده البلف الخضرة ما بقدر اقولوا
والله من الضحك بقيت ذى الزول الجابه له خبر

يعنى معنى كده لو فى ولد وداير ينقلب بنت وحسب المشروع الحضارى العذبونابيه ما عليه الا تفصيل عباية ويشترى ليه شروبات دبل فى الكرعين والرجلين ويشوف ليهه طاقية دفاع شعبى
ماركة (دبابين)ويقعد يكوريك(تكبير تهليل -الجقه ده لله - النظرة ده لله - اللمة ده لله )
تحياتى

سى جى
انت ما سمعت بى سامى عجرم بتاع السودان .. الحكاية وصلت هناك بسرعة
يا النبى نوح
ود عابدين

ود عابدين

Quote: انت ما سمعت بى سامى عجرم بتاع السودان .. الحكاية وصلت هناك بسرعة يا النبى نوح

بالله؟......والله يا نبي نوح

بلدي يا حبوب

Quote: يعنى معنى كده لو فى ولد وداير ينقلب بنت وحسب المشروع الحضارى العذبونابيه ما عليه الا تفصيل عباية ويشترى ليه شروبات دبل فى الكرعين والرجلين ويشوف ليهه طاقية دفاع شعبى

بالاضافة لعملية الترقيع الموصوفة في الفقرة "ب"

يا سجيمان والله يعلم الله مشتهية اقرا ليك من يومجيت البلد المسنوحه دى ، هسى يعنى المعنى اختكم مغتربة جيت احصل قبل ما الاغتراب يكمل ، لكن ما لقيت غير احنك للتلفزيون من نانسى عقرب لهيفا وهبى بنات الله يعلم سوووهن وقفلو القالب حقهن شفت جنس الحسادة دى؟ المهم لاقيت ولد سماحة الدنيا عليهو وقال هو تعبان لانو ما عارف روحو ولد ولا بت ؟ من تالاى قلت لى : هسى جنس الولد دا كان خلوه ولد ما كان القصص ما عندها حد ، لكين الله يجازى الكانو السبب عقدو الولد لمن هسى قال ماشى امريكا ، هناك لا ضقلا بعتر ولا زولا بنتر ،وحسى يعنى ماشى خلاس مسافر ، زعلت عليهو ،
زمان يا سجيمان كان عندنا واحدة فى الحلة الله يرحما بتجى لى حبوبة ، كانت لاهى راجل لا مرة راسا عديل ، تشوفا تقول الراجل شنو ، تسمعا تقول المرة شنو ؟ بتلبس العراقى والسروال ، كنا بناديها حنينة ست الصحة ، الساعةالتتف السفة ، ولا اجدع راجل ، وتسكنا ليك الشارع كلو ، يا قليلات الادب تلعبن فى الشارع ؟ وما عندها البفرزا من الرجال ، ولا البخليها مرة ، دحين دى بتقع فىياتو خانة ؟

العزيزة سلمى

شرفتي البوست وسيد البوست
واهل سيد البوست ... اما بعد:-

Quote: وما عندها البفرزا من الرجال ، ولا البخليها مرة ، دحين دى بتقع فىياتو خانة ؟

دي كان تسموها.. ست الصحة الضكرية.....لكن طالما بتسف..فهي اقرب الي الضكور منهم الي الاناتي..والله اعلم....

الوصفة السحرية ..

Quote: اتنين كيلو شحم.. سنكيت..... عشان يسو منهن السدُر.......وخمسة كيلو شحم بطن... يسو منهن الكرش......وسنامين حقات جملين... يركبوهن ليهو في الكفرات.......ويمرقوهو علي السهلة......ويقولو لو يلا.... اقع الزواج العُرفي.........

تخريمــة :

عندنا جارنا زمااااان بجي كل يوم طاشم .. وزهجان ليه من واحدة في الحله جنها نقه نقه ..
وهي كمان ضعييييييييييف علي العليها .. وشييييييينه شنه مرة ونقت ليك معاه ..على حسب سكرتو قال ليها عليك الله كدي قفلي ما تكرهينا انت قايله نفسك سمحـة، ولا السماحة جات بي بتكم .. وعلى حسب سكرتو قال ليها هسع أناامشي اجيب لي ربطت مساويك واثنين كيلو لحمة ما بعمل لي بت ام لعاب زيك كدا يا المحسوبه مع البنات بالغلط.. من اليوم داك ما شفت عافية .. غلبتها المرقة بالمره

وليد 399

Quote: أناامشي اجيب لي ربطت مساويك واثنين كيلو لحمة ما بعمل لي بت ام لعاب زيك كدا يا المحسوبه مع البنات بالغلط.

تعرف صاحبك دا ما اقتصاري.... لو اقتصاري.. ما بيجيب ربطة كاملة بتاعت مساويك..... مسواكين كفاية.....او مسواك واحد يشققو بالخوسة

سجيمان الله يجازيك بالخير قطعت مصارينا بالضحك وعلي قولك والله حاجات تمحن
ودى واحترامى