راويــــــة العباســي

ريحانة البورد

غيابك طــال

ومعاك بنزيد السؤال سؤال

على عثمان
كل سنه وانت وهندويه واخوها وامهم طيبين
ويسال منك الخير

فيك الخير ياسجيمان
سؤال وجيه وزين زييك

العزيز موصلى
كل المنى بعيد حب سعد وربنا يطمنك انت والاسره
وشكرا كتير للسؤال

تعالى بسرعة ايتها الريحانة

راوية شوقـنا ليكى طـال وينك انت

مـدام شامى

الفاتح
مرحب واهلا بيك وتسال منك العافيه و يجافيك المرض

p.s
عاجنى توقيعك شديد

العزيز والغالى جدا صديقى دكتور عادل
شكرا ويسال منك الخير والعافيه يا بركه من جعل محمد نبى ورسوله
المشكله انا كت ماخده فى خاطري شويه وبعدين كل حاجه اتصلحت وقلت راجعه يوم الفالنتين الا غيرت شركه النت بتاعتى والشركه الجديده ناسها حقارين ما بيجو يركبوا ليك الموديوم برسلوه ليك وانت تركبه
وامبارح كان لازم اطلع السوق مرتين اجيب توصيلات ولوازم التركيب
وبس( to make long story short) قعدت اليوم كله في المشكله دي
والليله من الصباح مع الحبان فى الماسنجر باقي لى منهم زمن
وكمان قمت عملت لى ملاح تقليه بى عصيده
واها ادينى رجعت وشكرا كتير للسوال
وسلامى لفريال واخياتها وامهم

جيدن جيتي

فريال واخيتها واميمتهم... ساعلين منك وبيسلمو عليكي

الف حمدالله على السـلامـة يا راويـة، وإن شأء الله النت ما تبوظ تانى..

Quote: العزيز والغالى جدا صديقى دكتور عادل

دا منو دا يا اخوانا .......

كل سنة وانتو طيبين .. يا راوية راسى ضارب من السنة الفاتت .. بسال عن واحد فى البورد قالوا اسمو (كوز السبيل) فتشت عنه فى كل السبايل وسالت كل الكيزان ما لقيتو ؟؟ كيف الحل
شاك

Quote: كل سنة وانتو طيبين .. يا راوية راسى ضارب من السنة الفاتت .. بسال عن واحد فى البورد قالوا اسمو (كوز السبيل) فتشت عنه فى كل السبايل وسالت كل الكيزان ما لقيتو ؟؟ كيف الحل شاك

لم افهم ما تقصده اخ شاك من كلامك هذا ارجو ان توضح

راوية العزيزة
سلامات
وجدت على بريدى الالكترونى مرة رسالة من واحد اسمو كوز السبيل .. تكلم عن ناس كتيرين فى البورد وعن مواهبهم وخصك بكمال الابداع وانك شاعرة وكاتبة واديبة وهذا غير مستغرب .. قال الكلام دا وزاغ لا شفتو فى البورد ولا تواصل معى ولا برد .. قلت يمكن بتعرفيهو .. عموما هو شديد ولضيض فى الكتابة
شاك

شاك

Quote: تكلم عن ناس كتيرين فى البورد وعن مواهبهم وخصك بكمال الابداع وانك شاعرة وكاتبة واديبة...

هل ذكر صديقك الكوز فيما ذكر أنه يعرف راوية شخصيا..؟
اعتقد انها لا تعرف أشكال أومستويات بهذا المستوى يا فهيم..

Quote: عموما هو شديد ولضيض فى الكتابة..

بخيت وسعيد عليهو وعليك..

راوية.. سيبك من التفريعات الوضيعة التي يفهمها كاتبها وحده..

I AM WAITING FOR SHAK TO EXPLAIN

الاخت رجاء العباسى
لك التحية .. انا لا اعرف هذا الشخص .. ثانيا هو لم يذكر الاخت راوية بشر او يعيبها وهى فوق كل العيوب .. ذكر فقط انها شاعرة مجيدة وكاتبة ولها ابداع غزير وبس.. وسمى نفسو كوز السبيل .. وكوز السبيل ما معناتا انو كوز بفهم (الكيزان) المطروح .. اتمنى انو وضحت الموقف لكل ال العباسى وحصل خير
ولكم شكر
شاك

شاك
أعرف جيدا الفرق بين الكوز والكوز.. و أعرف ايضا أسباب كتابتك..
أتمنى أن تذهب بتساؤلك السخيف لجهة أخرى، ليس من بينها بنات العباسي أو أي زميلة محترمة في المنبر.
لا أتوقع رد.. لأني بصراحة كده اكره مجاراتك في تفاهات.

عموما ...
لا رد لى على اسلوبك ولم اقصد شيئا سيئا على الاطلاق واوردت الامر والتساؤل فقط .. ولست من اصحاب السوء وايراد الاشياء غير اللائقة او التافهة او الغير محترمة .. واعتقد ان هذا يكفى ...
وارجو الا يسوقك سوء الفهم لنتائج لم ترد على بالى اطلاقا والا تشيلك الهاشمية للشتم والسب دون مبرر عموما هذا اخر رد اكتبه فى هذا الموضوع ... واسف جدا على سوء فهمك للامر برمته.
شاك

الاخت راوية
الرجاء ان تحوشى عنى رجاء ... لانها ذهبت مذاهب لم ترد على بالى اطلاقا وحمقانة للاشئ .. وسكتنا بغم انكتمنا .. والشارع خليناهو ليها وقلنا الروووووووووووووووووب
شاك

على الأقل أنا عندي كبير يمكن الرجوع ليهو، الدور والباقي عليك..
الاساءة لم أبدأها انا.. وحين أرد على اساءتك فهذا حق سواء لأختي او اي زميلة يساء اليها.. كان اتكتمت ولا صرخت اعلم اننا لن نترك كل من هب ودب يستظرف علينا.. وان شا الله تكون عرفت انك اخطأت في العنوان الذي تنشد.

اولا انا لا ادرى ولا ارى اي سبب فى توجيه سؤالك لى
ثانيا لعلمك ومعلوميتك انا لست بكاتبه او شاعره او اديبه ولم امارس اى من هذه الاداب ولا يوجد اي شخص فى الدنيا يملك معلومه مفادها انى اديبه
ثالثا انا لااعرف شخص باسم( كوز السبيل) و لم اكن فى يوم من الايام عمده او شيخ حله البورد او موظف الاحصاء بتاع البورد لاعرف اعضاءه
واكون مرجع للسؤال عن الاعضاء ولعلمك انا السنه الفاتت لم احظى بشرف العضويه فى البورد
اما اذا اردت بسؤالك الاساءه فانا لااعتبر هذه اساءه ولى الشرف ان اكون كوز سبيل وللعلم انا اعمل طول عمرى لاكون سبيل للناس والمحتاجين وللان اعتقد انى ما خيبت ظن اى شخص قصدنى لغرض وانا راضيه جدا لما اعمله
ثالثا انا عضوه فى هذا البورد باسمى الحقيقى و اضع صورتى الحقيقيه لا لاى سبب غير انى ليس عندى ما اخفيه ولعلمك انا ما (كوز السبيل)

العزيزات بنات العباسي

لا يحيق المكر السيئ الا بأهله ، لستما وحدكن هنا

عندكم اخوان ينافحون عنكم بالغزيز والغالي

مع ودي لكم

مرحباً بعودتك يا راوية. أتابع انطباعاتك الشيقة عن أيامنا الطيبة في أيوا. وقد ذكرت للأخت هالة اليوم بأننا مقصرين معك. فقد راودتنا فكرة الاتصال بك عدة مرات في الأيام الفائتة. ولكن سماعة التلفون ليها رافع.
مرحباً بك مجدداً، والشكر للأخ سجيمان على السؤال عنك، وعلى وصلنا بك، أيتها الطيبة، والأصيلة.
عبرك وعبره أحيي كل من زار، ومن سيزور هذا الخيط، مرحباً بك بمودة صادقة، من أحبابنا الكرام. فإنك، كما قال الدكتور، ريحانة هذا المنبر.