المجــنون....و...العُمـــرة

مشيت العُمرة.... بعد ما اللمين رسل لي الشيكة.....قعدت اربعة شهور بلا شغل.... حايم فوق الناس...من بيت عزابة لي بيت عزابة.....يوم حايم في السوق... لاقني سعودي..... باين عليهو مرتااااااااااااااح..... شديد... كورك لي ... يا زول يا زول.... اتلفت لو..... قال لي انا سمعت انكم في السودان بي تعالجو الزول المجنون وشاطرين في الحكاية دي.... وانا عندي اخوي مجنون ما بتعالجو لي؟.... قلت لو بالحيل بعالجو لك...... كدي امشي اشتري لي بسطونة....وتعال النمشي معاك.....شلت البسطونة في ايدي...ودخلني سماحة بيت... قصر عدييييييل كدي....والعربيات اربعة واقفات.... ودخلت جوا..... ودخلني علي الزول المجنون..... لقيتو متحزم بي عقالو ويردح في نص العوضة....وفي مرا زي القمرا وقت شافتنا زاغت لي جوا... اتاريها دي مرتو.... قلت للزول الجابني انت امرق برا واقفل الباب دا وراك بالمفتاح....وما تفتحو علا اقول لك انا افتحو...... وزولي المجنون في رديحو..... يقفل الباب....وانا اقع لك في المجنون دق...دق نضيف..... لب لب لب لب...... بي تجن مالك اكان ما قلة ادب منك؟.... لب لب لب ... عربتك واقفة؟....لب لب لب لب.... بيتك سمح؟...لب لب لب...مرتك.. زي القمرا؟...لب لب ...لب.....ما جنيت انا المعرس زينب بت الخِدر؟....لب لب لب....وامرق صورة لي زينب شايلا في جزلاني واوريها ليهو....واقول لو..... عاين لي للكعوبية دي وعاين لي مرتك؟.... لب لب لب لب ..اكان كنت معرس البعاتي دا كنت سويت شنو؟...لب لب لب لب....الله مقصر معاك بي شنو؟ عشان تجن ليهو؟.. لب لب لب.... الناس يشربو الموية بالكوز...وزينب بت الخدِر تشربا بالزير تشيل الزير بي ايد واحدة وجق جق جق جق تشرب...وتختو وبااااااااااااااااااع تدشا....لب لب لب... النسوان يغنو ليهن...كان مشت تتفدع........زينب كان مشت تتضرع...؟ لب لب لب .... الله يغيظك....لب لب لب..... في الحمل والولادة دي ما بتشبه النسوان. زينب التلاتة الشفع الولدتُن لي ديل والداهم في جزُر الخدار وهي بتشتري في الخدار....... تملص الجنا زي الوقعت منها شنطة يد... اها زولي من شاف صورة زينب..........راق شوية....وهداء...وبعد شوية... يشعبط فوقي ويقعد يجعر ويبكي...... اتاريني حننتو

تااااااااااااااني يا سجيمان
من بت وقيع الله لي مرت نزار المكرفسة لي زينب بت الخدر ؟
اها اعاد الليلة ارجى الدكتورة من دربي دا ماشة اودي ليها القوالة

الجندرية..... السودان فيهو كم مرا؟ عدي........ يعني شنو لما تتطلعي منو تلاتة في المية فاقد؟

دكتور سجيمان

يعني هو المسكين بس كان فايتو بالصبر

بس ما تقول لي بعد داك الاية اتقلبت لووووووول

سلام مربع

سجيمان الله يجازيك
ماما ح تطردني من البيت ، لانك انت ونزار حسين وشانتير
بوظتي كلامي خااااااالص
هااههاهااااهاهاهاهاهاه

يا شيري

ما بوظناهو ولا حاجة

بدليل

انتي قلتي كلامي..ما قلتي نضمي

يا بتنااااا
شوف عيني السكر نقع
عام الصدير والنهيد طلع
كل الشافه جن وقع
يا بتنااااا
خلي بالك يا سيجمان
ود السافل دا كان معاكم

ود شندي

ود السافل كان معانا وين؟ في بيت المجنون دا؟ يعميني

مايا

فعلا الاية اتعكست.... المجنون مسك البسطونة وقعد يدق في زولنا....ويقولو يا ابقلبا ميت....... مالك ما بتجن؟

لب لب لب لب

وجق جق جق جق

وبااااااااااااااااااع تدشا



اها الليلة شيخ محمداى ما بيحلك

ابو الزفت زاتو


شيخ محمداي دا منو؟

ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها ها الخ

عباس..............ها ها ها ها الخ؟؟؟؟؟؟؟؟؟؟؟؟؟؟؟

الله يجازى محنك يا سجيمان ضحكتنى حتى الثماله

ام الاء

ام الاء............حبابك عشرة

tell me am sitting on system and only i can write in english and trying to add a word to your post .... the problem I couldn't find one can you HELP Dr.

وليم اندرية


هاك الكلمة دي


lup lup lup lup



دي بتاعت الدقة

والله يا سجيمان ما عرفنا المجنون منو انت ولا المجنون
لب لب لب .....مرتااااااااااااااح..... وبااااااااااااااااااع
وطاخ طراخ
ياخي والله ذكرتني بفنجاط وفنجاطة ومين كده الرباطي

كبسيبة

طاخ طراخ...دي انا ما قلتها