Post: #1
Title: كـــــرهتونا..... المنبـــــر....زاتــو
Author: سجيمان
Date: 02-29-2004, 07:49 PM
Parent: #0
يا اخوانا لي كمين يوم كدي.... ادخل المنبر... اقول شوية افرق.....
القى اربعة خبر وفاة..... الموت حقا علي الرقاب.... ما فيها كلام.... لكن برضو ما ممكن وفاة زول واحد يكونو منزلنو نفرين...
سكتنا علي الموت.... فلانة كرعينا قطعوهن لها... نشيل هم لي فلانة ونتمحن ونتحن... ويجي واحد يقول لا يا جماعة ما كرعينا الشي اصابعينا حقات الكرعين....شوية كدي نشيل نفسنا.... غايتو الاصابعين اخف.. شوية.....اتلفت تاني القى اتنين متشكلين وخاتينو قرض....لا وكمان ناس قاعدين في استراليا.... يضربو في الكنقارو ما يجي واحد يقول لي الكنقارو ما بياكلوهو وانت ما بتعرفو...الكنقارو بعرفو بالحيل..دحين هو مو الرابط شافعو في بطنو داك..؟.. الفلاتيات يربطن جناهن في ضهرن والكنقارو يربطو في بطنو.. ... ويجيو يتكتلو لنا هنا.... وعليكم الله فوق كم؟..اعاين كدي القى زول منزل قصيدة....اقعد اقرا فيها...من اليمين للشمال ومن الشمال لليمين من فوق لي تحت ومن تحت لي فوق....وما اعرف فيها صرفا ولا عدلا...يجي زول وراي يقراها ويفهما ويعلق كمان...واجي انا راجع... ووحات الله التدخل عليّ تدخل علي كلاب الحلة.... واقول يا سجيمان باقي لي انت قاعد لك وسط ناس عجم....او انت يا سجيمان زول طربنش....وما بتفهم...وزمنك كلو شايل خريتة الكتب اللتك...جاي من وين؟ جاي من المدرسة... ماشي وين؟ ماشي المدرسة....واكان ما ادوك حق الفطور.. تقعد تجعر وتبكي وتدرق في الواطا...كملت قرايتك وحسي نضم الناس ديل بقى لك كُتر كُتر....ووحات الله ابوك كان عرفك ما فهمت نضم الناس دي علا يعلقك من كرعيك ويطرشك حق فطور السنوات القريتن كلهن..... بس انا اكان عرفت النضم دا بيجيبوهو من وين..... يا ربي يكون ادوهو لهم وقتي البدك الحصص؟...ولاّ وقت كنت بسوي نفسي عيان وبشيل دفتر العيادة وازوق..؟
|
Post: #2
Title: Re: كـــــرهتونا..... المنبـــــر....زاتــو
Author: Abureesh
Date: 02-29-2004, 08:10 PM
Parent: #1
"خـريتـة الكتب"
عرفنا إنت من ياتـو جيل يا سجيمـان.. وقـديما قالو: المرء مخفيـى تحت لسـانـه فتحـدثـوا تعـرفـوا!
الكشكــول.. كتاب المحفوظــات.. ومالى لا أكون حزينـة وليس لى فراخ كبقيـة الحمام..
ومعناهـا بلفظ الإنس هـذا المـرء كــذاب.
|
Post: #3
Title: Re: كـــــرهتونا..... المنبـــــر....زاتــو
Author: smart_ana2001
Date: 02-29-2004, 08:23 PM
Parent: #2
| Quote: اعاين كدي القى زول منزل قصيدة....اقعد اقرا فيها...من اليمين للشمال ومن الشمال لليمين من فوق لي تحت ومن تحت لي فوق....وما اعرف فيها صرفا ولا عدلا...يجي زول وراي يقراها ويفهما ويعلق كمان |
Ain't it funny
!!!!!
|
Post: #12
Title: Re: كـــــرهتونا..... المنبـــــر....زاتــو
Author: سجيمان
Date: 02-29-2004, 10:12 PM
Parent: #3
انت سمارت2001
انا العربي عرفت فيهو شنو؟.. لمن الانكليزي؟
|
Post: #13
Title: Re: كـــــرهتونا..... المنبـــــر....زاتــو
Author: Abureesh
Date: 02-29-2004, 10:45 PM
Parent: #12
دى بالغت فيهـا يا سجيمان.
|
Post: #4
Title: Re: كـــــرهتونا..... المنبـــــر....زاتــو
Author: Alia awadelkareem
Date: 02-29-2004, 08:27 PM
Parent: #2
سجيمان
اللة يخليك لي واللة قلت الانا حاسة بيهو
واللة اقول ليك الناس البتنزل عشرة وحداشر موضوع في اليوم اغراقا للباندوث عن عمد في مواضيع هايفة وفي ناس كدي قربو يقلعوا عديل كدي بالمهاترة
|
Post: #14
Title: Re: كـــــرهتونا..... المنبـــــر....زاتــو
Author: سجيمان
Date: 02-29-2004, 11:43 PM
Parent: #4
عاليا عوض الكريم
اسكتي عليك الله ما تجيبي سيرة الهيافة والمواضيع الهايفة.... حسي يجو يطلعو مواضيعي اكبر الهايفات و يطلعوني انا هايف من الله مو خايف
|
Post: #10
Title: Re: كـــــرهتونا..... المنبـــــر....زاتــو
Author: سجيمان
Date: 02-29-2004, 09:15 PM
Parent: #2
يعني النضم حق الناس ديل....من جيل اكبر من جيلنا انا وانت والفراخ والحمام؟
|
Post: #5
Title: Re: كـــــرهتونا..... المنبـــــر....زاتــو
Author: Tabaldina
Date: 02-29-2004, 08:30 PM
Parent: #1
..
.
سلام يا سجيمان
والله ما قلت الا الحق ..
المشكلة قدر ما بتاع اللبن دا يكورك يقول الباندويث
الناس تجى تخت الاجتماعيات من افراح ومرض فى المكان الما مناسب
وعدم استعابنا للشعر والاشعار دا خلي ساى سرو فى بطنو الحاله انا كنت فاكر نفسي شويعر .
ودا كلو كوم والشكلات كوم والله بينمو فينا روح الشكل والمضاربه
شكلات عابرات القاراات ومكاتب محاماه عبر البحار و ناس تنهى عن خلق
وتأتى مثله وحاجات تانية خليها ساى .
والله انا شخصيا بهناك قلت الرووب وهنا ما فضل الا اقول وووب
اللهم سهل القواسي ..
يا ربي دى بتاعه كيزااااان ؟؟؟
الا نسيت اسالك انت الانقاذيين ديل شكلهم كيف ؟؟
سلام سى جي
|
Post: #15
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:02 AM
Parent: #5
تبلدينا
هوووووووووي يا زول ما تسيس لي بوستي....دا شعرا ما عندي ليهو رقبة.... انا
لا جبهة
لا شيوعي
لا معارضة
لا حكومة
لا هلالابي
لا مريخابي
وما قاعد اسمع غنا
وفهمي تقيل
|
Post: #6
Title: Re: كـــــرهتونا..... المنبـــــر....زاتــو
Author: Osman Hamad
Date: 02-29-2004, 08:31 PM
Parent: #1
ياسجيمان اللخو
الجماعة قالو...نوعى ونوعك دا دايرين يعملو ليهم دروس عصر فى البورد دا.
|
Post: #16
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:07 AM
Parent: #6
عثمان حمد
والله كويس...... نخلي الدافوري ونقعد نصاقرهم؟
|
Post: #7
Title: Re: كـــــرهتونا..... المنبـــــر....زاتــو
Author: دباش
Date: 02-29-2004, 08:49 PM
Parent: #1
الحمد لله لقــيت لي رفيق
انا كنت لما اقراء الكلام الكبار الكبار ده وما افهمه اقول انا مسطح ســاكت لكن الليلة لقيت لى واحد من ناس خــط 100 غرب
وكان النفوس اتصافت الكوم بيكبر
|
Post: #17
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:10 AM
Parent: #7
دباش
انتي برضو زيّ؟....... يعني انا وانت= الطيش مكرر
|
Post: #8
Title: Re: كـــــرهتونا..... المنبـــــر....زاتــو
Author: ASAAD IBRAHIM
Date: 02-29-2004, 08:51 PM
Parent: #1
| Quote: قصيدة....اقعد اقرا فيها...من اليمين للشمال ومن الشمال لليمين من فوق لي تحت ومن تحت لي فوق....وما اعرف فيها صرفا ولا عدلا...يجي زول وراي يقراها ويفهما ويعلق |
وما زالت القصائد تتوالي علي روؤسنا مثل الطوب.
شكرا سجيمان
|
Post: #9
Title: Re: كـــــرهتونا..... المنبـــــر....زاتــو
Author: Ahmed Alrayah
Date: 02-29-2004, 09:05 PM
Parent: #8
نفس الشعور !
وأزيد عليه إني بقرا القصيدة سيّافي...من الكورنر للكورنر 
| Quote: قصيدة....اقعد اقرا فيها...من اليمين للشمال ومن الشمال لليمين من فوق لي تحت ومن تحت لي فوق....وما اعرف فيها صرفا ولا عدلا...يجي زول وراي يقراها ويفهما ويعلق
|
Post: #11
Title: Re: كـــــرهتونا..... المنبـــــر....زاتــو
Author: Abureesh
Date: 02-29-2004, 09:16 PM
Parent: #9
فى الحـالـة دى، تتكـون لجنــة نصـوص عشــان تقــرر البتنشــر من القصــائـد والمابتنشــر..
وإلا كل واحـد عنـدو راى فى ما ينشــر من شعــر وقصــائـد، ومن نثــر لا يفهــم أيضـا.
|
Post: #21
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:22 AM
Parent: #11
ابو الريش
لجنة نصوص؟
زي لجنة مهرجان سودانيزونلاين....؟.....عشان نطلع نحن بي قد القفة برضو......والله جنس حقارة... عشان اصغر منك؟
|
Post: #20
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:16 AM
Parent: #9
احمد الريح
تعال بي جاي
طيش تالت
|
Post: #19
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:14 AM
Parent: #8
اسعد يعني انت قاعد تقرأها وتفهما؟.....والله بختك
وما زالت القصائد تتوالى
تتوالى دي لاقتني وين يا ربي؟
|
Post: #18
Title: Re: كـــــرهتونا..... المنبـــــر....زاتــو
Author: kamalabas
Date: 03-01-2004, 00:11 AM
Parent: #1
الله يجازي محنك يا سيجيمان يا أخوي ... كدي حصلنا
بالمر وعشوشة باقي مغروضين فيهم بالحيل الايام دي
في المنبر دا ...
كمال
|
Post: #22
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:26 AM
Parent: #18
كمال عباس
عشوشة معاكم بي غادي
والمر... تراهو يطمّش..ويتلفت.. في الامارات
|
Post: #24
Title: Re: كـــــرهتونا..... المنبـــــر....زاتــو
Author: shak
Date: 03-01-2004, 00:33 AM
Parent: #22
وقبضناك يا سجيمان .. انت اذن من زمن ناس ابوى القرو
معيزتى اليفة وديعة لطيفة
تجود لى باللبن وهى معى فى سكنى
وزمن طه القرشى فى السمتشفى
والعصفور فى العود
وسمعود ذبح الخروف
والخروف ذبح مسعود والعصفور فوق العود وابوك موجود
وزمن
وزمن الرجل الطيب والرجل الكعب
وخرتاية الكتب وبرى الاقلام بقزازة مكسورة كفاك ولا ازيدك
شاك
|
Post: #25
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:40 AM
Parent: #24
شاك
ابوك قرا دا كلو؟..وانت حافضو؟..ما شاء الله
لكن| Quote: وزمن طه القرشى فى السمتشفى |
دا انا ما حاضرو... لكن موتو بتذكرو رهاب رهاب
|
Post: #23
Title: Re: كـــــرهتونا..... المنبـــــر....زاتــو
Author: عشة بت فاطنة
Date: 03-01-2004, 00:31 AM
Parent: #18
سجيمان انتي الشلاقة ليك شنوتتحاوم وما تصنقر في بوستك دا الطوب براهو بجييك وتلزم الجابرة امكن تجيك طوبة واحدة ولا اتنين لكن الكراع البتمرق بتجيب البلاوي اها صلحت المثل عشان ما تجيني طوبة
|
Post: #26
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 00:49 AM
Parent: #23
| Quote: سجيمان انتي الشلاقة ليك شنوتتحاوم وما تصنقر في بوستك دا |
تقولي شنو يا عشة اختي? ... اضانك طرشا..... شقاوة بس
|
Post: #27
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 06:03 AM
Parent: #1
نرفعو عشان وردية الصباح بدات
|
Post: #28
Title: Re: كـــــرهتونا..... المنبـــــر....زاتــو
Author: بت قضيم
Date: 03-01-2004, 07:32 AM
Parent: #1
لوووووووووول يا سجيمان
يديك العافية يا ابوي
وخلي الشلاقة وامسك خشمك ده خصوصا لو انت احوص لانك بتتعور
صدقني جد
|
Post: #29
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 10:54 AM
Parent: #28
بت قضيم
| Quote: وخلي الشلاقة وامسك خشمك ده خصوصا لو انت احوص لانك بتتعور |
ماني خايف اتعور..... علا الحوص شن دخلو في النضم؟
|
Post: #36
Title: Re: كـــــرهتونا..... المنبـــــر....زاتــو
Author: المسافر
Date: 03-01-2004, 12:08 PM
Parent: #29
زولتي رباكي الحبوبة
طربنش مظربن راسه قوبة
|
Post: #30
Title: Re: كـــــرهتونا..... المنبـــــر....زاتــو
Author: بت قضيم
Date: 03-01-2004, 11:15 AM
Parent: #1
لأنه حوص وعورة عين بتبقى الحالة صعبة شديد
شان كده أنا بغمتوا في قلبي وبنطم ومرات بقررررررب اطرشق
|
Post: #32
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 11:40 AM
Parent: #30
بت قضيم
اووووعك من الغمت... بي يجيب خبرك
|
Post: #31
Title: Re: كـــــرهتونا..... المنبـــــر....زاتــو
Author: ودقاسم
Date: 03-01-2004, 11:32 AM
Parent: #1
ظاهرة سجيمان .... يفلق ويداوي
تطويع لغة الشايقية لإطفاء نيران الكراهية ... بعد إشعالها ..
تكتب بوست بالعنوان ده ، وللا أكتبو أنا ؟
|
Post: #33
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 11:43 AM
Parent: #31
اكتبو انت يا ود قاسم.....انت متخصص في الظواهر الطبيعية والغير طبيعية
والغير طبيعية دي يا ودقاسم..... الله يكسرني حتة حتة ويدقشني كلب من كلاب حواء كلاب....قاصد بها روحي
|
Post: #39
Title: Re: كـــــرهتونا..... المنبـــــر....زاتــو
Author: hanouf56
Date: 03-01-2004, 12:34 PM
Parent: #33
LOOOOOOOOOOOOOOOOOOOOOOOOOOOOOOOOOOOOL
بوست جميل حقيقى وفيه خفة دم مبالغة فيه ..
محمد
|
Post: #48
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 06:25 PM
Parent: #39
محمد
الله يجبر بي خاترك....وان شاء الله ما
looooooooooooooooooooooooooooooooooool
عليك عدو
|
Post: #34
Title: Re: كـــــرهتونا..... المنبـــــر....زاتــو
Author: بت قضيم
Date: 03-01-2004, 11:51 AM
Parent: #1
هاهاهاهاهاهاها
يجازي محنك يا سجيمان
|
Post: #35
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 12:04 PM
Parent: #34
بت قضيم
ومحنك
يا رتوبة انتي
|
Post: #37
Title: Re: كـــــرهتونا..... المنبـــــر....زاتــو
Author: المسافر
Date: 03-01-2004, 12:27 PM
Parent: #35
يا سجيمان
إليك قصيدة من السهل المتفهم على شانا
بنزورك يوم
بنجيك نتفسح،،
نركب اللواري ونعدي بالصواري
قالوا السمح بهناك
قالوا الجميل معاك
بنمشي للبنادر
ونخليها دي البنابر
الشاي والمقاهي
وشويتين تسالي
والفول والجرجير
نقوم نجيك طوالي
كتر المخالي
سمك سمك
طعمية وعيش
اسكت ساكت عيش
قطع التبش
ياسمارة
تعال غني لي
غني لينا كلام
قول دايرين سلام
سلام ياناس البنادر
|
Post: #45
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 06:03 PM
Parent: #37
المسافر
قصيدة ممتازة...وخصوصا موزونة... علي بحر... ابيض
|
Post: #38
Title: Re: كـــــرهتونا..... المنبـــــر....زاتــو
Author: بت قضيم
Date: 03-01-2004, 12:30 PM
Parent: #1
امشششششششششسسسس
|
Post: #40
Title: Re: كـــــرهتونا..... المنبـــــر....زاتــو
Author: tariq
Date: 03-01-2004, 01:21 PM
Parent: #1
اخي فى السجامة ،
بالله شوف القائمة بتاعتكم دى انا فيها و لا لا ؟
وبمناسبة مقالك اهديك المقال التالي ( اتصرف معاها )
حصلت لأبي علقمة النحوي علة، فدخل عليه أعين الطبيب يعوده. فقال: ما تجد ? قال: أكلت من لحوم هذه الجوازل، فطسئت طسأة، فأصابني وجع ما بين الوابلة إلى دأية العنق، فما زال يزيد وينمى حتى خالط الخلب والشراسف، فما ترى ? قال: خذ خربقاً وسلفقاً وشبرقاً فزهزقه وزقزقه واغسله بماء روث واشربه فقال: ما تقول ? فقال: وصفت لي من الداء ما لا أعرف، فوصفت لك من الدواء ما لا تعرف. قال: ويحك فما أفهمتني. قال: لعن الله اقلنا إفهاماً لصاحبه
وقال رجل اسمه عمر لعلي بن سليمان الأخفش: علمني مسألةً من النحو ? قال: تعلم أن اسمك لا ينصرف. فأتاه يوماً وهو على شغل. فقال: من بالباب. قال: عمر. قال: عمر اليوم ينصرف. قال: أوليس قد زعمت أنه لا ينصرف ? قال: ذاك إذا كان معرفة وهو الآن نكرة !
قال أبو العبر: قال لي أبو العباس أحمد بن يحيى ثعلب: الظبي معرفة أو نكرة ? فقلت: إن كان مشوياً على المائدة فمعرفة، وإن كان في الصحراء فهو نكرة. فقال: ما في الدنيا أعرف منك بالنحو.
قال أبو علقمة النحوي لجارية كان يهواها: يا خريدة؛ أخالك عروباً، فما بالنا نمقك وتشنئينا ? فقال: ما رأيت أحداً يحب أحداً ويشتمه سواك.
الخريدة: الناعمة اللينة، والعروبة: المتحببة إلى زوجها والمقة: المحبة.
|
Post: #46
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 06:15 PM
Parent: #40
طارق
| Quote: والعروبة: المتحببة إلى زوجها |
والعرب ديل هنا عندهم نادي رياضي اسمو العروبة....وبيشيلو فيهو حديد كمان.... قادر الله
اعرب اخاك ظالما او مظلوما...... بس اوعى تطلعو مفعول به
|
Post: #41
Title: Re: كـــــرهتونا..... المنبـــــر....زاتــو
Author: ali othman
Date: 03-01-2004, 01:29 PM
Parent: #1
ياظــــــــــ
|
Post: #42
Title: Re: كـــــرهتونا..... المنبـــــر....زاتــو
Author: ali othman
Date: 03-01-2004, 01:30 PM
Parent: #1
ـــــــــريف
زيد عليك الله ومتعنا ونسينا
|
Post: #47
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 06:20 PM
Parent: #42
علي عثمان
حبابك
|
Post: #43
Title: Re: كـــــرهتونا..... المنبـــــر....زاتــو
Author: ود العجمى
Date: 03-01-2004, 01:36 PM
Parent: #1
.... واقول يا سجيمان باقي لي انت قاعد لك وسط ناس عجم....او انت يا سجيمان زول طربنش...
سجيمان
تقصد شنو بى قاعد وسط ناس عجم... دى
ارعى بى قيد يا سجيمان العجم مالهم ؟؟؟
|
Post: #49
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 06:43 PM
Parent: #43
ود العجمي
العجم...مو ...اخير من البكم؟
|
Post: #44
Title: Re: كـــــرهتونا..... المنبـــــر....زاتــو
Author: yasiko
Date: 03-01-2004, 04:05 PM
Parent: #1
Quote: سجيمان
تقصد شنو بى قاعد وسط ناس عجم... دى
ارعى بى قيد يا سجيمان العجم مالهم ؟؟؟ |
ود العجمي
"دي المصيبة ذاتا انو يتلمو العجم والسجم في محل واحد"
شكرا يا سيجيمان
|
Post: #50
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 06:47 PM
Parent: #44
ياسيكو
انا اعترف بالسجمنة..... لكن البيخلي التانين يعترفو بالعجمنة شنو؟
|
Post: #55
Title: Re: كـــــرهتونا..... المنبـــــر....زاتــو
Author: ود العجمى
Date: 03-01-2004, 08:30 PM
Parent: #50
ياسيكو
وسجيمان
اخير العجمى ولا النصو عربى ونصو زنجى
ولا طال بلح الشام ولا لقى عنب اليمن
ما علينا
سجيمان
والله كلام عين العقل
البورد بقى امسخ من طعم الحمى فى الريق
تسلم
|
Post: #56
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 08:36 PM
Parent: #55
ود العجمي
الله يسلمك..... تاقي الباب
|
Post: #51
Title: Re: كـــــرهتونا..... المنبـــــر....زاتــو
Author: Tabaldina
Date: 03-01-2004, 07:15 PM
Parent: #1
..
.
سلام يا طارق
انت الكلام الكبار كبار دا لفحتو من ووين ؟؟؟
والله البورداب ديل بقوا لفاحين ..
بس بالله البلاغه دى سجيمان دا بفهمها ليك ..
وقال رجل اسمه عمر لعلي بن سليمان الأخفش: علمني مسألةً من النحو ? قال: تعلم أن اسمك لا ينصرف. فأتاه يوماً وهو على شغل. فقال: من بالباب. قال: عمر. قال: عمر اليوم ينصرف. قال: أوليس قد زعمت أنه لا ينصرف ? قال: ذاك إذا كان معرفة وهو الآن نكرة !
الاخفش دى ذكرتنى الظلاميين وبالتالي = خفافيش وانا شايف اساسي
دا اكبر خفاش فى النيمه دى ..
|
Post: #52
Title: Re: كـــــرهتونا..... المنبـــــر....زاتــو
Author: ملكة سبأ
Date: 03-01-2004, 07:54 PM
Parent: #51
وبشيل دفتر العيادة وازوق
في ذمتك ياسجيمان بالعلك كم كورس سلفة
|
Post: #54
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 08:21 PM
Parent: #52
ملكة سبأ
Quote:
في ذمتك ياسجيمان بالعلك كم كورس سلفة |
انا ما كنت ببلع السلفة...كنت بجيبا لي امي اصلها كانت بتريدا ريدة شديدة.... السلفة والجردقة....ولما اجيب لها سلفا كانت تدعي لي.. انشاء الله يا سجيمان ولدي باكر تكبر وتشتغل غفير في الستيبايلة...والنهار كلو تنهر في النسوان..والمغرب تجيني وانت شايلك شوالين سلفا......
شفتي الهنا دا؟
|
Post: #53
Title: Re: كـــــرهتونا..... المنبـــــر....زاتــو
Author: سجيمان
Date: 03-01-2004, 08:12 PM
Parent: #51
تبلدينا
بلاغةافهما ساكت....... انا اكبر بلاغ...ومبالغ....
مبااااااااااالغة لكن يا توم وجيري.... تساككو لي في نص الحوش؟
|
|
|