البابور جاز خلي .. يشتغل.. الشغل بالجاز

دي غنية زمان...كانو بيغنوها للعروس.... ولي حسي انا ما عرفت البابور جاز القاصدنو دا شنو... علا خمنت...اتذكرتها وانا قريت كلام راغب علامة وانو السودانيات شينات....اتذكرت الغنية واتذكرت رقيص عروس معينة كانت صلاتي علي النبي مكملة من كل شي.... والعريس هايش ويبشر...ومبسوط.... والبابور جاز شغال شغل شديد.... كنت بستغرب البابور جاز دا بعد الرهزيبة والنهزيبة دي ما يتملص يقع ليه؟....وقلت سبحان الله مثبت البابور جاز بالرغم من درجة الاهتزاز العالية دي....الممكن تصل الي عشرة درجات بمقياس رختر
....المهم... قلت غالب علامة دا زول ما عندو نظر....وعلي اليمين بابور جاز واحد من بوابيرنا يجيب عشرة من بوابير لبنان.... وهم عندهم نسوان؟... الواحدة تعاين لها من ورا ومن قدام كلو واحد....معصعصات مبشتنات.....كملانات من لحم الدنيا...ثم بعد ذلك عويرات...
راغب علامة.. انت ما شفت نسرين سوركتي؟.... ان رسلناها لكم ومشت جنوب لبنان.... بعيونا ساكت تحررو لكم.....وتقول لي ناس حزب الله... زحو غادي.....وان وقفت وعاينت علي اسرائيل علا اسرائيل بي ناسا.... ترحل..... لكن ناس قناة النيل الازرق ما مخلنها تظهر.... كل شهر مرة.....نسرين عينة.. والزيها كتار..... علا محفوضات في بيوتن.. وما لاقيات فرصة علي السهلة... انشاء الله يا راغب.... وشحت الله.... تبقى ستونا سمعت بي نضمك دا.. وتمشي مصر وتلم فيك في شارع الهرم....وتمسكك تضرب بك الدلجة... وتخنقك.... وتقعد فوقك وتغني وترقص... البابور جاز خلي اليشتغل والشغل بالجاز خلي اليشتغل... عشان ترضرض.. عضامك... وستونا كان خنقتك ان ما هنق حمار الخلا ما تفكك... وحمار الخلا يا راغب اخوي....بيهنق كل اربعة سنوات مرة....يعني انت مخنوق وبابور الجاز شغال لي اربعة سنوات...مع الضمان

..
.
خمنت شنو ؟؟؟

Loooooooooool@بستغرب البابور جاز دا بعد الرهزيبة والنهزيبة دي ما يتملص يقع ليه؟..

والله العظيم مباالغة يا سى جى
ياخى يا زول انت ما نصيح قطعت نفسنا ضحكا ولولوتاً

الله يقطع شيطانك وغربتك دى ويرجعك سالم امن وبس عشان
خاطر بوابير الجاز ..

بجيك والله انكمل ضحكى دا

تبلدينا

انا ما داير لي بوابير جاز كان رجعت اهلي

انا عيني حمرا علي بوابير تانية

سجمان , كيف حالك ؟
شكلو كده رلغب علامة سمع كلامك ده , لانى بعد ما قريت كلامك ده مشيت على واحد من المواقع العربية و لقيت الكلام ده
اها اقرا
{رولا نصر من بيروت: تفاجأ الجمهور العربي بتصريحات نشرت حديثاً، ونسبت إلى الفنان راغب علامة يقول فيها أن أقبح السيدات هن النساء السودانيات. الحوار نشر في إحدى الصحف الخليجية، ونقلته عدة مواقع عبر شبكة الإنترنت لينتقل الخبر بسرعة البرق إلى كافة أنحاء العالم. "إيلاف" أجرت إتصالاً هاتفياً مع الفنان راغب علامة الذي استنكر بشدة هذه التصاريح التي لا أساس لها من الصحة، وقال أن الهدف الوحيد من تأليفها هو تشويه سمعته، واستغرب قائلاً: هل يمكن لعاقل أن يصدق أنني قد أدلي بهكذا تصريح؟. أما مدير أعمال الفنان راغب، وشقيقه خضر، فقد أوضح لـ "إيلاف" أن التصريح المنشور لراغب خطير ومؤذٍ، وهو لن يكتفي بالنفي فقط، بل قد يوصل الأمر إلى القضاء، لأن كرامات الناس وسمعتهم ليست لعبة بين أيدي أصحاب الأقلام الصفراء. }

يا اخوى ود الناس ده ما بقدر على ستونه دى

انت سمارت2001


يا زول نحن ما بنقبل اعتذارو...وستونا خانقاهو يعني خانقاهو

رجا


شكرا للمتاوقة

..
.
ما دام يا دوكى جبت سيرة ستونا
واكيد دا الشافها راغب علامة
بس عليك الله اللستر المركباهو دا بقارن بجنريتر ليليان؟؟

نرجع للجــّد ..
بما انو دا اسبوع حرب الجندر اكثر من انه اسبوع المشاكل
بس النظرة القديمة للمواصفات او ما تود المراة ان تكون عليه
هو ( حجم البابور) الا اننى ارى فى السنوات الاخيرة قد بدأت
هذا الاهتمام الانثوى وايضأ الاهتمام الذكورى _ المتخلف جنسياً- كما
وصف فى عدد من المداخلات قد تغير وصار القوم ( الاستايل) او الجندر الانثوى لقبيلة راغب علامة هو السائد ؟؟
هل ترى سبباً معينا لتغير هذه النظرة البابورية ؟؟

بجيك ..

..
.
سلام تانى
والله يا اسمارت ريحتنى انا كنت بفتش فى اسم رولا دا ؟؟
لمن حسيت بخنقه ونفس انقطع من شنو يا رب ؟؟


سلام
سج يا مان .. جاييك تالت
بالله كتر من القفشات والتخريمات بتخخف علينا
الغربة وحاجات تانية حاميانى ..

دمت وعلى الضحكاية على .. مش كدا ؟؟

حمار الخلا يهنق دي بالغت فيها يا سجيمان

لكن انت يا زول ما طلعت عوضابي عديل كده

وانحنا كنا قايلينك ود مدن

عباس زول مدن شنو يا زول...... اول مرة اسافر مدينة... قرمشت التلج جابت لوز وحمى دايرة تقتلني

يا سجيمان
كنا نفتش عن اي موضوع
لسجيمان
وكان هذا الموضوع
المضحك حتى الثمالة
تحياتي

ود احمد... الشكر لك.... ولي طلتك علينا

اها يا سيجمان
كان جرجروك في قضية ارهاب وحقوق انسان شيل شيلتك
الجنا خاف عديييل ونكرها الضحى الاعلى
وقال فيها محاكم وبواليس
عقب شوفولنا الخال يجى يحلحلنا من هنا
وانا برررررره

ملكة سبأ

انا غايتو ما سمعتو بي اضاني .... لكن بيكون قال النضم دا... والما فيها شق ما بتقول طق

سجيمان اخوى

باقى الدنيا عندى مضلمة ضلام شديييييييد...دحين مابلقى لى عندك بابور زايد.

عثمان


غايتو علا كان تنظر لحدي ما ستونا تنتهي من المهمة الانتحارية دي

سجيمان اخوى
نحن ما طلعنا من الكديسة يجينا البابور جاز
الله يفرحك من الضحك الضحكناه الليله ، غايتوا
ادفع نص عمرى واشوف خنقتك يا راغب علامة واشوف
علامة ستونة فيك قدر الضريب شقاق العناقريب 0
قولوا آمين 0
( آميييييييييين )
امال
ام وضاح

ام وضاح


بعد خنقة ستونة...... انتي قايلة تاني بي تفضل فيهو شي تشوفيها؟..... ابدا وحاتك

سجيمان اخوى الدول ده قالوا اعتدر بهناك لكن لابد من البابور جاز

هاهاهها

انور

انت قايل.... تشغيل البابور جاز... زي وقيفو.... ما ممكن يشتغل في الفاضي...نضمك صُح

رايك شنو فى المسمار الانكسر دا....

سيجي اريتو بابورك بابور السرور ، واعمل حسابك من مجروس كان سمعت كلامك دا وفهمتو بالحولا اياك الرايح فيها

مجروس.... ماني جايب سيرتا تب.... علا والله تنفع تخنق راغب دا

والله مخير عاد ، مجروس شن شغلت بالحلب انا خايفة عليك وتكون شهيد مجروس اعمل حسابك تاني البضحكنا منو يا زول روق ف ي علبك وبطل المتاوقة بناس دش مجروس

عشة

شيلتيني هم حسي.....الخنق يا بت الناس قلنا لي راغب مو لي انا....انا ماقلت السودانيات شينات.... مجروس تعفصني فوق كم؟

سجيمان

رهيب زي العاده لكن بس ستونه دي ما تكون حرم صاحبكم
الفي سودان نت دي تبقى مصيبه غايتو قول لي راغب الاحول ده
بختك ستونه بتصلح ليك الحوله ولا حوله... ولا قوة الا بالله

هههههههههههههههههه
ود الشيخ.... دي اسما ستونا حاف ساكت.... ديك ما اظنها اسما حاف...


دي اسمها ستوناواختا سبعونا... امها زقلونا...وابوها خنقونا.... ما يطلع واحد قريبا هنا ويقول لي تلاتونا ما غالتونا

..
.
سلام يا سجي

بمناسبة يوم المراة العالمي والمساواة والحريات والحقوق
المدنية والعسكرية قلت ارجع للبوست الفكاهي دا بس دا ما السبب
السبب الوريقات البدسوها تحت الباب وكلها تحمل مضمون ان هذا البوست به شئ من عدم الحياء .. اتخيل مش كدا وبس ضحكنا فى
تعبير الرهزيبة والنهزيبة الما خلتو يتملص دى جابت ليها كلام ..
وبصراحة انا ما اديت المسالة اعتبار الا لمن جيت راجع ولقيت بعض
المداخلات التى قرأتها لحظة نشر الموضوع تم حذفها يعنى في ناس راجعت نفسها ولقت تعليفها هنا يمكن يختها موقع مسألة او فى حته ضيقة .. واعتقد ان الانسات اخذن الموضوع بنوع من الحياء الجميل الذى يزينهن رغم ان الموضوع عادى وطبيعى اما السيدات تناولن الموضوع بنوع من الفكاهة باعتبار انو فى النهاية نقد فكاهي طريف
ولذا ارتأيت ان اعلق هنا على الهواء مباشرة بدل الورق البدسوهو تحت الابواب دا ؟
حقيقة انا شخصيا انظر للموضوع - رغم اطاره الفكاهي - يتتناول مسألة اغانى البنات ورقيص العروس كنوع من التراث والفلكلور السودانى واحدى العادات التى تمارس فى الافراح وقد الذى سبق ان نقشت هنا بين مؤيد ومعار ض وما تضمنه الحركات التى تقوم بها بجسدها حتى اصبح بابور جاز ..
ايضا مسألة جمال المراة ( قوامها) وذلك من ضمن الاتهامات التى سيقت لراغب علامة وانكرها فى احد القنوات الفضائية .
ولكن .. اطرح اسئلة بكل جراءة
هل مسألة التعرض لقوام المراة وتحديدا ( الجزع) ولا داع لذكر الكلمة الدارجية هل هذه تسبب نوعا من عدم الحياء ؟؟
هل هذا الوصف الفكاهي لرقيص العروس واهتزازها يكون سبباً للشعور
بالخجل والحياء وحذف مجرد تعليق ؟؟
ان لم ترفع المراة صوتها وتعبر عن رأيها بكل صراحة حتى وان حدش الموضوع حياء بعضهن فمتى تنادى بمكتسباتها وترفض ما تراه مشينا
فى بقية المجالس والواقع ؟؟
هل مسالة وصف قوام المراة وما تمارسه من طقوس اثناء رقيص العرس
يسبب كل هذا الضيق ويصبح خدشاً للحياء وانسحابا من التعليق؟؟
ما رأيكن فى شعرائنا الذين وصفو جداتنا وامهاتنا فى اغنيات واشعار
متعدة زى :
عشقت شادن عيونو ساحره وقوامو لادن
كأنو زهرة ..
او مثل
فريع البان البسيح نديان
الله يا سلام
هل اغنيات الحقيبة والاغنيات الشعبية مثل البابور جاز تعتبر تعبيرا
فاضحاً يجب الهروب منه بل عدم التعليق جهارا بل فى صمت ؟؟

حقيقة افتقد الاستاذه / تسنيم فهى اقدر منى فى تناولالموضوع واندهش
لهذه المراة التى تحتفل بعيدها ولا لا زالت تفتقد الجراءة وعدم القدرة للتعبير او مناقشة مثل هذه الامور فى حين اسمع صوتها عاليا فى امر اخرى اقل شأنا ..

شكرا ليك يا سجيمان لتناولك امورا حساسة فى اطار فطاهى ويا ليت يتم تناول ما ترمى اليه بنقاش مستفيض وليس كمجرد قفشات وضحكات


ليك التحية وللمراة فى عيدها
والقومة للوطن ..

سلام
بالله يا سجى لو الموضوع ما مترابط صلحه اننى فى عجاله ..

يا سجيمان
البوابير العينك عليها دي أظنك لحقتها و دورت بيك
already
!!!
لكن البوابير الزمان كانو بخلوها تشتغل ما حسع مدورة
أمشي شوف بيونسه و لا شاكيرا و لا JLo
عشان تآمن انو السودانيات كان لهن السبق فيما هو الآن
الفوكص الاول في جسد حواء.
لكن شاكيرا على فكرة من أصل لبناني. ف خم و صر
مصطفى مدثر

مصطفى مدثر


والله لا في بابور مدورة ولاحاجة...وحليل زمن البوابير البي تدور الدغش والمغيريب........ شاكيرا؟..... اريتو اسم اليابا والتابا

تبلدينا

تشكر يا راقي

كلو كوم...والوريقات البي تحت الباب كوم؟؟؟

Quote: كلو كوم...والوريقات البي تحت الباب كوم؟؟؟

سيجيمان..
الواضح ما فاضح..
خت ورقك كلو في التربيزة وبلاش حركات تحت الباب دي ..

والله يا سي جي الواحد بقي يخرم لي كلامك
ويظهر إننا محتاجين لي فرع من رأس الشيطان هنا
وغايتو أنا صوتي من أسه أديتك ليهو في الإنتخابات الجاية
سجيمان رمز الضحكة الصافية.
ونفسي نفسي أشوف نسرين سوركتي

خالد

ناس تلفزيون النيل الازرق حسدونا في شوف العين.....والايام دي قتدننا بي سعد الله....موقف اضنيهو

سلامات يا د. سجيمان

ابدعته في وصف الخنقة بجد
تسلم
ويسلم قلمك المبهج