|
عــــريـس الهنــــا
|
جينا من عرس اخت ام الخير...انا فتران فتر شديد ومتمني متين اصل العنقريب.... دخلتنا البيت وما رقدت في العنقريب عديل علا القى ام الخير واقفة عند راسي وتبكي... اتخلعت وقمت صنقرت..... لا حول الله يا ام الخير مالك؟... برضو تبكي وتقول الليلة يا صفية اختي يا المابتستاهلي... يعرسوكي لي دا الزول....الليلة يا صفية انتي كدي سمحة..ويشيلوكي ويجدعوكي فنن من كراعك......عليك الرسول يا سجيمان شفت شناة العريس دا؟..... قلت لها والله يا ام الخير انا ماشفت اي حاجة.... ابوكي من قلت السلام عليكم ماسكني نضم...ويشكي من امك لحدي ما الحفلة انتهت...... العريس مالو؟..... قالت وهي تبكي والدموع نازلات اربعه اربعه.....يا سجيمان انا اول ما شفتو ... شفتو من ضهرو من قفاهو..... واتهجمت يا سجيمان...قلت يا ربي الزول دا عندو اربعة اضنين....وقربت منو وقربت...وانا اعاين لي قفاهو...لقيت عندو اضانين يا ربي لك الحمد علا الاتنين التانين الشفتهن بي ورا ديل..... ديل اتاريهن طرف نخريهو..... نخريهو يا سجيمان ماليات وشيهو لمن دفقن.....غايتو يا صفية اختي قسمتك مسكينة ....ويا قول المقالة لو مكتوب لك ابنخرين لابد تراهو العين... سكتنا علي النخرين قلنا دي خلقة ربنا... علا البنطلون يا سجيمان.... البنطلون رابطو في نص بطنو..في الكرش... ناديت عصام اخوي قلت لو امشي صلح لي عريس السجم دا بنطلونو دا ونزلو ليهو تحت شوية.....يمشي عصام... ويصلح لو البنطلون والعريس والعروس ينزلو يرقصو.... وعريسنا الما بيشبه الوليدات دا...ما رقص عديل علا نشوف لك البنطلون ينصل...ويتملص ويجي في ركبو...وهو في رقيصو.. وقدر ما في مرا... قبلت غادي.... عاد الليلة فضيحتنا فضيحة....وهو المسجم المرمد ما جايب خبر...لحقو عصام ووقفو وقعد يرفع في البنطلون... العريس حلف ما يلم كرعيهو علي بعضن عشان يرفع البنطلون حتين يا الله ويا امين....لملم كرعيهو....ويا سجيمان...الجبهه ناطه من الراس مترين وملصقات فيها عيون....غايتو اول مرة اشوف لي زول عينو مركبات في السقف......وطول ماهو قاعد في الكوشة جنب العروس فاتح خشمو... و يعاين للعروس...داير ياكللا....ودخل اخواني ديل وحات الله في ضفورون من المعاينة الللعروس الليلة يا حليلك يا صفية اختي يا البتشبهي العنبة ........... يا العرسوكي لي دي ...........الحطبة خليتا تبكي في بكاها ومشيت براحة علي مراية الدولاب وقعدت اعاين لي نفسي......وبيني وبين نفسي قلت اظنها ام بله اخت ام الخير الكبيرة يوم شافتني وانا عريس... تكون ادمست...وملت راسا واطا.....وتقلِد مرا مرا وتجعر.....
رجعت قلت لها يا ام الخير استغفري واسكتي.... اصلكم انتو عائلة ربنا قاعد يختبر ايمانكم بالناس الشينين......وماجورين ان شاء اله
|
|
|
|
|
|
|
|
Re: عــــريـس الهنــــا (Re: سجيمان)
|
ربنا يجبر كسر ام الخير في عريس اختها يا سجيمان اخوي
وبنقول للعروس الجاتك في شناتو استحمليها عاد
لكن قلت لي عيونو مركبات في راسو اركيب ضفدعه هو ولا مورس لو بتزكر المورس الانجليزي الزمان كان عربيات الحكومه في زمن الازهري
| |
|
|
|
|
|
|
Re: عــــريـس الهنــــا (Re: دورنقاس)
|
Quote: رجعت قلت لها يا ام الخير استغفري واسكتي.... اصلكم انتو عائلة ربنا قاعد يختبر ايمانكم بالناس الشينين......وماجورين ان شاء الله |
اسمع ماعندهم اخت فاضله نختبر بيها باقي ايمانهم؟
| |
|
|
|
|
|
|
Re: عــــريـس الهنــــا (Re: HOPEFUL)
|
هوبفل
Quote:
اسمع ماعندهم اخت فاضله نختبر بيها باقي ايمانهم؟ |
غايتو ان بقت الصور البتنزلا في البورد دي صورك...... نوعك السمح دا ما بينفع معانا .....لو وزنا دهب
| |
|
|
|
|
|
|
Re: عــــريـس الهنــــا (Re: دورنقاس)
|
سي جي الرجل الحديقة
غايتو من وصفك للعريس فعلا هو شين و لله في خلقه شئون. بس أموت و أعرف الزول دة مبنج بي شنو لدرجة إنو ما يحس بالبنطلون وكت ينصل لغاية الركب. قلت لى ( مفشق ) كرعيهو و ما داير يضمهن تب ؟ جاي مبرمج يا سي جي عديلك دة
| |
|
|
|
|
|
|
Re: عــــريـس الهنــــا (Re: دورنقاس)
|
دورنقاس
تعرف احسن حاجة انو الزول حيتعود علي الزول المعاهو بمرور الزمن...وام الخير لو سالوها رايا في سجيملن حتقول اريتو راجل البنيات لي حدهن...... شفت الحسادة ي؟
| |
|
|
|
|
|
|
Re: عــــريـس الهنــــا (Re: سجيمان)
|
Quote: يا سجيمان انا اول ما شفتو ... شفتو من ضهرو من قفاهو..... واتهجمت يا سجيمان...قلت يا ربي الزول دا عندو اربعة اضنين....وقربت منو وقربت...وانا اعاين لي قفاهو...لقيت عندو اضانين يا ربي لك الحمد علا الاتنين التانين الشفتهن بي ورا ديل..... ديل اتاريهن طرف نخريهو..... |
من البداية ماشافوهو ؟ كانو قاطعنو في كرتلة ولا شنو ؟
| |
|
|
|
|
|
|
Re: عــــريـس الهنــــا (Re: ali othman)
|
د: سى جى
عندنا صاحبنا جا راجع من عرس آخر الليل ،امه قامت صحت بيهو وسألته اها العرس كان كيف؟ قام رد والله عرس ما بطال لكن كان شفتى العريس شين شنا والمصيبة التانية إنوإسمه شعيب كمان .
| |
|
|
|
|
|
|
Re: عــــريـس الهنــــا (Re: ترهاقا)
|
ترهاقا
Quote: والله عرس ما بطال لكن كان شفتى العريس شين شنا والمصيبة التانية إنوإسمه شعيب كمان . |
غايتو الله يقدرني خشمي لكن اسم شعيب.....
| |
|
|
|
|
|
|
Re: عــــريـس الهنــــا (Re: ali othman)
|
علي عثمان
Quote:
من البداية ماشافوهو ؟ كانو قاطعنو في كرتلة ولا شنو ؟ |
اختو صاحبة صفية..... وهو جاي من بلاد برا.... قبلُن وحدُن وبراهم ناس بلاد برا..... اليصبحو ويمسو بالزول دا...
| |
|
|
|
|
|
|
Re: عــــريـس الهنــــا (Re: سجيمان)
|
اها بختك يا سجيمان....جاك العديل..... العديل ودغرى
وده طبعا واثق من نفسو..اهو مرسل ليكم صورتو كمان.
يعنى ما بطيخه مقفوله...كمان خلى ام الخير التطلع فيه كلام
شايفنكم تشكو... قلنا نبركم ونحسن ليكم النسل بى كبسيبه
ده مع انو المكسرات فيه ماشويه..باسكال مشعلان...نانسى عجرم
ونشوى الروينى ودى الواسطه بتاعته نجوى كرم.
لكن قررنا انا وامه ما نخلى يطلع بره ابدا.،،،،
ابو كبسيبه وامه،،،،،،،،
| |
|
|
|
|
|
|
Re: عــــريـس الهنــــا (Re: صديق الموج)
|
الجميل سيجيمان،والهي احلي حاجةفي البورد دا مشاهدتك بدون دفع قروش،طبعا الواحد فينا راسم ليك شكل اسكت ساي بس، ياخي والله ضحكتنا العزيز ترهاقا،تصور نفس الموقف دا قبال كدا حصل لي،لكين العريس ما كان اسمو شعيب اعذب التحايا
| |
|
|
|
|
|
|
Re: عــــريـس الهنــــا (Re: manubia)
|
مانوبيا
Quote: الجميل سيجيمان،والهي احلي حاجةفي البورد دا مشاهدتك بدون دفع قروش،طبعا الواحد فينا راسم ليك شكل اسكت ساي بس |
مهما اتخليت ما حتتوقع.... انا غايتو يصابحني العدو
| |
|
|
|
|
|
|
Re: عــــريـس الهنــــا (Re: Tabaldina)
|
التحية لسجيم (مان) لكن جعير أم الخير خليه بكرة البن بتفقد في الدكاكين والقطيعة فوق الجبنة كلها فوق ام الخير واخواتها حلاتن ام الخير واخواتها علا ما هن محظوظات أبوهن جدعهن فنننننننننن كياً فوق أمهم ونقنقتها الفايتة الحد الله يجيب العواقب سليمة
| |
|
|
|
|
|
|
Re: عــــريـس الهنــــا (Re: ترهاقا)
|
ترهاقا
Quote:
العروس شفتوها يوم الصبحية ؟ اوع الراجل ده يكون قضم منها حتة. |
ام الخير هوالا ساكت....... اخواتا العرسن قبالا في زول قضم منهن شي؟
| |
|
|
|
|
|
|
Re: عــــريـس الهنــــا (Re: maia)
|
مايا
Quote:
قدر ما حاولت اتخيل شكل العريس غلبني كلو كلو |
زي دا ما بيتخيلوهو....دا بي يشوفوهو ....مرة واحدة بس وما اكتر من دقيقتين
| |
|
|
|
|
|
|
| |